رسالة الي كل مهتمي الجوكر

[الكيف]

ياريت كل واحد يخللي باله من رده علي المشاركات والاعضاء اصل العمليه كده بانت من الاخر ان في ناس ليها مصلحه في تضليل الناس الغلابة وفي الضحك عليهم عشان يستفيد من وراهم عن طرق النصاب عبدالعال واعوانه وكل واحد عارف انا بتكلم علي مين
واللي عاوز يعرف هل هو المقصود يعمل حاجة بسيطة جدا هيضغط علي كلمتين هما( مواضيعي-ردودي) اسفل لوحة تسجيل الدخول لك وهتلاقي كل مواضيعك وردودك وقارن انت بقي وهتعرف ساعتها انت مين وايه
وياريت الادارة لاتغلق الموضوع عشان نعرف اذا انا كنت صح ام لا
وبلاش حكاية ايقاف عضويتي زي المرة اللي فاتت من غير سبب
وعشان خاطر الناس المحترمة اللي بالمنتدي سيبوا كل واحد يتكلم ويعبر عن رأيه عشان نعرف مين الصح ومين الغلط
وتقبلوا موضوعي ورأيي بصدر رحب
مع تحيات
الكيف اللي عقله طار من حيرة واستغلال الناس لبعضها للمصلحة فقط

[rabah_youssef]

أخى الكريم الكيف

أولا صلى على النبى كده وإهدى

طبعا أنا مش فاهم من كلامك موجه لمين أو بتقصد أيه

بس إنت لو بتتكلم عن إقتناء جهاز الجوكر فى الوقت ده أو أن أى حد يشترية طبعا تبقى غلطة

لو انت حاسس ان فى عملية نصب أو تضليل من قبل أى حد فى المنتدى فيكفى ان انت تقول حسبى الله ونعم الوكيل

كلنا عارفين إن الجوكر جهاز ورق ولا يقارن بأى جهاز محترم ولكن السعر والسيرفر المجانى وموضوع ال hd هو السبب وراء بيعه وإنتشاره

غير طبعا مجمل العيوب اللى فى الجوكر بس انت عارف نظام السوق المصرى

عاوز كل حاجة فى شئ واحد ويكون بأقل سعر

يعلم الله إن أنا مليش أى مصلحة من وراء ردى إلا لتهدئتك

أنت أخ محترم وأنا بأتابع ردودك ومواضيعك

ولو إنت شايف أى تضليل او نصب حاول توضح إنت بصورة أفضل مش تظهر انت اللى تكون غلطان

أرجو إن يكون المقصود من كلامى وصلك

تقبل تحياتى أخى الكريم ودمت فى حفظ الله

[الخديوي]

الكيف معرفش ماله انهارده
عموما هدي نفسك شويه واسمع واحكم
انا عن نفسي مهتم جدا بالجوكر فرجن2
جبت فرجن1 لناس زبايني كتير
والجهاز عاجبني جدا
فنويت لما ربنا يسهل اشتريه
ولما جيت اشتريه ملقتش غير فرجن2
توكلت علي الله وجبته
المهم
قريت كل اللي انكتب عن الجوكر هنا وفي منتديات تانيه كتير
وخرجت بشئ مهم جدا
ان الجوكر جهاز له تعامل خاص
عاوز الواحد يحسس عليه
زي لا مؤاخذه ...... افهم انت
المهم
عرفت انه بيضرب فلاشه واليو اس بي بيبوظ وبيهنج وووو
عرفت انه عشان ميضربش الفلاشه محملوش سوفت غلط
واراعي ملف القنوات وووو
والتهنيج مش من المفروض اني افضل ادي للجهاز تلت اربع اوامر ورا بعض وبسرعه ومستني الجهاز يستجيب
يعني امر امر عادي جدا
الجهاز ملوش لودر مدخله الوحيد اليو اس بي
يبقي لازم احافظ علي المدخل - مش حت فلاشه شيل فلاشه وكده
لغاية مربنا رحمنا بموضوع المشاركه علي الكمبيوتر وفي رايي ده احسن حاجه عملها الجوكر
وحجات تانيه كتير اللي جرب الجهاز قال عليها
خلي بالك انا متكلمتش علي ***** مجاني ولا انه هاي دفنيشن ولا سعره
وصدقني الجهاز عاوز اللي يفهمه
واللي حيفهمه حيطحنه شغل
الجهاز فيه عيوب وفيه مميزات
انا عن نفسي
اتغلبت علي عيوبه علشان استمتع بمميزاته
صلي علي النبي واهدي وقول هديت

