لكل من يعاني من مشكلة عطل الريموت لل vhd2

[adel_sat]

بسم الله الرحمن الرحيم

نظرا لعدم توافر الريموت بالاسواق وان توافر عند موزع في اي مكان سوف يكون الثمن باهظ

ما يقرب من 100الي 120 جنيه

الحل موجود عندنا وهو كالاتي

صيانة فورية للريموت في نفس الوقت وانت واقف

هذه ليست دعاية ولكن بعد اذن ادارة المنتدي

هذا فقط لعدم توافر حل بديل وتخفيفا علي الساده الاعضاء الكرام

ولكم كل الشكر والتقدير

[newsat18]

ما يقرب من 100الي 120 جنيه
لايتعدى 80؟؟
وانت لا تكتب اسمك او عنوانك فما الجدوى من هذه المشاركه؟؟؟؟؟؟؟؟؟

[yehia.elfekey]

ملحوظه
ريموت الفيجا العادي يعمل عليه
ريموت الفيجا الجامبو يعمل عليه

[ABU Hamza]

الريمون شارية بــــ 10 جنيه

وغير كده كمان اى ريموت هورشيما شغال عليه وبـــ 5 جنيه بس

[adel_sat]

ما يقرب من 100الي 120 جنيه
لايتعدى 80؟؟
وانت لا تكتب اسمك او عنوانك فما الجدوى من هذه المشاركه؟؟؟؟؟؟؟؟؟

اولا ياغالي فعلا الريموت بيعدي ال 100 جنيه

ثانيا حتي لو 80 جنيه احنا بنرجعك الريموت كما كان ب 10 جنيه وانت واقف يعني وفرت 70 جنيه

ثالثا الادارة هنا تمنع العناوين والايميلات وارقام التليفون وفي ناس كتييييييييراوي عارفة اني كنت مشرف في منتديات اخري في اقسام الجوكر ومعاهم رقمي وايميلي وعنواني

وبعدين انت حر تصلحه تشتري واحد بمليون براحتك

في ناس تانيه لا تستطيع شراء ريموت بهذا الثمن يعني كفايه عليهم ثمن الجهاز

وبعدين انا طرحت الموضوع للتخفيف علي اعضائنا الكرام

وعموما انا غلطان لك

[adel_sat]

الريمون شارية بــــ 10 جنيه

وغير كده كمان اى ريموت هورشيما شغال عليه وبـــ 5 جنيه بس

طيب احب اقولك ياغالي اني دائما في باب اللوق وبتعامل مع اكبر موزعين الريموتات هناك وان لسه الريموت الصيني منزلش اساسا

اللي موجود ريموت الجوكر القديم

مش vhd2

وبعدين ريموت الهيروشيما والفيجا لا يستطيع القيام بكل الوظائف زي التحريك يمينا ويسارا والتسجيل والقيام بعملية التحريك في التصفح وامور كثيره

ولماذا هذا الهجوم وكاني غصبت عليك تيجي المحل علشان اعملك الريموت

عموما انا اسف ليكم جميعا اني حتي حاولت اساعدك انت وغيرك

[الإســناوى]

للسادة الأعضاء
معظم أو غالبية أعطال الريموت هى فى إحتراق لمبة " led " مقدمة الريموت وثمنها ربع جنيه من عند أى محل إلكترونيات أو ممكن تغيرها من أى ريموت تانى لديك
والمهم فى الموضوع عند فك التالفة وتركيب الجديدة أن تراعى إتجاه التركيب فهى لمبة دايود لها قطبين سالب وموجب
تحياتى

[محمد ربيع الجمسي]

ههههههههههههههههههههههه
هوالريموت التانى محتاج
مهندس للصيانة
عجبت لك يازمن

[الإســناوى]

طبعا محتاجة مهندس أو فنى صيانة ( وهناك فرق بين الإتنين بالطبع) لأنها قطعة إليكترونية لها عمل محدد وبرنامج محدد (إيبروم) وبها مكونات إليكترونية تتلف ويتم تغييرها والمهم أن ريموت هذا الريسيفر بالذات غير متوفر وغالى الثمن إذا وجد. يعنى من غيره يبقى مفيش ريسيفر
وبالتأكيد طبعا محتاج فنى صيانة وميش لازم مهندس
وبالبطبع ماينفعش يصلحه سمكرى بوابير جاز والإتنين بيشتغلوا بكاوية اللحام لكن هناك فرق بين الكاوية الرجل والكاوية المخ

[adel_sat]

طبعا محتاجة مهندس أو فنى صيانة ( وهناك فرق بين الإتنين بالطبع) لأنها قطعة إليكترونية لها عمل محدد وبرنامج محدد (إيبروم) وبها مكونات إليكترونية تتلف ويتم تغييرها والمهم أن ريموت هذا الريسيفر بالذات غير متوفر وغالى الثمن إذا وجد. يعنى من غيره يبقى مفيش ريسيفر
وبالتأكيد طبعا محتاج فنى صيانة وميش لازم مهندس
وبالبطبع ماينفعش يصلحه سمكرى بوابير جاز والإتنين بيشتغلوا بكاوية اللحام لكن هناك فرق بين الكاوية الرجل والكاوية المخ

بالفعل ياغالي كلامك افضل كلام وكما ذكرت حضرتك في الرد الاول علي المشاركة العطل دائمافي الكريستاله الاماميه واحيانا الايسي او المكثف

المهم انهم محتكرين وعاملين عضوية ذهبيه وحاجات بيشتغلوبيها الناس حتي المعلومه المقروئه التي يقراها الناس ليستفيدو ومش عجبهم اننانفيد الناسونحل مشاكلهم وهل كل من اشتري الرسيفر فني

لوكده يبقي كل الناس فنيين والمشكله انه بيتريق وبيضحك اوي وكاننا قلنا نكته

[hhaass]

استاذنا اذاى اصل لحضرتك ما فيش عنوان و لا تليفون و لا ايميل
الريموت عندى بايز من اول اسبوع للاسف