ايهمــا تفضــل لنــاديـــك ؟؟؟ .!.

[السيدعبدالعزيز]

مسؤول هادىء متزن لا يتكلم الا بالخير ....ينهش الجميع فى ناديه وفى لاعبيه ولا يستطيع ان يرد الصاع صاعين

او مسؤول سوقى الالفاظ وكل كلامه اقرب لكلام الحوارى ....لا يستطيع اى فرد او ناقد او مسؤول محاسبته ولا يستطيع احد ان ينتقد ناديه لانه بينط فى كل حتة ويرد الصاع عشرة وباى الفاظ وباى صورة متاحة وبياخذ حقه تالت ومتلت تحت مسمى الحفاظ على حق النادى وطبعا بيكون شعبية هائلة لان المتابعين ايضا مقتنعين من انه فعلا حامى حمى النادى ...

و اللجان والهيئات المسؤولة ذات الصفة لا تستطيع ان تاخذ قرارا ضدهه...
خوفا من ردود افعاله والفاظه .!!!

بل والادهى ....فى مجال اللعبة ذاتها....حكام المباريات بيخافوا من الزعيق والبهدلة وسب الاديان وقلة القيمة وبرضه بيريحوا دماغهم وبيرضوا هذا المسؤول الثانى تجنبا لوجع الدماغ ..

ايهما تفضل حضرتك لناديك؟

المسؤول الاول الراقى.....ولا التانى السوقى والمندفع وابو صوت عالى ...

مع ملاحظة انى لا اتناقش او انتقد المسؤول ابو صوت عالى ....لا....انا بتناقش فى مسالة اختيار مدير الكورة اصلا .!!!.

[ايمن حماد]

انا افضل ابراهيم حسن بكل مساوائة خصوصا فى الفترة التى تولى فيها نادى الزمالك كمدير كرة :

اولا شوية لاعيبه كانوا مستهترين مش حاسين بقيمة وقدر نادى الزمالك وعندهم قدر كبير جدا ولا مبالاة

ثانيا :اعلام فاسد ودائما يتصيد مشاكل النادى الزمالك ولايقف بجوارة بالعكس يبحث وينبش فى مشاكل الزمالك

ثالثا :اتحاد كورة كان يكيل بمكيالين اخطاء يقع فيها لاعبى الزمالك يتم ذبح هؤلاء اللاعبين ونفس الاخطاء يقع فيها لاعبى الاندية الاخرى وتعدى مرور الكرام ( لاول مرة فى التاريخ يؤخذ بلغة الشفايف مع عمرو ذكى ونفس الفعل من لاعبين اخريين الجميع يعرفهم جيدا ومفيش حتى تحذير من الاعلام او اتحاد الكرة)

كل التحية لابراهيم حسن وانا اوافق تماما على افعاله فى الفترة السابقة

واعتقد فى الوقت الحالى هناك هدوء من فترة كبيرة جدا من جانبه والسبب انه وقف كل واحد عند حده

[محمدزكريا59]

المدير المحترم طبعا