تسجيل الدخول

مشاهدة النسخة كاملة : كل ما يخص شبكات وسيرفرات المايكروتك ( موضوع شامل )

الصفحات : [1] 2 3
nourmeneassy
2014/01/23, 03:10 PM
بسم الله الرحمن الرحيم

وانا قاعد بتصفح النهاردة منتدى المايكروتك لقيت ان المنتدى غير مرتب بالمرة

ويصعب على الكثيرين ايجاد موضوع محدد .. غير ان في موضوعات كثيرة متكررة

ودا بيخلي البحث في المنتدى صعب جدا .. بالذات على المبتدئين في ******* المايكروتك

فتوكلت على الله .. ثم قررت اني اعمل الموضوع دا .. بحيث يشمل كل ما يخص شبكات وسيرفرات المايكروتك ..




هنحدد مع بعض نقاط العمل .. يعني مثلا :

1- ما هو ***** المايكروتك .. وما هي اهميته لأصحاب ومدراء الشبكات
2- ما هي متطلبات العمل بالمايكروتك .. وطرق العمل به .
3- تنصيب نسخة المايكروتك وعمل الكراك .. حتى تصبح نسخة دائمة
4- شرح اعدادات المايكروتك من الألف إلى الياء وشرح اعدادات الكاش
5- وفصل التصفح عن التحميل وفتح السرعة لليوتيوب والماسينجر
6- شرح توزيع النت عن طريق المايكروتك بكل الطرق
7- شرح الدمج .. وفائدته .. وضبطه ليتم سحب الخطوط بالتساوي
والدمج بأكثر من طريقة .. ودمج اكثر من خط على فتحة لان واحدة .
8- شرح عمل مجلة شير للشبكة .
9- شرح كيفية بث قنوات في الشبكة .
10- شرح كيفية فتح ******* من اي مكان في العالم عن طريق الانترنت



طبعاً اي حد عنده نقطة عايز يضيفها يقولها عشان نخليه موضوع شامل لكل شئ بالفعل .

وان شاء الله سيتم وضح كل البرامج والرولات والاكواد المستخدمة في الشرح .. مع شرحها كاملة وشرح استخداماتها ..

انا من دلوقتي هبدأ بتجهيز الشروحات .. ولكن اريد أرائكم في الموضوع .. ومساعدتكم في النقاط التي لم اذكرها حتى يتم وضعها بالموضوع .

تحيــــاتي ..
ahmedmedooo
2014/01/23, 07:56 PM
بارك الله فيك اخى الكريم نور توكل على الله الموضوع فعلا شامل كل شىء وسوف يكون شامل
كل الموضوعات بالنسبة للشبكات ومتنساش حضرتك تشغيل كل الموبيلات على الشبكة
وكيفية حماية الشبكة من الفيروسات والاختراك وظهور جميع ماكات العملاء .
وربنا يوفقك ويجعلة فى ميزان حسناتك إن شاء الله تعالى
amir_love2
2014/01/23, 10:48 PM
كده يبقى افاده بجد للمشتركين وهيستفادو بجد علشان بنتعب من البحث عن موضوع او اكثر وجزاكم الله كل خير
علاء الدين احمد عطيات
2014/01/23, 10:51 PM
طريقة اختراق الشبكه الميكرو تك
طارق عبد الحكيم
2014/01/23, 10:53 PM
تمام عاوزين نعمل فريق هنا متكامل
nourmeneassy
2014/01/24, 12:27 AM
شكراً لمروركم الكريم احبائي في الله .. لكني اعتذر بشدة
مش هاقدر انزل الشروحات النهاردة ولا بكرة .. للأسف عندي مشكلة كبيرة في الشبكة بتاعتي
وان شاء الله انا مفضي نفسي بكرة خالص عشان احلها .. وان شاء الله هحط المشكلة دي ضمن شروحاتي .. وهحط حلها .. عشان حضراتكم تستفادوا منها بإذن الله
أكرر أسفي مرة اخرى ... تحيــــاتي
nourmeneassy
2014/01/26, 12:11 PM
بسم الله الرحمن الرحيم

