المساعد الشخصي الرقمي

مشاهدة النسخة كاملة : نظام تقسيط الاشتراك في بين سبورت

CHMOUSA
2014/04/17, 12:05 AM
ممكن حد يشرح نظام تقسيط الاشتراك وانا لو عاوز اشترك بالتقسيط اول اغسطس هادفع كام ولو مدفعتش شهر وجيت بعد شهرين دفعت ايه اللي يحصل في غرامه ياريت بس تكون معلومه شامله بلاش الكلام في المواقع
almaystrow
2014/04/17, 02:42 AM
اشتراك كأس العالم + سنة ب 1715 جنية .. طبعا ده غير الرسيفر اللي لازم تشتريه قبل اي حاجه ب 429 جنية .
سعر اشتراك السنة ب 1050 جنية و ده هيكون تجديد الاشتراكات بعد كأس العالم كده ب 1050 جنية ان شاء الله .
يعني سعر اشتراك كأس العالم ب حوالي 665 جنية بس مينفعش تشترك في كأس العالم فقط لازم اشتراك الكأس و اشتراك سنة مقدما !
بالنسبة لنظام التقسيط لو هتشترك في كأس العالم لازم تقسط 665 اللي هو تمن كأس العالم قبل يوم 3/6/2014 يعني قبل بداية كأس العالم و طبعا لازم تشتري الرسيفر كاش ب 429 جنية و من اول شهر 7 لحد نهاية اشتراك السنة بتاعك هتدفع ثمن 1050 فقط لانك هتكون دفعت كأس العالم فهتقسط المبلغ المتبقي و هو ثمن اشتراك السنة ما يعادل 91 جنية شهريا !!
طيب لو هتشترك في شهر 8 يبقي هتشترك سنة فقط بدون كأس العالم يعني سعر اشتراكك 1050 + ثمن الرسيفر يبقي تشتري الرسيفر كاش ب 429 و تقسط 1050 جنية علي 12 شهر يعني ما يعادل 90 جنية شهريا .

لو مدفعتش شهر او شهرين او حتي 10 شهور مثلا الخدمة هتتوقف تلقائيا لو مدفعتش شهر يعني لو جه يوم 3 في اول كل شهر و مدفعتش القسط الخدمة بتقف علي طول لحد متدفع القسط و لو عدي شهر او اتنين او حتي 10 بدون متدفع طبعا الخدمة ستتوقف مع اول شهر و لكن عند دفعك للاقساط مرة اخري هتدفع كل الشهور اللي مدفعتهاش ! علشان دي اقساط مش بتشترك الشهر بشهره !!
♥MR.IbRaHiM♥
2014/04/17, 02:54 AM
ربنا يسامحهم يجازيهم باللي بيعملوه في الناس دا
حتي الكوره اللي بتفرح الناس عايزها للاغنياااء فقط
حسبي الله ونعم والوكيل
kamata
2014/04/17, 04:03 AM
ههههههههههههههههه فرع سوهاج بقى النصب فيه حكايه عاوز تشترك بتدفع مقدم 800 وتانى شهر 800 وبعد كده 260 كل شهر الحسبه بتوقف عليك ب 3600
لو جبت الجهاز من برة مش بيرضى يدلك اشتراك لازم تاخد الجهاز من عنده عافيه
لو حبيت تاخد القسط وانت معاك الجهاز بيقولك مش هفعلك الاشتراك من ير ماتاخد الجهاز من عندى لو حبيت تاخد الباقة كاش هتدفع 3315 لو حبيت تاخد الريسفير لوحده هتدفع 650 جنيه بدل من 450 سرقع علنى
belal
2014/04/17, 04:32 AM
عند السيد ابو السعود فى شارع الجبانه 2250اشتراك سنه +الجهاز بكاس العالم فى سوهاج
abood22
2014/04/17, 12:21 PM
بصراحه الله الغنى
وحرام الفلوس دى تدفع
التايجر
2014/04/17, 12:50 PM
مشكوووووووور على المعلومه
almaystrow
2014/04/17, 01:39 PM
بصوا يا جماعة ده الدليل و كل المعلومات اللي كتبتها انا سألت والله في الفرع بتاع شارع السودان ! و في نصب كتير في فروع كتير للأسف مش مكفيهم الاسعار دي لا اللي شغالين في cne معظمهم بيحط التاتش بتاعه للاسف بقي ده حالنا !
بيزوووووو
2014/04/17, 04:28 PM
الجهاز فى فرع المقطم بيتباع ب 460

وفى الفرع الرئيسى بتاع المعادى

429 جنية كلو بيزود حسب مزاجة

بس بجد محدش اشتراة الا القهاوى والكافيهات

الجهاز سئ بمعنى الكلمة الصينى احسن منة بكتير

سعر الباقة بكاس العالم 1715

ومن غير كاس العالم 1050

ودول اشتراك لمدة سنة

ومينفعش تاخد كاس العالم لوحدة

ونصيحة من اخ اكبر حرام تدفع ولا مليم معاهم

انت اولى بكل قرش هتدفعة

تولع الجزيرة باللى فيها