كلمة حق ورأيى الخاص..قول رأيك

[yahia83]

الحقيقه ان كل النقاشات اللى بتدور هنا حول بى ان سبورتس او من يصفها بالقناة الحقيره او العميله او الخنزيره او غير ذلك ..فى رايى الخاص ان هذا تجاوز وعدم ادراك وفهم للواقع اللذى نعيشه.نحن نعيش عالم المال والسيطره والاحتكار (بالبلدى كده اللى معهوش مايلزموش) ودى قناة اشترت منتج وعاوزه تبيعه ومن حقها تحافظ عليه من السرقه ( رغم انى واحد ممن يستخدمون الشيرنج) ..باختصار كده مفيش داعى ان نتخذ هذه الشبكه عدوة لنا من حقهم يدافعوا عن السلعه التى يبعونها واحنا كمان من حقنا ندور على طريقه نتفرج بيها على الحاجه الوحيده اللى بنحبها-الكوره

[سامى عرابى]

بس يا اخى مش بهذا الجشع
فين ناس كتير بتحب الكوره بس دخلها المادى قليل
لو قلنا مثلا 300 جنيه فى السنه بالنسبه للمصريين معقول جدا
كده نشترك معاهم
مش الغلاء الفاحش ده

[joker44]

300ً جنيه فى السنه ده الدورى الانجليزى لوحده واخديين حقوقه ب 2.5 مليار جنيه ده غير الملايين اللى بتصرفها على نظام التشفير الحديث اسعارها زى اسعار sky فى بعض المشتركين اتظلمو لانهم اشترو الباقه الكامله وتم نقل بعد المباريات على التشفير الجديد هو ده اللى كاره بعض المشتركين فى الشبكه

[العالمى للستالايت]

الحقيقه ان كل النقاشات اللى بتدور هنا حول بى ان سبورتس او من يصفها بالقناة الحقيره او العميله او الخنزيره او غير ذلك ..فى رايى الخاص ان هذا تجاوز وعدم ادراك وفهم للواقع اللذى نعيشه.نحن نعيش عالم المال والسيطره والاحتكار (بالبلدى كده اللى معهوش مايلزموش) ودى قناة اشترت منتج وعاوزه تبيعه ومن حقها تحافظ عليه من السرقه ( رغم انى واحد ممن يستخدمون الشيرنج) ..باختصار كده مفيش داعى ان نتخذ هذه الشبكه عدوة لنا من حقهم يدافعوا عن السلعه التى يبعونها واحنا كمان من حقنا ندور على طريقه نتفرج بيها على الحاجه الوحيده اللى بنحبها-الكوره
اخى اللعبة تماما زي اصحاب ********* الواحد منهم بيعمل ***** يكلفه حوالى الفين جنيه ويبدا يبيع ويشترى فى الناس باليوزرات
نفس الموضوع اشتريت وهبيع ولو نحسبها نسبة وتناسب السعر مش غالى
الريسيفر حقه420جنيه +اشتراك السنة بدون كاس العالم بيعمل حوالى1000جنيه فيه ناس اشترت ريسيفر الدريم800بحوالى 1500جنيه من باب اللوق يبقى فين الغلاء

[سامى عرابى]

300ً جنيه فى السنه ده الدورى الانجليزى لوحده واخديين حقوقه ب 2.5 مليار جنيه ده غير الملايين اللى بتصرفها على نظام التشفير الحديث اسعارها زى اسعار sky فى بعض المشتركين اتظلمو لانهم اشترو الباقه الكامله وتم نقل بعد المباريات على التشفير الجديد هو ده اللى كاره بعض المشتركين فى الشبكه

يا اخى بيع رخيص تكسب اكتر
وكمان فين الاعلانات والرعاه
دا ال 300 جنيه كتير كمان
شوف لو 300 جنيه كام واحد هيشترك

[النمر وبس]

يا اخى بيع رخيص تكسب اكتر
وكمان فين الاعلانات والرعاه
دا ال 300 جنيه كتير كمان
شوف لو 300 جنيه كام واحد هيشترك
بيع قليل تبيع كتير تكسب اكتر