[muhammad iprahem]

الجهاز فيه عيوب وفيه مميزات
انا عن نفسي
اتغلبت علي عيوبه علشان استمتع بمميزاته
صلي علي النبي واهدي وقول هديت

تمام اؤيدك
يوجد عيوب ويوجد مميزات كلنا لازم نعترف بذلك

[SHEPOP]

اولاً لكي نعرف قيمة اي شيئ يجب ان نقارن بين سعره والفائدة التي تعود منه
بالنسبة للجوكر يكفي انه سعره كان بحوالي 600 جنيه
في الوقت الذي كان ارخص رسيفر hd سعره يتعدى 1000 جنيه
واذا اضفت له مدة سنه مجانية فيعتبر الرسيفر رخيص جداً
اما عن عبدالعال لكي تعرف هل هوا نصاب ام لا فانظر ماذا فعل توكيل جهاز كيوماكس سنتور بعملائه
وان لم يكن لديك اية معرفة استطيع ان اخبرك
انا هنا لا ادافع عن عبدالعال فجهازه ليس الجهاز الخارق
ولكن مميزاته تفوق سعره وهذا الامر اول مرة اجده في السوق المصري
وللإيضاح اكتر انا اول من نصح الجميع بعدم شراء رسيفر hd على الإطلاق
وستجد كلامي في هذا الموضوع
http://www.masrawysat.com/vb/showthread.php?t=50086
تحياتي لك

[الكيف]

اشكر كل من ساهم بالرد او مشاهدة الموضوع
وكده فعلا موضوعي جايب نتيجة
بس ياريت يكون اللي انا اقصده هو اللي اتفهم
لان الواحد احتار من المشاركات والردود تلاقي الواحد في موضوع يقنعك بكلامه وتبص علي نفس الشخص في موضوع تاني يضللك مش عارف ليه
ياناس الحديث الشريف بيقول فيما معناه( ومن كان يؤمن بالله واليوم الاخر فليقل خيرا أو ليصمت)
يبقي تقول الصح يا نسكت خالص
ولا احنا اساتذة في الرد المفبرك وخلاص؟
ياريت محدش يزعل من كلامي
ونخللي بالنا من ردودنا دائما
وتقبلوا تحيتي لكم
اخوكم / الكيف

[epnmasr]

أيه يا كيف روق هو أنت إتعديت من إبراهيم حسن ولّا أيه وعموماً أنت زملكاوي بس كلنا بنحبك

[epnmasr]

سؤال سازج مني يا كيف بس والله عايز أعرف إجابته لأنه ما مرش عليا قبل كده أيه هو اللودر وأيه فائدته يعني بيعمل أيه بالضبط وشكراااااااااً مقدماً

[aborag]

بعد اذن الاخ الكيف و باقى الاعضاء ارد اللودر هو برنامج يقوم بتحميل السوفت وير أو السوفت كام أو ملف القنوات من جهاز الكمبويوتر الى الريسفر عن طريق كابل متوصل بالكومبويتر و الريسفر

[epnmasr]

شكرااااااااااً أخ أبو راج
بس إحنا في الجوكر بنحمل السوفت او ملف القنوات من الفلاشه عادي يعني أكيد اللودر ده بيعمل حاجه فنيه ثانيه وآسف معلش أستحملني وإحنا بنتعلم من حضراتكم لكي تتحق أقصى إستفاده من الجوكر

[muhammad iprahem]

شكرااااااااااً أخ أبو راج
بس إحنا في الجوكر بنحمل السوفت او ملف القنوات من الفلاشه عادي يعني أكيد اللودر ده بيعمل حاجه فنيه ثانيه وآسف معلش أستحملني وإحنا بنتعلم من حضراتكم لكي تتحق أقصى إستفاده من الجوكر

اللودر دا هيسعدنا ع تحميل السوفت وير دون قلق او خوف من الفلاشه
وكمان هيكون من السهل جدا لو نزل اننا نضرب السنه المجانيه

[epnmasr]

مسااااااء الفل يا ميدو يا حبيبنا

[muhammad iprahem]

مسااااااء الفل يا ميدو يا حبيبنا

مساء النــــــور ع احسن اعضــــــــــــــاء فى احسن منتــــــــــــدى
patch_lov- patch_lov-

[ajdyc]

موضوع جميل جدا و حلو ان كله يتكلم بصراحه

[أ/حــمــاده الــجــوكــــر]

مغلق لانتهاء الغرض