ممكن حد يفهمني الموضوع فيه إيه؟ أنا مخنوووووووووق

[russia199]

معلش ياباشا هو انت قصدك أعمل سرش على دبليو 3 وانا موصل كابل دش النايل سات ولا يوتلسات دبليو 3؟؟ عموما أنا عملته وانا موصل النايل سات برضو واشتغل وجاب قنوات عربي

أعمل بحث على قمر ( eutle sat w3 ) موقعه 7 درجة شرق وانت موصل كابل يوتل سات w3

[mido_912]

حبيبي والله
استنى عليا 5 دقايق هجرب واديك خبر

[russia199]

طيب حضرتك فعلت الخدمه ( توين بروتوكول ) ولا لأ

خطوات التفعيل
الكيوماكس الميني +999 الاسود القديم+الاسود فيرجن 1+2 الجديد
انفو +9 ثم نختار توين بروتوكول

[mido_912]

آه ياباشا طبعاً عملتها توين بروتوكول.
جودة الإشارة بتتراوح مابين 60 - 70 في المية
على فكرة هو يعمل يعمل سرش وبيطلع قنوات بالعبيط، معظمها قنوات شو تايم على ما أظن، هقولك أسامي القنوات بس بعد السرش مايخلص.
ممكن تقلي انت إيه القنوات اللي مفروض تطلعلي؟؟؟

[wikasat]

آه ياباشا طبعاً عملتها توين بروتوكول.
جودة الإشارة بتتراوح مابين 60 - 70 في المية
على فكرة هو يعمل يعمل سرش وبيطلع قنوات بالعبيط، معظمها قنوات شو تايم على ما أظن، هقولك أسامي القنوات بس بعد السرش مايخلص.
ممكن تقلي انت إيه القنوات اللي مفروض تطلعلي؟؟؟

ده النيل سات يا ميدو مش w3

[mido_912]

ده النيل سات يا ميدو مش w3

يارااااااااااااااااااااااجل؟؟؟؟؟
لأ ياعم انا خلصت السرش دلوقتي وطلعتلي قنوات أوربية(إيطاليا1) و كانال 5 وهكذا ياعم والنبي متخوفنيش أنا مش ناقص

[russia199]

أخى الكريم ميدو
القنوات المفروض تظهر عندك هى دى

http://up101.9ory.com/v/11/01/09/02/23580093670.jpg (http://www.9ory.com)

دول طبعا لو حضرتك وصلت سلك الاشارة الخاص بالقمر يوتل سات w3 على الرسيفر وعملت بحث يدوى مش آلى ( أوتوماتيك )

[russia199]

يارااااااااااااااااااااااجل؟؟؟؟؟
لأ ياعم انا خلصت السرش دلوقتي وطلعتلي قنوات أوربية(إيطاليا1) و كانال 5 وهكذا ياعم والنبي متخوفنيش أنا مش ناقص

ده القمر الاروبى يا غالى مش يوتل سات w3

[russia199]

بص يا أستاذ ميدو

غدا إن شاء الله حضرتك تجيب فنى يظبط الطبق على القمر يوتل سات w3 على التردد 11345 أفقى 27500 3\2
وحضرتك توصل الجهازين ( الدونجل والرسيفر ) مع بعض وسوف تجد أن القنوات تعمل

[wikasat]

فعلا الاوربى

[mido_912]

يعني انا اتنصب عليا؟ يعني أنا مش فاشل؟؟؟
طيب تمام بكرة هجيب الفني الهندي من قفاه واخليه يظبطه تاني ، مع إني مش بثق في العيال دي بس هعمل إيه؟؟ هو تظبيطه سهل؟ يعني أنا ممكن أعمله انا بنفسي؟

[russia199]

10 دقائق ( ثوانى وأتابع معاك )

[mido_912]

10 دقائق ( ثوانى وأتابع معاك )

ياباشا ولا يهمك أن تشكر على الآخر
أنا داخل أنام بقى علشان عندي شغل الصبح بدري واحنا هنا الساعة 3 دلوقتي، تصبحو على خير

[russia199]

