توضيح بخصوص غلق القنوات الدينية [الأرشيف]

fady helmy

2013/07/04, 10:57 PM

إلحق إلحق بيقولوا قفلوا القنوات الدينية كلها وبيقبضوا على الشيوخ في الشوارع .. دى ثورة علمانية ضد الإسلام "

أكيد في مننا سمع الجملة تتردد على ألسنة عبيد المرشد ومشعلي الفتن ..
طب تعالوا كده نشوف
قناة إقرأ اتقفلت ؟ لأ
قناة المجد اتقفلت ؟ لأ
قناة أزهري اتقفلت ؟ لأ
محمد حسان اعتقلوه ؟ لأ
الحويني اعتقلوه ؟ لأ
أشرف ثابت السلفي اعتقلوه ؟ لأ
عمرو خالد أو معز مسعود اعتقلوهم ؟ لأ
محمود المصري أو خالد الجندي أو أسامة الأزهري أو عمر هاشم أو عبدالكافي اعتقلوهم ؟؟؟؟ لأ

طب امال في ايه ؟
ايه الحقيقة ؟
الحقيقة إن كان في كام قناة بتتاجر بالدين وبتحرض على قتل المسلمين للمسلمين .. زى قناة الحافظ مثلا .. دي اتقفلت .. لأننا لو سبناها هتخلي المسلمين يقتتلوا وده حرام شرعا.
وكان في قناة بتعرض مشاهد كاذبة لمظاهرات من سنة فاتت فيها الناس لابسة شتوي وبتقول دول معارضين للجيش !! القناة اسمها مصر25 .. فإتقفلت بسبب الكدب وإثارة الفتن .. لو ماكانتش كدبت ماكانتش اتقفلت.

طب امال بيعتقلوا مين ؟
بيعتقلوا تجار الدين اللي خانوا أمانة الدين وحرضوا المسلمين على قتل المسلمين ..
هل إنت تقبل تسمع واحد ملتحي بيحرض المسلمين على قتل المسلمين ؟ أكيد لأ طبعا