nmnm_nm99
2014/01/30, 03:52 PM
تحذير لكل من ينوى السفر ( وخاصه الى أوروبا )
السلام عليكم ورحمة الله وبركاته
حياكم الله اخوانى جميعاً ويارب تكونوا فى اسعد حال
أولا انا اتمنى ان يثبت الموضوع مش علشان هكتبه ولكن علشان فكرته
بالطبع الموضوع مش هكتبه انا لوحدى انا اتمنى من كل مغترب ان يقوم بالمساهمه فيه وما هو الا نصح للأخوه الذين ينوون السفر للخارج وبالطبع هم فى ازدياد بسبب الأوضاع فى مصر
طبعاً الموضوع مش دعوه للتشاؤم او ترك العمل او السعى فى الرزق من اجل تحسين المستوى او البحث عن الذات لكن الموضوع دعوه للإنتباه والتريث والأطلاع على الأوجه الأخرى من العيش فى اوروبا
انا هعبر عن رأيي ورأيي أى أنسان مسلم فى الغرب وخصوصا فى اوروبا وفى النهاية هحط حل كويس من وجهة نظرى بعد الغربه وهو عبارة عن حل رائع حتى بالنسبة ليا وفعلا لو رجعت الأيام للخلف كنت هختاره بس ارجو متابعة الموضوع الأول وفى النهاية ان شاء الله هضعه لكم
وده نتاج تجربه شخصية فى عدد من الدول ابتدأها بالخصوص فى انجلترا لأنى اكيد ملاحظ الكل يسعى ورائها
التحذير الأول
التحذير ده يخص الأشخاص المسافرون عن طريق فيزا سياحه لأنجلترا طبعاً مش هتكلم كتير فى البند ده لأن مخاطره معروفه
كل الى اقدر اقوله فعلا هتكون عرضه للإستغلال وكمان مشكلتك هتكمن انك بعد عدة سنوات هتحس انك مسجون فى انجلترا وطبعاً فى اغلب الأوقات هتشعر انك مجرم واصلا القانون بيعتبرك مجرم لأنك متواجد بشكل غير شرعى
طبعاً السبل علشان توفق اوضاعك هتكون صعبه واحتمال تدفع فلوس كتير وتتعرض برده للنصب ولكن الخيار الى عليه أغلب الناس انهم بيعيشوا من غير ورق حتى انا وجدت اشخاص من سنين عايشين وراضيين بالنصيب وبيسمعوا ان فيه قرايب ليهم اتولدوا من اخواتهم ودخلوا المدارس وبيتعملوا وبيكلموهم ويعرفوهم بس تليفونات
طبعاً دى مش عيشه ولا هو ده الأمل من الغربه والبهدله انك تحقق فلوس وتقطع صلتك بكل قرايبك !
وعلى فكره انا خضت التجربه وللأسف سيئه
ما تخافوش برده انا عندى ليكم كذا حل وهتسافروا
التحذير التانى
طبعاً انا بعتبر ده اهم تحذير
لأنه هو السبب وراء ترك انجلترا وسفرى لفرنسا الى هتركها بعد كده لكن علشان وجدت اقامه قانونيه فى ايطاليا
السبب الأساسى وراء ترك انجلترا هو تقسيمه يعرفها كتير من الناس الى زيي الى لفوا اوروبا واتبهدلوا وطلع عينهم فى البلاد دى وشافوا بالفعل الوجه الآخر ليها
اغلب الناس دول بيقسموا البلاد على حسب الشغل الشائع فيها
يعنى مثلا يقولوا انجلترا بلد مطاعم ( يعنى اغلب الشغل فيها شغل مطاعم )
فرنسا بلد معمار ( يعنى اغلب الشغل فيها يخص المعمار والبناء )
طبعاً فيه اشغال تانيه خصوصا فى فرنسا لكن انجلترا بالذات ومعذره لكل من يعيش فى انجلترا
اغلب شغلها بالنسبة لينا احنا المسلمين حراااااااام
وحط مليون خط تحت كلمة حرام دى
ليه اقولكم ليه ببساطه بقصه بسيطه فى يوم واحد ليا فى لندن
باختصار بعد وصولى ساعدنى احد الأصدقاء الى اتعرفت عليه فى لندن انى اعمل فى مطعم
كنت لسه زى ما بنقول احنا ابيض يا ورد معرفش اي حاجه
روحت المطعم مفكر انه مطعم زي كل المطاعم بتاعتنا
لحمه ورز وسمك
لكن المفاجأة كانت ان المطعم ده اهم اعمدته زي كل مطاعم انجلترا حاجتين
الخنزير والخمره
وطبعاً دول حاجتين حتى لو اشتغلت فيهم فى لندن فبرده حرام عليك وده بعد ان سألت ولفيت لأنى كنت واقع ومحتاج للشغل فعلا
ولم اجد الا طريق مغادرة انجلترا لأنى وجدت انى مش هلاقى شغل غير ده ومفيش حل تانى قدامى لأن اغلب الاجانب بيعملوا فى المجال ده وخصوصا العرب
والنصيحه الى احب احطها فى البند ده
ان الإنسان ممكن يكسب فلوس كتير حتى لو تنازل عن مبادئه لكن هيخسر حاجات كتير اهمها دينه
وبيتهئ لى افضل يرجع بلده بدينه واخلاقه
ويتذكر حديث الرسول عليه الصلاة والسلام ( من نبت جسمه من حرام فالنار اولى به )
وبعدين انا هقولكم على مقوله قالها ليا صاحب المطعم لأنه كان راجل كبير
بالصدفه اول يوم قابلته قولت له يا حج
رد عليا وقالى ما تقوليش يا حج انا ببيع خمره وخنزير !!!!
تصوروا هو نفسه عارف انه اصلا ما يقدرش يروح يحج
هو نفسه عرف يمكن بعد فوات الأوان ان الله طيب لا يقبل الا طيب ولن يتقبل منه مال تلوث دائماً بالخمر
فالنصيحه هي دائماً الابتعاد عن هذه الأماكن وده اهم تحذير فى انجلترا (وايضاً بقية دول اوروبا) لأنى تعبت جداً لما سافرت ليها وللأسف لم اجد غير هذا العمل
وللحديث بقيه غداً ان شاء الله
والسلام عليكم ورحمه الله وبركاته
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
السلام عليكم
نستكمل اخوانى على بركه الله
انا سأتحدث الأن عن بند اضفته بعد ردود الأخوه وهو بند هام جداً
العمل فى اوروبا
بالطبع انا لا اتحدث هنا عن من يسافر الى اوروبا للأستثمار أو غيره
ولكن اتحدث عن فئه من الشباب سافرت واغلبها لا يحمل اوراق اقامه شرعيه للعمل من اجل تحقيق الذات والنجاح
وبالتالى فلابد ان ننظر للأمور من كل الزوايا
احد الأخوه قال متعجباً فى هذا الموضوع اننى صورت الأمر خطئاً على ان انجلترا ما هي الا مطعم كبير
والأجابه بالنسبة للعرب والشباب الباحثين عن العمل الأجابه هي نعم
عارف ليه
تخيل انك شاب مسافر مفيش معاك اقامه شرعيه
مفكر انك هتخرج زى همام وتلف فى شوارع لندن تبحث عن عمل
فكر معايا شويه
اي صاحب عمل انجليزى هيرضى يشغلك معاه وانت بنسبة كبيره جداً لا تتكلم اللغه بشكل جيد والأهم انك لا تحمل اوراق قانونيه وفى الغالب ايضاً لاتحمل اى حرفه او مهنه معينه فلا شهاده لك لها فائده ولا لغة ولا اوراق
فماذا تحمل !!!!