أولا .. اعتذر عن التأخيــر نظراً لبعض المشكلات التي واجهتني


ماهو المايكروتك وماهي اهميته لأصحاب ومدراء الشبكات ؟

في أصحاب شبكات كتير بدأت شبكتها براوتر وسويتش وكرتونة سلك .. وصل العملاء بتوعه على السويتش ووصل السويتش على الراوتر .. وكان الله بالسر عليم

كانت بتواجههم مشاكل كتير .. اولها الداونلود .. اي حد من المشتركين يعمل داونلود .. يبقى ساحب كل سرعة الخط .. وباقي المشتركين في الضياع .

او مشترك عامل فيها ابو الفهم كله .. ومنزل عنده برنامج نت كت .. عشان يقفل النت على زمايله اللي معاه على الخط عشان ياخد كل سرعة الخط

او مشترك رخم .. مش عايز يدفع الاشتراك في معاده .. ومفيش قدام صاحب الشبكة غير انه يفصل السلك بتاع الرخم دا من السويتش ..

وغيرها مشاكل كتييييييييييير وصاحب الشبكة الغلبان مش بيبقى عارف يعمل ايه .. ( انا مريت بكل الظروف دي من اول ما بدأت الشبكات في الانتشار )

لغاية لما معظم أصحاب الشبكات عرفت برامج التحكم في الشبكات .. بس طبعاً كلها برامج غير فعالة 100% .. وبعدين بدأ استخدام ******* التحكم في الشبكات ( اذكر منها الــ isa والمايكروتك )
وبدأت الدنيا تمشي تمام مع اصحاب الشبكات في توزيع السرعات وتحديد الداونلود ومنع النت كت وامكانية فصل الخدمة في حالة عدم دفع الاشتراك .. اصبح التحكم كاااامل في الشبكة بمعنى الكلمة .

نرجع بقى لموضوعنا . ماهو المايكروتك :
هو عبارة عن راوتر متطور ومتقدم جداااا .. واهميته لاصحاب الشبكات .. انه يتيح لهم التحكم الكامل في الشبكة بجميع أجزاءها بلا استثناء .


ماهي متطلبات العمل بالمايكروتك .. وطرق العمل به ؟

المايكروتك عبارة عن نظام تشغيل يعتمد على نواة لينوكس يتم تنصيبه على كيسة كمبيوتر باقل الامكانيات
عل اقل تقدير . كيسة بنتيوم 3 .. رام 64 .. هارد 10 جيجا .. 2 كارت لان .

طرق العمل به .: يمكن العمل به على كيسة كمبيوتر مباشرة بتنصيبة كتنصيب اي نسخة ويندوز او تنصيبة على ماكينة وهمية على اي جهاز كمبيوتر به نسخة ويندوز .
كيفية عمل الماكينة الوهمية :
سنقوم باستخدام برنامج VMware_Workstation تستطيع تحميله من هنــــــــــا (http://www.mediafire.com/download/3rj7y0gns7l7lsx/VMware+Workstation+2012+8.1+Build+790308+Technolog y+Preview%2Bseria.rar)

اما عن شرح عمل البرنامج قم بمراجعة هذا الموضوع : http://www.masrawysat.com/vb/showthread.php?t=1111347

