دعم عبد العال = صفرررررررررر

[rokaa92]

بصراحة انا حبيت اعمل المشاركة دى وبكلم فيها الاخوة المشرفين اللى لو حد فيهم بيقدر يوصل لاى مسئول عند عبد العال يوصلة ان معظمنا مش راضى عن الدعم لانة بصراحة مفيش دعم يعنى فى السوفتات بينزل سوفت جديد كل اللى فية اختلاف شكل لكن لايوجد تحسين لوظائف الجهاز او حتى معالجة المشاكل اللى كلنا بنواجها ودة المفروض انة يتم من الدعم مشالقصة اختلاف اشكال فقط وبصراحة اعتقد ان دة رأى ناس كتير فاهمة يعنى انا امبارح كنت مع المهندس/ احمد سمير وكان حوارنا كلة عن الموضوع دةوراية فى عبد العال ودعمة مش لازم اقولة وللعلم انا قبل مااجيب الجوكر كان عندى سيناتور ومش هاحكى طبعا عن الدعم اكيد اللى اتعامل معشركةجنرال اكيد عارف اد اية الرقى فى التعامل والمساندة لاجهزتهم من الالف الى الياء حتى لو الجهاز بقالو 10 سنين بردة بتاعهم فياريت لو حد يقدر يوصل صوتنا لعبد العال والمعلومة الجديدة ان فى جهاز جديد من عبد العال نازل السوق قريب جدا يعنى ممكن يكون باى باى جوكر واحنا بقى مش بنلاقى الفلوس علشان كل شهرين نغير جهاز ...... واسف جدا على الاطالةpatch_lov-patch_lov-

[ziko2011]

وانا معاك فعلا محتاجين الدعم الازم ش شكل وخلاص مش مهم الشكل المهم الدعم الفني

[ahadi]

وانا معاكم ........ مش كل حاجة علي رؤساء القسم والمشرفين .

[السيد6725]

اشكرك على هذا لأن هذا رايى تماما وفعلا باى باى جوكر

[goldi5days]

يا جماعة انا قولت من الاول هى موضوع تجارة و شويا شويا جهاز بعد جهاز والارتى والشوتايم بتعيش منين من الكام مشترك اللى مشتركين اشتركات اصليه طبعا من واحد زى عبد العال وغيره بيدفعوا عشان اجهزتهم تتوزع وبعد يقولك الريسفر الفلانى فاتح الشوتايم تروح انت تجيبه وبعدها بشهرين تلاقيه قفل بعد كده وسع يا جدع الريسفر الجابو وصل تروح تشترى وهكذا الساقيه بدور

[walid_elfeqi]

يا جماعة ممكن نكون منطقين فى تقيمنا لأى شيىء الجهاز علىالسوفتات الاخيره تحسن أداءه بشكل جيد جدا كمان اعرف شيىء مهم جدا وهو أن فيه اعضاء توجهوا لعبد العال بالأسكندرية بسبب شحن الفلاشة والراجل تفضل مشكورا وقام بالشحن مجانا ً الى اهم من كل الكلام الى تقال الان هو ان عبد العال يعمل مركز صيانه خاص بيه فى القاهرة وده طلب شرعى ومنطقى أن يكون لوكيل مثله مركز صيانه فى العاصمة مش الاسكندرية فقط اما الدعم فأعتقد انه بيتحسن يوم بعد يوم والكل كان توقع الا العبد لله أن دعم الجوكر فيرجن 1 يسنقطع بعد نزول الفيرجن 2 وده لثقى فى هذا الرجل وكمان علشان متزعلوش أنا هكلم الاخوه فى التوكيل ويارب يكون الحاج صلاح موجود واكلمه فى الامر وشوف رده ايه وانقله ليكم

[elbaz_msh]

الدعم = السوفتات التى تعالج المشاكل السابقة
اكيد ان حضراتكم من يوم ما اشتريتم الاجهزة والسيرفر يعمل دون انقطاع وهو عندى احسن من ******* المدفوع
اما المشاكل فهى ناتجة اكيد عن سوء استخدام فيجب عند شراء اى جهاز نعرف كل حاجة الاول عنة قبل ما نتعامل معة
فكثير منا من يوم ما اشترا الجهاز لايوجد منة شكوى
والميكربوكس ايضا دعم مستمر
اذا عبد العال مقصرش فى حاجة
ممكن الحاجة الوحيدة هى الموقع فقط غير كدة الدعم مستمر وممتاز
هذا مجرد رأى

