نقاش ع الهادئ كدا بخصوص BeIn Sport ( لغير المتعصبين فقط )

[حسن فرج]

هما المفروض انهم عرب
وطبعا السعر اللى اعلنو عنه ده مبالغ فيه جدا
لو حد جه سال سؤال وقال ان يا جماعه دول مشتريين البطولات ديه بفلوس كتير
هقله حاجه الجزيره بتصرف مصاريف ملهاش اى لزمه لو وفرتها مممكن ترخص الاشتراك للمشاهد العربى خصوصا انها محتكره البطولات والاحتكار حرام مش كده ولا ايه بالنسبه للمصروفات طبعا كلو يتفق تمام ان الاستوديو التحليلى بتاع الجزيره فاشل بيجبلونا اجانب مش بيضيفو اى حاجه وكمان المحللين العرب معظمهم متفهمش كلامهم وهناك معلقين ربنا يسامحهم يخلوك متتفرجشى على المتش
طيب لو حضرتك كنت مشترك شرعى وحصل اللى عملته الجزيره ان خلت الدورى الانجليزى على البث الامن حضرتك كان عادى بالنسبه لك ولا هتضايق
ياريت ترد عليا استاذى الفاضل

[csp2013]

اخى عبد الفتاح انت انسان ذوق وادب مش زى الباقى شغال شتايم ومقاطعة ومش مقاطعة وحتسفيد اية من المقاطعة انت كدة كدة حتشترك مش حتشترك فى غيرك حيشترك

[mostafino 28]

ان شاء الله حنتفرج على كل حاجه

[Man_Co]

أضم صوتي إلى صوتك وأزداد تمسكاً بموقفي الثابت منذ زمن وأضيف ..
باقة yes مثلاً التي يستمتع بقنواتها عدد كبير من المشاهدين عن طريق ******* الشيرينج ......

اشتراك هذه الباقة يبلغ حوالي 100 دولار شهرياً وعدد مشتركيها لا بأس به من يهودٍ وعرب ....
أصحاب الشيرينج يتابعونها مجاناً وغيرها وغيرها من الباقات ...

القناعة كنزٌ لا يفنى، والأيام دول، يومٌ لك ويومٌ عليك، اليوم أنت تتابع مجاناً، وغداً ربما تضطر كحدٍ أقصى للدفع او للانتظار حتى تدور الأيام مرة أخرى ونرجع للمجانية...!

[ah_ah140]

كلام جميل
والى مش عاجبه مش يتفرج

[بيزوووووو]

انا مش معترض ع الاشتراك ولا تمن الرسفير ولا اى حاجة خالص

ومعاها كل الحق انها تشفر براحتها وتبيع بالتمن اللى يعجبها

واللى عايز يشترك هو حر انا كل مواضيعى اللى فاتت

من حملة المقاطعة الى حقارة بين سبورت

انى فعلا مشترك رسمى واضحك علينا فى اخر المبارايات

سؤاء الدورى الانجليزى مرورا بنهائى كاس الملك

وبعض مبارايات الدورى الاسبانى والايطالى

واوربا ليج وكل دة متعاقد انى اتفرج علية ع قنوات عادية

لانى لا املك ريسفر اتش دى

ولكن ما فعلتة البين فى اخر ايامها خلى الناس تكرها بزيادة

مكنش لازم منهم اوى حكاية البث الامن والبث اللى مش عارف اية

خلص عقود الناس لاخر مايو واصبر لما البطولات تخلص

واعمل اللى يعجبك بعدها حتى لو هتعمل اشتراك ب 5000 الاف جنية

محدش هيقولك لييييييييييييية واللى عايز يشترك براحتة

وانا اول واحد حلفت ما هاجدد اشتراك لوا هادفع مليم تانى مع قناة زى دى

لانهم باختصار مش بيلتزموا بالعقود ولا بيحترموا المشتركين

نسيت اقول لحضرتك يوم ماتش برشلونة واتلتيك بلباو

واليوفى وبنفكيا الاولانى انا خدت بعضى ونزلت زى الشاطر

وقعدت ع القهوة اتفرج يرضى حضرتك دة وانا مشترك رسمى !!!!

