" برجاء المساعدة من مهندسين الرسيفرات بالموقع " بخصوص كيوماكس 999

[peter7boob]

انا عندى ريسيفر كيوماكس 999 السيلفر مكتوب جنبه Mini
ونسخة الجهاز : 1.00
نسخة البرنامج : 1.51
نسخة المحمل : 1.13
انا دورت كتير على الموقع بخصوص السوفت وير الجديد له علشان السوفت اللى عليه بيشغل النايل سات فقط ومبيشغلش الاوروبى . دا بعد ما عملتله اعادة ضبط المصنع .
برجاء التكرم من سيادتكم :
1- لودر اللى احمل بيه السوفت وير .. علشان لقيت لودرات كتير مختلفه .
2- ملف السوفت وير الاحدث .. ويكون متاكد انه لا يوجد به مشاكل .
3- ملف قنوات نايل سات واوروبى .. وبرجاء التاكد من وجود احدث القنوات .
وياريت الطريقة اللى انزل بيها السوفت وير والقنوات علشان اخوكم لسه جديد فى الموضوع ولسه مشترى كابل ربط الريسيفر بالكمبيوتر"Rs232 " انبارح بس لما لقيت الموضوع كبير ومتاهات فى الوصول الى السوفت وفى ناس حصل معاها مشاكل اثناء التحديث عم عليا القلق ..
وشكرا لكم كلكم ورمضان كريم عليكم انشاء الله

[peter7boob]

برجاء المساعدة اخوكم مبتدىء ومش عارف يتعامل مع الكلام الكتير دا ..؟
وياريت حد يقولى اعرف منين البوت دا واجيبه منين ؟؟ مع العلم ان بلاقى ناس كاتبه انا البوت بتاعى 1.30 مثلا وما شبه ذلك ياريت حد يرد عليا ويقولى اعمل ايه علشان انزل السوفت الجديد و القنوات الجديدة .. ولو فى قنوات مشفره ينفع اشغلها يبقا الف شكر ..

[peter7boob]

برجاااااااااااااااااااااااااااااااااء المساعدة

[peter7boob]

برجاااااااااااااااااااااااااااااااااء المساعدة

[عبدالفتاح جابر]

حبيبي جهازك مش محتاج كل هذه المشاركات
اولا البوت هذا ليس لجهازك انت بتقول انه الميني وبيشتغل علي النايل سات فقط يعني ايه
وقنوات ايه الي انت عاوز تشغلها علي الاوربي
رد عينا حتي نرسل للك الملف المطلوب

[اشرف2010]

اتفضل يا غالى
الاول السوفت
التانى القنوات
التالت اللودر
جرب وقولى

[peter7boob]

انا وديت الرسيفر لواحد بتاع دش اكتر من مره اقوله عايز احدث النسخة بتاعت الرسيفر السوفت وير علشان مش عاجبنى ومش بينزل القنوات الجديدة فى البحث عن تردد معين .. تمام كده .. يقوم منزلى القنوات بالعربى بالترتيب اللى هوا عامله .. اقوله مثلا طيب فين قناة بيلودى الجديدة بتاعت الافلام يقولى انا معرفش ترددها ايه .. اقوم انا بقا اقوله هوا دا اللى انا عايز اعرفه لما انا بيبقا معايا تردد واجى ادخله واعمل سيرش مبينزلش حاجه .. انا مركب طبق 120 و 2 قمر واحد نايل سات والتانى اوروبى .. كل اللى بطلبه يا استاذ اشرف سوفت وير احدث حاجه للريسيفر بتاعى مع باقة قنوات محدثة للنايل سات والاوروبى ياريت اكون عرفت اوصل لحضرتك اللى انا محتاجه وبجد الف الف شكر على رد حضرتك وتعبك معايا

[peter7boob]

ولو امكن الطريقة اللى انزل بيها السوفت والقنوات علشان ملغبطش الدنيا ويكون الف شكر ليك

[عبدالفتاح جابر]

حبيبي ليس للسوفت دخل بهذا الموضوع كل ما عليك تحميل احدث ملف قنوات بكل القنوات الجديده وما اكثرها هنا في هذا المنتدي الغالي

[peter7boob]

طيب معلش يا أ عبد الفتاح انا دورت كتير فى المنتدى على قنوات محدثة بتاريخ اليوم ومعرفتش اوصل لحاجه .. كل اللى محتاجه قنوات للنايل سات والاوروبى بتاريخ اليوم يعنى محدثه كل القنوات موجودة لو حضرتك عارف مكانها فين تكون الف شكر ليك

[peter7boob]

http://www.masrawysat.com/vb/showthread.php?t=1135600
انا لقيت مشاركة من حضرتك باللينك دا بس المشكلة انه نايل سات فقط انا عاوز نايل سات واوروبى لو سمحت معلش هتعبك معايا

[عبدالفتاح جابر]

اتفضل حبيبي ملف الخاص 3اقمار وبخط عريض

[peter7boob]

أ عبد الفتاح معلش محتاج من حضرتك خدمه علشان انا عملت مواضيع كتير ومحدش رد عليا فى الموقع
معلومات الجهاز
mst-999 H1 Plus نموزج Id
v 1.12 معلومات الجهاز
v 1.24 نسخة البرنامج
v 2.00 نسخة محمل
ِِAug 9 2013 تاريخ
انا نزلت من الموقع ملف قنوات ونزلته على الفلاشة ووصلته بالرسيفر والرسيفر حمل البيانات وقالى تم تحميل البيانات بنجاح ومعلق على شاشة Qmax HD الرئيسية الافتتاحيه وجايب على الرسيفر 0000 واللمبه الحمراء منوره فقط ومش راضى يجيب اى حاجه تانى خالص اعمل ايه معلش انا عارف انى بوظت الدنيا خالص بس اتمنى ان يكون عند حضرتك حل

[شعبان جمعة]

اعمل موضوع منفصل ياغالى
هنا
http://www.masrawysat.com/vb/images/statusicon/subforum_new.gif كيوماكس 999 الجوكر ( H1 و H2 و H3 و H4 (http://www.masrawysat.com/vb/forumdisplay.php?f=350)

مغلق لقدمه