تجربتى مع العملاق Tevii 662s usb dvb-s2

[antaka_rony]

طب ماشي تمام قوي كدا الكلام دا . وهمشي زي مانت قولتيلي بالظبط .
بس هيا نقطه واحده اعرفها وانا هشتغل علي طول ..
يعني ايه فريم وير .. ههههههههه

[xeers]

هههههههههههه اه ياني

انت لسه مش وصلت له

بص يا عمنا

افتح الاسطوانه ( كليك يمين open )

تلاقي ملفات جوه

اول مجلد

Apps

بتلاقي ثلاث برامج اسمهم

Net Framework 2
Net Framework 3
Net Framework 4

انت ما عليك الا تركب رقم 4 او رقم 2

بس امشي مع التركيب شوفو هيكمل ولا هيقول لم يتم الاكتمال

بعدين كمل

[antaka_rony]

هههههههه تمام قوووي كدا جاري تظبيط الكلام
وربنا انت ربنا بعتك ليا من السما.

[xeers]

خلاص ظبط وانا اون لاين متقلقش اياكشي المصراويه ينبسطو معنا ( حاسس ان الكارت ده معاناه )

[xeers]

+ متنساش تركب البرنامج ده بالنسبه لي حسيته افضل من البروج

سريع جدا في فتح *******

سريع في التنقل

حاسس انو سلس و ما بيهموش امكانيات الجهاز

مش بحس معه بتهنيج

http://www.masrawysat.com/vb/showthread.php?t=1326996

[antaka_rony]

نشغل بس البروج الي بعرف اتعامل عليه الي حد ما وبعد كدا مع بعضينا في الدريم والكلام العالي التاني دا هههههههه

[antaka_rony]

بقولك ايه انت مشغل عندك دايزك ؟

[xeers]

لا مشغل مباشر بدون دايزك ومش تسئلني يتظبط الدايزك ازاي معرفكش لحد هنا ههههههه

[antaka_rony]

ههههههههه لا يا كبيرر تسلم انا شغال بدايزك وكنت شغال عليه عالكرت القديم وعارف بسطبوا ازاي وكويس فيه الحمد لله انت لو عاوز اي حاجه فيه قولي وانشاء الله هفيدك فيها . هوة دلوقتي عمل سيرش عالنايلسات وبيعمل سيرش عالاوروبي بس انا خدت بالي برضو من حاجة ان اللمبه الخضرا الي جمب الزرقاء بتنور وبتطفي دا عادي ولا المفروض تنور علي طول مع العلم ان الخطين بتوع قوه الاشاره وجوده الاشاره مش جايبيين اشاره بس القنوات بتنزل حلو انا كدا بس ولا ايه . :(

[xeers]

هوا اللمبه الخضراء لما بتنور انا لاحظت انها لو لقطت اشاره لتردد مثلا بتنور او مثلا فتحت قناه بتنور او شغلت برنامج مثلا تحميل عشوائي ولقط التردد بتنور

يعني مش بتنور الا ما يلقط اشاره تردد

[antaka_rony]

بالمناسبه بقي الانا دلوقتي قاعد ومستيني سيرش القنوات تنزل وبما اني مرخم عليك ومسهرك معايا فا هسئلك سؤال ممكن يكون غبي بس معلش استحملني ههههههههههه .
يعني ايه تحميل عشوائي ..هههههههههه

[xeers]

رخم يا عم رخم

التحميل العشوائي ده عن طريق الكارت فيه ناس مثلا بتحمل افلام برامج اي شي تتخيله فيه طريقه بقي عن طريق الكروت دي وبدون انترنت انك تروح مركب برنامج و تلقط البرامج والافلام اللي هما بيحملوها

بس انا بقي مستني الاخ مخاطر صاحب الموضوع ده هوا اللي اشتغل عليه لانه مشتري نفس الكارت بتاعنا و ربنا وفقه و ظبط معه علي طول

منتظرينه بقي يساعدنا ويعرفنا ازاي نحمل تحميل عشوائي لان رقبتي وجعتني بقالي يومين عمال احتاس ازاي احمل عشوائي مع اني مشتري الكارت لكده اصلا ههههه

[antaka_rony]

هوة اشتغل كدا يا معلم وفتح قنوات بس مش بيفتح الاتش دي وبيهنج لو دوست علي قناه اتش دي وفي قنوات اجي افتحها يجيب اشاره بس متفتحش .
والشيرنج ساعات بحس انوا سريع وساعات بحس انوا بطئ . مش عارف بقي الصراحه كدا دا عيب من الكوديك ولا عيب في اية بالظبط

[xeers]

ايه هيا امكانيات جهازك

[antaka_rony]

دي انا مش عارف ليها ظبته ولا هيا كدا

[antaka_rony]

مش عارف دا بقي عيب من الكوديك ولا يعب من ايه اعني سطبت الكوديك الي قولتيلي عليه

[xeers]

اممم القنوات العاديه بتفتح كويس ولا لا

لو التهنيج بسبب القنوات الاتش دي قول لي امكانيات جهازك

[antaka_rony]

امكانيات جهازي
رامات 4 جيجا
كارت شاشا خارجي 2 جيجا
برسوسر كورد ديو 2.4 كاش اربعه .. كنت جايبوا عشان بشغل عليه بيس وكدا

[antaka_rony]

انا مشترك في ***** مدفوع خت بالي ان ******* بيشتغل خمس دقايق وبيقفل والعيب مش في ******* متهيئلي العيب في الشيرنج بتاع الكارت

[xeers]

طيب تمام اسمع كلامي وسيبك من البروج دي في بي

وركب البرنامج التاني

انا شغال عليه دلوقت وامكانيات جهازي اقل من جهازك كتير

كارت شاشه داخلي و رامات اربعه و بروسوسر دول كور كاش 1 ميجا

و الاتش دي تمام و ******* تمام ومش بيقطع

ركب البرنامج وجرب انت مش خسران اي شي ركبه وانا معاك