[aiman noor eldein]

المشهد الأول



تألق منذ بداية الموسم الكروى مع ناديه الساحلى ، واستطاع ناديه بفضل هذا التألق أن يدخل المنطقة الدافئة مبكرا ، بل اصبح - ولأول مره منذ زمن بعيد - ينافس على أن يكون بين الكبار فى المربع الذهبى، بدلا من الصراع المعتاد من أجل البقاء فى دورى الأضواء .



مما دفع المعلم حسن شحاته المدير الفنى للمنتخب الوطنى ، الى ضمه الى فائمة المنتخب المشترك فى بطولة كأس الأمم انجولا 2010 ، فصال وجال و أبدع هناك واستطاع - رغم الفترات القليلة التى شارك فيها ، أن يسجل فى كل لقاء يلعبه و يحصل على لقب هداف البطولة ..!!

وقبل السفر الى انجولا، وفى ظلمة اليل الكالح، تم تسريبه من معسكر المنتخب الوطنى ، وتم اللقاء فى احد الفنادق الكبرى ، وكان هذا الحوار :




الكابتن المشاغب : يا محمد احنا عايزينك معانا بداية من الدور التانى .
محمد : ده شيء يشرفنى يا كابتن ، بس انا عقدى مع النادى هينتهى فى 2011 .!
الكوتش : ما لكش دعوه ، سيب الموضوع ده علينا ، احنا نعرف نخلصه ، امضى امضى واتكل على الله ..!!


الاستاذ سعيد

محمد : طيب ممكن اتصل بالاستاذ سعيد ؟!
الكوتش : مين الاستاذ سعيد ده ؟!!
محمد : الاستاذ سعيد جوز بنت خالى ، ده محامى كبير قوى عندنا فى الحوش .!
الكابتن المشاغب ضاحكا : فى الحوش !! طيب بسرعه و النبى معندناش وقت .!
يخرج محمد الموبايل من جيبه
الكوتش ضاحكا : أيه ده ؟!!
محمد : موبايل N 70 بس صينى ، اتنين خط وكارت ميمورى اتنين جيجا ، واتنين كاميرا زووم ، مره وقع منى فى الميه وانا بستحمى... ألخ !!
الكوتش : ماشى ماشى ... خلصنا ؟!
يستأذن محمد ويبتعد قليلا ، ويتصل بمنزل الاستاذ سعيد - على الارضى - لإن المتر سعيد ماعندوش محمول .!


فاطمة بنت الاستاذ ( المتر ) سعيد

ويدور الحوار التالى
فاطمه : آلوووووو ... مين معايا ؟!
محمد : ايوه يا فاطمه .. أنا خالك محمد ، ابوكى عندك ؟!
فاطمه : ايوه يا خالى ، ثانيه هندهولك من على السطح ، طلع يزغط البط ويأكل الأنارب ..!!



محمد : طيب بسرعه وحياة أبوكى .. معيش رصيد كفايه ..!!



ينزل الاستاذ سعيد من على السطح مهرولا ..
الاستاذ سعيد : ايوه يا محمد .. خير ؟!
يقص محمد الموضوع فى عجاله على الاستاذ سعيد ...
الاستاذ سعيد : هيدوك كام يا محمد ؟!
محمد : بيتكلموا فى ارنب دلوقتى ، وأربع أرانب لما الموضوع يخلص .!
الاستاذ سعيد : ماتخليهم يهزوها شويه ؟!
محمد : مش عارف ، أحاول ..دول باين عليهم مرأعين .. على العموم هحاول معاهم وربنا يسهل..!!

يغلق محمد المحمول قبل ما يدخل فى الدقيقه الثانيه ، وينظر الى شاشة المحمول فيجد أن مدة المكالمة لم تتجاوز ال 58 ثانيه ، يتنهد محمد قائلا الحمدلله ، ويتفائل محمد بذلك ويتجه الى التوأم .. ألخ .



وفى عجاله يتم الاتفاق على كل بنود العقد ، ويتفق الطرفان على كتمان الأمر ، حتى يحين الوقت المناسب لإعلانه ، وقبل أن تنتهى المقابلة ، يطلب محمد من الكوتش أن يحول له ( بخمسه جنيه رصيد ) - على أن تخصم الخمسة جنيهات من أول دفعة من قيمة العقد - بدعوى ان رصيده قد نفذ أثناء مكالمة المتر سعيد الهامة التى لم تستغرق سوى 58 ثانية و التى كان لها أعظم الأثر فى انهاء كافة الامور المتعلقة بإبرام العقد ..!!
وينجح التوأم فى الحصول على توقيع اللاعب .! على الرغم من ان اللاعب مقيد فى ناديه وان العقد ممتد الى نهايه موسم 2011 .!!



