تسجيل الدخول

مشاهدة النسخة كاملة : التقديمات فى الوظائف المصرية

الصفحات : [1] 2
taoo5000
2011/02/10, 01:12 PM
نرجو من ادارة المنتدى التكرم بمتابعةالتطورات فى التقديمات للوظائف المصرية فى كل القطاعات
ايمانا بجهود المنتدى الكبير
وهذا ليس جديدا علية
وانا سوف اتابع من هنا كل التطورات
مع العلم ان التقديمات بأت فى مكاتب البريد الى عنوان الوزراة المالية فى القاهرة
احمد على عشرى
2011/02/10, 01:58 PM
هل يوجد تقديم فى وزارة البترول
newnader2000
2011/02/10, 02:27 PM
فى تقديم فى البريد
بس مش عارف دة ايه
المطلوب صورة البطاقة والمؤهل وشهادة الميلاد
فريد أحمد
2011/02/10, 03:40 PM
دعواتكم

تتلقى وزارة الماليه طلبات الخريجين من جميع المؤهلات للعمل لديها أو لقطاعات اخرى بالتعاون و التنظيم مع وزارة الماليه و المطلوب طلب – سى فى – صورة المؤهل – شهادة الميلاد – صورة البطاقه – صور شهادات من الكورسات الحاصل عليها و يرسل الطلبات على ص.ب 11599
و العنوان بالتحديد لمن يريد تسليم الورق باليد شارع امتداد رمسيس- أمام نادى السكه – مدينة نصر – القاهره
والله الموفق
و صيغة الطلب كالاتى:
طلب وظيفة
السيد الاستاذ / معالى وزير الماليه – د. سمير رضوان
تحية طيبه و بعد ،،
أتقدم لسيادتكم بطلب تعيينى بأحد الوظائف الخاليه بوزارة الماليه أو المصالح التابعه و ذلك حيث أننى لم أوفق حتى الان فى الحصول على أى وظيفة
و فيما يلى البيانات الشخصيه كاملة :
الاسم/
تاريخ الميلاد/
الحالة الاجتماعية /
الموقف من التجنيد/
المؤهل الدراسى /
الديانه /
العنوان/
رقم التليفون/
البريد الالكترونى/
شاكرين لحسن تعاونكم
و تفضلوا بقبول وافر الاحترام
مقدما لسيادتكم
والله الموفق
الهوارى 3040
2011/02/10, 04:27 PM
الاخوة الافاضل هل فيه و ظائف بالتربية و التعليم حاليا
taoo5000
2011/02/10, 06:57 PM
شكرا على كل من يشارك فى الموضوع
taoo5000
2011/02/11, 11:39 AM
ودة النموذج من وزارة المالية





طلب عمل
السيد الأستاذ الدآتور وزير المالية / سمير رضوان
تحية طيبة وبعد ،،،
أرجو من سيادتكم الموافقة علي التحاقي بالعمل بإحدى الوظائف المناسبة وبياناتي
آالآتي :
الاسم : .................................................. ..................
العنوان : .................................................. ..................
المحافظة : ..................................
المؤهل الدراسي :................................................. ...............
تاريخ التخرج :...../....../...........
الموقف من التجنيد : ......................................
الرقم القومي : .......................................
تاريخ الميلاد : ...../...../..........
الحالة الاجتماعية : .............................
رقم التليفون : ..............................
رقم المحمول : ..............................

