الدايزيك 8 مخرج !؟ هل تحتاجه فى التركيبات ؟؟

[momoaal]

طبعا الكثير مننا يعرف الدايزيك و استخداماته .. خاصة اساتذة التركيبات الاعزاء الموجودين بالمنتدى ....
وغالبا الموجود بالاسواق المصرية منها الدايزيك 4x1 ذو اربع مخارج ..
بحيث يتم تركيب كل طرف من الدايزيك الى LNB خاص باحد الاقمار ..
فيكون لدينا 4 اقمار يمكن تركيبها على هذا الدايزيك ... و يتم توصيلها بالريسيفر ...

http://i.imgur.com/X3Fj68l.jpg


و لكن فى بعض الاحيان نحتاج لتركيب اكثر من 4 اقمار .. ولنفرض 5 اقمار ! او 6 اقمار !

والمنتدى هنا مليان بالتركيبات الرائعة من خبراء و فنانى التركيبات .. والكثير منها يشمل اكثر من 4 اقمار /4 LNB ... على نفس الريسيفر ..

منها مثلا .. و ليس حصرا .. 10 اقمار علي طبق متر من احمد انور هديه لمصراوي سات"" (http://www.masrawysat.com/vb/showthread.php?t=1385317)
و المنتدىء ملىء بالتركيبات المماثلة لاستاتذة التركيبات .......

فى هذه الحالة نضطر لاستخدام دايزيك 8x1 .. و هو يسمح بتركيب حتى 8 اقمار / 8 LNB .. على نفس الريسيفر ...

وهذا بالطبع يعمل مع الريسيفرات التى تدعم خاصية استخدام دايزيك 4 مخارج او 8 مخارج .

المشكلة الكبرى هى عدم وجود دايزيك 8x1 فى مصر ..! مش عارف ليه !!؟

يعنى مثلا .. لو عايز اركب 5 اقمار على نفس الطبق .. و على ريسيفر واحد ! مش حنعرف !

حاولت أسأل فى باب اللوق ... ما وصلتش لأى حاجه .. !

وكل بياع فى المحل بيبص لى و انا باسأله على الدايزيك الـ 8x1 .. كما لو كنت جاى من كوكب تانى !!!

المهم لقيت شركة بالصدفة وقالى ان عنده سويتش بديل للدايزيك ... بكام ياعم .. بحوالى 680 جنيه !! ايه !!!؟؟
مع ان الدايزيك الـ 4x1 لا يتعدى ثمنه الـ 10 جنيه للعادى او الـ 20 جنيه ..وده نوع نضيف طبعا زى ما بيقولوا!! فيه ايه !!؟؟ ليه يعنى !!!؟

يعنى علشان اركب 5 اقمار مثلا .. اشترى دايزيك .. بتمن ريسيفر !!!؟ ده طبق منزلى شخصى بسيط .. و ليس شبكة دش ... معقول الكلام ده !؟؟

و وجدت ايضا ان بعض الفنين المتخصصين حاولوا الوصول الى حلول .. مثل استخدام السويتش 12/0 .. لتوصيل 2 دايزيك من نوع 4x1 مع بعض ....

و لكن ايضا نرجع لنفس المشكلة .... هذا السويتش غير موجود بالاسواق المصرية !!

البعض يقول انه لا احد يستخدمه حاليا !
و البعض يقول انه لا احد يسأل عليه !!
و البعض يقول انه كان يستخدم فى ايام الانالوج ولا يستخدم الان َ!!!؟

المهم ... انه غير موجود بالاسواق !!!

والان ... اريد من الاخوه الاعضاء و استاذة التركيبات يقولوا رأيهم ...

هل الدايزيك 8x1 مهم و مطلوب لبعض التركيبات !!؟

و لماذا هو غير متوفر بالاسواق !!؟

هل توجد حلول اخرى بديلة ...

المشكلة دى اتناقشت كتير .. و ماحدش بيوصل لنتيجة .. !

لكن كل يوم بيحصل تغيرات كبيره .. تكنولوجية ... اقتصادية .... الخ و بنلاقى دايما فيه حلول جديدة .....

اتمنى اعرف رأيكم .. حاليا .. الان ..( يونيو -2014 ) ....

و اتمنى نصل الى اى حلول .......




.

[momoaal]

يا ريت اعرف رأى الزملاء الاعضاء .. و اساتذتنا خبراء التركيبات ...
و لو تكرمتم ... اعرف رأيكم فى استطلاع الرأى .. اللى مع الموضوع فوق ....

[satytree]

حضرتك 8 مخارج او اقمار ثمنة مرتفع لو هستعمل ديزك8 مخارج اشترى بدل منه طبق ثانى اخر واركب له اربع اقمار بديزك رباعى

[تيتش]

بالـ600 جنية اللى حضرتك كاتبهم فوق ده تجيب موتور وبوزيشنر ومشتملاتهم وتركبه وهتشوف اكتر من الـ8 اقمار

[tihab]

ركب ٢ ديزك رباعي
فيهم ٨ اقمار
و نزل لكل ديزك كبل منفرد
وبدل بين الكابلات عند الرسيفر
هذا اقل حل من حيث المصاريف
الحل الاخر هات رسيفر ب٢ تيونر و كل عيونر ب٤ اقمار
الحل الاخر هات ٢ رسيفر و كل واحد باربع اقمار ووصلهم في نفس الوقت بفتحتين hdmi
لو كان ثمن الرسيفر 300 جنيه هيكون بردو اوفر

[momoaal]

ركب 2 ديزك رباعي
فيهم 8 اقمار
و نزل لكل ديزك كبل منفرد
وبدل بين الكابلات عند الرسيفر
هذا اقل حل من حيث المصاريف
الحل الاخر هات رسيفر ب2 تيونر و كل عيونر ب4 اقمار
الحل الاخر هات 2 رسيفر و كل واحد باربع اقمار ووصلهم في نفس الوقت بفتحتين hdmi
لو كان ثمن الرسيفر 300 جنيه هيكون بردو اوفر


n


الف شكر..فكرة جميلة جدا....بس ﻻزم يكون اﻻتنين ريسيفر hd .. بالشكل ده..

