الدعم الحقيقى للجوكر اتأخر قوى

[هنديه]

بسم الله الرحمن الرحيم

انا شايف ان الدعم الحقيقى للجوكر اتاخر قوى
المساله مش باقات بتفتح على اقمار لا نستطيع الوصول اليها
لان باقات الاوربى و w3 , w2 فيهم كل شىء من رياضه وافلام وكارتون واخوانا فى المنتدى مشكورين بينوا القنوات اللى مفتوحه على الجوكر

لكن انا شايف ان سوفتات الجوكر كلها فى الوقت الحالى بتقصر من عمر الجهاز الافتراضى هتقولى ازاى
اولا لما اى حد فينا بيحط الفيشه الجهاز بيخش على القناه علطول الطبيعى انه يقف على الاستاند باى
ثانيا تقل القوائم والجهاز ميقدرش على التحرك فنقوم نقفل من الباور الخلفى
كل ده بيقصر من عمر الجهاز
وفيه مشاكل تانيه فى السوفتات

انا مش بقول عايز لودر لان كل الاجهزه المشابهه للجوكر منزلهاش لودر فانا عارف ان موضوع اللودر شبه مستحيل

بس المطلوب تحويل يكون حلو يحل مشاكل الجهاز ونحس معاه بقوائم مريحه وصوره حلوه على القنوات العاديه وسرعه فى التقليب

والاخوه المحترمين اللى بيقولوا لشوتايم اهم وكلام من ده كانت شغاله من فتره ومكنش حد بيتفرج عليها خالص الا على المصارعه لو نفتكر واظن المصارعه بتيجى دلوقتى على اكثر من خمس قنوات

اتمنى ان يكون هناك الجديد فى القريب العاجل
وشكرا لهذا المنتدى العظيم همزه الوصل بيننا وبين القائمين على الجوكر

[amrlion]

يا اخى العزيز

ماله الجهاز بس


يا جماعه بلاش نبقى طماعين

ده كيوماكس صينى ب500 ومعاه ***** سنه

يعنى الجهاز واقف ب100 جنيه بس بعد حصم سعر *******

ماينفعش نقارنه بالدريم ابو 3و4 الاف

الجهاز شغال تماام وفاتح بالسيرفر والشفرات

***** شغال 24 ساعه تقطيع لا يذكر

كل شهر بينزل سوفت للاجهاز تقريبا

الجهاز شغال ماشاء الله تماام ولا فى حاجه مابيفتحهاش ولا فى اى مشكله

خلينا نحس بقيمة الحاجه اللى معاانا ونستمتع بيها بدل ما نبقى مش راضيين خالص كده

وما ننساش ايام ما كنا بنحلم بسوفت واحد بس للجهاز

[muhammad iprahem]

الدعم اعتقد انه هيبقى كل شهر كدا تقريبا
اما بخصوص الشوتايم اخى العزيز فالمشكله ان نجاح ****** سيؤدى الى ان كل الباقات تتحول تباعا الى نظام ****** الملعون ومنها طبعا الجزيرة الرياضية الى هى اهم باقه ع الاطلاق يعنى انا كنت من عشاق الشوتايم وراحت فعادى هنزل الافلام من ع النت او هتفرج ع الهوتبيرد وكمان hd
لاكن ماذا ستفعل فى دورى الابطال الافريقى للأنديه او كأس افريقيا
والاستمتاع بالتعليق العربى فى جميع الدوريات العالميه

[hany_h2001]

الدعم اعتقد انه هيبقى كل شهر كدا تقريبا
اما بخصوص الشوتايم اخى العزيز فالمشكله ان نجاح ****** سيؤدى الى ان كل الباقات تتحول تباعا الى نظام ****** الملعون ومنها طبعا الجزيرة الرياضية الى هى اهم باقه ع الاطلاق يعنى انا كنت من عشاق الشوتايم وراحت فعادى هنزل الافلام من ع النت او هتفرج ع الهوتبيرد وكمان hd
لاكن ماذا ستفعل فى دورى الابطال الافريقى للأنديه او كأس افريقيا
والاستمتاع بالتعليق العربى فى جميع الدوريات العالميه

أوافقك الرأى تماما صديق الدرب

[هنديه]

بسم الله الرحمن الرحيم
اشكر الاخوه على الرد
واشكر الاخ amrlion على الرد الجميل

ما دعانى لكتابه الموضوع هو حبى للجوكر وانا اعرف انه لا يقارن بالدريم بوكس
بس بتهيالى الجوكر يقدر على امكانيات اعلى بكتير من الموجود الان برغم ان هو ب 500 جنيه