وترجعوا تقولوا احنا بنتهم البن سبوررت ومش عارفين بنتكلم فى اية اصلا

تحياتى ليك ويارب تكون فهمت وجهة نظرى

[عبدالفتاح حسين]

هما المفروض انهم عرب
وطبعا السعر اللى اعلنو عنه ده مبالغ فيه جدا
لو حد جه سال سؤال وقال ان يا جماعه دول مشتريين البطولات ديه بفلوس كتير
هقله حاجه الجزيره بتصرف مصاريف ملهاش اى لزمه لو وفرتها مممكن ترخص الاشتراك للمشاهد العربى خصوصا انها محتكره البطولات والاحتكار حرام مش كده ولا ايه بالنسبه للمصروفات طبعا كلو يتفق تمام ان الاستوديو التحليلى بتاع الجزيره فاشل بيجبلونا اجانب مش بيضيفو اى حاجه وكمان المحللين العرب معظمهم متفهمش كلامهم وهناك معلقين ربنا يسامحهم يخلوك متتفرجشى على المتش
طيب لو حضرتك كنت مشترك شرعى وحصل اللى عملته الجزيره ان خلت الدورى الانجليزى على البث الامن حضرتك كان عادى بالنسبه لك ولا هتضايق
ياريت ترد عليا استاذى الفاضل

بالنسبة يا فندم لآخر سطرين حضرتك سألت فيهم
بالنسبة إنها تخل بالعقد وتنقل البث إلي البث الآمن
بلا شك وأكيد كنت هتضايق طبعاً وربما أقاطع أو ألجأ إلي القضاء
لان في هذه الحالة اعتبرها اخلال بالعقد واستهتار بحق العميل

وانا لا ادافع عنها مطلقاً بل لا اعترض علي ماتفعله ولا يشغلني ذلك
كوني أري الموضوع من وجهة نظري لها الحق في طريقة البث
بخلاف النقاط التي ذكرتها بالاعلي

[عبدالفتاح حسين]

اخى عبد الفتاح انت انسان ذوق وادب مش زى الباقى شغال شتايم ومقاطعة ومش مقاطعة وحتسفيد اية من المقاطعة انت كدة كدة حتشترك مش حتشترك فى غيرك حيشترك

تحياتي لك ياغالي
وانتم والله اهل الذوق والأدب
وبالفعل كلامك سليم انت مش بتقاطع منتج انت بتستهلكه بثمنه من الاساس
حتي تشعر الشركة المنتجة بقلة مبيعاتها لا بالعكس خالص
تقبل تحياتي اخي الكريم

[عبدالفتاح حسين]

أضم صوتي إلى صوتك وأزداد تمسكاً بموقفي الثابت منذ زمن وأضيف ..
باقة yes مثلاً التي يستمتع بقنواتها عدد كبير من المشاهدين عن طريق ******* الشيرينج ......

اشتراك هذه الباقة يبلغ حوالي 100 دولار شهرياً وعدد مشتركيها لا بأس به من يهودٍ وعرب ....
أصحاب الشيرينج يتابعونها مجاناً وغيرها وغيرها من الباقات ...

القناعة كنزٌ لا يفنى، والأيام دول، يومٌ لك ويومٌ عليك، اليوم أنت تتابع مجاناً، وغداً ربما تضطر كحدٍ أقصى للدفع او للانتظار حتى تدور الأيام مرة أخرى ونرجع للمجانية...!