[momoaal]

على فكرة..سألت احد المتخصصين..و قالى ان الجهاز ابو 680 ده اسمه multi switch وليس دايزيك... علشان كده سعره غالى بالشكل ده !!!...

حاجة تانية ...فيه صديق ممكن يساعدنى ويجيبهولى من الامارات و سعره فى حدود ال 200 جنيه... اعتقد سعر معقول نسبيا ... وﻵ ايه رأيكم !!؟

ياريت اعرف رايكم فى استطﻻع الراى اعلى الموضوع ......

[momoaal]

بالـ600 جنية اللى حضرتك كاتبهم فوق ده تجيب موتور وبوزيشنر ومشتملاتهم وتركبه وهتشوف اكتر من الـ8 اقمار

كلامك منطقى جدا و اوفر طبعا...

[yehya ahly]

طب ما تجيب موتور اسهل

[moh010]

خليني اقولك على تجربه شخصيه انا واحد بستخدم دايذك 8 فى واحد وهجيب 16 فى واحد قريب ليه بقى انا عندى ثلاثه اطباق واحد رائيسي للنيل سات متر ecc وواحد متر الومينيوم بريفكس حاطط عليه الاوربي سنتر والعرب سات والw3 والاسترا 19 على مساطر وعندى طبق متحرك بريفكس 160 علشان باقى الاقمار بصراحه الواحد مستريح اخر راحه كل الاقمار الرئيسيه شغاله فى نفس الوقت ولو عاوز اشغل قمر غيرهم علشان متش ولا غيره بتحرك بالمتحرك انا جبت الديزك من دبي بمتين جنيه اوربي الصنع ممتاز وشغال بقاله سنه ونص مفيش فقد فى الاشاره اشارات ممتازه وياسلام بقى لو جبت سلك محترم وشوف القنوات والاشارات باذن الله هخلي كل قمر من الاقمار الرئيسيه على طبق وبالكتير لو مساط عدستين على الطبق

[الحاج شريف]

لو لك حد مسافر السعوديه فى عمره أو زياره خليه يجيب لك دايزك echolink-GD-10A
دايزك ممتاز عن تجربه وهو كما يبدو من إسمه له 10 مداخل وليس 8 وهناك أنواع منه لها 16 مدخل ويعمل علي معظم الأجهزه الحديثه التى تدعم دايزك 1.1 وهو تايوانى وثمنه علي ما أعتقد حول ال 70 ريال
أما هل هو ضروره بالنسبه لهواه الدش نعم أما مشاهدى التوك شو فلا يلزمهم
أما لماذا لا يوجد فى السوق المحليه لسببين الأول إرتفاع ثمنه بالنسبه للدايزك العادى والثانى قله الطلب عليه

[momoaal]

خليني اقولك على تجربه شخصيه انا واحد بستخدم دايذك 8 فى واحد وهجيب 16 فى واحد قريب ليه بقى انا عندى ثلاثه اطباق واحد رائيسي للنيل سات متر ecc وواحد متر الومينيوم بريفكس حاطط عليه الاوربي سنتر والعرب سات والw3 والاسترا 19 على مساطر وعندى طبق متحرك بريفكس 160 علشان باقى الاقمار بصراحه الواحد مستريح اخر راحه كل الاقمار الرئيسيه شغاله فى نفس الوقت ولو عاوز اشغل قمر غيرهم علشان متش ولا غيره بتحرك بالمتحرك انا جبت الديزك من دبي بمتين جنيه اوربي الصنع ممتاز وشغال بقاله سنه ونص مفيش فقد فى الاشاره اشارات ممتازه وياسلام بقى لو جبت سلك محترم وشوف القنوات والاشارات باذن الله هخلي كل قمر من الاقمار الرئيسيه على طبق وبالكتير لو مساط عدستين على الطبق

الف شكر على شرح تجربتك هذه ... انا بفكر فعلا اشترى واحد عن طريق صديق يجيبهولى و هو راجع ان شاء الله ..

[momoaal]

لو لك حد مسافر السعوديه فى عمره أو زياره خليه يجيب لك دايزك echolink-gd-10a
دايزك ممتاز عن تجربه وهو كما يبدو من إسمه له 10 مداخل وليس 8 وهناك أنواع منه لها 16 مدخل ويعمل علي معظم الأجهزه الحديثه التى تدعم دايزك 1.1 وهو تايوانى وثمنه علي ما أعتقد حول ال 70 ريال
أما هل هو ضروره بالنسبه لهواه الدش نعم أما مشاهدى التوك شو فلا يلزمهم
أما لماذا لا يوجد فى السوق المحليه لسببين الأول إرتفاع ثمنه بالنسبه للدايزك العادى والثانى قله الطلب عليه

شكرا اخى العزيز على رايك .. وشكرا على الرد .. فعلا لو لقيت الـ10 بورت ده حيكون رائع جدا ... ربنا يسهل ..