المساعد الشخصي الرقمي

مشاهدة النسخة كاملة : أكتشفت حاجة جديدة ومهمة فى ريموت دريك 3

الصفحات : [1] 2
ASHRAF1212
2014/04/26, 07:29 PM
أكتشفت حاجة جديدة ومهمة فى ريموت دريك 3

لما ندوس على زرار الباور مرتين بتطلع منيو لأختيار نظام غلق الريسيفر

نهائى - ستاند باى - أيكو

وطبعا مع ستاند باى بيفتح سريع جدا كل مرة فى 3 ثانية فقط

عكس النهائى اللى بيفتح بعد 50 ثانية!!!
NOOR SAT
2014/04/26, 08:32 PM
شكرا للمعلومة ..

تحياتى لك
Q8-sat
2014/04/26, 10:36 PM
شكرا للمعلومة بس أيكو ماذا تعنى

تحياتى لك
ابـوعـلـى
ASHRAF1212
2014/04/26, 11:51 PM
شكرا للمعلومة بس أيكو ماذا تعنى

تحياتى لك
ابـوعـلـى

شكرا للجميع

أيكو موود هو وضع التوفير فى أستخدام الطاقة واللى أعرفة أن الدريك 3 بيستهلك 1 وات فقط فى وضع الأستاند باى و30 وات وهو شغال.
MOHAMED OTHMAN
2014/04/27, 12:05 PM
الف الف الف شكر
ASHRAF1212
2014/04/27, 01:50 PM
الف الف الف شكر

العفو بس لازم الجهاز ياخد حقة لأن لحد دلوقتى اللى معاهم دريك 2 فاكرين أنة أحسن من دريك 3 !!!

مع أن دريك 3 مينفعش يتقارن بدريك 2 لأنة أقدم و أبطىء وأمكانيات أقل.

وكفاية أن دريك 3 بيفتح فى 3 ثانية فقط مش دقيقة كاملة مع دريك القديم

وأنة أسرع فى التقليب وأحدث فى نظام التسجيل.
sherif sadeek
2014/04/28, 08:22 PM
مبروك عليكم الدريك انا افكر بجديه ان اشتريه فما رائيكم العادل فيه وياترى سعره الان بكام ومنين تاجر امين بمصر
ASHRAF1212
2014/04/28, 09:10 PM
مبروك عليكم الدريك انا افكر بجديه ان اشتريه فما رائيكم العادل فيه وياترى سعره الان بكام ومنين تاجر امين بمصر

الله يبارك فيك

أنا بقالى حوالى 3 سنين فى موضوع شراء الريسيفر!

ودة بسبب أنعدام الضمير والغش وكل واحد بيقولك الريسيفر اللى ببيعة أحسن

ماركة وأحسن حاجة فى السوق

وكنت حشترى من دبى الفيو بلص و التريند و الكيوب بس لقيت الفيو غالى جدا والكيوب كنت خلاص حاشترية وناس حزرتنى منة فى أخر لحظة

جيت فى مصر من سنتين أشتريت ترومان 9090 دبلو ولقيتة كل شوية تهنيج وريستارت فرجعتة بعد 4 أيام

وأخيرا أشتريت الدريك 3 بعد أنتظار حوالى شهرين علشان كان ناقص وكان فى دريك 2 القديم وناس كتير نصحونى أستنى الجديد وفعلا أشتريتة

لأنى عارف أن أحسن 3 ريسيفر فى مصر هم

دريك و أسترونج و ستار سات

المهم لقيتة كويس جدا بس كان بيعمل ريستارت فى ألأول على السوفت القديم لكن بعد السوفت الجديد بقى رائع سرعة وعدم تهنيج و بيفتح فى ثوانى والتصفح حلو قوى والتيوب.

وبتوصل علية الماوس بيشتغل على طول وممكن توصل كى بورد أو هارد أكستيرنال.

نظام التايم شيفت والتسجيل روعة وممكن تسجل حتى 3 قنوات لنفس الباقة.

ونظامة لينيكس فسهل كل شوية يحطو برامج جديدة فية ويحدثوة.

وسهل فى المنيو وألأستخدام وتعديل القنوات و السوفتوير بتحدثو بنفسك بسهولة.

