تجربتى مع العملاق Tevii 662s usb dvb-s2

[xeers]

يا رجاله انا اشتريت الكارت دلوقتي وشغلت كل حاجة تمام بس مبيجيش اشاره اعن انا مجرب السلك علي كارت تاني ورسيفر وشغال ميه ميه ممكن حد يفيديني عشان انا بجد خلااص يجبت اخري .. انا جيبتوا والله لما لاقيتكوا بتقولو عليه كارت كويس وكدا :(

بص اول شي اتأكد انك مركب النت فريم وير صح ( لاني نفسك لسه مشتري الكارت من يومين )

ركبت الفريم وير و نكست نكست ومش بصيت لي اي شي و جاب رساله ضغطت موافق وخلاص وفكرت نفسي ركبته وبالاخر الرساله كانت بتقول لي ان البرنامج لم يتم تركيبه بنجاح
انت اتأكد بالتركيب انه قال لك تم التركيب بنجاح

تاني شي واجهتني انا كنت مركب الكارت علي سلك ابو 30 متر بي 15 جنيه ده اللفه السوده
جايب علي الرسيفر 90 % اشاره وكل شي
وبالكارت مش جايب ولا الهوا
يمين شمال قلت اجرب علي الرسيفر التاني القديم ( من ابو سلك زمان )
جربت لقيته جايب اشاره وشغال

رحت مغير السلك جبت السلك الابيض الايطالي التخين وركبته وجايب اشاره علي الكارت 90 % واشتغل الكارت

انت اهم شي تتاكد ان الكارت متعرف صح اهم شي وظاهر التعريف تبعه بالديفايس مانجر وبعد كده بقي شوف الاشاره

[antaka_rony]

انا اتاكد ان الكارت اتسطب صح بس انا مش عارف يعني ايه .فريم وير .
تاني حاجة من نحيه السلك انا كنت شغال عالسلك دا عالكارت التايوان وكان ميه ميه . بس في حاجة غريبه ان الكارت جايب الاشاره دي علي طول وانا حاطتت السلك بتاع الطبق او وانا شايلوا وعلي القمريين الانا مشغلهم ومش عارف الصراحه اعمل ايه .

[xeers]

لو معاك لاب توب هختصر عليك المسافه خد حته سلك تاني وجرب الكارت علي السطح من الطبق للكارت والاب علي طول بدل ما تشتري كابل وبالاخر مش يبقي عيب كابل

لان نفس الحركه دي كانت معي وجايب 20% اشاره و 100 % جوده

لكن لما غيرت السلك ظبطت 90 % اشاره و من 20 الي 80 جوده

واشتغل الكارت

اما النت فريم وير بيجي مع الاسطوانه
Net Framework 2
Net Framework 3
Net Framework 4

ركب اي حد فيهم بس الافضل 4

[xeers]

اخي المخاطر انا وضعت الملف الستريمر وكل شي

بس برضو البرنامج بيعد علي الفاضي

منتظر ردك اخي المخاطر

[antaka_rony]

تمام انا هجرب زي مانت قولت كدا هجيب سلك واطلع بالاب عند الطلب واجرب من فوووق وهفيد بالرد حالا باذن الله
وانا متشكر اووووي لمتابعتك معايا ومعلش لو بتقل عليك .

[xeers]

تمام انا هجرب زي مانت قولت كدا هجيب سلك واطلع بالاب عند الطلب واجرب من فوووق وهفيد بالرد حالا باذن الله
وانا متشكر اووووي لمتابعتك معايا ومعلش لو بتقل عليك .

لا عادي لو انت هتجرب دلوقت انا موجود بس مش تنسي تركب الادابتور بالكهرباء لانه مش هيشتغل بدون كهرباء

[antaka_rony]

انا هجرب اهوة بس انا مش هطلع فوق انا خدت اللاب ودخلت عند الرسيفر في قوضه والدي وهشغل عليه الكارت دا سلك تاني خالص وسلك كويس هجرب عليه ووهقولك دلوقتي حالا عملت ايه ..
كدا يبقي انا مش محتاج ادابتور صح ؟

[antaka_rony]

عمل نفس المشكله يا معلم يبقي كدا المشكله في ايه .
انا لما باجي اسطب الكارت بسطب الكارت وبعد كدا بسطب البروج علي طول دا كدا صح ولا في حاجة الاولي بظبتها قبل ماسطب البروج ارد المتابعه انا في انتظارك

[xeers]

لازم الادابتور لازم الكارت يكون شغال علي الادابتر و سلك اليو اس بي مع بعض

[xeers]

