نقاش ع الهادئ كدا بخصوص BeIn Sport ( لغير المتعصبين فقط )

[عبدالفتاح حسين]

السلام عليكم ورحمة الله وبركاته
بعد التحية ...

أولاً يعلم الله أني لست من عملاء BeIn Sport
حتي لا يظن البعض بأني مدافع أو أو ....

ثانياً هو معلش كدا تعالوا نسأل نفسنا سؤال صغير أوي
احنا زعلانين ليييييييييييييييه ؟ !!!
طبعاً الإجابة كل واحد له وجهة نظر فيها
ومش عايزين نكرر ردود ناس قيلت قبل كدا ونختصر

ثالثاً ودا الأهم ... يا جماعة دي ناس اشترت حقوق البث واحتكرتها
بغض النظر عن موضوع الاحتكار دا صح ولا غلط ف الاخر هيا اشترت
ودفعت فلوس ع الكلام دا وسواء بئي عايزة تكسب منها أو تتوغل أو تذل فئه من الناس المهم انها هاتحقق غرضها اللي دفعت عليه هذا الثمن
ف من حقها تشفر او ماتذيعش او تبث هي صاحبة الحق

رابعاً هيا ماضربتش الناس علي إيدها عشان تشترك ولا حاجه ورغم اني اري سعرها رخيص جداً مقارنة بباقات أخري كOSN أو غيرها وكلكم عارفين الأسعار كويس طبعاً السعر ربما لا يستطيع عليه البعض أي نعم
ولكن كل واحد يمد لحافه علي أد رجليه ( المثل المصري الشهير )

والله اللي يقدر يشترك يشترك واللي مش هايقدر هايهرب علي المقاهي زي حالاتي طبعاً واللي مش هايقدر هايلف الطبق يمين او شمال وبرده هايشوف الماتشات بغض النظر بئي عن نقطة التعليق العربي ( اللي أحياناً بتكون قمة في السخف والمهاترات وملئ ال90 دقيقه لت وعجن وخلاص )

دي كلها حلول في ايدينا وبسيطه من دون شتيمه او تعصب او زعل

وهي عاجلاً أم آجلاً سنراها مكسوره ع الشيرنج بئي او تقنيات جديده الله أعلم وحتي لو ماتكسرتش دي مش قضيه دي ناس بتتاجر وعايزه تكسب

أخيراً لو أمكن إن شاء الله في الأيام القادمة أنا هاشترك ودا مش عيب
ع الأقل اشتراك شرعي وبمقابل ودا مايزعلش حد خالص يعني

وف الآخر لو بلدنا حلوه كدا ومعسله كانت اشترت لينا كدا كام مباراه مهمه نقدر نشوفها بس هتقول إيه !!!

ربما موفرين الفلوس لنا عشان لما مصر تدخل كاس العالم يشتروا المباريات كلها

أتمني مالاقيش حد يقول عليا عميل ولا حاجه من دي
تحياتي لكم

[vambino]

مع ان الكلام دة مش هيعجب ناس كتييييير بس للاسف دة كلام مظبوط و انا اتفق معاك ...

[ابوعبدالله 2012]

دة كلام مظبوط

[liverpooly1]

اتفق معاك تماااااما
انا كنت بحاول اجمع مبلغ الاشتراك بس لقيت الميزانية بااااظت معايا كان ممكن اجيب الكارت والريسيفر التافه الخردة بتاعهم بس كنت عايز اجيب الهيوماكس القديم بس العملية كلها وقفت على 600 جنية فقررت الغى عملية الشراء والاكتفاء بالمشاهدة عن طريق ال **** او قنوات الشيرنج على الاوربى .
هنستمتع والله يا جماعة متقلقوش .

[عبدالفتاح حسين]

مع ان الكلام دة مش هيعجب ناس كتييييير بس للاسف دة كلام مظبوط و انا اتفق معاك ...

