تسجيل الدخول

مشاهدة النسخة كاملة : مشكلة تواجهنى فى استقبال النت من الاكسس بوينت 701 تى بى لنك هل من حل

ahmedmedooo
2013/09/17, 11:12 PM
مشكلة تواجهنى فى استقبال النت من الاكسس بوينت 701 تى بى لنك هل من حل

عندى شبكة نت ومشغل اكسس بوينت مرتفع اعلا السطوح وموصلة من المايكروتك
نسخة 2.7.29 وبستقبل منه من اكسس بوينت آخر وضبطه على يونفرسال ربيتر
يعنى يستقبل ويرسل فى نفس الوقت والمسافة معقولة تظهر الشبكة على 15 و18 Db واشارة الارسال والاستقبال شغالة ولاكن يدخل على صفحة المايكروتك
ويرفض الدخول للجهاز مع انى مسجل الماك ادرس الجهاز الكمبيوتر صح على المايكروتك وبيشتغل عادى لما اوصله بالشبكة مباشر من المايكروتك وعند توصيل الاكسس بوينت وضبطة على يونفرسل ريبييتر يرفض الدخول على المايكروتك
ولغيت المايكروتك وشغلت اكسس الارسال مباشر مع تفعيل خاصية اضافة الماك ادرس للاكسس الاستقبال وجهاز الكمبيوتر وللاسف يفصل النت سواء بالماك ادرس او دخول باص ورد وعند الغائهما يشتغل النت عادى جدا سلك ووير لس
وضبعا فى الحالة دى النت مفتوح للجميع فما الحل بالله عليكم؟؟؟؟؟؟
وهل من اضافى اى شىء على نسخة ******* المايكروتك تخص الوير لس لكى يمنع هذه المشكله؟؟؟؟؟؟؟
اى حل بالله عليكم سواء باستخدام المايكروتك او بدونه بس يكون فى السماح بالماك ادرس يكون افضل عشان الباص ورد ممكن يتداول وآسف جدا على الاطالة بالموضوع
وجزاكم الله خيرا الجزاء
ahmedmedooo
2013/09/18, 02:08 PM
منتظر الرد على الموضوع من الاخ الكريم nourmeneassy
لان خبرته كبيره ما شاء الله عليه والله يستاهل يكون مشرف هذا القسم للمايكروتك
دكتور فى الحب
2013/09/18, 07:54 PM
مشكلة تواجهنى فى استقبال النت من الاكسس بوينت 701 تى بى لنك هل من حل

عندى شبكة نت ومشغل اكسس بوينت مرتفع اعلا السطوح وموصلة من المايكروتك
نسخة 2.7.29 وبستقبل منه من اكسس بوينت آخر وضبطه على يونفرسال ربيتر
يعنى يستقبل ويرسل فى نفس الوقت والمسافة معقولة تظهر الشبكة على 15 و18 db واشارة الارسال والاستقبال شغالة ولاكن يدخل على صفحة المايكروتك
ويرفض الدخول للجهاز مع انى مسجل الماك ادرس الجهاز الكمبيوتر صح على المايكروتك وبيشتغل عادى لما اوصله بالشبكة مباشر من المايكروتك وعند توصيل الاكسس بوينت وضبطة على يونفرسل ريبييتر يرفض الدخول على المايكروتك
ولغيت المايكروتك وشغلت اكسس الارسال مباشر مع تفعيل خاصية اضافة الماك ادرس للاكسس الاستقبال وجهاز الكمبيوتر وللاسف يفصل النت سواء بالماك ادرس او دخول باص ورد وعند الغائهما يشتغل النت عادى جدا سلك ووير لس
وضبعا فى الحالة دى النت مفتوح للجميع فما الحل بالله عليكم؟؟؟؟؟؟
وهل من اضافى اى شىء على نسخة ******* المايكروتك تخص الوير لس لكى يمنع هذه المشكله؟؟؟؟؟؟؟
اى حل بالله عليكم سواء باستخدام المايكروتك او بدونه بس يكون فى السماح بالماك ادرس يكون افضل عشان الباص ورد ممكن يتداول وآسف جدا على الاطالة بالموضوع
وجزاكم الله خيرا الجزاء

