ايه رايكم بشاشة سامسونج سمارت 32

[kamlo]

الاول السلام عليكم
يا جماعة انا محتار حيرة السنين من كم يوم ذهبت لشراء شاشة سامسونج سمارت 32 من هايبر ماركت اللي في اكتوبر سعره عامل 2990 بس وانا بلف قابلني مندوب بانوسونيك واقنعني بان شاشة بانوسونيك led 32 بوصة بس من غير سمارت قاللي مكوناته ياباني وتجميع مصري وسعره 2650 المهم اشتريته ورجعت البيت لقيت ناس كتير من صحابي بيانبوني ازاي متشتريش التكنولوجيا الاحدث وامكانيات اكتر انا بجد في حيرة كبيرة ارجوكم المساعدة مع العلم ان بامكاني ترجيع الشاشة او استبداله خلال 30 يوم

[حسين الكبير]

السامسونج لا يعله عليه انا اشتريت الlg samsung

[ahamdkalad]

بصراحه انا شوفت على اليوتيوب شاشه سمارت 32 وامكانيات الخيال نفسى اعرف سعرها كام

[kamlo]

سعره انا كاتبه في فوق 2990
يا جماعة مصراوية يا غاليين دلوني اعمل ايه

[kamlo]

يا جماعة يا مصراوية فين ردودكم المشجعة مفيش حد عنده خبرة في الشاشات

[sasa2000217]

شوف يااخى انا اشتريت شاشة lg smarte 32 من هايبر برضة وكان سعرها 3000 جنية ولما وصلت البيت وشغلتها كانت ممتازة لكن عرفت ان هناك موديل احدث لبعمل علية خاصية 3d روحت بعد شهر تقريبا واخذوا منى الشاشة وجبت الشاشة lg 32 smarte 3d ومعاها 4 نظارات بصراحة متعه فاستغل الفرصة واشترى الاحدث وكان سعرها 3500

[kamlo]

طب الكلام دا كان امتا

[sasa2000217]

من حوالى 5 شهور تقريبا

[kamlo]

يا جماعة افيدوني حد يرد علي من الناحية العملية شاشة بانوسونيك او شاشة سامسونج سمارت

[ahmed_hassan2020]

خليك فى المشهور دلوقتى وهات سامسونج سمارت وان كان كل الاسمارت له عمر معين لحد علمى

[ahamdkalad]

يعنى ايه شاشه الاسمارت ليها عمر معين

[ز غلول اسكندرية]

اخى سمارت سامسونج لا يعلى عليها
بس من رايى
لو توفرت الامكانيات المادية معك
اجمل شىء وعن تجربة
شاشة سامسونج 40 بوصة الفئة سمارت6 بالمرة انت مش كل يوم حتجيب شاشة
و توكل على الله

[kamlo]

طب ممكن تقولي يا استاذ زغلول الشاشة 40 عاملة كام

[ahmed_hassan2020]

يعنى ايه شاشه الاسمارت ليها عمر معين

اسف اخى انا قصدى على البلازما اعذرنى انا اعرف انا البلازما بتعوز تتشحن عد فتره

[kamlo]

يا استاذ زغلول انت علقتني من امبارح وانا مستني تقولي سعر الشاشة 40 بكام

[mohammad bassam]

السامسونج الافضل في السوق بس المشكله في الاسعار غاليه شويه

[مالك انور]

طب ممكن تقولي يا استاذ زغلول الشاشة 40 عاملة كام

انا سألت في التوكيل، كان فيه شاشة سامسونج 43 بوصة ولكن الفئة 4 بلازما كانت عاملة 3200 جنيه ودي اقل حاجة، اما 40 ليد الفئة السادسة اعتقد مفيش وكان فيه 42 بتعدي 4000، علشان كده جبت شاشة تورنيدو- توشيبا فول اتش دي 39 ب3200 ولكن ليد مش بلازما

[bedotop]

مع إحترامى لجميع الآراء شاشات sony لا يوجد منافس لها ابداااااااااااااااا

جودة الصوره والالوان والجوده العاليه

الموديل ده لايوجد منافس ليه

http://www.b.tech.com.eg/index.php?dispatch=products.view&product_id=30717

[denasat]

شاشة سامسونج سمارت
او lg سمارت

[®FaDeL]

مع إحترامى لجميع الآراء شاشات sony لا يوجد منافس لها ابداااااااااااااااا

جودة الصوره والالوان والجوده العاليه

الموديل ده لايوجد منافس ليه

http://www.b.tech.com.eg/index.php?dispatch=products.view&product_id=30717

اتفق مع هذا الرأى بشدة
السونى فرق بينها وبين الأخرين فرق واسع