تسجيل الدخول

مشاهدة النسخة كاملة : مشكلة : الإشارة 95% لكن مفيش صورة !

fohler
2014/04/11, 02:41 AM
السلام عليكم
عندى كارت tevii S471
شاريه من حوالى سنة ونص .. شغلته لما اشتريته حوالى اسبوعين تلاتة وبعدين الكمبيوتر حصل فيه مشكلة فعينت الكارت و ندمت انى مجبتوش usb علشان اشغله على اللاب ...
المهم صلحت الكمبيوتر وطلعت الكارت من الكارتونة و شغلته و .. اشتغل تمام 3 ايام
لحد لما واحد صاحبى الله يكرمه كان اعد جمبى و بكلمه على الكارت علشان عاوز يشترى واحد .
المهم طبعا الكيسة انا شايل الباب بتاعها فهو حط إيده على الكارت فلقاه سخن نار ..
فقال انا عندى حل لمشكلة السخونة دى فأنا طنشت ..
عدى يومين وجالى تانى ببص لقيته جايب قاعدة مروحة بروسيسور نحاس قديمة و قام حاططها على الكارت جوا الكويسة ..
قال ايه يعنى هتبرد الكارت .. ببص لقيت الصورة وقفت و الكارت محطش منطق !
شيلت فيشة الكمبيوتر بسرعة وشيلت الهبابة اللى حطها و شغلت الكمبيوتر تانى ببص لقيت حاجة غريبة اوى ...
الكارت شغال و ظاهرلى انه متعرف و ظاهر فى البروج انه شغال و جايب اشارة .. اشارة عالية كمان .. لكن مفيش ولا قناة عاوزة تشتغل !!!
مسحت التعريف و حطيته تانى .. مسحت البروج و سطبته تانى و جيت اعمل بحث لقيته جايب اشارة عالية لكن مفيش ولا قناة البحث بينزلها !!

ما علينا طبعا من صاحبى و الحركة اللى عملها .. بس انا هتجنن يا جماعة الكارت انا كنت عاينه اكتر من سنة و متهنتش بيه .

هل فى حل ولا كده باظ بقى و يترمى ولا ايه ؟ :(
أرجوكم ساعدونى
sasa 3ud
2014/04/11, 03:36 AM
جرب برنامج DVBViewer
شغال عندى تمام مع نفس الكرت
ABOZIAD@AHMAD
2014/04/11, 06:39 AM
فك الكارت ونظفه اخى الكريم ونظف مكانه فى البوردة وركبه تانى وبعدها اعمل نسخه ويندوز جديدة وقم بتعريفة ووافينى بالرد
fohler
2014/04/12, 03:24 AM
جرب برنامج dvbviewer
شغال عندى تمام مع نفس الكرت

إن شاء الله مع الكارت الجديد بقى
شكرا ليك
fohler
2014/04/12, 03:28 AM
فك الكارت ونظفه اخى الكريم ونظف مكانه فى البوردة وركبه تانى وبعدها اعمل نسخه ويندوز جديدة وقم بتعريفة ووافينى بالرد

حاولت .. عملت البدع .. و فجأة الكارت تعريفه اختفى و الكمبيوتر معدش شايفه .
زى ما تقول كده والله اعلم حصل لمس بسبب القاعدة النحاس و الكارت اتحرق ... خد الشر و راح .
شكرا ليك جدا على إهتمامك و ردك :)
و ان شاء الله هشترى واحد تانى .. تنصحنى اجيب نفسه ؟ 471 ؟ ولا فى حاجة جديدة نزلت أحسن ؟
شكرا ليك مرة تانية
&ABO GNA&
2014/04/12, 09:05 AM
حاولت .. عملت البدع .. و فجأة الكارت تعريفه اختفى و الكمبيوتر معدش شايفه .
زى ما تقول كده والله اعلم حصل لمس بسبب القاعدة النحاس و الكارت اتحرق ... خد الشر و راح .
شكرا ليك جدا على إهتمامك و ردك :)
و ان شاء الله هشترى واحد تانى .. تنصحنى اجيب نفسه ؟ 471 ؟ ولا فى حاجة جديدة نزلت أحسن ؟
شكرا ليك مرة تانية
TeVii S662 DVB-S2 USB

ده يعمل معك على اللاب والكمبيوتر
fohler
2014/04/13, 09:48 PM
TeVii S662 DVB-S2 USB

ده يعمل معك على اللاب والكمبيوتر

على الاتنين ؟!!
الله عليك .. تسلم يا احلى مشرف patch_lov-