[زياد الاسمر]

بسم الله الرحمن الرحيم
اعزائي رواد منتدي مصراوي سات اقدم لكم موضوع عن تركيب دش مركز لفندق من طراز 5 نجوم تم العمل به في أبراج مكه المكرمه
أولا البرج مكون من 30 طابقا غير الخدمات وعدد الشاشات المستخدمه للدش في الغرف وغيرها ما يقارب 1000 شاشه وعدد القنوات المطلوبه من المالك كان 100 قناه يستحسن كلها تكون HD
مع العلم ان العمل تم بعدد 2 طبق نايل سات وعربسات وكل طبق مثبت عليه عدد 1LNB
ولا يوجد أي ريسيفر داخل المبني بل تم العمل بLG server

وجهاز ANIVIA Storage فقط

ونظرا لبعد الطبق عن غرفه التحكم IT Roomتم استخدام LNB Fiber
لو غرفه IT ROOM قريبه من السطح الفندق ممكن تستخدم عدسه كواترو وتصل مباشر علي السويتش طالما المسافه ما تعدت 20 متر
والعمل كالاتي :
أولا ظبط الطبق علي النايل سات وغيره باستخدام عدسه عاديه ثم تم تركيب بعدها عدسه fiber ودي بتكون الكابل الأصفر هو كابل الاشاره والكابل الأسود ده باور 24 فولت لتشغيل العدسه

بعد كده بتحتاج تحول الفايبر بمديا كونفرتر فايبر الي كالات كواكسيل دش عاديه

وتوصلها علي السويتش العادي وبتكون الكابلات HIGH/H HIGH/V LOW/H LOW/V

وبعد كده بتوصلها علي ANEVIA STORGE غالبا الجهاز بكون فيه اربع كروت وكل كارت عليها اربع مداخل للكابلات كل مدخل بشغل تردد واحد وبالتالي بيكون عندنا 16 تردد بشتغلوا وممكن تزود عدد الSTORGE لو رغبت في تزويد عدد القنوات

بعد كده بتيجي مرحله برمجه الترددات بدخلها في الجهاز وتعمل بحث بينزل كل القنوات بتاعت التردد وبعد ما تنزل كل ال16 تردد بتيجي لصفحه القنوات وبتحط للقنوات اللي انت عايزها IP بيكون متناسق مع شبكه الداتا الداخليه للفندق لانه طبعا كل ده بيشتغل عبر شبكه الداتا الداخليه للفندق

وبعد ما تدخل IP لكل القنوات تبرمج IP للجهاز نفسه وتظبط الوقت وتعمل برمجه كامله للجهاز وبعدين توصله علي الشبكه الداخليه للفندق عن طريق كابل نت
بعد كدة توصل SERVER LG CENTRIC 500وتبرمجه بطريقه الدوس وتحط فيه الايبهات بتاعته علي حسب الشبكه المحليه وتحط فيه STORGE IP اللي انت عملته للجهاز الأول علي يعمل كونكت عليه

وبعد ما تبرمجه هو بيعمل ملف بامتداد جافا علشان بعد كده تقدر تتحكم في القنوات وايه اللي بيتعرض علي الشاشات
من برنامج ال SERVER تقدر ترتب القنوات وتغير أي قناه انت عايزها وتحت قنوات تانيه خاصه بالفندق زي قناه دعائيه للفندق تعرض فيها أي حاجه عن الفندق زي معلومات وكده وتقدر تربط SERVER بالbms خاصه بكل غرفه علشان لو النزيل عايز حاجه معينه



توصيل الشاشات بيتم عن طريق كابل النت فقط وطبعا الشاشات سمارت وكلها من نوع LG علشان تتوافق معSERVERولو عايز شاشات زي سامسونج وغيرها مثلا هاتجيبSERVER سامسونج وهكذا
وبعد كده بتعرف IP للشاشه وتحط فيها اعدادات SERVER وهي بتنزل القنوات اتوماتيك
وكل التحكم هايكون من IT ROOM وطبعا كل شاشه تقدر تغير القنوات بتاعتها براحتك او تتفرج علي أي قناه براحتك ما لها أي تاثير علي أي شاشه تانيه يعني كل نزيل يقدر يتفرج علي اللي هو عايزه من القنوات عن طريق ريموت الشاشه
عدد القنوات اللي بيشلها SERVERهي نفسها عدد القنوات اللي بتشيلها الشاشه حوالي 10000 قناه
السيستم ده راكب عن طريقي في أبراج مكه المكرمه وهو خاص بالفنادق والسيرفر علشان بشتغل لازم تكون معاك رخصه من LG مدفوعه
اكرر لا يوجد أي ريسفير داخل الفندق ومعظم القنوات تعمل بنظام HD
ارجوا في النهايه أكون افدتكم بشئ لا تنسوني من صالح دعائكم اخوكم /عبد المنعم الاسمر

[زياد الاسمر]

صور برمجه الشاشات

[hamadahasan]

شرح والااروع بارك الله فيك اخي الكريم
بالتوفيق دئما