طبعاً انا اعلم نحمل جميعنا الطموح فى تحقيق الذات
وهذا امر جيد ولكن البدايه صعبه للغايه فكأنك شخص يبتدى من الصفر او كما شئت قل تحت الصفر
وكم من اناس متفوقين حققوا النجاح من هذه الدرجه
اسأل الله ان يوفقنا جميعاً للنجاح ولكن بشرط مراعاة الله وديننا واخلاقنا
المهم انا هشرح الموضوع ببساطه خالص
انت هتنزل انجلترا او اى بلد اوروبى
لا تحمل لغه ولا اى شئ وهدفك الوحيد فى الغالب متمركز حول احد المعارف الذى تأمل فى مساعدته لك
هذا القريب او الصديق سيحاول مساعدتك ولكن تصور معى أين يستطيع مساعدتك ؟
الأجابه فى الغالب الأعم تكمن فى ان يستطيع ان يوفر لك مكان آمن يديره احد العرب فقليل للغايه من الأجانب من يرضى ان يعمل لديه عامل غير شرعى واذا رضى فسيكون السبب ان يستنزفك لأنه يعرف ضعف موقفك ولكن هذا لا يحدث للأسف من الأوربيين الا فيما ندر والشائع فعله من جانب العرب
طيب العرب دول بيشتغلوا فى ايه ؟
الأجابه فى الاغلب الأعم مش هتلاقى عربى عنده مصنع ولا عنده محطه بنزين ولا عنده سوبر ماركت كبير ولا عنده سنتر ولا محلات ضخمه قائمه على الخبره والصنعه
فى الغالب هتلاقى العربى ده عنده مطعم او محل مشروبات مثلجه او غيره من الوجبات السريعه يعنى محلات اغذيه ده بنسبة 99.9%
لذلك سرعان ما تجد طريقك فى هذا المكان والعربى هو الوحيد الى هيقبل يشغلك معاه علشان يشغلك برخص التراب ويستفيد ويوفر اجر عامل يحمل اوراق
انا مش عاوز اطول انا بس بحاول اشرح واكرر واحده واحده علشان الناس تفهم طبيعة الحياة هنا
المهم خلونا نفكر ايه الحل بقى
الأبواب اغلبها مغلق وده بالأساس لثلاث اسباب
الأول : الأوراق
الثانى : اللغه
الثالث : المهنه او الصنعه او الحرفه
طبعاً حل الأول يكمن فى البدايه ودى هنخصص ليها جزء ان شاء الله سواء انت لسه هتسافر او سافرت خلاص
اما بالنسبه للغه فطبعاً قبل ما تسافر عد نفسك كويس للغة البلد الى انت رايحها ركز وحط هدفك قدامك واعرف انك بديت مشوار صعب وشوف نفسك قد التحدى ولا لا اجتهد وذاكر زي لو اول مره تذاكر فى حياتك وان شاء الله تتعلمها بسرعه
اما بقى بالنسبة للمهنه فأنت وشطارتك حاول تتقن اى مهنه ولو ليك قريب فى البلد الى انت مسافر ليها اسأله ايه المهن الى دايماً بيطلبوها فى البلد دى يعنى مثلا هنا فى ايطاليا من ابرز المهن الخراط واللحام وفى فرنسا من ابرز المهن النقاش
طبعاً انا مش بقولك اشتغل المهن دى انا بديك بس امثله ممكن انت تشوف مهنه او صنعه تناسبك وخليك فاهم ان البدايه دايماً صعبه انت مش هتيجى اوروبا تلاقيها فاتحه ايديها وبتقولك تعالى ابنى ذاتك وحقق طموحك
طريق النجاح محفوف دايماً بالفشل والشاطر هو الى عنده عزيمه واصرار
وهدفى من الموضوع ده انى بس انورلك ولو جزء من الطريق وبعدين انت بقى اسعى واجتهد وان شاء الله النجاح من نصيبك
بعد ما تحصن نفسك بالحاجات التلاته دى
هاخدك بقى فى جوله صغيره فى ايطاليا وتعالى نشوف لو معاك التلات حاجات دى ومالكش اى معرفه فى ايطاليا ولا اى قريب تعالى كده نشوف هيحصلك ايه
ده هكمله معاكم بكره مع شرح دقيق ومفصل للى حصل معايا ومع واحد صاحبى ان شاء الله
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
السلام عليكم اخوانى
نستكمل الجزء الثالث من هذا الموضوع واحب فى البدايه أن اشكر لكم متابعتكم وحرصكم على الموضوع وهو ما يزيدنى رغبة فى تكلمته وان شاء الله فى ختامه يستطيع كل منا ان يجد طريقة ملائمه للسفر هي أقل فى المخاطرة من غيرها
والأهم فهذا الموضوع رغبة منى فى إلقاء الضوء على اوروبا حتى يدرك من يريد السفر عقباتها ويجهز نفسه بسلاحه الذى يوقيه قبل كل شئ العمل الحرام والكسب الحرام
العمل والمعيشه فى اوروبا ( ايطاليا )
ابتداءاً فى هذا الجزء سألقى معكم نظرة سريعه على شخص يحمل لغة وأوراق وصنعه ثم نظرة سريعه على الحياة ومستوى الدخل والأسعاء
بصراحه الشخص الذى يحمل اوراق ولغة ربما لا يحتاج إلى معرفه او مساعده من احد
فى البدايه احب ان اوضح شئ
لو انت هنا فى ايطاليا الحمد لله أستطيع مساعدتك فى ايجاد سكن الأمر ليس بالصعب
ولكن المشكل الأن هو فى العمل فهذا ما لا استطيع مساعدتك فيه
والقليل هم من يستطيعون فعل ذلك والأغلب سيطرح لك مطعم او محل بيتزا
وستذهب للعمل بمبلغ زهيد وبخاصة إذا كنت لا تحمل أوراق
لكن تصور معى ان معك الأوراق واللغه
أنا بعد ما اكتسبت اللغة قررت أن اغير العمل فى المصنع الذى طالما حلمت بتركه لأنه كان بمثابة جحيم بالنسبة لى
خرجت أنا واحد اصدقائى وبحثت طيلة أسبوع كامل بعدما تركت العمل
وما كانت هيه الا ايام قليلة ووجدت هاتفى يرن
خرجت مسرعاً فى مقابلة وانتهت والحمد لله بالعمل لدى شركه بعدها بحوالى ثلاثة أسابيع
صديقى الأخر استطاع ايضاً الحصول على عمل بعدى بحوالى شهر
وايضاً ما زالت الأتصالات مستمره بى من الشركات الخاصة بالعماله
العمل قد يكون صعباً ولكن مع الصبر والبحث والأخذ بالأسباب تستطيع ان تجد لك مكاناً
فدائماً من يسعى يحقق له الله عز وجل النجاح والفلاح
لا اريد ان اطيل فى هذا الشق
ولكنى اردت فقد أن أوجه انذار لكل من يريد السفر ان يحاول ان يتسلح باللغة والمهنه والأوراق
قد يظن البعض ان الأمر بدونهم سهل او يسير
لكن الأمر بدونهم سيصبح صعباً للغايه خاصة وكما قولت انك ستجد ان الأبواب المفتوحه دائماً لمن لا يملكون هذه المميزات هى ردهات المطاعم ومحلات البيتزا التى ذكرت انها لا تخلو مما حرم الله
الأن عند هذه النقطه نتوقف
واريد ان ارسل هذه السطور لمن هم فى اوروبا الأن
كيف يستطيعون الحصول على اوراق ؟
ليس بالضرورى ان ينظر الأخوه للأمور نظره ضيقه بأن الطريق الوحيد هو الحصول على ارواق فى انجلترا طالما انهم يعيشون فيها
أنا شخصياً لي صديق فى فرنسا حينما فتحت الأوراق هنا فى ايطاليا اخبرته وجاء الى ايطاليا واستطعت ان اقدم له فى قانون الخدم الأخير وان شاء الله حسب ما قيل فسيحصل على الاوراق فى منتصف العام القادم
وبالتالى هو أصاب نصف الطريق هو صحيح يقيم فى فرنسا ولكن بقدومه والحصول على اوراق هنا فى ايطاليا
يستطيع ان يتنقل ويعيش ويعمل فى ايطاليا او يذهب الى فرنسا والأهم هو العوده الى مصر والرجوع هنا مره أخرى
وهذه من أهم مميزات الحصول على اقامه فى اي دوله من دول الأتحاد الأوروبى
طبعاً أرسل بشرى للأخوه حسبما سمعت من كثير من الأشخاص أنهم ينوون قريبا ان شاء الله عمل قانون للعمال فى ايطاليا
طبعاً الكثير هيقول طيب انا اخد اقامه فى ايطاليا ليه ؟
كما ذكرت يكفى حريه تنقلك فى اوروبا واستطاعتك الذهاب والعوده من اوروبا والى مصر
المعيشه فى اوروبا ( ايطاليا )
انا سأخص بالذكر الأن ايطاليا
طبعاً العمل هنا فى اوروبا لو استطعت الحصول عليه فى مصنع او شركه يكون المتوسط للأجر حوالى 1200 يورو
ولعل الكثير من المصريين يفضلون ايطاليا على غيرها بسبب الأجور وانخفاض الأسعار وانعدام الكنترول
طبعاً هيسأل الكثير يعنى ايه انعدام الكنترول
اقولكم انا
انا كل يوم بركب قطر من ميلانو لمكان خارج ميلانو حوالى ساعه
تقريبا بقالى اكتر من شهرين ما شوفتش الكنترول فى القطر وعمر ما حد قالى تذكرتك فين يا فندم !!!!
