الى الاخ وليد الفقى

[elgentel]

اخى العزيز وليد بعد التحية

عملت اعادة ظبط مصنع منذ ساعة و قمت بتنزيل المحطات من جديد
و عملت فيفوريت لابنى على محطات الكارتون وكلة تمام و المحطات شغالة
سبتة بيتفرج بعدها ندهنى لانه لاتوجد صورة
قمت بالتقليب بين كل المحطات المشفرة و الغير مشفرة فوجتها صوت فقط بدون صورة
قمت بالغلاق الرسيفر من الريموت ثم من البور الخلفى

ثم قمت بتشغيل الباور ثم فتح الرسيفر من الريموت
الان كل القنوات المفتوحة تعمل
بينما المشفرة لا تعمل لا صوت ولا صورة

هل د سوفت ضرب ولا ***** ولا مشكلة عادية
برجاء المساعدة بخطوات الحل


اخوك الجنتل من اسكندرية

[walid_elfeqi]

اخى الحبيب انت على راوتر ولا شبكة

[elgentel]

على شبكة
و النت بدون اى بى
انا بعد اذنك كنت بدور فى مشاركات تانى
انا دوست انفو مرتين و لقيتة كاتب ديسكونكتد

شكرا للاهتمام يا وليد باشا

[walid_elfeqi]

ديس كنكت نت ولا ***** يعنى الديس كونكت موجودة يمين ولا شمال

[elgentel]

هو بالانجليزى
كلمة ديسكونكت على الشمال
معرفش دى دسكونكت نت ولا ديسكونكت *****
عموما
بعد الضغط على انفو مرتين ظهرت اسفل يسار المربعات
شكرا للمتابعة

[walid_elfeqi]

لآده ده ديس كونكت نت شوف دلوقتى افصل الرسيفر من زرار الباور بعد غلق من الريموت وسيب زرار الباور مفتوح شيل الفيشة من الكهرباء واترك الرسيفر بدون كهرباء 30 ثانية وبعدين ركب الفيشة بضغطة واحدة مرة ثانية وشوف النتيجة ايه قف على قناة ايه ار تى حكايات 1 وانتظر وقول الاخبار ايه

[elgentel]

حاضر
بس انا حاسس ان الخطوات مش مفهومة خايف حاجة تبوظ
حضرتك بتقول
افصل الرسيفر من زرار الباور بعد غلق من الريموت وسيب زرار الباور مفتوح شيل الفيشة من الكهرباء واترك الرسيفر بدون كهرباء 30 ثانية وبعدين ركب الفيشة بضغطة واحدة مرة ثانية وشوف النتيجة ايه
افصل من زرار الباور ولا اسيبة مفتوخ و يعنى ايه راكب الفيشة بضغطة واحدة؟

اعذرنى لانى زى ماقولت لحضرتك انى جايبة اول امبارح و فلوسة لسه مابردتش هاهاها
اسف مرة تانية يا حبيبى وليد برجاء تحديد الخطوات مرة اخرى من فضلك

[walid_elfeqi]

سيب زرار الباور مفتوح ومتخفش ركب الفيشة بضغطة واحدة يعنى بقوة مش تدخل الفيشة واحدة واحدة بقوة ومرة واحدة

[elgentel]

وليد باشا انا جربت 3 مرات و لم تنجح
برجاء الافادة

[walid_elfeqi]

طيب انت مستخدم سيوتش لتوصيل الرسيفر ولا موصله زاى

[elgentel]

مستخدم سويتش يا وليد باشا

[elgentel]

طيب هو مفيش طريقة تانية غير القفل و الفتح
يعنى نعملو اكننا بنعرف اى بى مثلا
او اننا نفتحة من القوائم ؟

[walid_elfeqi]

شوف شيل فيشة السويتش وركبها تانى

[elgentel]

تم حل المشكلة

شكرا جزيلا يا ا- وليد و اسف على الازعاج يا ملك الكيوماكس اخوك الجنتل

[walid_elfeqi]

طيب مش تقول ايه الى حصل علشان كل الاعضاء تستفاد

[elgentel]

بص يا باشا انا كنت بضغط انفو مرتين فكان بيكتب ديسكونكت فعلا على الشمال و د اللى خلى حضرتك تفكر انها ديسكونكت نت
بس لما ضغط على انفو تانى
طلعلى ان النت كونكت و ان ******* هو اللى ديس كونكت
فمسحت ******* و الجهاز عمل ريستر و اشتغل تمام الحمد لله

انا ساعدتنى تمام يا باشا بس انا اللى اديتك المعلومات غلط يا باشا

بس برضو انا معرفتش احل المشكلة الا بعد مراجعة احدى المواضيع المثبتة فى المنتدى

يعنى برضو المنتدى ليه الفضل الاول و الاخير فى حل المشكلة

شكرا جزيلا على المتابعة يا وليد باشا يا حبيب قلبى اخوك الجنتل