.......*** روشتة الفوز على الزمالك ان شاء الله .......***

[محمود رشوان]

بسم الله الرحمن الرحيم
وبه نستعين
احنا لا ننكر ان الزمالك دلوقتى فى أفضل حالاته من سنين لكن من رأيى المتواضع اننا كأهلاوية لا يجب ان نضخم من الصحوة دى ونضعها فى وضعها الصحيح

ووضعها الصحيح فى رأيى بيقول ان الزمالك دلوقتى بيلعب 4/3/3

عبد الواحد



عبد الشافى فتح الله الصفتى عمر جابر " غانم - حازم امام "



ابراهيم صلاح هانى سعيد " حسن مصطفى"



حسن مصطفى " محمد ابراهيم - عمر جابر "



علاء على " حسين ياسر" شيكابالا



جعفر
يعنى بيلعب 4 فى خط الضهر قدامهم 2 ديفندرات قدامهم صانع العاب اما انه بيكون حسن مصطفى لما يبقى قلقان من الفريق اللى قدامه وفى الحالة دى هيبقى الاتنين الديفندرات ابراهيم صلاح وهانى سعيد واما بيلعب بحسن مصطفى وابراهيم صلاح ديفندرات وقدامهم عمر جابر أو محمد ابراهيم فى الماتشات المفتوحة والاقرب انه هيلعب بإبراهيم صلاح وهانى سعيد وحسن مصطفى



الاتنين اللى على الاطراف أكيد شيكابالا وبيميل ناحية اليمين وناحية الشمال مفيش قدامه الا علاء على فى حالة عدم لعب حسين ياسر فى ناس بتقول انه ممكن يبدأ بحازم طرف يمين وشيكا طرف شمال وده مستبعد لأن شيكابالا ناحية الشمال أضعف من ناحية اليمين

نيجى بقى لمهم

الزمالك بيعتمد بنسبة على ان الكورة توصل لشيكابالا ناحية اليمين اللى بيموه بمهارته وبيعكس عرضية داخل ال18 اللى بيكون فيه جعفر ومكمل حسن مصطفى واحيانا علاء على وبيكون خط ضهر الزمالك زايد لنص الملعب والديفندرين زايدين على حدود ال18 وده بيسبب ضغط على الفريق المنافس وبيدى حماس للاعيبة الزمالك

يبقى المفروض من الاساس نشوف الكورة بتوصل لشيكابالا ازاى ؟؟؟

بتوصل بطريقتين

اما عن طريق حسن مصطفى اللى بيقوم بدور صانع الالعاب وهنا يجب الضغط على حسن مصطفى فى كل أجزاء الملعب خصوصا ان الاتنين الديفندرات التانين صلاح وهانى سعيد ميولهم دفاعية بحتة ومش هيقدروا مثلا يراوغوا ويسلموا الكورة لشيكابالا بسهولة

أو عن طريق الكورات الطويلة خلف الباك الشمال سواء عن طريق محمود فتح الله أو أحد الديفندرين ودى حلها ان المساك الشمال للأهلى اللى من المفترض انه أحمد السيد يكون دايما والكورة مع دفاع الزمالك او فى وسط الملعب الدفاعى للزمالك واخد خطوة ناحية الشمال بحيث ان يقدر يغطى على سيد معوض وميخليش شيكابالا يستلم بسهولة لحين رجوع اما سيد أو أحد ديفندرات الاهلى اللى مكلفين بالتغطية خلف الباكات وفى الوقت ده بيكون غالى واخد مكانه كمساك لحين رجوع احمد السيد

هيتبقى شيئين فقط

1:وهو ان ممكن الزمالك يلعب علاء على وعبد الشافى وانا شايف فى رأيى المتواضع انهم اساسا هيلاخموا بعض وسواء احمد فتحى أو شريف مع ميل وائل جمعة عليهم هيكون كفيل ان شاء الله بوقف الجبهة دى

2: وهو انهم ممكن يسندوا على احمد جعفر وهنا يجب الانقضاض عليه من المساك القريب منه وعدم استلام الكورة بسهولة وتغطية غالى الدائمة على اى تحرك من أى من المساكين سواء السيد او جمعة أو شريف فى حالة لعبه



نيجى بقى للخطة الهجومية الاهلاوية ان شاء الله

ودى المفروض تعتمد على الانطلاقات من العمق لجدو وبركات بين الاتنين المساكين فتح الله والصفتى وعدم الميل على الاطراف لأن الاطراف هتكون زحمة جدا