يااااااااااااااه أواخر ما كتبت انت لو انها تبروز في برواز عريض
لاهمية وكبر حجم هذه الكلمات واعيدها مره أخري
وهي أن دوام الحال من المحال
اليوم ببلاش غداً بفلوس ...... دا شئ وارد طبعاً

وباقة Yes فعلاً من الباقات المميزة
وربما يكون اشتراكها شهرياً اغلي من بي ان سبورت بكثير
كونها باقة منوعة شاملة

وكما تفضلت انت ...... القناعه كنز لا يفني

[بيزوووووو]

مش زى الباقى شغال شتايم ومقاطعة ومش مقاطعة وحتسفيد اية من المقاطعة


حضرتك لو كنت مشترك رسمى ونزلت ع القهوة زى حالاتى

تتفرج ع المبارايات او تتابع الان مباراة ليفر بول عبر النت

مكنتش هتقول الكلام دة واحنا مش نازلين شتايم فيها من غير سبب

اكيد فيها مليون سبب ونرجع تانى ونقول انا واحد

من اللى شتمت وقاطعت القنوات دى مش علشان التمن

لا علشان اللى عملتة معايا ومع غيرى من المشتركين الشرعين

بلاش تغلط فى الناس من غير ما تفهم وجهة نظرهم

[عبدالفتاح حسين]

كلام جميل
والى مش عاجبه مش يتفرج

بالضبط أخي الكريم

القصه وما فيها عرض وطلب
والله سيادتك عاجبك هاتشترك ... مش عاجبك مش هايضر الطرف الآخر

[عبدالفتاح حسين]

انا مش معترض ع الاشتراك ولا تمن الرسفير ولا اى حاجة خالص

ومعاها كل الحق انها تشفر براحتها وتبيع بالتمن اللى يعجبها

واللى عايز يشترك هو حر انا كل مواضيعى اللى فاتت

من حملة المقاطعة الى حقارة بين سبورت

انى فعلا مشترك رسمى واضحك علينا فى اخر المبارايات

سؤاء الدورى الانجليزى مرورا بنهائى كاس الملك

وبعض مبارايات الدورى الاسبانى والايطالى

واوربا ليج وكل دة متعاقد انى اتفرج علية ع قنوات عادية

لانى لا املك ريسفر اتش دى

ولكن ما فعلتة البين فى اخر ايامها خلى الناس تكرها بزيادة

مكنش لازم منهم اوى حكاية البث الامن والبث اللى مش عارف اية

خلص عقود الناس لاخر مايو واصبر لما البطولات تخلص

واعمل اللى يعجبك بعدها حتى لو هتعمل اشتراك ب 5000 الاف جنية

محدش هيقولك لييييييييييييية واللى عايز يشترك براحتة

وانا اول واحد حلفت ما هاجدد اشتراك لوا هادفع مليم تانى مع قناة زى دى

لانهم باختصار مش بيلتزموا بالعقود ولا بيحترموا المشتركين

نسيت اقول لحضرتك يوم ماتش برشلونة واتلتيك بلباو

واليوفى وبنفكيا الاولانى انا خدت بعضى ونزلت زى الشاطر

وقعدت ع القهوة اتفرج يرضى حضرتك دة وانا مشترك رسمى !!!!

وترجعوا تقولوا احنا بنتهم البن سبوررت ومش عارفين بنتكلم فى اية اصلا

تحياتى ليك ويارب تكون فهمت وجهة نظرى


لا يا فندم حضرتك بلا شك ليك الحق في اللي انت قلته
وانا لا ادافع والله اطلاقاً
بالعكس أنا اتضامن مع حضرتك
ان دي حركة دنيئة جداً من هذه الشبكة
وبلا شك ستؤثر لدي عملائها المشتركين فعلياً بالسلب

[عبدالفتاح حسين]