حاجه وحشه لأنها بتشجع السرقه ولكن للأسف طبيعة ايطاليا كده
مثل تانى وللأسف المصريين بيضربوا فيه اسوأ التصرفات
انت لو حالتك الماديه مش ولابد ودخلك قليل تقدر تحصل على سكن ببلاش عن طريق التقديم بأوراق لبعض الجهات وطبعاً المصريين مش سايبين الحكايه دى
لا والكارثه بقى ان المساعدات الى بتتلم لكنائس العالم بتتحوش هنا فى ايطاليا
علشان كده الكنائس بتطلع أطنان من الأكل ببلاش والمصريين للأسف بيكونوا اوائل الناس الى واقفه مستنيه الأكل ابو بلاش مع انهم زي ما قولت بيقبضوا فى المتوسط 1200 يورو فى الشهر
لكن زى ما اتعلموا الى تاخدوا من وشهم احسن منهم
وده للأسف بيسيئ لينا جامد
المهم تعالوا نحسبها سوا
لو انت شاب وربنا سهل لك الحال واشتغلت فى ايطاليا
ودخلك 1200 يورو
هتقدر تحوش منهم حوالى 800 يورو كل شهر ده لو انت مبذر لكن فيه ناس ممكن تصرف 200 يورو بس ويحوشوا الألف
الأكل هنا مش غالى كتير
اللحمه ممكن سعر الكيلوا فيها يبدأ من 3 يورو ( يعنى ارخص من مصر )
المكرونه الكيلوا فيها ممكن 50 سنت وفيه طبعاً انواع كتير بتوصل ل 10 يورو للكيلو بس الأنواع دى مش موجوده فى مصر اصلا
المواصلات والتنقلات كويسه وافضل من مصر
القطارات اغلبها مجهز ومكيف بشكل كويس لأن درجه الحرارة فى الشتاء بتبقى تحت الصفر
الايطاليين باختصار هم افضل من يعيشون فى ايطاليا
شعب طيب والناس فيه عاملين زي المصريين كده رغايين وبيحبوا يضحكوا ويفرفشوا ويتكلموا ليل نهار
لو سيبت واحد ايطالي يكلمك هيصدع دماغك وهتحاول تنهى الحوار علشان تمشى تشوف شغلك لأنك لو وقفت معاه مش هيبطل كلام ههههههه
مش عاوز ازعلكم ولكن اسوأ الجاليات هما الأجانب وبخاصة الرومان والناس بتوع امريكا الجنوبيه
والمغاربه
المصريين الاسوأ من حيث التعامل مع بعضهم البعض
لكن مع الأخرين عاملين خدهم مداس وملابسهم سجاد يدوسها الأخرون وقتما شاؤوا
فى الحقيقة فى وجهة نظرى اسوأ من يتواجد وللأسف على الأراضى الايطاليه هم المصريين
ده مش معناه الكل ولكن فيه ناس كويسه كتير ومحترمه لكن الأغلب غير كده
ان شاء الله اكمل معاكم فى الجزء القادم
أساليب القدوم الى اوروبا ولعل افضلها قانون فلوسى المشهور
انا الحمد لله على اطلاع بالموضوع لأن ابن عمى عنده شركه واحضر اكتر من قريب وهو كان السبب فى عمل الأوراق لي هنا فى ايطاليا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
السلام عليكم ورحمه الله وبركاته
يارب يكون كل الأخوه بخير وبعتذر عن طول الفترة لإستكمال بقية الموضوع
نكمل على بركة الله
طبعاً انا وعدتكم أنى المره دى نلقى نظره على افضل الطرق للوصول إلى أوروبا وبخاصة إيطاليا
واحد هيسألنى ويقولى وأشمعنى بالذات ايطاليا
هقوله ببساطه لأنها الدوله الوحيده فى اوروبا الى بتمنح الإقامه دلوقتى للعمال بغير طرق اللجوء وغيرها مثل انجلترا
يعنى أفضل دولة من دول الاتحاد الأوروبى الى تقدر تحصل على اقامتها غير بقية الدول لا يوجد بها قوانين مماثله
أنا هبدأ الجزء ده بالحديث عن قانون فلوسى الشهر الى انا جيت هنا بسببه ولم أكن اعلم اسمه اصلا ههههههه
المهم القانون ببساطه كده عبارة عن قانون يمنح اصحاب الأعمال ( أى أعمال ولو حتى صاحب محل جرايد ) أنه يستقدم عماله من الخارج وبيكون للعماله دول حق الاقامه والعمل فى ايطاليا
وبالطبع ما دمت تحمل اقامه فى ايطاليا تستطيع التنقل بين كل دول الاتحاد الأوروبى ولكن دون العمل فيها
بالطبع انا مش هستفيض فى شرح القانون لأن تقريبا الكل يعرفه
لكن انا هركز على اساسيات فى القانون
البعض معتقد انه لما بيقدم الرد بيجيله بعد شهر
مش عاوز اقولكم انى استنيت سنتين لحد ما كنت فقدت الأمل وقولت خلاص مش مسافر ايطاليا ده ولا هعتبها واصلا شقيت طريقى وسافرت انجلترا بعد خمس شهور لأنى ما كنتش واثق فى الموضوع وحاسس انه مستحيل
طبعاً اى رد يستحيل يوصل قبل اربع او خمس شهور وده بالنسبة للناس الى قدمت فى البدايه وكل ما تتأخر فى الوقت تتأخر فى الرد عليك واحياناً بتفرق فى الساعه والدقيقه
سؤال مهم جداً بالنسبة للقانون
ناس كتيره بتقول القانون اتلغى ولم يعد ساري وناس بتقول لا ساري
الحكايه غير كده خالص الحكايه انهم فى الحكومه بسبب المشاكل الاقتصاديه وخصوصا اول ما اتعينت الحكومه لقت الرأي العام ضد فتح الأبواب على مصراعيها للأجانب بسبب ظروف الشغل قررت انها تأجل النظر فى التقديم للقانون دلوقتى
لكن القانون ما اتلغاش وفى النفس الوقت مش سارى اتوقف والناس الى ورقهم بيتفحص قبل ما يتاخد قرار تأجيل العمل بالقانون هما الناس الى بيتبعت ليها دلوقتى اما دلوقتى قانون 2009 و 2010 فالمحاسبين بيلعبوا وبيلموا فى الورق على امل ان الحكومه تغير رأيها
وحكايه الربط بين قانون الخدم وقانون فلوسى فده مالوش اى علاقه بده وكل واحد ليه مواله وليه شروطه
أنا رأيي ان قانون فلوسى من أفضل الطرق للوصول لأوروبا
كتير هيقول ده مكلف وغيره وغيره
هقولك لو روحت انجلترا بتأشيره سياحه وكلفتك عشرة الاف جنيه
هتهيص وتقول ميه ميه وعملت معجزه
بس لما تعرف انك علشان تظبط وضعك هناك لازم تدور على واحده تدفعها فلوس وتتجوزها او تبيع نفسك لواحده وتتجوزها وخلاص علشان تاخد الإقامه وطبعاً الحلين اسوأ من بعض
واوعى تفكر انك لسه مسافر اوروبا هتقع على جولييت الى تتمناها علشان ببساطه مش معقول جولييت واقفه فى الجامعه مستنيه روميو الى دخل البلد بشكل غير شرعى وبيشتغل فى الشوارع الخلفيه للندن
طبعاً علشان تسوى اوضاعك فى اوروبا مكلفه سواء فى انجلترا او غيرها احسبها قبل ما تسافر
وعلى فكره فيه ناس قدمت فى قانون الخدم هنا فى ايطاليا ودفعت للى قدملها اكتر من 8 آلاف يورو يعنى حوالى ستين الف جنيه وهو هنا فى ايطاليا !!!!!!
انا مش بقولك روح ادفع المبالغ الفلكيه
لكن انا عارف ظروف مصر حاول تدور وتلاقى اسعار بسيطه واستغل الفرصه واوعى تدفع اي مليم قبل الحصول على التأشيره وما تنساش ان كل شئ قسمه ونصيب ويمكن فرحتك ورغبتك فى السفر شر ليك وعاوز الأول ان انا عندى حل افضل من كل ده وهطرحه عليكم واخد رأيكم فيه المره الجايه وكمان هقولكم تجربتى معاه وقد ايه ندمت لما ضيعته والأفضل ان مش هتدفع فيه كتير
اخيراً فيه ملحوظه بالنسبه لظروف العمل فى ايطاليا
طبعاً الظروف مش ولابد فى كل دول اوروبا وايطاليا متأثره بشده ومصانع كتير قفلت وشركات وقفت لكن هنقول برده ايطاليا هتفضل اكيد احسن من مصر والدول العربيه وان شاء الله ربنا يرزق الجميع بالخير
انا هكمل معاكم ان شاء الله بقية الطرق لكن قبل ما انسى كتير سألنى على سؤال وهو
ازاى ياخدوا كورسات يتعلموا بيها حرفه او صنعه قبل ما يسافروا
بصراحه انا مش فاكر المكان بالظبط لكن المكان فى القاهره لو روحت وسألت الموظف الى فى القنصليه عن المكان الخاص بالكورسات دى هيقولك عليه انا بصراحه مش متذكر عنوانه لأنى ما روحتوش لكن واحد كان قالى عليه
اخيراً انا مش عاوز اخرج بره الموضوع وهو اظهار وجه اوروبا الحقيقى مش الوجه بس الى انتوا شايفينه من مصر
لأن اكيد انا كان ليا وجهة نظر قبل المجئ الى اوروبا وبعدين لما شوفتها واشتغلت واتعلمت وعشت هنا لقيت الحقيقه وضع تانى
هكمل معاكم تسليط الضوء على اهم المشاكل الى بتواجه المسافر لأوروبا خلال الغد ان شاء الله وتصبحوا على خير جميعاً
السلام عليكم ورحمة الله وبركاته
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
السلام عليكم
استكمل معكم الجزء الخامس من الموضوع وان شاء الله فى الجزء انا هتكلم باختصار عن طريقة سأل عنها الكتير للسفر وهيه عن طريق القنصلية واتكلم عن تحذير أخر قبل السفر لأوروبا
أولا : الجزء الخاص بالسفر عن طريق القنصلية
انا دلوقتى هحكيلكم علشان كتير سألنى عن كيفية السفر عن طريق القنصلية الايطالية
أولا صديقى الى سافر ده
راح مكتب القوى العامله فى طنطا هما فى المكتب قالوله على موضوع الكورسات الى كانت طرحته القنصلية الايطاليه فى القاهره هو راح القنصلية وما تترددوش وتقولوا دى حاجه غريبه على فكره انا ليا واحد صاحبى سافر برده الكويت بنفس الطريقه عن طريق القنصلية لا راح مكاتب عمل ولا تسفير عمال ولا اي شئ
المهم راح هناك قالوله على النظام وهو لا كان بيعرف ايطالى ولا اي حاجه
راح هناك عملوا له كورس وكان من ضمن الساعات فى الكورس كان فيه لغه لكن مش مدة طويلة هما ادوه اساسات بحيث انه يبدأ فى التعامل ويفهم الكلام الى بيدور حواليه علشان مش معقول يسافر دوله ومش فاهم لغتها لأنها حاجه صعبه جداً لو مش هتترمى فى مطبخ لمطعم هتدرك يعنى ايه مش فاهم الى حواليك وهتحس انك اد ايه تايه ومش قادر تعيش
المهم بعدها خلص الكورس واتعمل ليه امتحان وبفضل الله نجح فيه وبعدها بحوالى تلات شهور خلص اوراقه وحصل على التأشيره وسافر الى ايطاليا
اظن الموضوع كده واضح ان شاء الله
يعنى الخطوه الأولى دائماً تبدأ من القنصلية
ندخل بقى على الجزء الثانى من الموضوع وهو الخاص بالتحذير
اوروبا مش زي زمان ولا زي ما صورتها الأفلام
التحذير يتمثل فى فكرة عند غالبية البعض وهي سهولة العثور على العمل زي ما بتصور الإفلام مثلا
انك ببساطه تحصل على عمل بعد شويه تعب عشر دقايق فى الفيلم وبعدين ممكن تبقى صاحب شركه فى اخر الفيلم
اه ممكن تنجح وان شاء الله تنجحوا كلكم لكن بلاش تعوموا فى بحار من الأحلام بأن الموضوع هين او سهل
وخصوصا فى الزمن ده الزمن اتغير وفى وجهة نظرى الكسب والنجاح بقوا اصعب بكتير قوى من زمان
طبيعى اوروبا كانت فى مرحلة نمو ودلوقتى فى مرحلة ركود طبيعى جداً يكون الأمر صعب لكن النجاح موجود برده
المهم بالنسبة لموضوع العمل فى البداية الموضوع صعب جداً
يمكن من السهل الحصول على السكن لكن العمل فى اوروبا كلها اصبح صعب جداً
واترككم لتلقوا نظرة سريعه على هذا الخبر
وتطال تداعيات الأزمة المالية العالمية معدلات البطالة التي سجلت ارتفاعاً في الاتحاد الأوروبي - يشمل 27 دولة- في شهر (سبتمبر) إلى مستوى 7% بزيادة عن شهر (أغسطس) 6.9)% ) حسب مكتب الإحصاءات التابع للاتحاد الأوروبي، وزاد معدل البطالة في ألمانيا في إطار متوسط نسبتها في الاتحاد الأوروبي حيث ارتفع من 7.1% في شهر (أغسطس) إلى 7.9% في شهر (سبتمبر)، ومن ناحية أخرى قال مكتب الإحصاء الأوروبي إن معدل البطالة في منطقة اليورو سجل ما معدله 7.5% في شهر (سبتمبر) كما سجل معدل البطالة ارتفاعا بدرجة أكبر في إسبانيا ليبلغ 11.9% في نفس الشهر، وفي إيرلندا ارتفعت البطالة من 6.2% إلى 6.6% في شهر واحد بتأثير طرد العمال والموظفين من المصانع والمصارف.