بالفعل أخي الحبيب
الكلام مش هايعجب ناس كتييييييييييييييييير جداً
بس خد بالك الموضوع زاد عن حده لدرجة ان احنا علي وشك نصدق
ان المباريات دي بالمجان والناس دول (BeIn Sport) اغتصبت الحق
دا مننا .... يا ناس فوقوا مايصحش الكلام دا دا شغل تجاره ومكسب وخساره

[عبدالفتاح حسين]

يا جدعان والله مافيش ماتش مهم بيتذاع الا وبنسمعه سواء ع المقاهي او البيت
......... وبلاش وجع الدماغ اللي زاد عن حده
وكدا كدا إن شاء الله هانشوف كاس العالم عليها أو علي غيرها

[owmown]

لاول مره اجد كلام موضوعى من غير تعصب وكلام هادى وجميل ومن غير شتيمه كمان تحياتى

[عبدالفتاح حسين]

اتفق معاك تماااااما
انا كنت بحاول اجمع مبلغ الاشتراك بس لقيت الميزانية بااااظت معايا كان ممكن اجيب الكارت والريسيفر التافه الخردة بتاعهم بس كنت عايز اجيب الهيوماكس القديم بس العملية كلها وقفت على 600 جنية فقررت الغى عملية الشراء والاكتفاء بالمشاهدة عن طريق ال **** او قنوات الشيرنج على الاوربى .
هنستمتع والله يا جماعة متقلقوش .

ربنا ييسر لك حالك ويوفقك

هو طبعاً الريسيفر لا يستحق هذا المبلغ بالطبع
بس اهو ضمن اساسيات الاشتراك للاسف الشديد
سألت علي نظام التقسيط عندهم لا بأس به علي الإطلاق
وفي المقدور الاستمرار فيه ايضاً لمعظم فئات الدخل

[عبدالفتاح حسين]

لاول مره اجد كلام موضوعى من غير تعصب وكلام هادى وجميل ومن غير شتيمه كمان تحياتى

حضرتك راجل محترم ونورتني وشرفتني وتحياتي لك ولأي راجل محترم

[م.احمد جمال الدين]

بارك الله فيك أخي الغالي وبأقدر كلام حضرتك لأنه غاية في الروعة والحكمة....
بارك الله فيك أخي الحبيب‎ ‎

[اليوفنتوس الكبير]

ودفعت فلوس ع الكلام دا وسواء بئي عايزة تكسب منها أو تتوغل أو تذل فئه من الناس المهم انها هاتحقق غرضها اللي دفعت عليه هذا الثمن
ف من حقها تشفر او ماتذيعش او تبث هي صاحبة الحق

[اليوفنتوس الكبير]

ودفعت فلوس ع الكلام دا وسواء بئي عايزة تكسب منها أو تتوغل أو تذل فئه من الناس المهم انها هاتحقق غرضها اللي دفعت عليه هذا الثمن
ف من حقها تشفر او ماتذيعش او تبث هي صاحبة الحق

بس من حقها تشفر اه لكن اية مش من حقها تذيع كورة القدم ليست مللك اى قناة وبعدين احنا بنتعرض على الاسعار التى لاتنسب مع دخل معظم الدولة العربية مفيش حجاة بلاش ان عارف لكن بصراحة الاسعار مستفزة جدا

[قاسم جوية]

اتفق معاك تماااااما
انا كنت بحاول اجمع مبلغ الاشتراك بس لقيت الميزانية بااااظت معايا كان ممكن اجيب الكارت والريسيفر التافه الخردة بتاعهم بس كنت عايز اجيب الهيوماكس القديم بس العملية كلها وقفت على 600 جنية فقررت الغى عملية الشراء والاكتفاء بالمشاهدة عن طريق ال **** او قنوات الشيرنج على الاوربى .
هنستمتع والله يا جماعة متقلقوش .

