اقتراح بخصوص صوت المعلك وخاصية التايم شيفت

[hobsat]

ايه رايكم ياجماعة لو عملنا موضوع ثابت كل واحد يبعت فيه لينك الراديو اللى شغال بيه اثناء المباريات وعدد الثوانى اللى اخرها عشان نقدر نفيد بعض كلنا علما بان كل واحد فينا بيتعب جدا عشان يظبط الصوت مع الصورة

[hobsat]

M-DgM-DgM-Dgup

[ahmed elgazar42]

أنا بعد ما شوفت كلمة ( المعلك ) بتاعتك

طلعت كسّرت الطبق مية حتة وقطعت السلك مية وخمسين حتة

حسبى الله ونعم الوكيل

[elraiekawy]

mixlr.com/dallam/

[hobsat]

أنا بعد ما شوفت كلمة ( المعلك ) بتاعتك

طلعت كسّرت الطبق مية حتة وقطعت السلك مية وخمسين حتة

حسبى الله ونعم الوكيل



شكرا على الاستهزاء

[zyzooo]

أنا بعد ما شوفت كلمة ( المعلك ) بتاعتك

طلعت كسّرت الطبق مية حتة وقطعت السلك مية وخمسين حتة

حسبى الله ونعم الوكيل


اهدى اهدى اهدى الحمد لله هدي بص العيب مش عيب الايد العيب هو عيب التفكير !!

[elfares22]

واية يعنى عمرك ما غلطت فى الكتابة

[كيمو 1980]

يا جماعه صلو على النبى كلنا اخوات
ربنا يديم المعروف بينا يارب

[ah_ah140]

حصل خيرر اخوانى

[hmada_611]

على فكرة مفيش حد فى الدنيا مبيغلتش وخاصتا فى الكيبورد

[Omar Ismail]

على فكرة مفيش حد فى الدنيا مبيغلتش وخاصتا فى الكيبورد

اديك شايف مبيغلتش كلنا بنغلت طبعاً
ههههههههه
طبعا بهزر مش تريقه

[elhamy2121]

هو النهاردة يوم الامية ولا اية

[mk9999]

بغض النظر عن الانحدار اللغوي ده ...
الرابط ده ممكن يفيد في الموضوع
http://masrawysat.com/vb/showthread.php?t=1409780

[كيمو 1980]

هو احنا في حصة لغه عربيه

[الإســناوى]

المعلق = المعلك
مابيغلتش= مابيغلطش من الفعل غلط المقصود بيه الفعل خطأ يخطىء فهو خاطىء ( إسم الفاعل )
عارفين ليه الألمان أصبحوا أقوى وأرقى شعب فى الدنيا والأكثر تقدما وغنى
لأنهم أول مافعلوا الإعتزاز بلغتهم ومن المستحيل التحدث بغير لغتهم خارج أو داخل بلادهم إلا إذا ضاقت بهم الدنيا ..
والإنجليز جعلوا لغتهم هى سيدة اللغات فى الدنيا
ومن هنا تستطيع المقارنة بين اليورو بالألمانى (المارك سابقا) والإسترلينى من ناحية وباقى العملات من ناحية أخرى
وكذلك الإختراعات والإبتكارات الألمانية والإنجليزية فى العصور الوسطى التى قلبت الدنيا
والعرب استهزأو بلغتهم التى هى لغة القرآن فغرقوا هم وضاعوا مع أن لغتهم لم ولن تضيع حفظا من الله لأنها فى النهاية لغة أهل الجنة
وليس موضوع إيه يعنى غلط فى حرف وواحد تانى يقولك معليهش أصله ماعرفش أبصر إيه
من فقد أو استهزأ بلغته أصبح هو وضيعا وليس متواضعا
وفى النهاية قال إيه بيتكلم لغات لأنه اتعلم كلمتين طليانى ولا هندى علشان ( يكولوا عليه مثكف ) وهو هو لايعرف أنه أجهل من دابة بفقدانه أم اللغات (العربيـــــــــــــــــــــــــــــــــــة)

[hosine_eg]

الحقيقة الالمان اتقدموا علشان مابيضيعوش وقتهم فى التريقه على الناس والتعليق على التفاهة مش علشان اهتموا بلغتهم واى حد اتقدم اكيد كان بيترفع عن الاستظراف والتفاهة

[hobsat]

شكرا للناس اللى ردت واتمنى يكون احمد الجزار اتعلم الدرس ولو على الاخطاء مستعد اجمع اخطاء احمد الجزار فى جميع مشاركاته واعمل بيها موضوع بس انا اكبر من كدة بكتير