[خالد سرية]

كان ممكن تكتفى بالاسعار العالية دى بالنسبة لاوروبا ام بالنسبة للعرب كان ممكن تترك الامر كما هو على اعتبار ان اصحاب ********* بيشتركوا اشتراك شرعى او تقلل سعر الباقة حتى تتيح لاكبر عدد من متابعتها

[نهار5]

يا جماعة بعد ازنكو العيب مش علي بي ان سبورت وغيرها العيب علي الاتحادات الكروية زي الاتحاد الدولي لكرة القدم هو الي مش حاطط لوائح للبث للدوريات وكاس العالم والبطولات الا قلمية




دا رأي واحترامي لرأي الجميع

[سامى عرابى]

يا جماعة بعد ازنكو العيب مش علي بي ان سبورت وغيرها العيب علي الاتحادات الكروية زي الاتحاد الدولي لكرة القدم هو الي مش حاطط لوائح للبث للدوريات وكاس العالم والبطولات الا قلمية




دا رأي واحترامي لرأي الجميع

كلام سليم اخى العزيز

[sayedaly]

الحقيقه ان كل النقاشات اللى بتدور هنا حول بى ان سبورتس او من يصفها بالقناة الحقيره او العميله او الخنزيره او غير ذلك ..فى رايى الخاص ان هذا تجاوز وعدم ادراك وفهم للواقع اللذى نعيشه.نحن نعيش عالم المال والسيطره والاحتكار (بالبلدى كده اللى معهوش مايلزموش) ودى قناة اشترت منتج وعاوزه تبيعه ومن حقها تحافظ عليه من السرقه ( رغم انى واحد ممن يستخدمون الشيرنج) ..باختصار كده مفيش داعى ان نتخذ هذه الشبكه عدوة لنا من حقهم يدافعوا عن السلعه التى يبعونها واحنا كمان من حقنا ندور على طريقه نتفرج بيها على الحاجه الوحيده اللى بنحبها-الكوره
بص انا مش هتكلم عن غلاء السعر هم احرار زى مابتقول
لكن انا مشترك معهم بعقد ينتهى مع نهاية كل الدوريات فى شهر 5
لما يبدأ ينقل الدورى الانجليزى على الجهاز
ويليه الاسبانى
ومن الاسبوع القادم الايطالى
قبل نهاية عقدى وعقد ألافات معهم
تسمى حضرتك دا ايه

دى ناس ضحكوا على مشتركيهم
انا اشتراكى ينتهى 31-5
اى قبل شهرين من نهاية الاشتركات خلى القنوات على الكرت بلا قيمه
نقول على الشبكه دى صاحبة حق
ولا نصابيين

[خالد سرية]

المشكلة فعلا انهم لم يلتزمو بالمدة الخاصة بنتهاء الاشتراكات

[hossam merantau]

المشكلة مش في موضوع التشفير وكاس العالم المشكله في الناس اللي لسه في الاشتراك ومش عارفه تتفرج

[هاني عامر2]

300 جنيه ؟؟؟؟؟؟؟؟
نفرض هيشترك 5 مليون في 300 ب بمليار ونص
رقم كبير بس ميغطيش
حقوق البطولات تقترب من 10 مليار جنيه في العام
الدوري الانجليزي لوحدة ربع المبلغ 2.5 مليار
ده غير الاسباني والاطالي ودوري الابطال
وبطولات الفيفا وافرقيا
ولسة التكلفة التانية من تشفير الى استديوهات وضيوف والخ
صعب اوي ولو شفنا اوربا الشتراك 45 يورو في الشهر يعني 500 جنيه في الشهر
طبعا فرق الدخل لصالحهم بس اقتصدنا كده
والله لو الحالة الاقتصادية كانت افضل شوية لاشترك الكثير لان الاسعار معقولة مقارنة بالسابق
وعلى فكرة الجزيرة ارحم من الشيخ صالح كامل
https://encrypted-tbn0.gstatic.com/images?q=tbn:ANd9GcSrbqiEF-OWQplcfqQ5BgH_JLw9RC0c6EEOk51ZMbd7ZA6WgtzfOw

