مبادرة(انا تبت اغضب ربنا) لا لتركيب القنوات الاباحية

[ماهر]

بصو يا شباب انا فني دش وعندي محل كمان وبقالي في مجال الستلايت اكتر من 8 سنين وكلكم عارفين طبعا احنا بنركب اقمار ايه وبنجيب قنوات ايه وبنفتح ايه عن طريق السوفت وير انا والدي في المستشفى حاليا جاله سرطان في الحنجرة واقمت معاه في المستشفى انا بشوف الناس المريضه كل يوم وهي بين الحياة والموت وبشوف كل شويه حد بيدخل ثلاجه الموتى يلي انا فيه دلوقتي ربنا ميكتبه على حد فيكم ويعفيكم منه اجمعين بس الواحد لازم ياخد العظه ويتفكر في يلي بيشوفه ولو مش هنوقف دلوقتي هنوقف امتى لما نمرض ولا لما نموت ؟؟؟؟؟
متيجو نتوب عن كل مايغضب ربنا وانتوا عارفين ايه المعاصي يلي في مهنتنا وانا اول واحد هيعمل كده وربنا يغفرلنا كل يلي عملناه قبل كده ويسامحنا ويرحمنا برحمته وربنا يرزقنا الحلال ويغنينا بحلاله عن حرامه وكفايه ذنوب يامسلمين ومحدش بيموت من الجوع لو مجبش سكس للناس انا عملت المادرة دي وكل يلي يحب يكون معايا ياريت يكتب رد ويعرف نفسه ويعلن توبته عشان يكون سبب في توبه الفنيين التانيين يلي هيقرو الموضوع ده ونخليها مبادرة كبيرة جدا وانا عارف ان مشرفين مصراوي سات ناس محترمه وبتغير على دينها ونرجو تثبيت هذا الموضوع من الساده المشرفين وربنا يجعله في ميزان حسناتكم جميعا وعذرا للاطاله
اخوكم ماهر محمد
لاتنسوا والدي ومرضى المسلمين من دعائكم

[الفارس2007]

جزاك الله خير يا اخى

[ربيع جمعه]

شفا الله والدك وجميع مرضا المسلمين

[ابومى]

للاخ الفاضل انا هقول رايى بصراحة وانا مش فنى دش ولا حاجة -لوضمنت ان كل الفنيين بتركهم هذا الموضوع هتبطل الفرجة على القنوات دى ماشى- انما للاسف فية ناس مدمنين للحاجات دى ومش ممكن هيبطلوها وحسابهم عند اللة-اللى عايز أأقولة وبختصار ان صاحب الريسيفر هوة المسئول مش انتا لان الريسيفر دة زى شارع طويل فية المسجد وفية الخمارة ناس داخلة المسجد وناس داخلة الخمارة وفى الاخر فية حساب-لو كل الناس دخلت المسجد وعملت بالدين مافيش لزوم ربنا يخلق نار والعكس اما علشان تقفل على الناس فدة صعب لان فية أفلام على سيديهات وفية مواقع على النت ودى مسئولية أولى الامر -كل اللى ممكن تعملة انك تحذر وتبين خطورة الموضوع دة على الاسرة ككل باسلوب حسن- شفا اللة والدك وعافاة

[shata]

شفا الله الوالد
لك تحياتى على نصيحتك
يارب تجيب نتيجه
وأنا الحمد لله لاأركب الأوربى
لأحد وإذا صمم أتركه يجيب غيرى
لك شكرى

[الشرق للستالايت]

اولا شفا الله والدك وعفاه
ثانيا اشكرك على النصيحه الغاليه وعن نفسى لااركب هذا القمر الملعون

[halimmoaz]

بارك الله فيك وفي دعوتك وشفا الله جميع المرضي اللهم آمين وشكرا جزيلا لك

[ali_sh]

اللهم اهدي عصاة المسلمين واشفي امراض المسلمين يارب العالمين.

[م / سمير محمد]

اولا شفا الله والدك وعافانا واياكم من المرض
ثانيا انا كنت بركب القمر الملعون وكان كل الناس بتقصدنى شخصيا لانى والحمد لله متمارس فى المهنة كويس جدا واعمل بها منذ 7 سنوات ولكن منذ اكثر من عام ولا اقوم بتركيبه اما عن الاوربى فلا باس منه لان مش كل الناس اللى بتركبه علشان القنوات الجنسية لانه لو محتاج القنوات دى هيقول انه عايز يركب 00000؟ وكلكم عارفين بس لما الزبون يصمم على القمر ده بالذات انصحة نصيحة لوجه الله اولا وان صمم اكتر اخليه يجيب غيرى ومحدش بياخد اكتر من رزقة وربنا يديمها بالحلال

