رسيفر كيوماكس h3 سوفت 149 مشكلة التسجيل

[ahmedramadan123]

السلام عليكم و رحمة الله و بركاته

انا عندي رسيفر كيوماكس h3 سوفت 149 لما بحط الفلاشة و باجي اسجل
بيجيلي رسالة out of memory اعمل ايه

[ابوعلى المحمودى]

اقفل الريسيفر من الزرار اللى ورا الريسيفر وشغله تانى وهيسجل كويس

[mahgad]

اقفل الريسيفر من الزرار اللى ورا الريسيفر وشغله تانى وهيسجل كويس
كلامك سليم

[ahmedramadan123]

بردو مابيسجلش اعمل ايه . و بالنسبة للترجمة علي عاموس مش شغالة مش الواحد بيشغل الترجمة لما يدوس علي زرار subtitle

[ult_badr]

***** 1.49 مش بيدعم الترجمة .. وبالنسبة للتسجيل اقفل الجهاز من الزرار اللى ورا زى ما قال الاخ فوق

[مستر حلمي]

لازم لما تطفي الرسيفر من الخلف
تكون الفلاشه مشبوكه فيه

عشان يتعرف عليه بطريقه صحيحه أثناء التشغيل
ويسجل معاك عادي ..

[yasersat]

ما بيسجلش ولا بيقرا الفلاشة خالص قارى فلاشة النت بس

[احمد الرحيمى]

فعلاااااااا المشكله دى عاندى بردووو ياريت ليها حل

[waheed]

ياعالم هذا السويفت لا يسجل ومين يقول انة بيسجل فليجرب اولا بنفسة ثم يقول ما جرب

[عصام حسن بك]

السوفت رائع من حيث الثبات
اسرع فى التعامل مع اقل سرعة للنت
اضافة اليوتيوب وال ip-tv
استكمال الحروف العربية الناقصه فى السوفتات السابقة
عمل تلوين رائع باللون الاصفر على القناه المشفره والتى تم كسرها
اما عيوبه فهى
ضعف القدره على التسجيل بصوره دائمه (تظهر بعض عبارات الخطأ)
حذف اوبشن (ضبط القرص) وهو مهم لحذف وتعديل الملفات على الفلاشه
لايتم التسجيل الا بعد غلق الجهاز من الخلف ثم فتحه مره اخرى فى كل مره تريد فيها التسجيل
لوتم علاج هذه العيوب سوف يصبح افضل سوفت

[mido_omer]

انا كانت عندي نفس المشكلة حلها حضرتك ان الميميوريمافيهوش مساحه علشان كدا مش بيسجل

[ksenosy]

السوفت بيسجل ممتاز وميفهوش اى مشكلة إلا فقط أنك لازم فعلاً تقفل الريسيفر وتفتحه تاني ... انا شخصياً استخدام هارد خارجي للتسجيل أفضل من الفلاشه بكثييير

[محمد داود]

السلام عليكم و رحمة الله و بركاته

انا عندي رسيفر كيوماكس h3 سوفت 149 لما بحط الفلاشة و باجي اسجل
بيجيلي رسالة out of memory اعمل ايه
كان عندى نفس المشكلة .. والموضوع ليس له علاقة بالسوفت .. السوفت شغال زى الفل ..أول خطوة تعملها حضرتك أنك تحضر فلاشة جاهزة يو اس بى ولتكن مثلا 2 جيجا .. وتضعها فى الريسيفر هيسجل معاك بدون مشكلة وحاول تبعد نهائى عن كروت الميمورى لأن الريسيفر يتعامل معها بصعوبة .. ثانى حاجة لو حضرتك مشغل النت بتاعك على فلاشة فودافون أو اتصالات أو غيرها ممكن تجيب مشترك بيجمع فلاشة النت واليواس بى اللى حضرتك عايز تسجل عليه .. وتشغل المشفر وتسجل كمان فى وقت واحد .

[salahali244]

سوفت 1.49 تعمل به خاصية التسجيل بدون مشاكل لكن لازم تطفي الجهاز من البور الخلفي وتفتحه والفلاشة في الرسيفر وبالنسبه للترجمة لا تعمل علي سوفت 1.49 لكن لو عايز تشغلها نزل سوفت 1.45 تعمل عليه خاصية الترجمة

[ابو فارس المصرى]

كانت عندى نفس المشكلة بس اتحلت اول حاجة فرمت الفلاشة ntfsمش fat‏ واطفى الريسيفر وشغلة هيسجل معاك طلقة

[vitch]

يا باشا التسجيل شغال زى الفل بس المشكلة انك لازم تقفل الجهاز من زرار البور الخلفى وتكون الفلاشة موجودة فيه وبعدين تفتحه تانى وبالنسبة لمشكلة الترجمة فأحسن سوفت يدعم خاصية الترجمة هو 1.45

[kareem.hanafy]

طب انا عند مشكلة جيبت مشترك يو اس بي وركبت فلاشة الواي فاي وفلاشة 16g المهم ان الجهاز بيسجل وبيعمل تايم شيفت بشرط اني اشيل فلاشة الواي فاي انما لو الاتنين متركبين ميسجلش وما يعملش ايقاف موقت.. الرسيفر h3 والسوفت 1.35

[ismas]

الف الف شكررررررررر

[modynet]

شكرااا للمنتدى الغالى على المجهود