وطبعا الصوت والصورة والهاى ديفينيشن ممتاز.
sherif sadeek
2014/04/28, 10:19 PM
شكرا على الرد وباقى الاستفسارات السعروتاجر امين اواللى اشتريت منه ولو على الخاص وشكرا
ASHRAF1212
2014/04/28, 10:54 PM
السعر ممنوع patch_no:::

اللى أشتريت منة دة موزع معتمد فى باب اللوق بس تفاصيل العنوان و التليفون ممنوع patch_no:::

بس أنت أنزل باب اللوق وقوله عايز الموزع المعتمد لدريك وحتوصل.

مش عارف أبعت على الخاص patch_no:::
casper__007
2014/04/29, 01:06 AM
يعنى انا دلوقتى لو نزلت باب اللوق اشترى ديريك 7500 فيرجن 3
ولا فيرجن 2
ايه احسن ؟؟؟
واعرف الفرق ما بينهم منين ؟؟؟
ASHRAF1212
2014/04/29, 01:54 AM
دريك 7500 فيرجن 3 طبعا هوة حيقولك و 3 بيبقى فية 3 يو أس بى والقديم مفيش منة خلاص
ASHRAF1212
2014/04/29, 07:24 PM
أكتشفت حاجة جديدة فى ريموت دريك 3

لما ندوس على زرار الباور مرتين بتطلع منيو لأختيار نظام غلق الريسيفر

ستاند باى - أيكو

وطبعا مع ستاند باى بيفتح سريع جدا كل مرة فى 3 ثانية فقط

و ألأيكو بيفتح بعد 50 ثانية!!!

الجديد أن فى ألأيكو موود بيسحب 1 وات فقط فالمفروض بنختارة مرة واحدة فى اليوم اللى هية وأنت داخل تنام وفى الصباح بعد الفتح حيرجع موود ألأستاند باى أوتوماتيك

كدة حيكون فى توفير أستهلاك كهرباء 10 ساعات حتى الصباح.
karimbo
2014/05/04, 04:23 PM
بس يا باشا
لأننا هرمنا من اجل هذه اللحظة .. فأنا زيك بالظبط
بأمانة المنتدى بقى مأساه من كثرة الردود الشبه اعلانية في الموضوعات
انا عاوز اقول لحضرتك اني عملت يجي اربع مواضيع هنا في اخر تلت سنين ولحد دلوقت موصلتش لعكاز نافع زي ما بيقولوا .. مرة يطلعلنا حوار اوربت شوتايم والناس تقولك استنى وتستنى وميجراش حاجة .. شوية يقولك الدونجل والشيرينج ومش عارف مين راحت عليه ومين ايه حصله والريسيفر الفلاني بيعمل ايه والريسيفر العلاني بيتشقلب لوحده والواحد تعب بصراحة وعارف طبعا اني لو فكرت انزل على عمايا هتبقى الكارثة اكبر

المشكلة ان متطلبات الواحد مش كتيرة .. انا اللي يفرق عندي الجودة اهم من الاوبشنز زي ما بيقولوا
وكل طلباتي

- ريسيفر full hd 1080p بدعم حقيقي بجد مش حاجة اتخم فيها ودي اهم حاجة بالنسبالي
- يدعم DVB-S2/8PSK ودي اهم من اهم حاجة بالنسبالي عشان مش مستعد اشتري ريسيفر والاقيه مش بيقرا الترددات بتاعة القنوات دي اساسا :)
- يكون في مكان لتوصيل كابل الانترنت (يكون فيه كارت lan وده اكيد موجود في كل الرسيفيرات المحترمة حاليا) وطبعا يكون ممتاز مع الشيرينج ومنلاقيش تهنيج وتقل والحاجات دي كلها
- السعر لا يتجاوز الباكو من الجنيهات (اكيد لو اقل ويوفي باقي المتطلبات اكيد يبقى افضل وبصراحة مش عارف ده ينطبق هنا ولالا)


