سؤال بخصوص الدش المركزى

[bad_sayler]

دلوقتلى انا جايلى وصلة دش مركزى من برة سلك واحد بس عايز بقى اوزع السلك ده على تلات تليفزيونات تانيه و جبت الوصلة الى هى الدهبى دى اللى بتطلع تلات وصلات و بتاع بس الصورة وحشة و منغمشة اوى رغم ان السلوك تمام فعاوز حاجة تانيه تطلع بس تكون الاشارة حلوة و زى ما هى يا ريت اسم الحاجة دى و نوعها و شكرا

[تيتش]

اللى اعرفه ان فى جهاز اسمه مقوى اشارة بيتباع فى باب اللوق
بس معرفش سعرة
ياريت حد يفيدك اكتر

[bad_sayler]

شكرا يا باشا على الرد و مستنى حد يرد و يقولنا اسمه و سعره كام كده و شكرا

[السيدخليل للدش5]

استخدم اسبليتر4+1 للتوزيع علي التلفيزيونات الثلاثة ولتقوية الاشارة استخدم امرليفير 1+1 ماركة الكادسعرةتقرييبا 240

[سالم الشنيطى]

استخدم اسبليتر4+1 للتوزيع علي التلفيزيونات الثلاثة ولتقوية الاشارة استخدم امرليفير 1+1 ماركة الكادسعرةتقرييبا 240

اخى الغالى ممنوع زكر الاسعار

[arabking]

اخي الاول السلك الرئيسي اللي جاي من عند بتاع الوصله الصورة فيه عامله ايه انت الاول تجرب السلك اللي جاي من عند بتاع الوصله مباشر علي التليفزيون وتشوف الصورة لقيتها وحشة يبقي تتصل علي بتاع الوصلة يجي يظبتها لقيتها حلوة يبقي يبقي تجيب اسبليتر 4 مخرج وتجرب لو مش مظبوطة هيبقي عيب اسبليتر ومتقلقش الاسبليتر ممكن كتير اوي تلاقية مش شغال .

[عماد جاويش]

كلام سليم اخ عرب كينج او بديل اسبليتور الحم بلدي وخلاص الاتنين واحد وعن تجربة ولو جربت السلك اللي جايلك مباشر ولقيت الصورة كويسة يبقي انت مش محتاج انك تجيب مكبر الا اذا كانت المسافة بعيدة بتاعت التلفزونات الاخري بس اهم حاجة تجرب السلك الاول مباشر من غير اسبليتور علشان لو الصورة وحشة المكبر هيرفعهالك حجات بسيطة

[bad_sayler]

معلش يا باشا يعنى ايه مكبر ؟ يعنى قولى على اسم الحاجه بحيث اروح للمحل اقوله عاوز كذا و لو فى حد مجرب اللى بسألعليه و عامله صح يبقى قولى لانى جبت اسبليتر لونه دهبى كده فيه مدخل واحد و تلات مخارج ما عامل نفس الاشارة و مخليها ضعيفه برضه و مشوة ده و فى قنوات جاية و قنوات مش جاية و مجرب السلك الاساسى على التليزيون مباشرة فى قنوات جاية مشوشة و النهاردة بأذن الله هغير السلك بواحد جديد بس قولولى ممكن اوزع من السلك الرئيسى لجواه الشقة ازاى بدون تأثير الاشارة و المسافات مش بعديه نهائى بالعكس دى كلها مثلا خمسة متر فرق

[عماد جاويش]

يا غالي روح اي محل دش وقوله عايز مكبر بتاع شبكات الدش او امبلفير معروف ما تقلقش وانواعه كتير بس في صيني واسباني بس المتداول نوع اسمه الكاد والكارو وتيرا بس انت عندك مشكلة في السلك الرئيسي خلي صاحب الوصلة يظبطلك الصورة الاول وبعد كدا الحم السلوك بتاعت الشقق كلهم لحام بلدي عادي بشريط لحام

[الحاج شريف]

اللى اعرفه ان فى جهاز اسمه مقوى اشارة بيتباع فى باب اللوق
بس معرفش سعرة
ياريت حد يفيدك اكتر
صحيح هناك جهاز إسمه booster يقوى إشاره ال أر إف ويوزعها علي حوالى 4 مخارج إن لم يكن أكثر وهو صغير الحجم وقليل الثمن

[moh_subhi33]

احسن نوع المكبر الترياكس

[جمال د]

الف شكر

[علىدش]

ياغالى مكبر صينى ودة موجود عند اى حد وهوة 1فى 4 ورخيص 25 جنية بس واحلى من البوستر بكتير خدها منى نصيحة انا عندى شبكة دش ودى الافادة (ياغالى مكبر صينى ودة موجود عند اى حد وهوة 1فى 4 ورخيص 25 جنية بس واحلى من البوستر بكتير خدها منى نصيحة انا عندى شبكة دش ودى الافادة)

[wakedsat]

المكبر الصينى ده هيخرج أربع وصلات بنفس الكفاءه