اذكرنوع الجهاز الاخر لو كان تى بى لينك 500 او 501 سوف يكون هناكتعارض بين 701 او 500 او 501
ahmedmedooo
2013/09/18, 11:03 PM
اولا شكرا على الاهتمام والرد والمتابعة
ثانيا نوع الاكسس الاخر 501 تى بى لنك
افهم من كلام حضرتك لازم يكون نفس النوع واحد ونفس الموديل واحدعشان يربطو مع بعض
ممكن اخلى الاكسس 701 تى بى لنك يستقبل من وير لس روتر تى داتا صغير الحجم اللون ابيض صناعة صينى هديه بخصم50% 125 جنيه الثمن
او روتر آخر نوعه zyxel 7120 اللون اسود الصناعة صينى
ahmedmedooo
2013/09/19, 12:04 AM
وهل اكسس 701 يتوافق مع اكسس 740 فى الربط بينهما ارسال والاخر يستقبل
nourmeneassy
2013/09/19, 10:00 PM
السلام عليكم يا أخ أحمد .. ومتشكر على الثقة الغالية .. وانا معلوماتي بسيطة مجرد نقطة في بحر عميق
واضح من كلام حضرتك ان المشكلة في ربط الأكسسات .. او خطأ في الماكات
عايز بس توضيح من حضرتك .. الكمبيوتر اللي انت بتستقبل منه بتربط بيه على أكسس الربيتر وايرليس .. ولا الكمبيوتر متوصل بالأكسس بسلك ؟؟
ولو متوصل للأكسس بسلك .. بيستقبل نت ولا مش بيستقبل ..
حضرتك بتقول انه لما بتفتح بيفتح معاك صفحة الهوت سبوت .. بس مش بيدخل باليوزر نيم .. طيب لما بيفتح الهوت سبوت وتدخل اليوزر بيقولك في خطأ في الماك ؟؟ ولا يقول لك ايه ؟

وعلى فكرة .. الاكسس 701 مشاكله كتير .. لازم تحدث السوفت بتاعه عشان يديلك شغل كويس .. ممكن تفتح الأكسس بوينت على صفحة status وتعمل برينت سكرين وترفعلي الصورة عشان اتأكد من رقم السوفت .. واجيب لك التحديث بتاعه ان شاء الله
.
واعتذر عن التأخير في الرد .. نظراً لظروف العمل
ahmedmedooo
2013/09/20, 02:09 AM
اولا حضرتك تستاهل كل خير واكثر من كده كمان لانك فعلا لاتبخل باى معلومه لديك تعرفها ودى كفاية انها تشهدلك بالعطاء المستمر هنا فى هذا القسم وغيره من الاقسام الاخرى وزادك الله من علمه

ثانيا بالنسبة للموضوع الاكسس الاستقبال منه جربت بسلك على الكمبيوتر وجربت الوير لس نفس المشكله واحده بيدخل على اليوزر نيم والباص ورد ******* ولا يقبلهما يرفض الدخول كان اليوزر نيم غلط وطبعا لايمكن الدخول على النت

وبالنسبة للسوف بتاع الاكسس 701 تى بى لنك هذه صورة مرفقة منه وهل السوفت الحديث يرفع من كفاءة الارسال بتاع الاكسس؟؟؟ ولا ملوش تاثير على كفاءة الاشارة وهل ممكن اكبر الانتنه شويه بغيرها لتقوية الاشارة ولا ده امكانياته
ولك جزيل الشكر منى وتحياتى
ahmedmedooo
2013/09/20, 02:35 AM
ودى صورة مرفقة اخرى من Firmeare Upgrade
nourmeneassy
2013/09/20, 04:46 PM
اتفضل يا أخ احمد .. حدث سوفت الاكسس 701 باحدث اصدار من هنــــا (http://www.mediafire.com/?1c986ypoj1u8gtz)
وبعد التحديث .. ادخل على الأكسس وغير الآي بي الديفولت بتاعه .. لأي آي بي تاني .. وياريت يكون خارج رينج آي بيهات الشبكة بتاعتك .. عشان مش تحجز اي بيهات من الشبكة بتاعتك على الفاضي .

هشرح لك المشكلة اللي كانت بتواجهك وحلها ان شاء الله
انت كنت موصل الاجهزة بتاعتك زي الصورة دي بالظبط

http://www.masrawysat.com/vb/attachment.php?attachmentid=354512&stc=1&d=1379687627

وكنت بتحط للعميل رقم الماك بتاع الجهاز او اللاب .. طيب ليه مش كان بيقبل يدخل باليوزر والباسورد ؟؟ ..
هقولك ليه .. لما بتشتغل من الجهاز المتوصل بالاكسس او اللاب .. ******* بيشوف ماك الأكسس مش ماك الجهاز ولا ماك اللاب ..
طيب دي مشكلة .. ازاي هنربط العميل عشان مايوزعش اليوزر وناس كتير تستخدم اليوزر غيره ؟؟
في حلين .. اولهم انك تربط العميل بالآي بي بس .. ومش تربط الماك .

