عرض مشاركة واحدة
  #10  
قديم 09-02-2017, 12:14 PM
محمدالسعيد محمدالسعيد غير متواجد حالياً
مصراوى نشيط
تاريخ التسجيل : Aug 2010
المشاركات : 104
الدولة : مصر
افتراضي رد: الفوز في برج العرب فقط قد يكفي لتأهل مصر إلى كأس العالم


انا اسف انى حقول الكلام المحبط دا لكن دى الحقيقة
المنتخب فى اى معسكر مغلق لدة طويلة زى نهائيات امم افريقيا او كأس القارات بيبقى له شكل تانى
لان اللاعيبة مش شاغلة دماغها الا بحاجة واحدة وهى انهم يرجعوا بالبطولة ودا ظهر فى امم افريقيا الاخيرة ووصلنا للنهائى بالرغم ان اكثر المتفائلين كان بيقول اننا حنخرج من الدور الاول وجت معانا حظ وكدا
اما فى المباريات ال بتحسم صعودنا لاى بطولة دى بتبقى الكارثة لان اللاعيبة بيبقى عندهم شاغلة واحدة بس وهى انهم يبعدوا عن الاصابة علشان زى ما انتوا شايفين الباشا كوبر معتمد على المحترفين خارج مصر اكتر من المحليين ودى كارثة
انت لما تجيب 3 لاعيبة محترفين فى انجلترا وكمان 4 او 5 فى اوروبا واسيا
يبقى فى كام لاعب محلى بيلعب داخل المستطيل الاخضر
ثانيا
كان عندنا فرصة لا تعوض وهى الفوز على اوغندا فى ملعبهم ودا ما كانش صعب
وكلنا شوفنا اللاعيبة كلهم
من اول عبد الشافى لرمضان صبحى لحجازى لكل اللاعيبة بدون استثناء الا الحضرى بصراحة كان مميز جدا فى المباراة
وكمان الحكم كان فى اوقات كتيرة جدا بيحسب لنا كرات مشتركة لصالحنا وكان بيتغاضى عن كرات كتيرة لصالح اوغندا ودا كان واضح جدا
فعايزين اية بعد الفرصة دى
وال ما استغلهاش اللاعيبة ولا المدرب العقيم ال كلنا من ايام امم افريقيا لاخر ماتش بتاع تونس من اسبوعين بنقول مدرب عقيم ووشة نحس ومش فالح غير فى الاعلانات والفتة
احنا منملكش غير الدعاء ان ربنا يخيب ظننا ونصعد لكاس العالم
لكن اتمنى من الاتحاد العقيم بقيادة ابوريدة عديم الشخصية
ان فى كلا الحالات يتم تغيير المدرب دا بمدرب تانى وطنى ويسبوة يشتغل بمزاج
وكلنا لا نختلف على حسام حسن مدرب للمنتخب لان شخصيتة قوية وكمان مبيعملش اى محسوبية لاى لاعب
وربنا معانا ومع المنتخب
والله يرحم ايامك ياجوهرى

رد مع اقتباس