ومن المعرف أن معدلات البطالة عادة ما تستجيب ببطء للتغيرات في المناخ الاقتصادي، ولكنها تتزايد سريعاً في أمريكا والغرب بتأثير الحجم الكارثي للإنهيار المالي الذي يشهده الإقتصاد الرأسمالي.
وتراجع الاقتصاد الإسباني لأول مرة منذ 15 عاما
طبعاً كل ده مش شئ قليل ولا هين يمر بيه نظام اوروبى ومن الواضح ان الأزمه دى بتطال اغلب المؤسسات فى اوروبا صحيح هما بيقولوا أن النظام الاقتصادى بدأ يتعافى لكن الأمر بياخد بعض الوقت على ما ينصلح حال الاعمال
من الخبر ده لازم نفهم شئ
بقى فيه ازمه كبيرة فى سوق العمل فى اوروبا ولو انت مش محصن بالحاجات الى انا قولت عليها زي صنعه وغيره
يبقى هتلاقى نفسك مرمى فى مطعم ومصرى ولا غيره بيستغلك وبيهزق وبيمرمط فيك
ما تستغربش الأغلب بيلاقى كده وبيضطر انه يرضى ويسكت لأنه مفيش حاجه تانيه قدامه والطرق كلها مسدوده
طبعاً فكرة انك تلف وتدور فى الشوارع الغيها من دماغك دى فكرة تناولتها الأفلام بس
ده شغل افلام يعنى
تدور فى الزمن ده مستحيل تلاقى حاجه لازم شخص يكون معرفه هو الى يدورلك على شغل ويساعدك فى الأول
لكن لازم تعمل حسابك من البدايه فى مبلغ معين معاك يكون سند ليك لأنك فى الأول هتتعب وممكن الأمر يوصل لشهور ومش عاوز اقول انا فى رحلتى لقيت ناس فى فرنسا بقالها سنين وقعدت من الشغل ومش عارفه تعمل ايه
بسبب الركود او قفل الشركات او المصانع مثلا
يبقى أهم حاجه نفهمها كلنا ان الكفاح مش بيبدأ من لحظة تقديمك للسفاره وبينتهى بحصولك على التأشيرة
لا التعب والكفاح كله هتشوفه هنا فى اوروبا لانك هتلاقى متاعب كتيره ولازم تحصن نفسك بحاجات كتيره
مش عاوز اكرر كلام لكن عاوز انبه مليون مره على الناس قبل ما تسافر انها لازم تفهم هيه ريحه فين ولمين
انا اول ما سافرت تعبت كتير دلوقتى بفكر اسافر امريكا قالىواحد صاحبى لو سافرت امريكا ما انت هتتعب برده فى الأول وهتلف وممكن تقعد شهور وما تلاقيش شغل زي ما بدات فى اوروبا
قولتله لا انا مش هسافر امريكا غير لما اعرف كل حاجه قبل ما اسافر واكون حاسب حساب كل خطوه مش هغلط نفس الغلطه مرتين واسافر بس لمجرد انى اخرج من جحيم اسمه العيش فى مصر والرغبه فى السفر
سافرت اول مره مدرك ان مجرد السفر فى حد ذاته نجاح لكن النجاح انت بتصنعه بعد السفر يعنى ممكن تفشل برده
حتى لو نجحت واشتغلت
طيب ما الى بيشتغلوا فى المطاعم ويشيلوا الخمور ليل نهار تسميه ايه ده ؟ انا عن نفسى اسميه فشل
حتى الى عندهم مطاعم واصحاب اعمال برده دول اسميهم فشله لأنهم للأسف باعوا كل شئ فى مقابل الفلوس ومقدروش يلاقوا عمل حلال يشتغلوا فيه
الفشل مش بس انك ماا تلاقيش شغل ولا تقدر تحقق شئ ولكن كمان لما تلاقى شغل تتنازل فيه عن مبادئك واخلاقك وقيمك ودينك ده برده فشل وكثير هم من فى اوروبا تنازلوا عن كل شئ فى مقابل المال دول بأبسط الارقام من حياتى فى اوروبا 80% من العرب فى اوروبا على هذا الحال
لكن السؤال المهم بقى دلوقتى
ليه اتنازلوا مع انهم فى مصر كانوا مستحيل يقبلوا الحرام ليه غيروا رأيهم واشتغلوا فيه مع انه بيصلوا ويصوموا وبيجوا المسجد ليه عملوا كده ؟؟؟
اقولكم سبب من الأسباب ببساطه لأنهم كلهم زينا سافروا فى الأول من غير ما يستعدوا ولا يفهموا رايحين فين وبعدين لقوا نفسهم يا اما الجوع وما يدفعوش الأيجار وما يلاقوش حق الأكل ولا الشرب ولا اللبس او يشتغلوا غصب عنهم فى الاماكن دى فاختارو الشغل فى الاماكن دى والسنين سرقتهم
انا افتكر مره فى فرنسا واحد مصرى عنده بار فى باريس قعد مره يحكيلى فقالى انا روحت لأمام مسجد اقوله عاوز اتوب واقفل البار ده علشان انا حاسس انه حرام فروحت ليه قالى انت فلوسك كلها حرام لازم تتنازل عنها كلها لاعمال الخير ومش هيكون ليك فيها اي حسنات لأنها كلها حرام وتبدأ من جديد قالى ازاي ابدأ من جديد بعد ما بقى عندى اسره واطفال ومصاريف اعمل ايه ؟
طبعاً بين كلماته كنت بحس بالحسرة والندم لما بدأ فى الشغل ده وهو شاب ولوحده لكن خلاص فات القطر بعد الرجوع دلوقتى اصعب مع انه بقى شغال ومن اصحاب المشاريع بس هيرجع ازاي اذا كان هو اه كبر ومشروعه كبر بس مسئولياته كبرت معاه واسرته وكمان بقى مطالب يتنازل عن كل حاجه هيعمل ايه ؟
فعلا حاجه تحير ونصيحه لأى اخ ما يحطش نفسه فى المشكل ده علشان ما يندمش تانى وساعتها هيكون الفاس وقعت فى الراس لأن اخطاء كتيره بنقع فيها مش بنقدر نصلحها
على فكرة كتير من الأخوة هيسأل ليه انا بأكد كتير على الموضوع ده وبعيده
اقولكم ليه
لأنى شوفت كتير قوى وقع فيه ومش عارف يرجع لورا وبيتنفس وبيبلع المرار كل يوم
دى حاجه مش سهله مش هيدركها اي انسان دلوقتى شغال ومش فى باله غير بعد فوات الأوان
مش هيحسها غير لما يبنى بيته وحياته منها والسنين تجرى بيه
مش هيحسها غير لما ينوى مره يحج ويفكر مرتين ويقول احج ازاى بفلوس حرام
انا بس بنقل لكم تجربتى الى شوفتها مع المسألة دى
انا بيتهئ لى لو محصنتش نفسك من الأول ما تجيش وما تفكرش تعيش بالشكل ده زيهم
لو ربنا رزقك بالقليل فى مصر افضل بكتير قوى من الحرام فى الغرب
انا مش هزود فى الجزئيه دى اكتر من كده بس يارب يكون الكل فهمها وحس بيها وان شاء الله كلكم ربنا يرزقكم عمل خير وحلال
بس اسألوا كويس قبل ما تسافروا
واراكم مره اخرى ان شاء الله والسلام عليكم ورحمه الله
السلام عليكم ورحمة الله وبركاته
حياكم الله اخوانى جميعاً ويارب تكونوا فى اسعد حال
أولا انا اتمنى ان يثبت الموضوع مش علشان هكتبه ولكن علشان فكرته
بالطبع الموضوع مش هكتبه انا لوحدى انا اتمنى من كل مغترب ان يقوم بالمساهمه فيه وما هو الا نصح للأخوه الذين ينوون السفر للخارج وبالطبع هم فى ازدياد بسبب الأوضاع فى مصر
طبعاً الموضوع مش دعوه للتشاؤم او ترك العمل او السعى فى الرزق من اجل تحسين المستوى او البحث عن الذات لكن الموضوع دعوه للإنتباه والتريث والأطلاع على الأوجه الأخرى من العيش فى اوروبا
انا هعبر عن رأيي ورأيي أى أنسان مسلم فى الغرب وخصوصا فى اوروبا وفى النهاية هحط حل كويس من وجهة نظرى بعد الغربه وهو عبارة عن حل رائع حتى بالنسبة ليا وفعلا لو رجعت الأيام للخلف كنت هختاره بس ارجو متابعة الموضوع الأول وفى النهاية ان شاء الله هضعه لكم
وده نتاج تجربه شخصية فى عدد من الدول ابتدأها بالخصوص فى انجلترا لأنى اكيد ملاحظ الكل يسعى ورائها
التحذير الأول
التحذير ده يخص الأشخاص المسافرون عن طريق فيزا سياحه لأنجلترا طبعاً مش هتكلم كتير فى البند ده لأن مخاطره معروفه
كل الى اقدر اقوله فعلا هتكون عرضه للإستغلال وكمان مشكلتك هتكمن انك بعد عدة سنوات هتحس انك مسجون فى انجلترا وطبعاً فى اغلب الأوقات هتشعر انك مجرم واصلا القانون بيعتبرك مجرم لأنك متواجد بشكل غير شرعى
طبعاً السبل علشان توفق اوضاعك هتكون صعبه واحتمال تدفع فلوس كتير وتتعرض برده للنصب ولكن الخيار الى عليه أغلب الناس انهم بيعيشوا من غير ورق حتى انا وجدت اشخاص من سنين عايشين وراضيين بالنصيب وبيسمعوا ان فيه قرايب ليهم اتولدوا من اخواتهم ودخلوا المدارس وبيتعملوا وبيكلموهم ويعرفوهم بس تليفونات
طبعاً دى مش عيشه ولا هو ده الأمل من الغربه والبهدله انك تحقق فلوس وتقطع صلتك بكل قرايبك !