حضرتك لو كنت مشترك رسمى ونزلت ع القهوة زى حالاتى

تتفرج ع المبارايات او تتابع الان مباراة ليفر بول عبر النت

مكنتش هتقول الكلام دة واحنا مش نازلين شتايم فيها من غير سبب

اكيد فيها مليون سبب ونرجع تانى ونقول انا واحد

من اللى شتمت وقاطعت القنوات دى مش علشان التمن

لا علشان اللى عملتة معايا ومع غيرى من المشتركين الشرعين

بلاش تغلط فى الناس من غير ما تفهم وجهة نظرهم

اخي الحبيب بيزووو
أكن لك كل احترام وتقدير
وكونك عميل رسمي لدي هذه الشبكة
مقاطعتك انت هي التي ستضرهم وتسئ لسمعتهم
وليست مقاطعة كل من هب ودب وف الآخر كلهم شغالين شيرنج وسيرفرات
المقاطعة بتاعتهم دي BeIn Sport مستفادة منهم مش خسرانه
لانهم بالاساس ليس ممن اشتروا المنتج كي يقاطعوه ويؤدي لخساره
فعليه لهذه الشبكة

انت من سيؤدي لخساره فعليه بالفعل كونك عميل شرعي مشترك رسمي
وانا اتضامن معك للمره الثانيه علي ما فعلته هذه الشبكة من نقل بث
مباراه للبث الآمن مما حرم أغلب مشتركيها من المشاهدة

وكنت أتمني أن يكون هناك تعويض عن ذلك بالرغم اني سمعت انه هناك شهر اضافي عوضاً عن هذا الفصل عند تجديد الاشتراك ولا اعرف مصدر رسمي لهذا الخبر صراحة

ختاماً تقبل خالص تحياتي

[بيزوووووو]

لا يا فندم حضرتك بلا شك ليك الحق في اللي انت قلته
وانا لا ادافع والله اطلاقاً
بالعكس أنا اتضامن مع حضرتك
ان دي حركة دنيئة جداً من هذه الشبكة
وبلا شك ستؤثر لدي عملائها المشتركين فعلياً بالسلب

ليك الحق حضرتك تدافع او لا

دى حرية شخصية وانا لا املك انى اتكلم فيها

واقولك كمان حاجة حلوة اوى

لما اتكلمنا معاهم فى فرع المعادى

وقولنا ليهم احنا معندناش جهاز hd

ومتعاقدين معاكم ع البطولات اللى انتوا نقلتوها للبث الامن

كان ردهم بصراحة فية الشفا

اشتروا الجهاز والمدة اللى فاضلها ليكم هنضفها ليكم ع الجهاز الجديد

يعنى من الاخر اشترى الجهاز وانت ساكت

من الاخر اخبط دماغك فى الحيط

معندناش غير انك تشترى الجهاز بتاعنا وتربطة معانا

وفعلا اثرت كتير ادخل صفحتهم ع الفيس وشوف كمية التعليقات

مش من مصر بس من كل دول العالم العربى اللى اتعمل معاهم

زى ما اتعمل معانا هتعرف وقتها احنا محروقين قد اية

كلام محترم صح من شركة المفروض انها محترمة !!!

الصراحة شركة لا تعرف الاحترام اطلاقا

منهم لله وحسبى الله ونعم الوكيل فى الفلوس اللى دفعتها

[بيزوووووو]

وكنت أتمني أن يكون هناك تعويض عن ذلك بالرغم اني سمعت انه هناك شهر اضافي عوضاً عن هذا الفصل عند تجديد الاشتراك ولا اعرف مصدر رسمي لهذا الخبر صراحة



سبحان الله رديت ع حضرتك من غير ما اشوف ردك دة

وهتلاقى ردى فى الرد السابق

زى ما قولتك هو فعلا تعويض

بس لازم اشترى جهازهم

عندى ريسفر واتنين منهم واحد بتاع الارتى سابقا

واروح اشترى جهاز جديد 460 جنية

[عبدالفتاح حسين]

