المساعد الشخصي الرقمي

مشاهدة النسخة كاملة : سؤال بخصوص وقف المعاش

حمادة ونور
2014/07/16, 04:02 PM
السلام عليكم

دلوقتى انا عندى 20 سنة وكنت باخد معاش انا ووالدى اللى هو بتاع والدتى الله يرحمها لكن دلوقتى كمان والدى اتوفى ولما روحت التأمينات اخدوا منى ورق وقالو هيوقفوا المعاش لحد لما نجيب واصى عليا لان سنى 20 سنة يعنى قاصر وروحت المحكمة وعينت واصى عليا وقالولنا ان الجلسة هتبقى يوم 2 سبتمبر لكن هنروح بعدها بيوم عشان نستلم الورق

دلوقتى انا عايز أرجع المعاش تانى لان ده مصدر دخلى الوحيد وانا قاعد فى ايجار جديد

ثانيا : هل لما قالولى المعاش اتوقف هل كدة المعاش بتاعى انا ووالدى اللى اتوقف ولا معاش والدى بس علما ان احنا الاتنين كنا بناخد معاش واحد مع بعض لكن الفيزا كانت بأسم والدى لانه يعتبر الوالى الطبيعى
حمادة ونور
2014/07/18, 12:00 AM
أرجو الرد ؟
abosalaten
2014/07/18, 01:30 AM
كنت تحصل معاش عن المرحومة والدتك بصفتها صاحبة معاش فكان نصف المعاش لوالدك والنصف الاخر لك وبعد وفاة والدك يؤل معاش والدتك لك كمستحق وحيد فتحصل على ثلثين المعاش ويصرف لك بناء على قرار الوصاية لحين بلوغك سن الواحد والعشرون طالما ان اسباب الصرف منطبقة ولم تلتحق بعمل يستمر حتى الرابعة والعشرون للمؤهل المتوسط والسادسة والعشرون للمؤهل العالى
حمادة ونور
2014/07/18, 01:45 AM
كنت تحصل معاش عن المرحومة والدتك بصفتها صاحبة معاش فكان نصف المعاش لوالدك والنصف الاخر لك وبعد وفاة والدك يؤل معاش والدتك لك كمستحق وحيد فتحصل على ثلثين المعاش ويصرف لك بناء على قرار الوصاية لحين بلوغك سن الواحد والعشرون طالما ان اسباب الصرف منطبقة ولم تلتحق بعمل يستمر حتى الرابعة والعشرون للمؤهل المتوسط والسادسة والعشرون للمؤهل العالى

طب انا مش فاهم النقطة دى

لما روحت قدمت الورق فى التأمينات بخصوص وفاة والدى لان طبعا الفيزا كانت باسمه الموظفة اللى هناك قالتلى ان كدة المعاش هيقف لحد ما اجيب واصى

هل تقصد بأن المعاش يقف معاشى انا ووالدى ولا معاش والدى فقط
abosalaten
2014/07/19, 01:01 AM
تم وقف المعاش بالكامل لحين تقدمك بوصى وكذلك تعديل معاشك من النصف الى الثلثين
حمادة ونور
2014/07/19, 01:49 AM
تم وقف المعاش بالكامل لحين تقدمك بوصى وكذلك تعديل معاشك من النصف الى الثلثين

طب دلوقتى انا عشان اقدم واصى للتأمينات لسة على شهر سبتمبر وطبعا التأمينات عقبال ما هتاخد وقت ممكن شهر على الاقل عشان تبدأ تصرف المعاش من أول وجديد

وبصراحة مش عارف اعمل ايه لان ده مصدر دخلى الوحيد

مفيش طريقة تكون اسرع من كدة

لان حتى لو اشتغلت فشغلى مش هيكفى الا الاكل والشرب بس علما بأنى ساكن فى ايجار جديد + مصاريف الكهرباء والمياه والغاز
abosalaten
2014/07/20, 01:25 AM
لابد من وجود وصى
حمادة ونور
2014/07/20, 01:54 AM
لابد من وجود وصى

طب انا قدمت واصى للمحكمة وقالو ان الجلسة لسة يوم 2 سبتمبر لكن احنا هنروح يوم 3 سبتمبر

مش ممكن نقدم الميعاد ده شوية