عمل نفس المشكله يا معلم يبقي كدا المشكله في ايه .
انا لما باجي اسطب الكارت بسطب الكارت وبعد كدا بسطب البروج علي طول دا كدا صح ولا في حاجة الاولي بظبتها قبل ماسطب البروج ارد المتابعه انا في انتظارك

ولازم تركب Net Framework

هتلاقيها بالاسطوانه جوه في ملف app تقريبا

[antaka_rony]

طب تفتكر انا لو روحت لحد بتاع دش عشان اطلب منوا ادابتر هيرضي يدهولي ولا اشتريه ولا اجيبوا ازاي دا ؟

[antaka_rony]

السلك دا شغال عندي وعند والدي واحد عالرسيفر وواحد علي كارت السات الي كنت شغال بيه الاول قبل دا يعني متهيئلي صعب يطلع السلك فيه حاجة لو عندي مش هيبقي عند والدي وانا جربت كدا الاتنين انا ممكن يكون في حاجة في التسطيب مكونش واخد بالي منها علشان زي ما قولت لحضرتك اني بسطب التعريف بعد كدا البروج علي طول اعني خت بالي من اختيار في النص كدا وانا مش عارف دا بتاع ايه ؟
انا عارف والله الانا تقلت عليك بس مش عارف وربنا اعمل ايه بجد .

[xeers]

انت بتقول انك بدك تروح تشتري ادابتور

هوا الكارت مش جاي معه ادابتر؟

مش هوا كارت يو اس بي برضو مفروض جاي معه

كابل يو اس بي
ادابتور ( اللي زي الشاحن )
الاسطوانه
الكارت

[xeers]

ولا يهمك لا تقلت ولا شي انا كمان بقالي كم يوم طلع عيني في الكارت وبرضو مساعده من هنا ومساعده من هنا و عرفت مشكله الكارت فين و اتحلت

وبرضو الشباب مش قصروا خالص

ياريت المشرف العزيز مش يقفل لنا الموضوع ده كمان

[antaka_rony]

اه والله انا خايف من كدا برضو طيب دلوقتي انا روحت لواحد بتاع دش وجربت عندوا كل حاجة وبرضو نفس المشكله فانا دلوقتي متاكد ان في مشكله في التسطيب ممكن تقولي بالخطوات انت سطبتوا ازاي لاني متاكد ان في مشكله في الخطوه رقم اتنين قبل ما اسطب البروج دي :(
وكمان الكارت في حاجة غريبه ختب الي منها انوا مش بينوا لما اوصلو بالكهرباء لازم اوصلو الكهرباء وبعد كدا اليو اس بي علشان ينور النور الازرق وبس مش بينور حاجة تاني ؟

[xeers]

بص بقي

انت اعمل انستول للملف اللي اسمو

Net Framework

والملف ده تلاقيه جوه الاسطوانه انت اظهر الملفات المخفيه هتلاقي جوه الاسطوانه ثلاث مجلدات تقريبا

منهم مجلد app

بنلاقي داخله الملف ده Net Framework

[antaka_rony]

عملت والاشاره اتغيرت فعلا وبدا في التشغيل بس الجهاز هنج والقنوات جابت اشاره بس مفتحتش القنوات المجانيه العاديه

[xeers]

تمام كده مشكله الاشاره اتحلت يعني الكرت اتعرف و البرنامج عرفه

تاني شي الكودك نزلت الكودك ولا لسه

ده الكودك

http://www.masrawysat.com/vb/showthread.php?t=1224311

+ امسح برنامج البروج دي في بي و امسح اي كودك قديم عندك بعدين ركب الكودك ده

بعدين ركب برنامج البروج وهوا هيتعرف علي اعدادات الكودك بنفسه

[antaka_rony]

يعني امسح البروج الاول بعد كدا اسطب الكوديك بعد كدا اسطب البروج دا.
علي فكره لحد دلوقتي لسه القنوات مش اشتغلت هيا بس الاشاره اتعدلت او قرت فهمني

[xeers]

بص علشان نكون علي نور

نمشي وحده وحده

اول شي بتركبه

الفريم وير اللي قلت لك عليه فوق

بعدين بتركب الكودك ( بعد ما تمسح اي كودك قديم يتعارض )

بعدين بتعرف الكارت

بعدين بتركب برنامج البروج دي في بي ( لو امكانيات جهازك مش قويه هتحس بتهنيج للبرنامج فيه برنامج غيره بس خلينا في ده دلوقت )


بعدين شغل البروج دي في بي واختار مثلا النايل سات هتلاقي الاشاره ظبطت اعمل بحث هياخد شويه وقت وبعدين قولي النتيجه انا سهران ان شاء الله معاك ( لاني كنت زيك وصلت لدرجه اني كنت هكسر الكارت بعدين لقيت الحل )