يتبـــــــــــــع
moslimway11
2014/02/01, 05:00 PM
السلام عليكم يا يشمهندس
معلش حبيبت افكرك بالموضوع اللي وعدتني به وهو فتح ******* من أي مكان
معلش إن كنت باثقل عليك بس الموضوع هام وضروري
وجزاك الله خيراً
رماح
2014/02/05, 01:21 PM
اخى الغالى بنسبه لى فتح السرفر من اى مكان فى العالم لازم تشترى ايبى من شركه تى داتا ودا سعره 10 جنيه كل شهر الايبى الا حتخده من الشركه لازم تضيفى فى الروتر ودا طبعا شغل اخى وحبيبى نور الراجل دا بامانه بيخدم اى حد والله بدون مقابل شكر خاص الى اخى كريم الطيب
moslimway11
2014/02/15, 09:47 AM
أعرف يا أخ رماح بس في طريقة ثانية عن طريق التسجيل في موقع نو أيبي أو تشانج أيبي أو داينامك أيبي وكان البهمهندس وعدني يعطيني الشرح على الراوتر الخاص بي ولا أدري لماذا تأخر ؟؟؟ في الرد بارك الله في الأخوة جميعاً . فلعله يكون بخير . وجزاكم الله خيراً
MoHaMeD-SalaH
2014/02/15, 09:51 PM
تسلم الايادى
وائل001122
2014/02/16, 12:16 AM
تحياتى اخى الغالى


موضوعك رائع جدا ونرجوا من الجميع المشاركه بالموضوع ليكون مرجع شامل للمبتدئين و لاصحاب الشبكات


ونحن معك اخى فى الفكرة الجميله وعلى كل شخص يعرف اى شئ فى المايكروتيك يضعه لنا هنا لكى تعم الفائدة وانا من ناحيتى سوف اقوم بعمل الشروحات المصورة


ووضع الرولات اللازمه وسوف اقوم بأرشفه كل ما هو يهم ***** المايكروتيك وانا قد بدأت شروحاتى فعلا بهذا الموضوع


مع تنصيب ******* على الكمبيوتر من خلال برنامج


VMware_Workstation


والموضوع على الرابط التالى


http://www.masrawysat.com/vb/showthread.php?t=1111347



وسوف اقوم بعمل المزيد من الشروحات المصورة لكى تعمل الفائدة على الجميع واى استفسار او سؤال نحن فى خدمه الجميع فى اى وقت وتحياتى اخى الغالى على الفكرة الرائعه



تقبلوا تحيات لكم جميعا
filo net
2014/02/18, 02:37 PM
شكرااااااا اخى الكريم اريد شرح تصميم صفحه hotspot لو سمحت
وائل001122
2014/02/19, 02:51 PM
اخى الغالى


اولا تحتاج هذة البرامج لتكون قادرا على تصميم صفحه هوتسبوت جذابه وحسب ذوقك انت


أولا برنامج فوتوشوب لتصميم وتعديل الصور

ثانيا برنامج الاكسبريشن ويب او برنامج الفرونت بيج للتعديل على الاكواد البرمجيه فى لغه html الخاصه ببرمجه المواقع


اخى الغالى عندما تتوافر عندك هذة البرامج تكون قادر على تصميم صفحه هوتسبوت رائع تناسب ذوقك




وتحياتى لك اخى الغالى
AYMAN SAYD
2014/02/19, 06:39 PM
مش هقدر اقول غير
http://www.masrawysat.com/vb/images/rating/star1.gifhttp://www.masrawysat.com/vb/images/rating/star1.gif مثبـت http://www.masrawysat.com/vb/images/rating/star1.gifhttp://www.masrawysat.com/vb/images/rating/star1.gif
وبأعلـــى تقييـــم
هشام فرست
2014/02/19, 09:43 PM
الف شكر ليك ياغالى تقبل تحياتى....
وائل001122
2014/02/20, 02:22 PM
تحياتى اخى الغالى


ayman_afm


على تثبيت الموضوع وسوف نبذل كل جهودنا لتقديم المساعدة لجميع الاعضاء
mohamed_ammar
2014/02/26, 01:13 AM
مشكوووووووووووووووور
said_saleh
2014/02/26, 01:18 AM
بارك الله فيك
ca.hema
2014/02/26, 09:23 PM
ارجو من السيد /nourmeneassy الرد علي تعليقي
انا عندي خطين مختلفين من شركة TP_Link وشركة TE_Data
وكل خط 2mp ازاي اقدر ادمجهم في ******* عن طريق برنامج winbox
وما هي المتطلبات للدمج وشكرا