وتعتمد على الكورات الساقطة أو البينية خلف الاتنين المساكين بس هتقابلها مشكلة وهى ان هيكون فى ضغط كبير على ابوتريكة اللى من المفترض هو اللى هيقوم بعمل المحطة فى وسط الملعب وعمل الكورات الساقطة دى وهيكون فى تعليمات مشددة بكده من حسام حسن وهنا يظهر دور الشاب شهاب الدين أحمد فى قدرته على السيطرة على الكرة وتسليمها بشكل صحيح

وفى ملاحظة مهمة على خط وسط الزمالك

انه دايما بيضغط من ناحية واحدة وبيهمل التغطية الناحية التانية يعنى مثلا تلاقى هانى سعيد وحسن مصطفى وعمر جابر وشيكابالا ناحية اليمين وفى وسط الملعب مفيش غير ابراهيم صلاح وهنا لو اتمكن لاعبى الوسط الاهلاوى من السيطرة على الكورة تحت الضغط وب turn بسيط ناحية الشمال هيكون الملعب مفتوح لإنطلاقات تريكة وبركات وفتحى وجدو

وعشان كده انا شايف ان التشكيل المناسب للأهلى ان شاء الله فى حالة شفاء عاشور

أبو السعود

غالى

شريف جمعة

معوض فتحى

عاشور شهاب



تريكة



بركات

جدو


وان شاء الله الفوز أهلاوى
(منقول)

[مجدى (الضابط) كشك]

عيب عليك تحط ادوات تصنت داخل غرفة المحاضرات ---ربنا يستر وحسام مايقرأش تحليلك
بالتوفيق للاهلى
وفى الاخر هم 3 نقااااااااط

[زكريابكر]

ان شاء الله الفوز أهلاوى

[محمدزكريا59]

بالتوفيق للأهلى

[السيدعبدالعزيز]

لو الزمالك لعب بالتشكيل الذى وضعته فالفوز للاهلى ان شاء الله .

اما لو لعب براسى حربه جعفر وابو كونيه ومن ورائهم شيكا فالامر سيكون صعب على دفاع الاهلى .!!.

لان 2 راس حربه بقوة جعفر وكونيه ستربك خط الدفاع بلاشك .

ونرجع للهجوم المضاد للاهلى وهو ليس له انياب .!

لان جدو لايجيد فى هذا المكان ..

فضلا عن ان كل المهاجمين فى الانعاش بعيد عنك .

[hamada 20]

بلتوفيق للاهلي

[body1010]

برده حتى لو المباره للاهلى احنا اول الدورى والدورى مش مباره

[محمود رشوان]

برده حتى لو المباره للاهلى احنا اول الدورى والدورى مش مباره
ولسه الدور الثانى000
والاهلى بطل الدورى ان شاء الله

[amr55]

والله لو حتى الزمالك اخد الدروى هيبقى ذكرى لعشر سنين لامام ومفيش غيره لانى الاهلى لن يدم كثيرا على حاله

[ٱحےـمد اسےـماعيل]

رشته جميله

بالتوفيق للأهلي

[aiman noor eldein]

اما لو لعب براسى حربه جعفر وابو كونيه ومن ورائهم شيكا فالامر سيكون صعب على دفاع الاهلى .!!.

لان 2 راس حربه بقوة جعفر وكونيه ستربك خط الدفاع بلاشك .

ونرجع للهجوم المضاد للاهلى وهو ليس له انياب .!

لان جدو لايجيد فى هذا المكان ..

فضلا عن ان كل المهاجمين فى الانعاش بعيد عنك .

- سيلعب الزمالك برأس حربة واحد هو جعفر لتحقيق الزيادة العددية فى منطقة المناورات و إمتلاك ( خط الوسط ) طوال المبارة ، خاصة مع عدم إمكانية أبو تريكة و بركات على القيام بأية واجبات دفاعية ) .
- مع الاعتماد على إنطلاقات شيكابالا و حسين ياسر أو حسن مصطفى ، بينما تظل نقطة الضعف فى النادى الاهلى عدم وجود رأس حربة صريح ، و أتمنى ألا يلجأ الكابتن زيزو الى الكرات العرضية وأن يهتم بالإختراق من العمق لإستغلال تواضع مستوى قلب خط الظهر الزملكاوى .!
- خطأ فادح يقع فيه الكابتن زيزو وهو بدء بناء الهجمات من الخط الخلفى ( خطا لظهر ) وبالتالى كثرة التمريرات البينية المقطوعة فى الخط الخلفى ، مما قد يعرض مرمى أبو السعود لهجمات خطيرة من مهاجمى الزمالك .