وعلى فكره انا خضت التجربه وللأسف سيئه
ما تخافوش برده انا عندى ليكم كذا حل وهتسافروا
التحذير التانى
طبعاً انا بعتبر ده اهم تحذير
لأنه هو السبب وراء ترك انجلترا وسفرى لفرنسا الى هتركها بعد كده لكن علشان وجدت اقامه قانونيه فى ايطاليا
السبب الأساسى وراء ترك انجلترا هو تقسيمه يعرفها كتير من الناس الى زيي الى لفوا اوروبا واتبهدلوا وطلع عينهم فى البلاد دى وشافوا بالفعل الوجه الآخر ليها
اغلب الناس دول بيقسموا البلاد على حسب الشغل الشائع فيها
يعنى مثلا يقولوا انجلترا بلد مطاعم ( يعنى اغلب الشغل فيها شغل مطاعم )
فرنسا بلد معمار ( يعنى اغلب الشغل فيها يخص المعمار والبناء )
طبعاً فيه اشغال تانيه خصوصا فى فرنسا لكن انجلترا بالذات ومعذره لكل من يعيش فى انجلترا
اغلب شغلها بالنسبة لينا احنا المسلمين حراااااااام
وحط مليون خط تحت كلمة حرام دى
ليه اقولكم ليه ببساطه بقصه بسيطه فى يوم واحد ليا فى لندن
باختصار بعد وصولى ساعدنى احد الأصدقاء الى اتعرفت عليه فى لندن انى اعمل فى مطعم
كنت لسه زى ما بنقول احنا ابيض يا ورد معرفش اي حاجه
روحت المطعم مفكر انه مطعم زي كل المطاعم بتاعتنا
لحمه ورز وسمك
لكن المفاجأة كانت ان المطعم ده اهم اعمدته زي كل مطاعم انجلترا حاجتين
الخنزير والخمره
وطبعاً دول حاجتين حتى لو اشتغلت فيهم فى لندن فبرده حرام عليك وده بعد ان سألت ولفيت لأنى كنت واقع ومحتاج للشغل فعلا
ولم اجد الا طريق مغادرة انجلترا لأنى وجدت انى مش هلاقى شغل غير ده ومفيش حل تانى قدامى لأن اغلب الاجانب بيعملوا فى المجال ده وخصوصا العرب
والنصيحه الى احب احطها فى البند ده
ان الإنسان ممكن يكسب فلوس كتير حتى لو تنازل عن مبادئه لكن هيخسر حاجات كتير اهمها دينه
وبيتهئ لى افضل يرجع بلده بدينه واخلاقه
ويتذكر حديث الرسول عليه الصلاة والسلام ( من نبت جسمه من حرام فالنار اولى به )
وبعدين انا هقولكم على مقوله قالها ليا صاحب المطعم لأنه كان راجل كبير
بالصدفه اول يوم قابلته قولت له يا حج
رد عليا وقالى ما تقوليش يا حج انا ببيع خمره وخنزير !!!!
تصوروا هو نفسه عارف انه اصلا ما يقدرش يروح يحج
هو نفسه عرف يمكن بعد فوات الأوان ان الله طيب لا يقبل الا طيب ولن يتقبل منه مال تلوث دائماً بالخمر
فالنصيحه هي دائماً الابتعاد عن هذه الأماكن وده اهم تحذير فى انجلترا (وايضاً بقية دول اوروبا) لأنى تعبت جداً لما سافرت ليها وللأسف لم اجد غير هذا العمل
وللحديث بقيه غداً ان شاء الله
والسلام عليكم ورحمه الله وبركاته
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
السلام عليكم
نستكمل اخوانى على بركه الله
انا سأتحدث الأن عن بند اضفته بعد ردود الأخوه وهو بند هام جداً
العمل فى اوروبا
بالطبع انا لا اتحدث هنا عن من يسافر الى اوروبا للأستثمار أو غيره
ولكن اتحدث عن فئه من الشباب سافرت واغلبها لا يحمل اوراق اقامه شرعيه للعمل من اجل تحقيق الذات والنجاح
وبالتالى فلابد ان ننظر للأمور من كل الزوايا
احد الأخوه قال متعجباً فى هذا الموضوع اننى صورت الأمر خطئاً على ان انجلترا ما هي الا مطعم كبير
والأجابه بالنسبة للعرب والشباب الباحثين عن العمل الأجابه هي نعم
عارف ليه
تخيل انك شاب مسافر مفيش معاك اقامه شرعيه
مفكر انك هتخرج زى همام وتلف فى شوارع لندن تبحث عن عمل
فكر معايا شويه
اي صاحب عمل انجليزى هيرضى يشغلك معاه وانت بنسبة كبيره جداً لا تتكلم اللغه بشكل جيد والأهم انك لا تحمل اوراق قانونيه وفى الغالب ايضاً لاتحمل اى حرفه او مهنه معينه فلا شهاده لك لها فائده ولا لغة ولا اوراق
فماذا تحمل !!!!