وتفضلوا بقبول فائق الأحترام ،،،،،،

مقدمة لسيادتكم
elostaz
2011/02/11, 11:57 AM
الله يبارك فيكم
درغام
2011/02/11, 04:20 PM
الي كل الشباب
يوجد حاليا تقديم اوراق في القوي العاملة في جميع المحافظات وفي المراكز يكون في مكتب العمل التابع له
والتقديم لكل المؤهلات( مؤهل عالي- دبلوم- مؤهل متوسط)
علي فكرة بعد استلام الطلبات سيكون هناك حصر وسوف يعطي للشاب او الشابة الخيار في وظيفة او قطعة ارض او مبلغ مالي
كل من تجاوز الاربعين سيحصل علي مبلغ مالي
الاوراق المطلوبة
1 - صورة المؤهل
2- صورة شهادة الميلادالكمبيوتر
3- صورة شهادة الجيش (للذكور)
4- طلب توظيف (استمارة من مكتب العمل)
التقديم مفتوح من الاربعاء 9 فبراير وحتي اجل لا اعلمه
حتي الان
اي استفسار انا في خدمتكم
الهوارى 3040
2011/02/12, 01:32 PM
ياترة يا اخى الفاضل هذه التعينات او الوظائف حتكون زى الوظائف السابقة بالكوسة و لا بما يرضى الله و رسوله كل و احد بحقه اتمنى ان ربنا يصلح حالنا جميعا و نكون مثل الدول المتقدمة و الناس سواسية كاسنان المشط و شكرا اخى الفاضل
taoo5000
2011/02/12, 06:58 PM
بالنسبة لموضوع الكوسة انا مش عارف ليه انى حاسس ان الكوسة مش هتبطل فى مصر
وخصوصا ان الوظائف الكويسة بتبقى بفلوس كبيرة
مثلا:
البترول 50000
الكهرباء 40000
الاتصالات 30000
المحكمة 25000
الشهر العقارى 25000
التثبيت 15000
معلش هى دى الاسعار اللى بقوقوا عليها بس بصراحة انا اخاف ادفع المبالغ دى لانها مش موجودة معايا اصلا
ولا ايه
وعجبى
بس ياريت تكون فية شفافية فى التوظيف يعنى انا متخرج منذ 2000 ولم احظى بفرصة عمل هل سينظرون الى بعين الرحمة اما ............ ؟؟؟؟