[محمد555]

انا شايف ان دى سياسه العربى مع العربى يعنى لو احنا دوله اوربيه كانت بى ان سبورتس اعتطنا اشتركات مخفضه لتنول الرضا وكانت بدل متضحك على المشتركين كانت اعتطهم شهور مجانيه لان الاوروبى سلطه ومال ورضاهم بالنسبلهم اهم من المال والاخ الى بيقول 300 جنيه شويه حسبه بسيطه لو 300 جنيه فى دوله تعددها 90 مليون نسمه يعنى هنقول بالقليل 5 مليون مشترك اضرب 300×5000000 =1500000000 دا بالقليل اوى معان ممكن المشتركين يبقو اكتر من كدا وشوف الدول العربيه الاخر يعنى مربحه بالهبل ولاكن دى سياسه العربى مع العربى ودى وجه نظرى الله ام قوى مصر وشعبها وجيشها ودخلها وان شاء الله هيجى اليوم الى نعرف كل واحد ان معمله بمعمله والبادى اظلم

[el_sherbiny33]

المفروض لو عندهم ذكاء يرخصوا الاسعار فى مصر لان ممكن ملايين تشترك -- عموما الاسعار الغالية دى لا تناسب الا المواطن الخليجى

[seif_seif82]

علي فكرة احتمال كبيريتم تشفير الدوري المصري ومش عارف حنلاقيها منين ولا منين لطفك يارب

[ahmed_zelat]

هو من امتى اللي معاه فلوس بيحس باللي معهوش
المشكلة مش في بي إن سبورت المشكلة في فقرنا واقتصادنا الزفت
بصراحة القناة بتصرف جامد قوي ولو الاشتراك 1000 جنيه في السنة مش وحش
بس بالنسبة لدخلنا المعدوم كتير علينا، وأنا شخصياً نفسي أشترك رسمي بس ما باليد حيلة والعين مفقوعة والإيد مقطوعة هههههه

[yahia83]

انا كنت بتكلم على الموضوع بشكل عام ومكنتش اعرف انهم عملو كده مع المشتركين وحرمهوم من حق متابعة الدوريات اللتى اشتركوا ودفعوا فلوس عشان يتفرجوا عليها.الحقيقه ده اسلوب غير محترف خالص وصادم من هذه الشبكه

[حسن فرج]

المشكله اخر الفاضل انهم بيحتكرو السلعه
وبينفقو نفقات ملهاش لزمه زى محللين اسف فى اللفظ يشلوك ومهناك معلقين مينفعوش يعلقو على اى حاجه والمبالغ الاشتراك اللى اعلنو عنها غاليه جدا ومش فى متوسط دخل الفرد فى مصر
هما لهم الحق ان يوقفو الشيرنج بس لازميبقا السعر كويس

[mahmoudawad2004]

خلينا نتكلم بواقعيه شويه لو الباقه دى مكنتش خدت حقوق البث للبطولات والدوريات العالميه وعرضتها علينا طوال السنين اللى فاتت بالاحترافيه والمتعه اللى خلتنا نحب الكوره أكتر ...السؤال بقى مين فى بلدك أو وطنك العربى كان هيدفع مثلا 2 او 3 مليار عشان الدورى الانجليزى وغيرها من المليارات عشان البطولات الكبيره وغيرها وغيرها ... بيتهيألى كان زمانا بنتفرج على الاوروبى بتعليق أنجليزى من زمان لأن محدش كان هيزيعلنا المباريات من الاساس وكان زمان الوطن العربى كله بيتفرج على الاوروبى ووالله يستهلوا كل تقدير على احترافيتهم وتفانيهم فى تقديم هذا المستوى المبهر ....العيب فينا 1000 جنيه فى السنه مش فلوس مقابل اللى بيقدموه.... وده رأيى بمنتها الامانه