يعني انا اتنصب عليا؟ يعني أنا مش فاشل؟؟؟
طيب تمام بكرة هجيب الفني الهندي من قفاه واخليه يظبطه تاني ، مع إني مش بثق في العيال دي بس هعمل إيه؟؟ هو تظبيطه سهل؟ يعني أنا ممكن أعمله انا بنفسي؟

وحضرتك واقف معاه وهو بيظبط الطبق خليه يبحث على التردد اللى أنا كتابته ليك وسوف تجد حوالى 5 قنوات أفريقية بس أهم حاجة خليه يجيب أعلى أشارة على هذا التردد
أما بخصوص أنك تعمله لوحدك ( أشك ) بس ممكن أقولك الطريقة
أولا : عاوز أعرف قطر الطبق اللى عندك كام وكام عدسة ( lnb ) موجوده على الطبق
وهل القمر w3 ليه طبق لوحده ولا عدسه موجوده على الطبق اللى عندك

[mido_912]

ياباشا تشكر
الدش 120سم
وللوحده وإل إن بي واحد فقط

[russia199]

يعنى أفهم من كده أن النايل سات طبق لوحده واليوتلسات w3 طبق لوحده

[russia199]

ياباشا تشكر


أوعى تكون زعلت منى لما قلتك ( أشك )
أنا بهزرررر معاك
بس الموضوع عاوز فنى فاهم ( بجد )
ولو عاوز أقولك الطريقة هقولهالك

خذ معك التليفزيون والرسيفر فوق السطح بجوار الطبق ولا بد أن يكون معاك عدة ( مفتاحين 10 ومفتاحين 13 وبنسة وقطر أو موس ) وطبعا لابد من مشترك سلك للكهرباء علشان توصل كهرباء للتليفزيون والرسيفر
وصل الرسيفر بالطبق من خلال السلك ومن الرسيفر أكتب التردد ده
11345 أفقى 27500 2\3

أو التردد ده 11492 عمودى ( نسخة ) 30000 4\3
وهذا التردد سوف يجيب قنوات تركيا هم

http://up101.9ory.com/v/11/01/09/03/21593127160.bmp (http://www.9ory.com)

وطبعا هتفك مسطرة تثبيت الطبق من الخلف وتنزل بأتجاه قمر النايل سات
بشويش وواحده واحده لغايه متلاقى أشارة أمامك على التليفزيون ثبت يدك على هذه الاشارة وأعمل بحث لو وجدت القنوات يبقى حضرتك على القمر w3
بعد عملية البحث وتنزيل القنوات أخرج من القائمة وهات أى قناة وأضغط على زر info من الريموت وحاول على قد ما تقدر أنك تعلى الاشارة ثم تقوم بتثبيت الطبق عليه وبكده حضرتك بقيت فنى صغير يا غالى
ههههههههه
بضحك معاك
وطبعا وبعد النزول من على السطح والعدة معاك ( التليفزيون + الرسيفر + مشترك سلك الكهرباء + المفاتيح أو أى حاجة معاك )
وصل الجهازين ( الدونجل والرسيفر ) مع مراعاة كل سلك من الطبق المخصص ليه وشوف القنوات تعمل ولا لأ
وأسف على الأطاله يا غالى

[mido_912]

مش عارف أقلك إيه بس بجد انت أنسان تحفة ومميز ( على فكرة أنا مزعلتش من أي كلام قلته أنا أساسا مش بزعل من حد، وبعدين أنت أستاذي وعلى راسي من فوق)
ياباشا شرح ولا أروع بس شكلي كده مش هقدر أشيل التلفزيون واشتعبط بيه فوق السطح (أصل أنسان رشيق قوي) فشكلي كده هجيب فني يعمله ,وأدي العيش لخبازه احسن.
على فكرة أنا مسافر بعد بكره وهنقطع عن المنتدى لمدة حوالي 10 أيام، لما أجي هبقى أعرفك عملت إيه. ألف ألف ألف شكر ياغالي

[russia199]

تسافر وترجع بالسلامة
يا غالى
منتظر ردك

[ميدو16]

دايما تميز مصراوى مستمر وكلنا اخوه بلاشك