غريب امركم ايها المصريون

[ابوعبدالله 2012]

غريب امركم ايها المصريون تحاربون من انهاء حكم العسكر ثم بعد عام واحد فقط تحاربون من اجل عودة العسكر

[حسام الدين مصطفى]

يبقى انت كنت نايم بقالك سنه وما شوفتش حاجه

[السيد عبدالله الهوارى]

لا غرابة مع اهل مصر= حبيبة القلب والعقل بلد العلم والعلماءوالرجولة والحياء والزعامة والاباء=فهى ام الدنيا والبلاد والاحياء معلمة الشيوخ والابناء

[ابوعبدالله 2012]

كمان كام شهر الناس هتقول يسقط يسقط حكم العسكر

[رحمة ونور]

هو مش حكم عسكر انت شاكلك لسة نايم ياريت تتابع الاحداث والخطاب بتاع البرنس وزير الدفاع السيسي ربنا يبارك لة

[egyeminem]

هههههههههههه
صحي النوم ياغالي ده انت فعلا شوربة ولافاهم اي حاجه منين يودي على فين ياغالي
وبعدين بلاش جملة الجزار في فيلم مافيا اصلها مش ناقصه بضان

[احمده]

اغلاق القنوات
حسبنا الله ونعم الوكيل

[sttar33]

يا جماعه القوات المسلحه مش هتحكم دى قامت بحماية المصريين و و وقفت جانبهم و ساعدتهم ربنا يوفقهم و ينصرهم على اعدائنا

[باسم سمير]

يا جماعه القوات المسلحه مش هتحكم دى قامت بحماية المصريين و و وقفت جانبهم و ساعدتهم ربنا يوفقهم و ينصرهم على اعدائنا

كلامك سليم

[ialwaysdid]

رئيس مصر المؤقت اسمه المستشار عدلي منصور مش العسكر

[mahmd805]

ادينا قاعدين وبكره نشوف مين بيضحك على مين بس خليكو فاكرين هتقولو يسقط يسقط حكم العسكر ويارب فعلا نكونو مشفهمين والحكم يكون مدنى يلا يا برادعى وتعالى يا شفيق وامسك ياموسى هههههههههههههههههههههههههههههههههههههههههههههههههه ههههههههه

[نصر مصر]

رئيس مصر المؤقت
ماهو الا واجهه لحكم العسكر
حتى لا يقال انقلاب عسكرى

[سامح السريع]

ربنا يحافظ على مصر

[حمادة]

افرحوا يا مسلمين رئسنا المؤقت بقى نصرانى والله بكرة اللى بهللو دول هيبكى دم بدل الدموع على ايام الحرية اللى كانت مع اختلافى مع مرسى فى اغلب ما فعل

[حمادة]

ونسيت حاجة مهم بعد كده معدش حد ينزل انتخابات اللى عوز حد معين يحتشد احتشاد باهر

[( ABU YOUSEF)]

اتق الله وبطل فتنه الراجل مسلم وموحد بالله واسمه عدلي محمود منصور ومسيحي ولا مسلم كلنا واحد افرحوا يا مسلمين رئسنا المؤقت بقى نصرانى والله بكرة اللى بهللو دول هيبكى دم بدل الدموع على ايام الحرية اللى كانت مع اختلافى مع مرسى فى اغلب ما فعل

[( ABU YOUSEF)]

برجاء غلق الموضوع من فضلكم

[zezo prince]

الجيش مش هيحكم يا استاذ رئيس المجهورية المؤقت هيبقى رئيس المحكمة الدستورية

لفترة مؤقتة لاجراء انتخابات


ولا نفضل قاعدين جنب نظام الاخوان الفاشل

[hosam1000]

برجاء غلق الموضوع من فضلكم

[ابوعبدالله 2012]

سمعت انكم فى مصر عملتم ثورة وشلتم الجدع بتاع الاخوان ده ؟
- اسكت يا جدع ده كان كابوس
- ليه بس كده ؟
- أصله كان مدى رجالته كل المناصب فى كل حتة بقى مش مهم الكفاءة المهم الثقة
- طيب وشيلتوه ازاى لما هومسيطر قوى كده ؟
- اسكت ده الشعب كله نزل والجيش كان معنا والشرطة كانت معنا والقضاء رجع النائب_العام والاعلام كان بيجيب مظاهراتنا احنا بس والوزراء استقالوا واعضاء مجلس الشورى استقالوا .. كانت هيصة !
- ايه ده يعنى رجالته باعوه ؟
- لا ما هو دول ماكانوش رجالته
- انت يابنى مش بتقول انه حط رجالته فى كل حتة ؟
- اه ده كان مأخون البلد ! الحمد لله انه غار !
- طب وجبتوا مين مكانه ؟
- جبنا رئيس المحكمة الدستورية .. رجل كبارة كده
- جبتوا رئيس المحكمة الدستورية اللى يعتبر أعلى سلطة قضائية واديتوه السلطة التنفيذية
- اه
- طب هو صح كده انكم تخلوه مسيطر على السلطة التنفيذية والقضائية مع بعض ؟
- لا ما هو جاى فترة نتقالية بس
- فترة قد ايه يعنى ؟
- ايه ؟ لا مش عارف بس ان شاء الله مش كثير يعنى
- يعنى شهر ؟ سنة ؟ عشر سنين ؟
- لا ما احنا ما دخلناش فى الديتيلز دى
- وعلى كده بقى سيبتوا مجلس الشورى زى ما هو
- لا يابا اتشال طبعا دى ثورة امال ايه ؟
- طب وكده السلطة التشريعية مع مين ؟
- معاه هو برضه !
- هو مين ؟ رئيس الدستورية ؟
- اه الكبارة ده !
- يعنى كده الكبارة ده معه السلطة لقضائية والتنفيذية والتشريعية ؟ مع بعض ؟؟؟
- اه بس لفترة انتقالية بس ما انا قلت لك
- طب وافرض الرجل الكبارة ده بالسلطات اللى معاه قرر يطلع قوانين تخليه يفضل متبت فى السلطة هتعملوا ايه ؟
- لا ما يقدرش !
- ليه يعنى ؟
- علشان الجيش مش هيسيبه .. ما هو اللى جايبه
- قلت لى .. يعنى من الاخر كده السلطات الثلاثة دول بقوا فى ايد لجيش دلوقتى
- مش بالضبط اصل الجيش قال لنا انه مش عايز يحكم وانه ده مش انقلاب_عسكرى
- وانتم صدقتوه ؟
- اه وهو الجيش بتاعنا هيضحك علينا يعنى ؟؟
- لا طبعا ما يصحش
- انا كده اطمنت انه الثورة بتاعتكم نجحت .. بالشفا !