طبعاً انا اعلم نحمل جميعنا الطموح فى تحقيق الذات
وهذا امر جيد ولكن البدايه صعبه للغايه فكأنك شخص يبتدى من الصفر او كما شئت قل تحت الصفر
وكم من اناس متفوقين حققوا النجاح من هذه الدرجه
اسأل الله ان يوفقنا جميعاً للنجاح ولكن بشرط مراعاة الله وديننا واخلاقنا
المهم انا هشرح الموضوع ببساطه خالص
انت هتنزل انجلترا او اى بلد اوروبى
لا تحمل لغه ولا اى شئ وهدفك الوحيد فى الغالب متمركز حول احد المعارف الذى تأمل فى مساعدته لك
هذا القريب او الصديق سيحاول مساعدتك ولكن تصور معى أين يستطيع مساعدتك ؟
الأجابه فى الغالب الأعم تكمن فى ان يستطيع ان يوفر لك مكان آمن يديره احد العرب فقليل للغايه من الأجانب من يرضى ان يعمل لديه عامل غير شرعى واذا رضى فسيكون السبب ان يستنزفك لأنه يعرف ضعف موقفك ولكن هذا لا يحدث للأسف من الأوربيين الا فيما ندر والشائع فعله من جانب العرب
طيب العرب دول بيشتغلوا فى ايه ؟
الأجابه فى الاغلب الأعم مش هتلاقى عربى عنده مصنع ولا عنده محطه بنزين ولا عنده سوبر ماركت كبير ولا عنده سنتر ولا محلات ضخمه قائمه على الخبره والصنعه
فى الغالب هتلاقى العربى ده عنده مطعم او محل مشروبات مثلجه او غيره من الوجبات السريعه يعنى محلات اغذيه ده بنسبة 99.9%
لذلك سرعان ما تجد طريقك فى هذا المكان والعربى هو الوحيد الى هيقبل يشغلك معاه علشان يشغلك برخص التراب ويستفيد ويوفر اجر عامل يحمل اوراق
انا مش عاوز اطول انا بس بحاول اشرح واكرر واحده واحده علشان الناس تفهم طبيعة الحياة هنا
المهم خلونا نفكر ايه الحل بقى
الأبواب اغلبها مغلق وده بالأساس لثلاث اسباب
الأول : الأوراق
الثانى : اللغه
الثالث : المهنه او الصنعه او الحرفه
طبعاً حل الأول يكمن فى البدايه ودى هنخصص ليها جزء ان شاء الله سواء انت لسه هتسافر او سافرت خلاص
اما بالنسبه للغه فطبعاً قبل ما تسافر عد نفسك كويس للغة البلد الى انت رايحها ركز وحط هدفك قدامك واعرف انك بديت مشوار صعب وشوف نفسك قد التحدى ولا لا اجتهد وذاكر زي لو اول مره تذاكر فى حياتك وان شاء الله تتعلمها بسرعه
اما بقى بالنسبة للمهنه فأنت وشطارتك حاول تتقن اى مهنه ولو ليك قريب فى البلد الى انت مسافر ليها اسأله ايه المهن الى دايماً بيطلبوها فى البلد دى يعنى مثلا هنا فى ايطاليا من ابرز المهن الخراط واللحام وفى فرنسا من ابرز المهن النقاش
طبعاً انا مش بقولك اشتغل المهن دى انا بديك بس امثله ممكن انت تشوف مهنه او صنعه تناسبك وخليك فاهم ان البدايه دايماً صعبه انت مش هتيجى اوروبا تلاقيها فاتحه ايديها وبتقولك تعالى ابنى ذاتك وحقق طموحك
طريق النجاح محفوف دايماً بالفشل والشاطر هو الى عنده عزيمه واصرار
وهدفى من الموضوع ده انى بس انورلك ولو جزء من الطريق وبعدين انت بقى اسعى واجتهد وان شاء الله النجاح من نصيبك
بعد ما تحصن نفسك بالحاجات التلاته دى
هاخدك بقى فى جوله صغيره فى ايطاليا وتعالى نشوف لو معاك التلات حاجات دى ومالكش اى معرفه فى ايطاليا ولا اى قريب تعالى كده نشوف هيحصلك ايه
ده هكمله معاكم بكره مع شرح دقيق ومفصل للى حصل معايا ومع واحد صاحبى ان شاء الله
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
السلام عليكم اخوانى
نستكمل الجزء الثالث من هذا الموضوع واحب فى البدايه أن اشكر لكم متابعتكم وحرصكم على الموضوع وهو ما يزيدنى رغبة فى تكلمته وان شاء الله فى ختامه يستطيع كل منا ان يجد طريقة ملائمه للسفر هي أقل فى المخاطرة من غيرها
والأهم فهذا الموضوع رغبة منى فى إلقاء الضوء على اوروبا حتى يدرك من يريد السفر عقباتها ويجهز نفسه بسلاحه الذى يوقيه قبل كل شئ العمل الحرام والكسب الحرام
العمل والمعيشه فى اوروبا ( ايطاليا )
ابتداءاً فى هذا الجزء سألقى معكم نظرة سريعه على شخص يحمل لغة وأوراق وصنعه ثم نظرة سريعه على الحياة ومستوى الدخل والأسعاء
بصراحه الشخص الذى يحمل اوراق ولغة ربما لا يحتاج إلى معرفه او مساعده من احد
فى البدايه احب ان اوضح شئ
لو انت هنا فى ايطاليا الحمد لله أستطيع مساعدتك فى ايجاد سكن الأمر ليس بالصعب
ولكن المشكل الأن هو فى العمل فهذا ما لا استطيع مساعدتك فيه
والقليل هم من يستطيعون فعل ذلك والأغلب سيطرح لك مطعم او محل بيتزا
وستذهب للعمل بمبلغ زهيد وبخاصة إذا كنت لا تحمل أوراق
لكن تصور معى ان معك الأوراق واللغه
أنا بعد ما اكتسبت اللغة قررت أن اغير العمل فى المصنع الذى طالما حلمت بتركه لأنه كان بمثابة جحيم بالنسبة لى
خرجت أنا واحد اصدقائى وبحثت طيلة أسبوع كامل بعدما تركت العمل
وما كانت هيه الا ايام قليلة ووجدت هاتفى يرن
خرجت مسرعاً فى مقابلة وانتهت والحمد لله بالعمل لدى شركه بعدها بحوالى ثلاثة أسابيع
صديقى الأخر استطاع ايضاً الحصول على عمل بعدى بحوالى شهر
وايضاً ما زالت الأتصالات مستمره بى من الشركات الخاصة بالعماله
العمل قد يكون صعباً ولكن مع الصبر والبحث والأخذ بالأسباب تستطيع ان تجد لك مكاناً
فدائماً من يسعى يحقق له الله عز وجل النجاح والفلاح
لا اريد ان اطيل فى هذا الشق
ولكنى اردت فقد أن أوجه انذار لكل من يريد السفر ان يحاول ان يتسلح باللغة والمهنه والأوراق
قد يظن البعض ان الأمر بدونهم سهل او يسير
لكن الأمر بدونهم سيصبح صعباً للغايه خاصة وكما قولت انك ستجد ان الأبواب المفتوحه دائماً لمن لا يملكون هذه المميزات هى ردهات المطاعم ومحلات البيتزا التى ذكرت انها لا تخلو مما حرم الله
الأن عند هذه النقطه نتوقف
واريد ان ارسل هذه السطور لمن هم فى اوروبا الأن
كيف يستطيعون الحصول على اوراق ؟
ليس بالضرورى ان ينظر الأخوه للأمور نظره ضيقه بأن الطريق الوحيد هو الحصول على ارواق فى انجلترا طالما انهم يعيشون فيها
أنا شخصياً لي صديق فى فرنسا حينما فتحت الأوراق هنا فى ايطاليا اخبرته وجاء الى ايطاليا واستطعت ان اقدم له فى قانون الخدم الأخير وان شاء الله حسب ما قيل فسيحصل على الاوراق فى منتصف العام القادم
وبالتالى هو أصاب نصف الطريق هو صحيح يقيم فى فرنسا ولكن بقدومه والحصول على اوراق هنا فى ايطاليا
يستطيع ان يتنقل ويعيش ويعمل فى ايطاليا او يذهب الى فرنسا والأهم هو العوده الى مصر والرجوع هنا مره أخرى
وهذه من أهم مميزات الحصول على اقامه فى اي دوله من دول الأتحاد الأوروبى
طبعاً أرسل بشرى للأخوه حسبما سمعت من كثير من الأشخاص أنهم ينوون قريبا ان شاء الله عمل قانون للعمال فى ايطاليا
طبعاً الكثير هيقول طيب انا اخد اقامه فى ايطاليا ليه ؟
كما ذكرت يكفى حريه تنقلك فى اوروبا واستطاعتك الذهاب والعوده من اوروبا والى مصر
المعيشه فى اوروبا ( ايطاليا )
انا سأخص بالذكر الأن ايطاليا
طبعاً العمل هنا فى اوروبا لو استطعت الحصول عليه فى مصنع او شركه يكون المتوسط للأجر حوالى 1200 يورو
ولعل الكثير من المصريين يفضلون ايطاليا على غيرها بسبب الأجور وانخفاض الأسعار وانعدام الكنترول
طبعاً هيسأل الكثير يعنى ايه انعدام الكنترول
اقولكم انا
انا كل يوم بركب قطر من ميلانو لمكان خارج ميلانو حوالى ساعه
تقريبا بقالى اكتر من شهرين ما شوفتش الكنترول فى القطر وعمر ما حد قالى تذكرتك فين يا فندم !!!!
