وأخيراااا..الحل النهائي لمشكلة عدم وجود صورة في التردد 11137 الرجاء الدخول للأهمية التجربة خير برهان

[على السيد على]

انت فنان ياكبير شكرا على المعلومة

[H0SaM]

يا جماعة اللي منفعتش عنده الطريقة يقوم بادخال السلك في Loop out ثم ازالته بسرعه ثم وضعه ثم ازالته الى ان تاتيك الصورة يعني افضل شيل وحط فالسلك في فتحة الـLoop Out بشكل متتابع لحد مالصورة تيجي التردد ده معدل نقله قليل عشان كده هتلاحظو ان ارقام الصوت والصورة بتاعت قنواته 3 ارقام بس والتردد محتاج بروسيسور عالي فانت هتستغل فتحة الـ loop out لان قدرتها عالية عشان مهمتها ضخ الاشارة لرسيفر تاني
وللعلم تم التجربة منذ قليل على فيجا بلس ونجحت الطريقة ايضا

[ملك روحى]

تمام ياغالى

[bbrhoom]

فعلا يا اخى قابلتنى المشكلة على الاسترا بعد تعديل السمبل من 22000 الى 27500

تيجى صوت بدون فيديو والرسيفير بيكتب كدة ان الفيديو مش شغال هجرب مع اى جهاز ان شاء الله لما يجينى

[abdelrahmaaan]

مع احترامى لكلام حضرتك الطريقة دى غلط على الريسيفر والعدسة لان المفروض لو هتشيل وتحط السلك تبقى فاصل الريسيفر عشان ممكن يبوظ مدخل الlnb in او يحرق العدسة وانا فى رايى دى مشكلة اعدادات كودكس من القمر نفسه لانها يوم بتشتغل كويس جدا ويوم تقطع وفى قنوات كتير بعد ما كانت شغالة بقت ملخبطة كدة بسبب اضافة بعض الترددات والقنوات

[aaaasdsd]

شغالة عندى على كيوماكس اتش دى اتش ثرى

[alaa zayed]

منفعتش مع كامكس 7700

[am2005mk]

لدي رسيفر عدد اثنين في البيت والاثنين عادين يعني مو اج دي واحد ستار كوم اشتغلت القنوات فيه والثاني سبيسات 3000 لم تعمل صوت بدون صورة

[samer_syf]

تمت التجربة على استرا 9400z و لم تفلح
عالعموم مشكور أخي الفاضل

[nice man 77]

تمام انا جربتها على استرا 9000 القديم واشتغل تمام

[مسلم ساجد]

انا جربتها على الاستر 8900 بلس و مشتغلتش

[ebrah]

ياريت لو حد يراسل القمر

ويخبرهم عن المشكله ديه احسن

[اوفى]

لا يوجد حل حتى الان

[ابوجنا]

ألهم استرني فوق الارض واحمني تحت الارض واغفر لي يوم العرض عليك
يا رب العالمين

[mostafa_sharf91]

بارك الله فيك

[جمال فيشة]

السلام عليكم اخونى الاعزا القنوت دى اشتغلت عل الاجهز السنى عل نفس الت ردود 11137

[Giroo]

انا جربتها على استرا 9900 جولد و مشتغلتش

[تامر محمد إبراهيم]

بسم الله الرحمن الرحيم
بعد التحية يا شباب
كلنا طبعا عارفين من اول مالتردد 11137 طلع وهو بيشتغل صوت بس على بعض الاجهزة وحتى بعد ما قويت اشارته نفس الموضوع
اناعن نفسي مكانش عندي المشكلة دي نهاائيا
ولكن من اول ظهور بيلودي افلام وما تلاها (سينما1 - wwe-إيه ار تي افلام)
لقيت ان القنوات دي تحديدا مش جايبة صورة نهائي عالجولد
مع اني عمري ما اشتكيت مالموضوع ده وباقي قنوات التردد زي اخترنالك وغيرها شغالين صوت وصوره
وبالصدفة البحته لقيت طريقة وبقو كلهم شغالين صوت وصورة الحمد لله
نبدأ على بركة الله
دلوقتي كلنا عارفين ان اي رسيفر فيه فتحتين lnb اللي بتدخل فيهم سلك الطبق يعني
الفتحة الأساسية اللي على طول بنحط فيها السلك وإسمها lnb in
والفتحة اللي تحتيها اللي ممكن من خلالها ندي وصلة لرسيفر تاني واسمها loop out
الخطوات كالتالي
هتعدل اعدادات التردد وتخلي الترميز 3/4 مش auto ولا 1/2
هتقف على قناة من اللي الصورة فيها مش جاية عندك ولتكن زي بيلودي افلام
هتشيل السلك اللي جايلك من الطبق وداخل في فتحة lnb in
وتحطة بسرعه في فتحة loop out
هتلاقي الصورة جت على طول
متفرحش وتسيب السلك هنا على طول عشان في قنوات تانية مش هتيجي
بعد ما الصورة تيجي معاك استنى دقيقة كده ورجع السلك تاني لمكانه الطبيعي في فتحة lnb in هتلاقي برضه الصورة فضلت موجوده معاك استمر فاتح القناة لمدة خمس دقايق تقريبا وبعدين اقفل الرسيفر وانت واقف عليها وافتحة تاني هتلاقي صورة ان شاء الله ومش هتروح تاني ابدا وده عيب من عيوب الترانزستورات الصيني
ملاحظات :
- انت محتاج لسرعه شوية في عملية نقل السلك اول مرة من lnb in إلى loop out
-الطريقة دي مجربة على كيوماكس الجولد واله الم هتنفع على باقي الرسيفرات التانية ولا لا بس جربو وقولو عشان الناس تستفاد
-الطريقة نجحت معايا قلت اقول لاخواني الاعزاء في مصراوي سات بيها خصوصا ان في ناس كانو عاوزين يغيرو رسيفراتهم
-ممكن بعد فترة ترجع المشكلة وعليك بتكرار نفس الطريقة وسوف تزول
لا أطلب سوى الدعاء لي ولوالدي لو الطريقة نفعت عندكو
في أمان الله

بعد التجربن علي‎ astra ‎9400‎ ‎لم تفلح الطريقة..شكرا علي مجهودك...

[عبده 2010]

انت تعرف اخي ان هذه الطريقة ممكن تضيع الجهاز
وعلي فكرة اجهزة كثيرة لاتعمل عليها الصورة واليوم ظهر لي التوب فيلد ايضا لم تعمل عليه

[جى سوفت 2011]

عالعموم مشكور أخي الفاضل