الرجاء المساعده في اجهزه تبث 4كيلو

[amermero]

انا عاوز اعمل شبكه وير لس تبث 4 كيلو اي هي الاجهزه المستخدمه واسعارها

[amermero]

ارجو الرد او التعبير

[حسين الامير]

اكسس اير ليف

[احمد محمد بسيوني]

بص يايبرنس اولا حدد انتا عاوز تشتغل بأى تردد فيه تردد 2.4 بيشتغل على اللاب والموبايل وغيره وفيه تردد 5.8 دا تردد عالى وجميل جدا وبعدين لو عاوز تبث مسافة 4 كيلوا فى تردد 2.4 وتغطي معاك مسافة ممكن تصل 4 كيلوا يبقى هاتشترى جهاز مثلا بوليت + انتنا هايبر ودى تقريبا 1500 جنيه مصرى ولو عاوز تشتغل على تردد 5.8 يبقى هاتجيب جهاز اسمه روكيت اومنى بحاولى من 2700 حتى 3000 جنيه وطبعا مفيش احسن من التردد 5.8 بس خد بالك ان المشتركين اللى هيستقبلم على تردد 5.8 هيستقبلم بجهاز مثل ( لوكو ام 5 ) وده اقل جهاز فى السوق يشتغل على تردد 5.8 وبيكون سعره 550 جنيه او 600 بس النت ولا كلمه ،اما تردد 2.4 دا بتسقبل منه من عند العميل بأكسيس مثلا 701 تي بي لينك ودا بيكون سعره تقريبا 185 جنيه شوف وانا تحت امرك

[amermero]

اي هيستقبل مني هستقبل بأكسيز فا شوف حضرتك اي الي يناسب ويكون سعره مرتاح

[احمد محمد بسيوني]

بص ممكن تبدأ بجهاز محترم على تردد 2.4 جهاز حلو اسمه ( بيكو استيشن 2hp ) بحوالى 850 جنيه يبث لعملاء واستقبل منه للعملاء باكسيس تبى لينك 701 او 741 وغيره وسعره على قد ايد العميل حوالى 180 جنيه وشوف الدنيا عندك عامله ايه

[amermero]

طب والي عنده اكسيس 501 و500 والكلام ده يستقبل عادي برده
وبيكو استيشن 2hp ده 4كيلو برده

[وائل001122]

اخى انتا لو عاوز تنقل نت من مكان لمكان لمسافه 4 كيلو متر

تمام


يبقى هات 2 نانوستيشن إم فايف قصاد بعض

دة بالنسبه للنقل


لكن التوزيع للعملاء الل هايستقبلوا منك نت بأكسيسات يبقى عليك


طبعا أى نوع أكسيسات زى بعض مش هاتفرق معاك عادى



بأنتينا أومنى هايبرلينك 15 دى بى آى تمام

وبوليت تو إتش بى هاى باور تمام


طبعا البوليت بيركب على الانتينا والسيستم دة بتاع البوليت والانتينا بيرمى نت معاك فى جميع الاتجاهات لمسافه 3 كيلو وأكثر فى المكان المفتوح تمام كدة ياغالى وصلت الفكرة


وطبعا ******* عندك لو العملاء كتير يبقى هات راوتر بورت 750 جى إل دى للدمج


والتوزيع للعملاء من كيسه كمبيوتر عادى تسطب عليها نسخه مايكروتيك وياريت النسخه 5.20 دى نسخه جميله جدا ومجربه وبصراحه تحفه بجد


وتربطهم كلهم بسيرفر واحد علشان ماتتعبش كتير




وربنا يوفقك أخى فى مشروعك وأى إستفسار تحت أمرك ياغالى






تحياتى لك وللجميع

[khashaba]

بص يا عم الحج ومن الاخر ومفيش كلام بعد كدة خد مني لاني عندي اكثر من شبكة وعندي اجهزة كتير شغال بيها افضل حاجة لو 4 كيلو وفر وهات نانو ام فيف لوكو بحاوالي 600ج واحدة ترسل واحدة تستقبل التكلفة 1200ج وهات بيكو 2hp يرسل للعملاء وده افضل حاجة وتمنه حوالي 735ج ، ممكن تستغن عن البيكو وتجيب اكسس 741 ارسال للعميل
سلام يا معلم

[ahmedmedooo]

والتوزيع للعملاء من كيسه كمبيوتر عادى تسطب عليها نسخه مايكروتيك وياريت النسخه 5.20 دى نسخه جميله جدا ومجربه وبصراحه تحفه بجد

اخى الكريم وائل هل يوجد نسخة مايكروتك تعمل 3 لان 2 دخول وخارج واحد دمج خطين بدون روتر 750 للدمج هل نسخة 5.20 تعمل على هذا النظام وشكرا لك

[وائل001122]

اخى الغالى


انتا ممكن تدمج وتوزع من على كيسه برضه عادى جدا

بس الافضل فى الدمج بلا منازع الراوتربورد


وكل شئ برضه فى يدك انتا عادى جدا اخى واى نسخه مايكروتيك سوف تعمل معك جيدا ياغالى



بالتوفيق لك واى شئ تحتاجه نحن هنا فى مصراوى سات فى خدمه الجميع





تقبل تحياتى

[ahmedmedooo]

بارك الله فيك اخى الكريم وائل وجعلة الله فى ميزان حسناتك

[hagzye salah]

اعزائى المحترمين انا قرات الردود لحضراتكم واتنا رفع شرح ربط الروتر بورد وهل النسخه المايكروتيك ديه تكون الكيسه سرفر فقط بدون استخدام اخر ولا حضرتك تقصد نسحه مايكروتيك فورشون ماشين وانا محتاج اوزع هوائى فى محيط 2كيلو
وياريت لو فى انتنه سعرها مرتاح وايه الوسيله للتوصيل انا من المنيا من بنى مزار وشكرررررررررررر

[رماح]

والله انا اشتغلت بى بوليت وبى امبر فاير مش حلوين معايه دلوقتى شغال بى اكسس هير لايف رامى معايه مسافه 3 كيلو الجهاز دا والله ممتاز عملتله سوفت لرفع البث

[وائل001122]

اخى الغالى


hagzye salah


انا جنبك من اسيوط بس ساكن فى محافظه الوادى الجديد اوصلك نت من عندى ههههههه


المهم


اخى انا اقصد ان اى حد عاوز يعمل ***** مرتاح ويكون متحكم فى كامل الشبكه بسيرفر واحد بس يعمل الاتى



يجيب 1 راوتربورد rb750gl لدمج الخطوط ودى هاتكون للدمج فقط تمام


أما التوزيع هايكون من


كيسه كمبيوتر عاديه علشان طبعا الامكانيات اعلى فى كل شئ عن الراوتربورد تمام

وتفعل فيها الكاش علشان يريح العملاء فى التصفح وصلت كدة ولا لسه


يعنى الراوتربورد دى للدمج والكيسه هيا اللى هايكون عليها كل الشغل بتاع ******* والتوزيع للعملاء وصدقنى شغلها ممتاز جدا


الموضوع سهل جدا وأى شئ تحب تسأل عليه نحن معك هنا فى المنتدى الغالى مصراوى سات





تقبل تحياتى لك وللجميع