حاجه وحشه لأنها بتشجع السرقه ولكن للأسف طبيعة ايطاليا كده
مثل تانى وللأسف المصريين بيضربوا فيه اسوأ التصرفات
انت لو حالتك الماديه مش ولابد ودخلك قليل تقدر تحصل على سكن ببلاش عن طريق التقديم بأوراق لبعض الجهات وطبعاً المصريين مش سايبين الحكايه دى
لا والكارثه بقى ان المساعدات الى بتتلم لكنائس العالم بتتحوش هنا فى ايطاليا
علشان كده الكنائس بتطلع أطنان من الأكل ببلاش والمصريين للأسف بيكونوا اوائل الناس الى واقفه مستنيه الأكل ابو بلاش مع انهم زي ما قولت بيقبضوا فى المتوسط 1200 يورو فى الشهر
لكن زى ما اتعلموا الى تاخدوا من وشهم احسن منهم
وده للأسف بيسيئ لينا جامد
المهم تعالوا نحسبها سوا
لو انت شاب وربنا سهل لك الحال واشتغلت فى ايطاليا
ودخلك 1200 يورو
هتقدر تحوش منهم حوالى 800 يورو كل شهر ده لو انت مبذر لكن فيه ناس ممكن تصرف 200 يورو بس ويحوشوا الألف
الأكل هنا مش غالى كتير
اللحمه ممكن سعر الكيلوا فيها يبدأ من 3 يورو ( يعنى ارخص من مصر )
المكرونه الكيلوا فيها ممكن 50 سنت وفيه طبعاً انواع كتير بتوصل ل 10 يورو للكيلو بس الأنواع دى مش موجوده فى مصر اصلا
المواصلات والتنقلات كويسه وافضل من مصر
القطارات اغلبها مجهز ومكيف بشكل كويس لأن درجه الحرارة فى الشتاء بتبقى تحت الصفر
الايطاليين باختصار هم افضل من يعيشون فى ايطاليا
شعب طيب والناس فيه عاملين زي المصريين كده رغايين وبيحبوا يضحكوا ويفرفشوا ويتكلموا ليل نهار
لو سيبت واحد ايطالي يكلمك هيصدع دماغك وهتحاول تنهى الحوار علشان تمشى تشوف شغلك لأنك لو وقفت معاه مش هيبطل كلام ههههههه
مش عاوز ازعلكم ولكن اسوأ الجاليات هما الأجانب وبخاصة الرومان والناس بتوع امريكا الجنوبيه
والمغاربه
المصريين الاسوأ من حيث التعامل مع بعضهم البعض
لكن مع الأخرين عاملين خدهم مداس وملابسهم سجاد يدوسها الأخرون وقتما شاؤوا
فى الحقيقة فى وجهة نظرى اسوأ من يتواجد وللأسف على الأراضى الايطاليه هم المصريين
ده مش معناه الكل ولكن فيه ناس كويسه كتير ومحترمه لكن الأغلب غير كده
ان شاء الله اكمل معاكم فى الجزء القادم
أساليب القدوم الى اوروبا ولعل افضلها قانون فلوسى المشهور
انا الحمد لله على اطلاع بالموضوع لأن ابن عمى عنده شركه واحضر اكتر من قريب وهو كان السبب فى عمل الأوراق لي هنا فى ايطاليا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
السلام عليكم ورحمه الله وبركاته
يارب يكون كل الأخوه بخير وبعتذر عن طول الفترة لإستكمال بقية الموضوع
نكمل على بركة الله
طبعاً انا وعدتكم أنى المره دى نلقى نظره على افضل الطرق للوصول إلى أوروبا وبخاصة إيطاليا
واحد هيسألنى ويقولى وأشمعنى بالذات ايطاليا
هقوله ببساطه لأنها الدوله الوحيده فى اوروبا الى بتمنح الإقامه دلوقتى للعمال بغير طرق اللجوء وغيرها مثل انجلترا
يعنى أفضل دولة من دول الاتحاد الأوروبى الى تقدر تحصل على اقامتها غير بقية الدول لا يوجد بها قوانين مماثله
أنا هبدأ الجزء ده بالحديث عن قانون فلوسى الشهر الى انا جيت هنا بسببه ولم أكن اعلم اسمه اصلا ههههههه
المهم القانون ببساطه كده عبارة عن قانون يمنح اصحاب الأعمال ( أى أعمال ولو حتى صاحب محل جرايد ) أنه يستقدم عماله من الخارج وبيكون للعماله دول حق الاقامه والعمل فى ايطاليا
وبالطبع ما دمت تحمل اقامه فى ايطاليا تستطيع التنقل بين كل دول الاتحاد الأوروبى ولكن دون العمل فيها
بالطبع انا مش هستفيض فى شرح القانون لأن تقريبا الكل يعرفه
لكن انا هركز على اساسيات فى القانون
البعض معتقد انه لما بيقدم الرد بيجيله بعد شهر
مش عاوز اقولكم انى استنيت سنتين لحد ما كنت فقدت الأمل وقولت خلاص مش مسافر ايطاليا ده ولا هعتبها واصلا شقيت طريقى وسافرت انجلترا بعد خمس شهور لأنى ما كنتش واثق فى الموضوع وحاسس انه مستحيل
طبعاً اى رد يستحيل يوصل قبل اربع او خمس شهور وده بالنسبة للناس الى قدمت فى البدايه وكل ما تتأخر فى الوقت تتأخر فى الرد عليك واحياناً بتفرق فى الساعه والدقيقه
سؤال مهم جداً بالنسبة للقانون
ناس كتيره بتقول القانون اتلغى ولم يعد ساري وناس بتقول لا ساري
الحكايه غير كده خالص الحكايه انهم فى الحكومه بسبب المشاكل الاقتصاديه وخصوصا اول ما اتعينت الحكومه لقت الرأي العام ضد فتح الأبواب على مصراعيها للأجانب بسبب ظروف الشغل قررت انها تأجل النظر فى التقديم للقانون دلوقتى
لكن القانون ما اتلغاش وفى النفس الوقت مش سارى اتوقف والناس الى ورقهم بيتفحص قبل ما يتاخد قرار تأجيل العمل بالقانون هما الناس الى بيتبعت ليها دلوقتى اما دلوقتى قانون 2009 و 2010 فالمحاسبين بيلعبوا وبيلموا فى الورق على امل ان الحكومه تغير رأيها
وحكايه الربط بين قانون الخدم وقانون فلوسى فده مالوش اى علاقه بده وكل واحد ليه مواله وليه شروطه
أنا رأيي ان قانون فلوسى من أفضل الطرق للوصول لأوروبا
كتير هيقول ده مكلف وغيره وغيره
هقولك لو روحت انجلترا بتأشيره سياحه وكلفتك عشرة الاف جنيه
هتهيص وتقول ميه ميه وعملت معجزه
بس لما تعرف انك علشان تظبط وضعك هناك لازم تدور على واحده تدفعها فلوس وتتجوزها او تبيع نفسك لواحده وتتجوزها وخلاص علشان تاخد الإقامه وطبعاً الحلين اسوأ من بعض
واوعى تفكر انك لسه مسافر اوروبا هتقع على جولييت الى تتمناها علشان ببساطه مش معقول جولييت واقفه فى الجامعه مستنيه روميو الى دخل البلد بشكل غير شرعى وبيشتغل فى الشوارع الخلفيه للندن
طبعاً علشان تسوى اوضاعك فى اوروبا مكلفه سواء فى انجلترا او غيرها احسبها قبل ما تسافر
وعلى فكره فيه ناس قدمت فى قانون الخدم هنا فى ايطاليا ودفعت للى قدملها اكتر من 8 آلاف يورو يعنى حوالى ستين الف جنيه وهو هنا فى ايطاليا !!!!!!
انا مش بقولك روح ادفع المبالغ الفلكيه
لكن انا عارف ظروف مصر حاول تدور وتلاقى اسعار بسيطه واستغل الفرصه واوعى تدفع اي مليم قبل الحصول على التأشيره وما تنساش ان كل شئ قسمه ونصيب ويمكن فرحتك ورغبتك فى السفر شر ليك وعاوز الأول ان انا عندى حل افضل من كل ده وهطرحه عليكم واخد رأيكم فيه المره الجايه وكمان هقولكم تجربتى معاه وقد ايه ندمت لما ضيعته والأفضل ان مش هتدفع فيه كتير
اخيراً فيه ملحوظه بالنسبه لظروف العمل فى ايطاليا
طبعاً الظروف مش ولابد فى كل دول اوروبا وايطاليا متأثره بشده ومصانع كتير قفلت وشركات وقفت لكن هنقول برده ايطاليا هتفضل اكيد احسن من مصر والدول العربيه وان شاء الله ربنا يرزق الجميع بالخير
انا هكمل معاكم ان شاء الله بقية الطرق لكن قبل ما انسى كتير سألنى على سؤال وهو
ازاى ياخدوا كورسات يتعلموا بيها حرفه او صنعه قبل ما يسافروا
بصراحه انا مش فاكر المكان بالظبط لكن المكان فى القاهره لو روحت وسألت الموظف الى فى القنصليه عن المكان الخاص بالكورسات دى هيقولك عليه انا بصراحه مش متذكر عنوانه لأنى ما روحتوش لكن واحد كان قالى عليه
اخيراً انا مش عاوز اخرج بره الموضوع وهو اظهار وجه اوروبا الحقيقى مش الوجه بس الى انتوا شايفينه من مصر
لأن اكيد انا كان ليا وجهة نظر قبل المجئ الى اوروبا وبعدين لما شوفتها واشتغلت واتعلمت وعشت هنا لقيت الحقيقه وضع تانى
هكمل معاكم تسليط الضوء على اهم المشاكل الى بتواجه المسافر لأوروبا خلال الغد ان شاء الله وتصبحوا على خير جميعاً
السلام عليكم ورحمة الله وبركاته
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
السلام عليكم
استكمل معكم الجزء الخامس من الموضوع وان شاء الله فى الجزء انا هتكلم باختصار عن طريقة سأل عنها الكتير للسفر وهيه عن طريق القنصلية واتكلم عن تحذير أخر قبل السفر لأوروبا
أولا : الجزء الخاص بالسفر عن طريق القنصلية
انا دلوقتى هحكيلكم علشان كتير سألنى عن كيفية السفر عن طريق القنصلية الايطالية
أولا صديقى الى سافر ده
راح مكتب القوى العامله فى طنطا هما فى المكتب قالوله على موضوع الكورسات الى كانت طرحته القنصلية الايطاليه فى القاهره هو راح القنصلية وما تترددوش وتقولوا دى حاجه غريبه على فكره انا ليا واحد صاحبى سافر برده الكويت بنفس الطريقه عن طريق القنصلية لا راح مكاتب عمل ولا تسفير عمال ولا اي شئ
المهم راح هناك قالوله على النظام وهو لا كان بيعرف ايطالى ولا اي حاجه
راح هناك عملوا له كورس وكان من ضمن الساعات فى الكورس كان فيه لغه لكن مش مدة طويلة هما ادوه اساسات بحيث انه يبدأ فى التعامل ويفهم الكلام الى بيدور حواليه علشان مش معقول يسافر دوله ومش فاهم لغتها لأنها حاجه صعبه جداً لو مش هتترمى فى مطبخ لمطعم هتدرك يعنى ايه مش فاهم الى حواليك وهتحس انك اد ايه تايه ومش قادر تعيش
المهم بعدها خلص الكورس واتعمل ليه امتحان وبفضل الله نجح فيه وبعدها بحوالى تلات شهور خلص اوراقه وحصل على التأشيره وسافر الى ايطاليا
اظن الموضوع كده واضح ان شاء الله
يعنى الخطوه الأولى دائماً تبدأ من القنصلية
ندخل بقى على الجزء الثانى من الموضوع وهو الخاص بالتحذير
اوروبا مش زي زمان ولا زي ما صورتها الأفلام
التحذير يتمثل فى فكرة عند غالبية البعض وهي سهولة العثور على العمل زي ما بتصور الإفلام مثلا
انك ببساطه تحصل على عمل بعد شويه تعب عشر دقايق فى الفيلم وبعدين ممكن تبقى صاحب شركه فى اخر الفيلم
اه ممكن تنجح وان شاء الله تنجحوا كلكم لكن بلاش تعوموا فى بحار من الأحلام بأن الموضوع هين او سهل
وخصوصا فى الزمن ده الزمن اتغير وفى وجهة نظرى الكسب والنجاح بقوا اصعب بكتير قوى من زمان
طبيعى اوروبا كانت فى مرحلة نمو ودلوقتى فى مرحلة ركود طبيعى جداً يكون الأمر صعب لكن النجاح موجود برده
المهم بالنسبة لموضوع العمل فى البداية الموضوع صعب جداً
يمكن من السهل الحصول على السكن لكن العمل فى اوروبا كلها اصبح صعب جداً
واترككم لتلقوا نظرة سريعه على هذا الخبر
وتطال تداعيات الأزمة المالية العالمية معدلات البطالة التي سجلت ارتفاعاً في الاتحاد الأوروبي - يشمل 27 دولة- في شهر (سبتمبر) إلى مستوى 7% بزيادة عن شهر (أغسطس) 6.9)% ) حسب مكتب الإحصاءات التابع للاتحاد الأوروبي، وزاد معدل البطالة في ألمانيا في إطار متوسط نسبتها في الاتحاد الأوروبي حيث ارتفع من 7.1% في شهر (أغسطس) إلى 7.9% في شهر (سبتمبر)، ومن ناحية أخرى قال مكتب الإحصاء الأوروبي إن معدل البطالة في منطقة اليورو سجل ما معدله 7.5% في شهر (سبتمبر) كما سجل معدل البطالة ارتفاعا بدرجة أكبر في إسبانيا ليبلغ 11.9% في نفس الشهر، وفي إيرلندا ارتفعت البطالة من 6.2% إلى 6.6% في شهر واحد بتأثير طرد العمال والموظفين من المصانع والمصارف.