للعلم ااخي جهاز الهيوماكس تبع الجزيره
فقط الموسم القادم وبعدين باي باي

[awadpascal]

لا انا مختلف معاكم في نقطه الجهاز وحش مش مشكله اشتراك السنه اه ممكن نقول كويس لكن بطوله لمده شهر ب ٦٠٠ جنيه السعر ده اتحدد علي اساس حقوق البث لكاس العالم انا مش عارف كام بس طبعا لا اكيد عشان باقي البطولات بما فيها الدوري الانجليزي السنه ب ١٠٥٠ عشان كده انا ممكن اشترك كل ٣شهور بس بعد كاس العالم لكن غير كده حتي لو المبلغ معايا اصل ماتجيش تقولي كوبايه الشاي بربع جنيه و معلقه السكر ب ٣جنيه و تقولي هتلاقي فين كوبايه شاي بربع جنيه لا طبعا التسعير مش مظبوط حقوق الشرق الاوسط لازم تنفصل عن شمال افريقيا و تسعير خاص للدول الاسيويه الغير خليجيه مش معقول الواحد في الصومال او اليمن او مصر يدفع نفس مبلغ المواطن الخليجي

[عبدالفتاح حسين]

بارك الله فيك أخي الغالي وبأقدر كلام حضرتك لأنه غاية في الروعة والحكمة....
بارك الله فيك أخي الحبيب‎ ‎

تحياتي لك أستاذ أحمد وربنا يبارك لك
تقبل وافر احترامي

[عبدالفتاح حسين]

بس من حقها تشفر اه لكن اية مش من حقها تذيع كورة القدم ليست مللك اى قناة وبعدين احنا بنتعرض على الاسعار التى لاتنسب مع دخل معظم الدولة العربية مفيش حجاة بلاش ان عارف لكن بصراحة الاسعار مستفزة جدا

اخي الحبيب انا معاك ان ثمن الاشتراك غير مقدور عليه من فئة كثيره من الناس وخصوصاً المجتمع المصري بلا شك ... بس دي بتتاجر

أما نقطة مش من حقها دي عشان دي كرة قدم !!!

أحب انوه أنه هناك قوانين دوليه واتفاقيات الكل ملزم بها بما فيها مصر
واعتقد انها لم تخالف تلك القوانين بشراء حقوق البث
وبعدين دا احتكرته في الشرق الأوسط وشمال افريقيا فقط مش ف العالم

عشان تكسب منه ودي حقيقه ماحدش يقدر يخفيها

[رضا شحاته]

تحياتي لك أستاذ أحمد وربنا يبارك لك
تقبل وافر احترامي

[عبدالفتاح حسين]

لا انا مختلف معاكم في نقطه الجهاز وحش مش مشكله اشتراك السنه اه ممكن نقول كويس لكن بطوله لمده شهر ب ٦٠٠ جنيه السعر ده اتحدد علي اساس حقوق البث لكاس العالم انا مش عارف كام بس طبعا لا اكيد عشان باقي البطولات بما فيها الدوري الانجليزي السنه ب ١٠٥٠ عشان كده انا ممكن اشترك كل ٣شهور بس بعد كاس العالم لكن غير كده حتي لو المبلغ معايا اصل ماتجيش تقولي كوبايه الشاي بربع جنيه و معلقه السكر ب ٣جنيه و تقولي هتلاقي فين كوبايه شاي بربع جنيه لا طبعا التسعير مش مظبوط حقوق الشرق الاوسط لازم تنفصل عن شمال افريقيا و تسعير خاص للدول الاسيويه الغير خليجيه مش معقول الواحد في الصومال او اليمن او مصر يدفع نفس مبلغ المواطن الخليجي

كلام جميل جداً أخي الكريم
واتفق معك تماماً في بند الأسعار حيث أنه لا مقارنة بين مواطني الخليج الأشقاء ولهم كل الاحترام والمقارنة بالمواطن المصري المفحوت ليل نهار
هناك فرق طبعاً

اعتقد انهم عملوا نظام التقسيط دا عشان الغلابة اللي زي حالتنا

[عبدالفتاح حسين]

للعلم ااخي جهاز الهيوماكس تبع الجزيره
فقط الموسم القادم وبعدين باي باي

ممكن حضرتك توضح أكتر

هوا اللي نعرفه ان الجهاز يباع لمره واحده فقط طوال مدة الاشتراك

[عبدالفتاح حسين]

تحياتي لك أستاذ أحمد وربنا يبارك لك
تقبل وافر احترامي

الاخ رضا شحاته ...
ليه يا فندم حضرتك داخل تشوه الموضوع بالكوبي والباست
اللي ما لوش أي معني اطلاقاً
ربنا يهديك