ليك الحق حضرتك تدافع او لا

دى حرية شخصية وانا لا املك انى اتكلم فيها

واقولك كمان حاجة حلوة اوى

لما اتكلمنا معاهم فى فرع المعادى

وقولنا ليهم احنا معندناش جهاز hd

ومتعاقدين معاكم ع البطولات اللى انتوا نقلتوها للبث الامن

كان ردهم بصراحة فية الشفا

اشتروا الجهاز والمدة اللى فاضلها ليكم هنضفها ليكم ع الجهاز الجديد

يعنى من الاخر اشترى الجهاز وانت ساكت

من الاخر اخبط دماغك فى الحيط

معندناش غير انك تشترى الجهاز بتاعنا وتربطة معانا

وفعلا اثرت كتير ادخل صفحتهم ع الفيس وشوف كمية التعليقات

مش من مصر بس من كل دول العالم العربى اللى اتعمل معاهم

زى ما اتعمل معانا هتعرف وقتها احنا محروقين قد اية

كلام محترم صح من شركة المفروض انها محترمة !!!

الصراحة شركة لا تعرف الاحترام اطلاقا

منهم لله وحسبى الله ونعم الوكيل فى الفلوس اللى دفعتها

اتفق مع حضرتك في كل حرف كتبته قلباً وقالباً
كونك عميل محترم مضيت علي عقد ودفعت فلوس مقابل مباريات تشوفها
وتيجي بعد كدا تتورط بئي في جهاز تشتريه عشان سيادة الشركة الكريمه
اخلت بالاتفاق او سيادتك تروح المقهي ... دي بصراحه اهانه وقلة أدب وعدم التزام من الشركة طبعاً

أما نقطة التعويض بئي باضافة المده للاشتراك القادم
فدا ايضا مش ذنبك ولا كان اتفاقك معاهم
وانا اعتبره انه تعويض اجباري
زي ما سيادتك قلت ... مش عاجبك اخبط دماغك ف الحيط

بلا شك النقطة دي ستؤثر بالسلب علي هذه الشبكة
واكيد تضايق منها الكثير من المشتركين بمصر والوطن العربي
ممن لهم الحق في ذلك ومعهم كل الحق
ودا استهتار بالعملاء ينقص من رصيد الشركة لدي عملائها

تحياتي يا فندم لحضرتك

[بيزوووووو]

اتفق مع حضرتك في كل حرف كتبته قلباً وقالباً
كونك عميل محترم مضيت علي عقد ودفعت فلوس مقابل مباريات تشوفها
وتيجي بعد كدا تتورط بئي في جهاز تشتريه عشان سيادة الشركة الكريمه
اخلت بالاتفاق او سيادتك تروح المقهي ... دي بصراحه اهانه وقلة أدب وعدم التزام من الشركة طبعاً

أما نقطة التعويض بئي باضافة المده للاشتراك القادم
فدا ايضا مش ذنبك ولا كان اتفاقك معاهم
وانا اعتبره انه تعويض اجباري
زي ما سيادتك قلت ... مش عاجبك اخبط دماغك ف الحيط

بلا شك النقطة دي ستؤثر بالسلب علي هذه الشبكة
واكيد تضايق منها الكثير من المشتركين بمصر والوطن العربي
ممن لهم الحق في ذلك ومعهم كل الحق
ودا استهتار بالعملاء ينقص من رصيد الشركة لدي عملائها