ومن المعرف أن معدلات البطالة عادة ما تستجيب ببطء للتغيرات في المناخ الاقتصادي، ولكنها تتزايد سريعاً في أمريكا والغرب بتأثير الحجم الكارثي للإنهيار المالي الذي يشهده الإقتصاد الرأسمالي.
وتراجع الاقتصاد الإسباني لأول مرة منذ 15 عاما
طبعاً كل ده مش شئ قليل ولا هين يمر بيه نظام اوروبى ومن الواضح ان الأزمه دى بتطال اغلب المؤسسات فى اوروبا صحيح هما بيقولوا أن النظام الاقتصادى بدأ يتعافى لكن الأمر بياخد بعض الوقت على ما ينصلح حال الاعمال
من الخبر ده لازم نفهم شئ
بقى فيه ازمه كبيرة فى سوق العمل فى اوروبا ولو انت مش محصن بالحاجات الى انا قولت عليها زي صنعه وغيره
يبقى هتلاقى نفسك مرمى فى مطعم ومصرى ولا غيره بيستغلك وبيهزق وبيمرمط فيك
ما تستغربش الأغلب بيلاقى كده وبيضطر انه يرضى ويسكت لأنه مفيش حاجه تانيه قدامه والطرق كلها مسدوده
طبعاً فكرة انك تلف وتدور فى الشوارع الغيها من دماغك دى فكرة تناولتها الأفلام بس
ده شغل افلام يعنى
تدور فى الزمن ده مستحيل تلاقى حاجه لازم شخص يكون معرفه هو الى يدورلك على شغل ويساعدك فى الأول
لكن لازم تعمل حسابك من البدايه فى مبلغ معين معاك يكون سند ليك لأنك فى الأول هتتعب وممكن الأمر يوصل لشهور ومش عاوز اقول انا فى رحلتى لقيت ناس فى فرنسا بقالها سنين وقعدت من الشغل ومش عارفه تعمل ايه
بسبب الركود او قفل الشركات او المصانع مثلا
يبقى أهم حاجه نفهمها كلنا ان الكفاح مش بيبدأ من لحظة تقديمك للسفاره وبينتهى بحصولك على التأشيرة
لا التعب والكفاح كله هتشوفه هنا فى اوروبا لانك هتلاقى متاعب كتيره ولازم تحصن نفسك بحاجات كتيره
مش عاوز اكرر كلام لكن عاوز انبه مليون مره على الناس قبل ما تسافر انها لازم تفهم هيه ريحه فين ولمين
انا اول ما سافرت تعبت كتير دلوقتى بفكر اسافر امريكا قالىواحد صاحبى لو سافرت امريكا ما انت هتتعب برده فى الأول وهتلف وممكن تقعد شهور وما تلاقيش شغل زي ما بدات فى اوروبا
قولتله لا انا مش هسافر امريكا غير لما اعرف كل حاجه قبل ما اسافر واكون حاسب حساب كل خطوه مش هغلط نفس الغلطه مرتين واسافر بس لمجرد انى اخرج من جحيم اسمه العيش فى مصر والرغبه فى السفر
سافرت اول مره مدرك ان مجرد السفر فى حد ذاته نجاح لكن النجاح انت بتصنعه بعد السفر يعنى ممكن تفشل برده
حتى لو نجحت واشتغلت
طيب ما الى بيشتغلوا فى المطاعم ويشيلوا الخمور ليل نهار تسميه ايه ده ؟ انا عن نفسى اسميه فشل
حتى الى عندهم مطاعم واصحاب اعمال برده دول اسميهم فشله لأنهم للأسف باعوا كل شئ فى مقابل الفلوس ومقدروش يلاقوا عمل حلال يشتغلوا فيه
الفشل مش بس انك ماا تلاقيش شغل ولا تقدر تحقق شئ ولكن كمان لما تلاقى شغل تتنازل فيه عن مبادئك واخلاقك وقيمك ودينك ده برده فشل وكثير هم من فى اوروبا تنازلوا عن كل شئ فى مقابل المال دول بأبسط الارقام من حياتى فى اوروبا 80% من العرب فى اوروبا على هذا الحال
لكن السؤال المهم بقى دلوقتى
ليه اتنازلوا مع انهم فى مصر كانوا مستحيل يقبلوا الحرام ليه غيروا رأيهم واشتغلوا فيه مع انه بيصلوا ويصوموا وبيجوا المسجد ليه عملوا كده ؟؟؟
اقولكم سبب من الأسباب ببساطه لأنهم كلهم زينا سافروا فى الأول من غير ما يستعدوا ولا يفهموا رايحين فين وبعدين لقوا نفسهم يا اما الجوع وما يدفعوش الأيجار وما يلاقوش حق الأكل ولا الشرب ولا اللبس او يشتغلوا غصب عنهم فى الاماكن دى فاختارو الشغل فى الاماكن دى والسنين سرقتهم
انا افتكر مره فى فرنسا واحد مصرى عنده بار فى باريس قعد مره يحكيلى فقالى انا روحت لأمام مسجد اقوله عاوز اتوب واقفل البار ده علشان انا حاسس انه حرام فروحت ليه قالى انت فلوسك كلها حرام لازم تتنازل عنها كلها لاعمال الخير ومش هيكون ليك فيها اي حسنات لأنها كلها حرام وتبدأ من جديد قالى ازاي ابدأ من جديد بعد ما بقى عندى اسره واطفال ومصاريف اعمل ايه ؟
طبعاً بين كلماته كنت بحس بالحسرة والندم لما بدأ فى الشغل ده وهو شاب ولوحده لكن خلاص فات القطر بعد الرجوع دلوقتى اصعب مع انه بقى شغال ومن اصحاب المشاريع بس هيرجع ازاي اذا كان هو اه كبر ومشروعه كبر بس مسئولياته كبرت معاه واسرته وكمان بقى مطالب يتنازل عن كل حاجه هيعمل ايه ؟
فعلا حاجه تحير ونصيحه لأى اخ ما يحطش نفسه فى المشكل ده علشان ما يندمش تانى وساعتها هيكون الفاس وقعت فى الراس لأن اخطاء كتيره بنقع فيها مش بنقدر نصلحها
على فكرة كتير من الأخوة هيسأل ليه انا بأكد كتير على الموضوع ده وبعيده
اقولكم ليه
لأنى شوفت كتير قوى وقع فيه ومش عارف يرجع لورا وبيتنفس وبيبلع المرار كل يوم
دى حاجه مش سهله مش هيدركها اي انسان دلوقتى شغال ومش فى باله غير بعد فوات الأوان
مش هيحسها غير لما يبنى بيته وحياته منها والسنين تجرى بيه
مش هيحسها غير لما ينوى مره يحج ويفكر مرتين ويقول احج ازاى بفلوس حرام
انا بس بنقل لكم تجربتى الى شوفتها مع المسألة دى
انا بيتهئ لى لو محصنتش نفسك من الأول ما تجيش وما تفكرش تعيش بالشكل ده زيهم
لو ربنا رزقك بالقليل فى مصر افضل بكتير قوى من الحرام فى الغرب
انا مش هزود فى الجزئيه دى اكتر من كده بس يارب يكون الكل فهمها وحس بيها وان شاء الله كلكم ربنا يرزقكم عمل خير وحلال
بس اسألوا كويس قبل ما تسافروا
واراكم مره اخرى ان شاء الله والسلام عليكم ورحمه الله