[oscar]

يا اخى انا سعات اضغط على زر usb الجهاز يعلق على كدا جايب مربع وانتظر على ما يجى الفرج ساعه او اغلقه من الخلف

[rokaa92]

والله خد من الحاجات دى كتير وانا قبل كدة كتبت وقولت انة جهاز ميطمنش كل مرة بتشغلة بتدعى انة يكمل ويقوم واعضاء كتير قعدوا يهاجمونى وحسسونى انة جهاز الاوحد وعلى فكرة ان متمتع بالجهاز مبقولش غير كدة بس انا بكتب انطباع واللى اتعامل مع اجهزة قوية قبل كدة يعرف معنى الكلام دة

[muhammad iprahem]

والله خد من الحاجات دى كتير وانا قبل كدة كتبت وقولت انة جهاز ميطمنش كل مرة بتشغلة بتدعى انة يكمل ويقوم واعضاء كتير قعدوا يهاجمونى وحسسونى انة جهاز الاوحد وعلى فكرة ان متمتع بالجهاز مبقولش غير كدة بس انا بكتب انطباع واللى اتعامل مع اجهزة قوية قبل كدة يعرف معنى الكلام دة

لو تقصد الدريم بوكس
فحضرتك هتظلم الجوكر لان شوف الجوكر سعرة كام والدريم الاصلى سعرة كام
اعتقد ان الجوكر مع هذة امكنياته سعره قليل بجد دا مش مبالغه
لاكن انا معاك فى ان فى مشاكل منها ضرب الفلاشه والبطئ فى الفتح واللودر الى منزلش لاكن فى الاخر ان معاك جهاز بجد ع هذا السعر كويس جدا
اعتقد ان الدعم لازم يكون افضل فى النقط الى فاتت
ولو المشاكل دى اتحلت هيبقى ايه رأيك فى الجهاز

[rokaa92]

على فكرة يا اخ ميدو انا مش بهاجم الجهاز على العكس انا دايما بقول ان انا فعلا متمتع بالجهاز وزى ما انت بتقول الامكانيات دى / السعر دة = شىء مرضى بس الواحد بيقول ملاحظات يمكن يكون فى حد مسئول يشوفها ويحاول يتابعها بس........

[muhammad iprahem]

وفعلا ملاحظتنا زى بعض واعتقد دا رأى الاعضاء والمشرفين كمان
وانا عارف انك مش بتهاجم الجهاز وفعلا لازم حد من مسؤالى الجهاز يلحظوا الكلام دا

[rokaa92]

على فكرة بالنسبة لشهرة المنتدى اعتقد ان اكيد فى حد من عند عبد العال بيتابع اكيد وفى الفترة الاخيرة تحس ات فى تقدم وتغير ويا رب نحاول نوصلهم اكتر علشان هما فعلا لو مظبطوش الدنيا للجوكر هيخسروا كتير حاليا ومستقبلا لان الجوكر حاليا من اعلى الاجهزة مبيعا ومن الاكتر الاجهزة اللى عليها جدال كبير فلو ظبطو هيعدوا بية ويعدو معاة لكن لو وقع منهم هيخسروا كتير اوى فيارب يكونوا شايفنا

[meromore83]

فعلا الجهاز عايز بصه من عبد العال

[hamzawi]

السلام عليكم ورحمة الله وبركاته الجهاز فعلا اتحسن كتير عن الاول انا فاكر كنت جايبه قبل كاس العالم فى شهر مايو ومكنش فيه غير السوفت319 وكان ميت فى تقليب القنوات وفى فتح المشفر الان تحسن ولاكن يجب ان يكون الدعم من عبد العال اكثر من كده بكثير وان ينزل اللودر ضرورى هو خايف ينزل اللودر علشان اللعب فى السنه المجانيه خلاص يا عم القنوات تشطيب خلاص الشهر الماضى الشوتيم وغدا اوربت وبعد غد الاى ارتى والجزيره الرياضيه يعنى هو خايف من ايه يعنى خلاص بقت ضلمه ولا هو فيه بيزنس بينه وبين مراكز الصيانه هل الدريم بوكس ملوش لودر هل التيجر شبيهه فى كل شى ملوش لودر ولا هو فيه ايه بالظبط انا عندى باقى على السنه المجانيه اربعة اشهر وجهاز الجولد فاتح بقاله اكثر من اربع سنين يعنى لو استمرت الجزيره لوحده كام شهر زى ماحضرتكم بتقولو الى اخر العام وانا مش مقتنع لان الجزيره كبيرها الى مارس وستتحول الى النظام الجديد لانه نظام تشفير فولازى