بصراحة سمعت كتير عن الدريك وستارسات وحاسس ان دول اكتر جهازين مطمنلهم مش عارف ليه (انا بطيخ في الريسيفرات الجديدة لأني لسه متعاملتش مع اي جهاز جديد عموما فيهم فمقدرش افتي طبعا)
بس زايدة اوي الحيرة بينهم وبصراحة مش عاوز اشتري حاجة والبسها
انا قريت هنا موضوع بيحذر من الدريك 3 والميني وبيفضل القديم منهم وده خلاني احتار اكتر لأن طبيعي ان الجديد هيبقى متوافر اكتر من القديم
طب نعمل ايه ونلاقي فين القديم؟!!!!!!!! متلاقيش ردود
وبصراحة مش عارف حاجة ولا فاهم حاجة واحتارت واحتار دليلي

حتى لما اعمل موضوع حد يطلع يرد عليا يقولي الجهاز الجبار اللي بيطلع نار احسن جهاز في الدنيا
اسأله طب ليه احسن جهاز في الدنيا وايه امكانياته وحضرتك عندك الجهاز ولا لأ .. ألقيه لو رد يرد رد ملوش اي علاقة بسؤالي او ينفض خالص وطبعا بعتبر ان ترشيحه للجهاز زي عدمه لأنه مقليش ايه امكانياته وليه اشتريه
فياريت حضرتك بما انك زميل في الحيرة وبما اني تعبت وبصراحة مش مستعد اكمل اربع سنين في اني بفكر اشتري ريسيفر

ياريت تفهمني كده براحة ليه اخترت الريسيفر ده واخباره معاك ايه بأمانة وبما يرضى الله وطبعا انا مش فاهم ليه مش قادر اتواصل مع حد في الرسايل الخاصة ولا في اسعار ولا في اماكن ولا في اي حاجة فربنا يقدرنا ونقدر نفهم حاجة من حضرتك بما لا يتعارض مع قوانين المنتدى
ASHRAF1212
2014/05/04, 06:34 PM
تحياتى لك

واضح أن أنت كدة فهمت الدنيا ماشية أزاى ودة باين من كلامك

عموما الدريك 3 أحسن جهاز فى مصر عن جدارة

وفى ناس جابت ريسيفرات بألافات من دبى وقالت الدريك أسهل فى المنيو والتعامل ككل

مميزات الدريك 3

جودة المكونات
كفائة التايم شيفت
كفائة نظام التسجيل ومن أكتر من قناة وقت واحد
كفائة الصورة الهاى ديفينيشن والصوت
مصنع بصيغة تشفير الشوتايم
10000 قناة
كفائة نظام البحث ألأعمى اللى بيجيب أى تردد جديد أوتوماتيك
كفائة برنامج التصفح للنت
كفائة اليوتيوب وبرامج تانية كتير
كفائة نظام ألأى بى لتشغيل أى قنوات مشفرة بنظام التحميل الفورى زى التيوب
كفائة نظام اللينيكس فى سرعة التشغيل
كفائة التعرف على الفلاشات والهاردات و الماوس والكى بورد
مركبلو وحدة واى فاى
أسرع ريسيفر فى مصر فى الفتح 3 ثانية ! الفيو بلص بياخد 10 ثوانى!

السعر أعلى حاجة بسيطة جدا عن اللى أنت كاتبة وبالتوفيق
karimbo
2014/05/04, 07:01 PM
استاذ اشرف هو حضرتك جربت الدريك 2 او ستارسات 2؟
ASHRAF1212
2014/05/04, 07:24 PM
لأ أنا أشتريت الترومان 9090 دبلو وكان وحش جدا
وكنت حشترى دريك 2 بس فى واحد قالى أستنى دريك 3 الجديد نازل وفعلا بعد شهر نزل وأشتريتة.[/center]

الدريك 2 و ال ستارسات 2 كتير بيقولو عليهم جهاز واحد بأسماء مختلفة.
karimbo
2014/05/04, 08:28 PM
يعني في فعلا فارق بين الدريك 2 والدريك 3؟؟
م / أبو عبد الرحمن
2014/05/04, 08:30 PM
عموما الدريك 3 أحسن جهاز فى مصر عن جدارة


يا أخ أشرف
شكرك لجهازك مش للدرجة دي
الراجل طلب منك تحليل موضوعي لجهازك
يبق لازم تحديد مميزات وعيوب الجهاز
بكل آمــانــة

طيب لما يكون جهازك أحسن جهاز في مصر
وبالطبع هناك آراء أُخرى بتقول أن أجهزة الدريك والإستارسات فيرجن2
أفضل منه وكذلك أجهزة سكاي ايرباك