الحل التاني .. انك تعمل الاكسس الاستقبال على وضع WDS ريبيتر زي الصورة كدا

http://www.masrawysat.com/vb/attachment.php?attachmentid=354513&stc=1&d=1379687627

في الحالة دي .. لما تربط بالسلك او بالوايرليس .. ******* هيشوف الماك بتاع الجهاز او اللاب اللي انت بتدخل بيه .. وتقدر تربط العميل بالماك بتاعه ..

استخدم الحل اللي يناسبك .. وجرب .. وقولي النتيجة .
وانا موجود لأي استفسار ان شاء الله
ahmedmedooo
2013/09/20, 06:25 PM
الف الف شكر على المتابعة والشرح الممتاز وجارى تنزيل السوفت والتجربة والرد عليك ان شاء الله تعالى
وجزاك الله خير الجزاء
nourmeneassy
2013/09/21, 11:33 AM
وبالنسبة للسوف بتاع الاكسس 701 تى بى لنك هذه صورة مرفقة منه وهل السوفت الحديث يرفع من كفاءة الارسال بتاع الاكسس؟؟؟ ولا ملوش تاثير على كفاءة الاشارة وهل ممكن اكبر الانتنه شويه بغيرها لتقوية الاشارة ولا ده امكانياته
ولك جزيل الشكر منى وتحياتى

السوفت ليس له اي علاقة بقوة الإشارة .. هو فقط قام بحل بعض المشاكل التي كانت تؤثر سلبياً على كفاءة الاكسس ..
أما بالنسبة لتغيير الأنتنا .. ملوش لزوم .. هي دي قوة بور الاكسس .. لان قوة الإشارة بتعتمد على قوة البور بتاع الأكسس .. يعني حتى لو غيرت الأنتنا .. مش هتلاقي الشغل اللي انت عايزه برضو
ahmedmedooo
2013/09/21, 05:08 PM
اخى الكريم باش مهندس nourmeneassy
بارك الله فيك وزادك الله من نور علمة
اولا جارى التجربة بالسوفت الجديد وتشغيل الاكس على المايكروتك وعند وصلى للحل سوف ابلغك بالنتيجة ان شاء الله زى ماحضرتك شرحت بالتفصيل
بس ممكن اعرف افضل اكسس بوينت حاليا فى الاستقبال والارسال بدون مشاكل فى السوق المصرى؟؟؟؟؟؟؟
وشكرا لحضرتك
ahmedmedooo
2013/09/21, 10:12 PM
وايهما افضل البث عن طريق اكسس بوينت ام روتر وير لست بتحويلة لاكسس بوينت ونوع الروتر تى داتا الابيض الصغير ام روتر zyxel 7120
بارتفاعة اعلا السطوح مكان الاكسس بوينت 701
مرفق صورة الروتر 7120 zxyel
nourmeneassy
2013/09/21, 11:49 PM
افضل اكسس للبث وسعره معقول هو البوليت hp2 .. دا اكسس صغير الحجم وقدرته عالية في البث والاستقبال ..
وطبعاً يفضل البث بأكسس بوينت مش براوتر .. لان دايماً الأكسس بوينت مداه اكبر من الراوتر .. وكمان الداتا ريت بتكون اقوى .. لان الراوتر بيوزع قدرته على الراوتينج والبث .. لكن الأكسس بيعطي كل قدرته للبث فقط
ahmedmedooo
2013/09/22, 12:33 AM
بارك الله فيك على الرد الممتاز والنصيحة الغالية
ahmedmedooo
2013/09/22, 04:36 AM
الحل التاني .. انك تعمل الاكسس الاستقبال على وضع wds ريبيتر زي الصورة كدا

اشتغل تمام بالحل الثانى وتنزيل السوفت الجديد بارك الله فيك

الف شكر وجزاك الله كل خير
nourmeneassy
2013/09/22, 11:07 AM
الحل التاني .. انك تعمل الاكسس الاستقبال على وضع wds ريبيتر زي الصورة كدا

اشتغل تمام بالحل الثانى وتنزيل السوفت الجديد بارك الله فيك

الف شكر وجزاك الله كل خير

الشكر والفضل لله .. وانا دائماً في الخدمة ان شاء الله