[هيومانس]

ربنا يشفى الوالد ومرضى المسلمين جميعا
ويكرمنا بالرزق الحلال وشكرا لك على النصيحة

[abohasham]

جزاك الله كل الخير اخى

واعلموا ان من يركب الاوروبى او القبرصى

فهى ذنب كبير له اجره من الذنوب واجر من عمل به الى يوم القيامة

[شوقى نجيب]

جزاكم الله جميعا كل الخير
و أسأل الله عزوجل أن يرزقكم الحلال
و أن يبارك لكم فيه و أن يدخلكم الجنة أجمعين

[hamadasat96]

للاخ الفاضل انا هقول رايى بصراحة وانا مش فنى دش ولا حاجة -لوضمنت ان كل الفنيين بتركهم هذا الموضوع هتبطل الفرجة على القنوات دى ماشى- انما للاسف فية ناس مدمنين للحاجات دى ومش ممكن هيبطلوها وحسابهم عند اللة-اللى عايز أأقولة وبختصار ان صاحب الريسيفر هوة المسئول مش انتا لان الريسيفر دة زى شارع طويل فية المسجد وفية الخمارة ناس داخلة المسجد وناس داخلة الخمارة وفى الاخر فية حساب-لو كل الناس دخلت المسجد وعملت بالدين مافيش لزوم ربنا يخلق نار والعكس اما علشان تقفل على الناس فدة صعب لان فية أفلام على سيديهات وفية مواقع على النت ودى مسئولية أولى الامر -كل اللى ممكن تعملة انك تحذر وتبين خطورة الموضوع دة على الاسرة ككل باسلوب حسن- شفا اللة والدك وعافاة

اولا
ادعوا الله بالشفاء للوالد
وان يعينك ويمكنك من رد جميله
كلام جميل
لكن الافضل ان نحاول وننصح بقدر الامكان
عن تركيب القمر الاوروبي ونحاول ان نقلل تركيبه تدريجيا

اما عن القمر الملعون
ارجوا من كل فني ان يوقف تركيبه
ولنكون يد واحدة ولنمسحه من ذاكرتنا نهائي بقدر
الامكان
وكلما كان الرزق حلال وبنية نشر الخير
ان شاء الله تطرح به البركة
وهيا ما يفتقدها اكثر الناس
القرش المبروك بالحلال

والدنيا داين تدان
بيدنا نتقدم ال الامام
وبالنسبة لاخي الكريم
الذي اقتبس ردي بمشاركته
اتفق معك
ولكن نحن ايضا
يكون علينا المسؤلية لانه كلما شاهد
القنوات كلما كنا السبب الرئيسي
والله الهادي
ندعوه بالهدي للجميع
ان يهدي امة المسلمين اجمعين

[محمدزكريا59]

بارك الله فيك أخى الكريم وشفا والدك شفاء لا يغادر سقما

[محمدالسقا]

شفا الله والدك وجميع مرضا المسلمين

[مالك المصرى]

وكل انسان على نفسه بصيرا ---- الكل يعرف الحلال من الحرام ونحن نعلم جميعا وخاصه فنييى الدش والتركيب اى الاقمار التى بها قنوات اباحيه وكذلك السوفت وير الخاص بها
لذلك النصيحه هى عدم تركيب اى منهاوجزاك الله خيرا

[ماهر]

اولا احب اشكر كل الاخوة الافاضل اللذين شرفوني بمرورهم الكريم واعانوني بدعائهم لوالدي بالشفاء جزاكم الله خيرا وابعد عنكم المرض انتم وكل من تحبون

[ماهر]

ثانيا القرش الحرام بياخد كل الحلال واحنا بنشقى ونتعب عشان اسرنا واولادنا ومينفعش ندخل عليهم قرش حرام عشان هيعود عليهم بالمرض ويعود علينا بالذنب وغضب ربنا وصدقوني الحرام مبينفعش ولا فيه بركه ومن ترك شيئا لله رزقه الله خير منه واعلم ان رزقك مكتوب لك بس متستعجلش عليه وتاخده حرام اصبر وربنا هيبعتهولك حلال وباركلكم في صحتكم واهلكم وولادكم امين يارب العالمين
اخوكم ماهر

[ماهر]

ثالثا عاوزين من كل صاحب محل دش شايف ان كلامنا صح نفعل المبادرة دي وحد يعملنا بادجات تتحط على باب المحلات فيها كلمه اوروبي + قبرصي وعليهم شرطه حمرا مايله عشان نكون ايجابيين والرزق على الله

[م0ابوعمر]

شفا الله والدك وجميع مرضا المسلمين