ثلاجة توشيبا 3باب نوفروست بها عيب

[Emad29]

السلام عليكم

عندى ثلاجة 3 باب 16 ق نو فروست بها عيب:
1- نزول ماء على الرف واحيانا من تحت الثلاجة
2- فتحت مرة الثلاجة ولا حظت نزول الماء من عند اللمبة أى علبة اللمبة ينزل على الرف

شكرا لمساعدتكم

[◄◄م/ محمد النحاس►►]

السلام عليكم

عندى ثلاجة 3 باب 16 ق نو فروست بها عيب:
1- نزول ماء على الرف واحيانا من تحت الثلاجة
2- فتحت مرة الثلاجة ولا حظت نزول الماء من عند اللمبة أى علبة اللمبة ينزل على الرف

شكرا لمساعدتكم

بص ياغالى
اثناء فصل الثلاجه من الريست اللى بتعمله
من الطبيعى انها بتنزل مياه
بس من المفروص ان فيه خرطوم من منتصف الفليزر
الى طبق بيحدف فيه المياه ديت اللى هيه اسمها الفايض
والطبق ده بيعمل على تبريد ماتور الثلاجه لانه بيبقى فوق الماتور بالظبط
والمياه بتاعته بتتبخر من سخونيه الماتور
فمن الممكن ان يكون هذا الخرطوم به سدد
او ممكن انت تشوف فى مياه فى الطبق ده ولا لأ
لو مالقتش مياه يبقى بالفعل الخرطوم ده مسدود
ويمكنك تسليكه بمد سلك نحاس او الومنيوم فيه الى النهايه

[Emad29]

الف الف شكر لحضرتك ولكن لم استطيع الوصول الى الخرطوم لأن ظهر الثلاجة به مسامير عددها كبير جدا وشوفت المياه تنزل من عند علبة اللمبة ثم على الرف

[elkrody]

بص ياغالى
اثناء فصل الثلاجه من الريست اللى بتعمله
من الطبيعى انها بتنزل مياه
بس من المفروص ان فيه خرطوم من منتصف الفليزر
الى طبق بيحدف فيه المياه ديت اللى هيه اسمها الفايض
والطبق ده بيعمل على تبريد ماتور الثلاجه لانه بيبقى فوق الماتور بالظبط
والمياه بتاعته بتتبخر من سخونيه الماتور
فمن الممكن ان يكون هذا الخرطوم به سدد
او ممكن انت تشوف فى مياه فى الطبق ده ولا لأ
لو مالقتش مياه يبقى بالفعل الخرطوم ده مسدود
ويمكنك تسليكه بمد سلك نحاس او الومنيوم فيه الى النهايه

تمام كلامك يا غالى
مشكله فى سدد فى ماسوره الفايز نتيجه تخزين العيش والخضار فى الفريز بدون اكياس و تسليكه بمد سلك نحاس او الومنيوم فيه الى النهايه

[تامردويدار]

قم بميل التلاجه من امام شويه

[AHMEDABDALEEMA]

السلام عليكم
عندي ثلاجه توشيبا نوفرست
المحرك يعمل ويسحب امبير في البدايه والجوانب تسخن كويس ويبداء في التبريد
ولكن بعد حوالي نصف ساعه يقل الامبيروالجوانب تبرد
والثلج لايتكون في الفريزر والمحرك يفضل شغال بدون توقف لاكن امبير السحب يقل ما هوه العطل وطيقه اصلاحه

[عبدالعال حسن]

بسم الله الرحمن الرحيم
بالنسبة للثلاجة 16 قدم دى محتاجة يتعملها صيانة حضرتك تفك الوش البلاستيك اللى فى الفريزر من الداخل وبعدين تغلى مية سخنة وتسيح الثلج اللى هتلقية امامك
ملحوظة قبل اى شيء تفك الصاجة اللى فى خلف الثلاجة من الاسفل هتلاقى طبق بلاستيك مربوط بمسمرين فكة واغسلة وركبة تانى وبعدين ترجع تفك الوش اللى فى الفريزر وتسيح الثلج مع مراعاة النظر على الطبق اللى على الكباس لما يتملى تفضية وتحط مية سخنة تانى وثالث ولكن فى بداية منت بتحط المية ممكن المية تنزل من الكابينة استمر فى المياة حتى تزل فى الطبق وان شاء الله مشكلتك هتتحل

[عبدالعال حسن]

السلام عليكم
عندي ثلاجه توشيبا نوفرست
المحرك يعمل ويسحب امبير في البدايه والجوانب تسخن كويس ويبداء في التبريد
ولكن بعد حوالي نصف ساعه يقل الامبيروالجوانب تبرد
والثلج لايتكون في الفريزر والمحرك يفضل شغال بدون توقف لاكن امبير السحب يقل ما هوه العطل وطيقه اصلاحه
احتمال وجود سدد بالدائرة بمعنى الثلاجة محتاجة شحن من جديد