[muhammad iprahem]

السلام عليكم ورحمة الله وبركاته الجهاز فعلا اتحسن كتير عن الاول انا فاكر كنت جايبه قبل كاس العالم فى شهر مايو ومكنش فيه غير السوفت319 وكان ميت فى تقليب القنوات وفى فتح المشفر الان تحسن ولاكن يجب ان يكون الدعم من عبد العال اكثر من كده بكثير وان ينزل اللودر ضرورى هو خايف ينزل اللودر علشان اللعب فى السنه المجانيه خلاص يا عم القنوات تشطيب خلاص الشهر الماضى الشوتيم وغدا اوربت وبعد غد الاى ارتى والجزيره الرياضيه يعنى هو خايف من ايه يعنى خلاص بقت ضلمه ولا هو فيه بيزنس بينه وبين مراكز الصيانه هل الدريم بوكس ملوش لودر هل التيجر شبيهه فى كل شى ملوش لودر ولا هو فيه ايه بالظبط انا عندى باقى على السنه المجانيه اربعة اشهر وجهاز الجولد فاتح بقاله اكثر من اربع سنين يعنى لو استمرت الجزيره لوحده كام شهر زى ماحضرتكم بتقولو الى اخر العام وانا مش مقتنع لان الجزيره كبيرها الى مارس وستتحول الى النظام الجديد لانه نظام تشفير فولازى

اخى الجزيرة عن ثقه وخدها منى كلمه لن تتحول الى النظام الجديد الى فى اخر سنه 2010

[هنديه]

بسم الله الرحمن الرحيم
من وجهه نظرى والله اعلم ان دعم عبد العال لا يساوى صفر بل هو كويس بس بطىء شويه وساعات بطىء قوى مش اكتر وان شاء الله انا حاسس انه هيدعم الجوكر فى المستقبل بس الناس المجتهده تطلب وتلح فى الطلب
والله اعلم
فى انتظار الفرج
كل الشكر للقائمين على هذا المنتدى العظيم

[epnmasr]

أنا أرى أن هذا الكلام مبالغ فيه شويه ولكنه لا يخلو من بعض الحقيقه فهناك بعض التحسينات التي يجب تدعيم الجهاذ بها بالإضافه الى وجود مقر لخدمة ما بعد البيع والصيانه بالقاهره أو الجيزه وهذا ما أشار إليه مشرفنا الحبيب أستاذ وليد

[hamzawi]

يا اخى لسه انا شايف فيديو للجزيره الرياضيه وهو يوضح بانهم قريبا فى غضون اشهر قليله سيتحولون الى النظام الجديد واللى ماخرهم هو تجهيز اعداد كبيره من الديكودر الخاص بهم يبقى اجلا ام عاجلا هتبقى ضلمه يبقى عدم ظهور لودر الجهاز الى الان ايه لزمته لان السنه المجانيه لن يكون ليها اى لازمه فنجو من الساده المشرفين توضيح لماذا لم يظهر لودر الرسيفر الى الان والجهاز فى السوق منذ اكثر من ثمانية اشهر وسلملى على عبد العال ويجعله عامر

[mohamedramzy]

مش عارف ليه بعض الناس بتقيم الجوكر على اساس ان سعره منخفض تبقى ميزه فى الجهاز
انا باختلف معاهم رخص ثمن الجهاز لا يعنى شىء غير انخفاض الجودة و انعدام الدعم
و هذا ما يحدث مع الجوكر
و شرائى للجوكر من الاخطاء التى اعترف بها و اعتبرت ثمنه تكلفة تعلمت بها
ان اشترى الماركات المرموقة و المعروفة مهما غلى ثمنها اما الجوكر فهو كالسيارة الصينى بعد ماتشتريها تكتشف انك اخدت مقلب و لا ليها قيمة و لا تساوى ربع ما دفعته
هذه مجرد وجهة نظر عن تجربة