نرجوا ان يكون هناك امل بعد 25 يناير
لانى المفروض ميكونش فية تغيير للنظام بل يكون فى تغيير فى ضمائر الناس سواء مواطن او وزير
مش عارف
لية انا بحب مصر وهى لا تحبنى
لية مطلوب منى ادى مصر كل حاجة ولا اسمع كلمة شكر ؟
لية مطلوب منى افكر ادى اية لمصر وانا مش لاقى اكل ؟
ولية عايزين منى انا الفقير ادى مصر والغنى يسرق منها ومنى ؟
لية عايزين منى اضحى بحياتى من اجل مصر واللى بعدى ميلقوش معاش يعيشهم ؟
غريبة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللى يعرف الاسئلة يتصل على ..................
واللى مش معاه محمول بلاش يفكر
احسن يتشأم مثلى
a213--
taoo5000
2011/02/13, 11:29 AM
انك تسمع اذ ناديت حيا ***** ولكن لاحياة لمن تنادى
taoo5000
2011/02/15, 11:15 AM
لحد امتى هنفضل متعلقين بالوهم
الهوارى 3040
2011/02/16, 11:59 AM
يا اخوانى لا تتعجبوا النظام السابق خرب البلد و خلاص منهم لله الله ينتقم منهم اقسم بالله انا اعمل مدرس ابتدائى منذ 24 سنه تقدر تقول لى او تتوقع مرتبى كام ؟ حاجه تحصر و الله حوافز + مرتب 800 اعمل بيهم ايه و عندى 4 اولاد فى مراحل التعليم المختلفهالاكبر فى ثانويه عامة و الاصغر فى الابتدائية و كلهم فى الدروس يعنى كل شهر اكون سالف 300 جنيه لاغطى مصاريف الشهر و ماشى على طده كل شهر خبرنى اخى الفاضل ماذا تفعل لو كنت مكانى ؟
تعالى بص اخى الفاضل النهارده فى عهد الحكومة الفاسدة تلاقى شاب شفايفه حمراء و فافى بيقول بابى و مامى و انكل واخد و ظيفه فى البترول او فى الاتصالات او احدى الشركات الكبرى ياخذ مرتب حوالى 10000 او 15000 جنيه و الله و ماليه اى لزمه فى الشغل و لكنه مفروض على الشركه لانه من طرف الزير فلان او علان هل ده يرضى ربنا غير العربية ال ركبها تساوى كام و الموبايل ال طول النهار بيحب فيه ثمنه كام و بيشحن رصيد بيكام و خلافه و خلافه و احنا نفسنا ناكل او نشوف اللحمه بعنينا و لو منكلهاش ارجوك اسكت اخى لاننى خلاص الامر فاض بى و لكن اقول كلمة و احدة هى
و افوض امرى الى الله
taoo5000
2011/02/16, 01:27 PM
وادى واحد كمان من اللى فاض بيهم
بس اللى يمكن يصبرك شوية ان لك دخل ثابت كل شهر 800
غير اللى مالهوش اى حاجة
طبعا
غير ربنا سبحانه وتعالى
المهم انهم مش يسيبوهم بهربوا بالفلوس بتاعت الشعب
المهم ان الفوس دى ترجع شوف بقا كام مليار وبالدولار كمات بعتى اضرب فى 6 واحسب ووزع على الغلابه
السيد العونى
2011/02/18, 12:33 PM
إذا كان الأخ المدرس له 20 سنة وبياخذ 800 جنيه أنا معاه فى التربية والتعليم من 28 سنة ولا أحصل على 600 جنيه بادفع إيجار ونور ومياه وتليفون وأروح أتفرج على الجزار وهو بيقطع اللحمة علشان مانساش شكلها
وعجبى
taoo5000
2011/02/20, 12:54 PM
المشكلة انه ممكن تأخذ مرتب 1500 بس ممكن الحكومة ترفع الاسعار يعنى اللحمة ممكن تبقى 150 والسكر 15 وهكذا
يعنى الواحد مش عارف يعمل اية علشان يعيش نص او ربع عيشة كريمة
taoo5000
2011/02/27, 02:12 PM
فى تقديمات فى وزارة الاسكان والتعمير فى مشروع اسكان الشباب فى المدن والمحافظات
gemysat
2011/02/27, 04:00 PM
شكرا لك اخى على المتابعة
taoo5000
2011/02/28, 03:48 PM
لا شكر على واجب بس ياريت تعبنا يجي على فايدة
التقديم على شقق وزارة الإسكان والمرافق والتنمية العمرانية ,
إعلان هام تعلن الوزارة انه اعتبارا من
اليوم الاثنين الموافق 21 فبراير 2011
سيقتصر تلقى طلبات حجز الوحدات السكنية
بالمشروع القومي الجديد للإسكان والذي سيتم تنفيذه بالمدن الجديدة والمحافظات على مراحل خلال الخمس سنوات القادمة على صندوق البريد الخاص بوزارة الإسكان
رقم 11516

وسيستمر تلقى طلبات الحجز حتى 30 يونيو 2011

ولن يتم النظر في أي طلبات تسلم باليد اعتبارا من هذا التاريخ
يتم كتابة الطلبات على ورقة بيضاء متضمنة بعض البيانات الأساسية :
الاسم – السن – المهنة – المدينة المراد الحجز بها – العنوان – أرقام التليفونات التي يتم من خلالها التواصل مع المواطن طالب الوحدة ، ويرفق بها صورة بطاقة الرقم القومي .

وتؤكد الوزارة أن جميع الطلبات التي تم تقديمها من المواطنين باليد وحتى هذا التاريخ قد تم تفريغها على الحاسب الألى وستؤخذ مأخذ الجد لتلبية رغبات المستحقين ، والذين لم يسبق تخصيص وحدات سكنية أو أراضى سكنية لهم .
وحرصا من الوزارة على مصالح المواطنين وأموالهم فان الوزارة تهيب بالمواطنين عدم الانسياق وراء من يزعمون أن هناك نماذج مطبوعة لطلبات الحجز حيث يتم بيعها بطرق غير مشروعة أمام مقر الوزارة أو أجهزة المدن الجديدة مستغلين حاجة المواطنين لحجز وحدة سكنية .
على فكرة دة نص الاعلان الموجود على موقع الوزارة