طيب بلاش كده فين بقى أجهزة الدريم hd
وبالطبع هي الأفضل على الإطلاق على مستوى العالم
مش في مصر فقط
فضلاً عن منافسة الصاعد الواعد أجهزة الفيو+

وبالتوفيق أخ أشرف
karimbo
2014/05/04, 08:48 PM
يا أخ أشرف
شكرك لجهازك مش للدرجة دي
الراجل طلب منك تحليل موضوعي لجهازك
يبق لازم تحديد مميزات وعيوب الجهاز
بكل آمــانــة

طيب لما يكون جهازك أحسن جهاز في مصر
وبالطبع هناك آراء أُخرى بتقول أن أجهزة الدريك والإستارسات فيرجن2
أفضل منه وكذلك أجهزة سكاي ايرباك

طيب بلاش كده فين بقى أجهزة الدريم hd
وبالطبع هي الأفضل على الإطلاق على مستوى العالم
مش في مصر فقط
فضلاً عن منافسة الصاعد الواعد أجهزة الفيو+

وبالتوفيق أخ أشرف

م/ ابو عبد الرحمن شكرا جزيلا لمتابعة حضرتك واتمنى ان ربنا يوفقنا في الاختيار عشان الحالة صعبة والواحد مش مستعد يشتري حاجة ويتخم فيها
دلوقت انا بعد ما قلبت في المنتدى من فترة طويلة وصلت تقريبا ان افضل اجهزة (بعيد عن اللي اسعارها مش في المتناول) هي اجهزة الدريك وستارسات وبصراحة نفسيا حاسس اني مرتاح ليهم بشكل كبير بعد شكر ناس كتير فيهم وبعد ما حسيت انهم بشكل كبير من افضل الاجهزة اللي في السوق
دلوقت انا محتار .. في ناس بتشكر جدا في الدريك 2 وستار سات 2
وفي موضوع لحضرتك بيحذر من الدريك 3 والميني
وفي نفس الوقت الاخ اشرف مشكورا بيشكر جدا في الجهاز وبصراحة للاسف نادرا ما بنشوف حد بيتكلم عن جهاز بمميزات وعيوب في نفس الوقت
وبرضه انا متخوف ليكون الدريك 2 وستار سات 9900 v2 ميكونوش متوفرين في السوق
انا كتير قولت احتياجاتي في الرسيفر
بالنسبالي اهم شيء الجودة والسعر الكويس .. يعني تكون صفقة رابحة زي ما بيقولوا
بصراحة لسه مجربتش اجهزة متطورة وبفرق بين الاوبشنز الاضافية والاساسيات في الجهاز لأن اللي يهمني الهاردوير يكون الا حد كبير كويس والسوفتوير والدعم يكون كويس
وبهتم جدا بالشيرينج ويهمني ثباته سواء المجاني اللي في الجهاز او يكون الجهاز بيتعامل كويس مع الشيرينج المدفوع
طبعا بجانب الصورة والحاجات اللي اتكلمت فيها فوق
وبالنسبالي طبعا لأني لسه متعاملتش مع اجهزة جديدة فمش عارف كل المميزات ومش فاهم مصطلحات كتير بسمعها لكن عشان اوصل لحضرتك الفكرة فأنا يهمني اي اوبشن او اضافات متعلقة بالريسيفر كريسيفر وتحس اداؤه كريسيفر (مش مهم دخول نت وتصفح وكده المهم في النت بالنسبالي للريسيفر هو كل شيء يحسن اداؤه)
فدلوقت ايهما افضل من كل النواحي الدريك 2 وستار سات 2 ام الدريك 3؟
ولو الدريك 2 وستار سات 2 افضل فايهما يفضل عن الاخر لو الاتنين ادامي الدريك 2 وستار سات 2؟
ولو الدريك 2 وستار سات 2 افضل من الدريك 3 وملقتهومش .. هل اذهب للدريك 3 ولا في اجهزة تانية افضل؟؟
معلش اسف على الاطالة بس بجد انا احترت وفعلا محتاج اشتري جهاز وعملت موضوعات كتير واغلب الناس بتشكر في اجهزتها او بتشتم في اجهزة تانية وللاسف الموضوعية قليلة جدا وشكرا لاهتمام حضرتك