وإنه وكما هو معلوم لدى الجميع طبقا للفقرة (3) من الماده (18) يجب أن يخطر أى ناد يدخل فى مفاوضات مع لاعب "فى فترة الريبة" أى الستة أشهر الأخيرة فى عقده، إدارة النادى الذى يلعب له هذا اللاعب عن طريق خطاب رسمى . ! الآن الكابتن المشاغب يقود حملة مفادها أن النادى الكبير يمتلك عقود موقع عليها اللاعب ببصمة يده ، وانه وفقا لهذه العقود ( الباطله ) فإن اللاعب من حق النادى .!


المشهد الثانى



الكابتن من كندا : الووووووو .. يا باشمهندس عدلى
الباشمهندس : اهلا يا كابتن حسام
الكابتن : اخبار متعب ايه ؟!
الباشمهندس : والله لغاية دلوقتى متربس دماغه ، ومصمم يسافر .
الكابتن : سيبك منه ، وايه أخبار جدو ؟
الباشمهندس : احنا مستنين نشوف ايه اللى هيرسى مع متعب ، الخطيب هيقعد معاه ، يمكن يخجله ..!!



الكابتن : لا وحياة أبوك ، الوقت مش فى صالحنا و العمليه مش متحمله ، خلص الولد بسرعة ، أديك شايف مستوى الفراوده الوقيع اللى عندنا ..!!
الباشمهندس : بس أنا سامع انه موقع للزمالك ، ومش عايزين نعمل مشاكل مع عباس بيه ، وابراهيم حسن كمان ما هيصدق يلاقى جنازه ويشبع فيها لطم ... ومش هيبطل دوشه ووجع دماغ ..!!

[YOUTUBE]kHdBgYW7zJ0[/YOUTUBE]

وطبعا باقى المشهد معروف للجميع ، مجرد ما يتكلم المهندس عدلى مع الكابتن مصيلحى رئيس نادى الاتحاد واللاعب جدو (الاهلاوى ) ينتهى كل شيء وفى لحظات يصبح جدو فى قائمة النادى الاهلى للموسم القادم .



ولكن لا أحد يعلم يقينا ما هو مصير الخمسة جنيهات ( الرصيد ) التى تفضل الكوتش بتحويلها كسلفه الى الكابتن جدو - ترد عند استلام مقدم العقد - ؟؟ ، وان كان لسان حال الكوتش بالطبع يقول : على جثتى ..!! :


على جثتى ...!!

[اسامه سلام]

ايه دا يا غالى


دا انت تاخد اوسكر بالفيلم ده


دا انت مؤلف بارع يا وديع


ههههههههههههههه

[ابــــــــــومنــــــــــة]

[م/احمد عطية]

هههههههههههههههههههههههههههههههههههههههههههههههههه هههههههههههههههههههههههههههههههههههه

[خالد محمود]

[lastsezer]

جامدة يا باشا
سلمت يمناكـ

[aiman noor eldein]

تكرم خى lastsezer

[فــــــــــرج باشــــــــــا]

احمد رجب مصراوي سات
انت مش ممكن
ممكن نعمل مسلسل ونسميه
سلفني جدو او متسلفنيش

[aiman noor eldein]

المشاركة الأصلية كتبت بواسطة فرج باشا

احمد رجب مصراوي سات
انت مش ممكن
ممكن نعمل مسلسل ونسميه
سلفني جدو او متسلفنيش

سلفنى جدو ... أوعى تسلفنى ستو ..!!



مرورك دائما يسعدنى فرج باشا ..!!

[عماد عطيه]

موضوعك ولا اروع خالص تحياااتى!!!!!!

[ابومحمود]

الله عليك تسلم ايديك

[aiman noor eldein]

الباشمهندس : بس أنا سامع انه موقع للزمالك ، ومش عايزين نعمل مشاكل مع عباس بيه ، وابراهيم حسن كمان ما هيصدق ... ومش هيبطل دوشه ووجع دماغ ..!!

وان كان لسان حال الكوتش بالطبع يقول :
على جثتى ...!!

وكما توقعنا تماما

[SABER SHABAN]

والله انت امتعتنا وضحكتنا
الله يبارك فى افكارك

[hussein]

مشهد النهاية

ليل خارجى

الكوتش فى حسرة : كدة ياجدو حأقول لستو

[aiman noor eldein]

وقريبا جدا انتظروا المشهد الثالث من فيلم الموسم : سلفنى شكرا ..!!