تحياتي يا فندم لحضرتك

عادى بقى يا غالى محدش بيتعلم ببلاش

وعايز اقولك حاجة تصدق بالله ودة يمين اتحاسب علية

لولا كميةا لظغط من الناس المشتركة

والتعليقات ع الصفحة والشتيمة مكنش فى اى مباراة

هتتنقل ع اى قناة عادية كان كل المباريات الهامة

زى ابطال اوربا والماتشات المهمة فى الاسبانى والايطالى

كانت هتروح ع البث الامن زى ما عملوا مع نهائى كاس الملك

وقالك اصل الشركة المالكة اجبرتنى ع البث الامن

لا والله اصلهم كانوا عارفين انى الجزيرة هتعمل بث امن

ولا كمان مش عارفين انى التعاقد ع كاس الملك

كان من غير النهائى عالم بتستعبط اصلا ولولا الظغط

مكنش اتذاع يومها ع القنوات العادية والاتش دى 2

ووعدونا كمان انى مبارايات الدورى الانجليزى

اللى هتكون فى نص الاسبوع هتكون على بين سبورت 1 وHD1

والمبارايات اللى يوم السبت والاحد على HD9

قولنا ماشى ورضينا بكدة وما شاء الله غيروا رائهم برضو

بمباراة النهاردة ليفر بول وكريستال بالاس

ومباراة مانشستر وهال سيتى بكرة على البث الامن برضو !!!

قولى بقى دول ليهم كلمة اصلا وازاى اثق فيهم تانى

خالص تحياتى ليك patch_lov-

[عبدالفتاح حسين]

كلام مظبوط
دا فعلاً كانت هي نفسها وتموت وتعمل الكلام دا
بس دا كان هايقلب عليها الطاوله اكثر وأكثر
مما جعلها تترك بعض المباريات علي البث العادي

تقدر تقول كدا لما عملت البث الامن كانت عايزة تحرم جميع المشاهدين
وتحرق دمهم وتفرح بالبث الجديد
واللي كان الضحية للأسف في القصه دي كلها هم العملاء الشرعيين أمثال حضرتك

[طة فؤاد]

اخى الكريم صاحب الموضوع البين من حقها تشفر وتبيع بسعر يناسب سكان المنطقه
التى اخذت حقوق البث فيها وليس من حقها ان ترفع الاسعار بهذا الشكل فمبلغ 2300 ج
كثير علينا نحن المصريين وان كنت لاتعلم فأكثر من خمسين % من الشعب المصرى تحت
خط الفقر كما يقولون وكمان اخى هذه الشركه نصبت على المشتركين فى مصر
و اوقفت كروتم قبل ميعادها بشهرين ولما ذهب المشتركين الى الشركه رد المسؤل قائلا
اللى عايز يتفرج يدفع الشهرين رد المشترك صديقى والشهرين قال له المسؤل
ارفع قضيه على الجزيره نحن بين سبورت ولعلك تعلم الان ما سر تغيير اسم الشركه
من الاخر حـــــــــــــــــــــــــــــــــــــــــــــرامـ ــــــــــــــــــــــــــــيه

[عبدالفتاح حسين]

اخى الكريم صاحب الموضوع البين من حقها تشفر وتبيع بسعر يناسب سكان المنطقه
التى اخذت حقوق البث فيها وليس من حقها ان ترفع الاسعار بهذا الشكل فمبلغ 2300 ج
كثير علينا نحن المصريين وان كنت لاتعلم فأكثر من خمسين % من الشعب المصرى تحت
خط الفقر كما يقولون وكمان اخى هذه الشركه نصبت على المشتركين فى مصر
و اوقفت كروتم قبل ميعادها بشهرين ولما ذهب المشتركين الى الشركه رد المسؤل قائلا
اللى عايز يتفرج يدفع الشهرين رد المشترك صديقى والشهرين قال له المسؤل
ارفع قضيه على الجزيره نحن بين سبورت ولعلك تعلم الان ما سر تغيير اسم الشركه
من الاخر حـــــــــــــــــــــــــــــــــــــــــــــرامـ ــــــــــــــــــــــــــــيه

لا اخالفك الرأي أخي الكريم
وقد ذكرت ان الاشتراك ليس بمقدور الجميع في نفس المشاركة
واذا كنا سنتحدث عن اخلال بنود العقد فلها من الزلات الكثير والكثير
واؤيدك ايضا انه هناك اسرار اخري لا نعلمها نحن العامّه