طلب ضرورى بالنسبه لشاشات سامسونج

[momo0]

انا النهارده جبت شاشه سامسونج LED 40 بس بعد ما جبتها لاقتها صنع فى مصر
فهل يوجد عيب فى الشاشات المصريه ؟؟
و هل يوجد صناعه تانيه احسن من المصرى اقدر اجبها ؟؟
و ارجو الرد فى اسرع وقت عشان لو المصرى وحش ارجعها؟

[karem magdy]

المصرى ده متصنع فى محافظة بنى سويف المنطقة الصناعية بكوم ابو راضى بالواسطى وتحت اشراف ناس كوريين والتجميع بس اللى هنا بايدى مصرية ومبروك عليك

[modasab]

مبروك عليك

كل الشاشات اللى فى مصر ( صنع فى مصر )

إلا بض الشاشات السونى و الباناسونيك صناعة ماليزية اواندونيسية لكن اسعارها مرتفعة و فى اماكن محددة

سامسونج ال جي توشيبا ترونادو و الباقى كله صنع فى مصر
فلا تفكر فى رجاعها الا اذا كان تمنها مغالى فيه اعتقد انها لو عادية LED بتكون فى حدود 4000 بتزيد 500 لو سمارت و تزيد 1000 لو 3D

فتوكل على الله و علقها كويس و حافظ عليها و احترس جداً من القطع المستمر فى الكهرباء


ربنا يهنيك بيها و تسخدمها فيما يرضى الله

[momo0]

شكراااا جدا ليكو يا رجالة المنتدى العظيم
والله يبارك فيكو عقبالكو :D

[محمد فتحى الطباخ]

مبرووووووووووووووووووووووووووووووك

[كيمو 10]

الف مبروك عليك ياغالى

[bebo606]

عندي شاشة سامسونج 40 ونوعها u40 H 5100 Full HD

بسم الله ما شاء الله روعة وصورة خيالية وصوت مالوش حل وخاصة طبعا في القنوات ال hd

الشاشة فوق الممتاز لا تقلق من صنع في مصر ليس كل ما صنع في مصر سيئ

مبروك على حضرتك الشاشة

[momo0]

الله يبارك فيكو يا رجاله :)

[كرم الشيخ]

عندى شاشة 43 سا مسونج كنت معتقد انها ممكن تشتغل ع الكيسه بس للاسف لايوجد بها مخرج لكابل الداتا فهل في حل انها تشتغل كا شاشة كمبيوتر ايضا

[جلال3]

ممكن يااخ كرم لو كارت الشاشة في الكيسه فيه مخرج (hd) توصلها بوصلة اتش دي لان الشاشة طبعا بيها مدخل اتش دي وبالتوفيق ان شاء الله

[كرم الشيخ]

ممكن يااخ كرم لو كارت الشاشة في الكيسه فيه مخرج (hd) توصلها بوصلة اتش دي لان الشاشة طبعا بيها مدخل اتش دي وبالتوفيق ان شاء الله

الكارت مافيش فيه مخرج(hd)
ممكن يكون فيه كابل من اتجاه hdوالاتجاه الاخر زى كابل الداتا اللى بيركب ف الكيسه ووصل الاتش دى ف الشاشة والاتجاه الاخر ف الكيسة
ياترى ينفع ؟

[mahmoud_zahran]

متقلقش يا باشا كويسه ان شاء الله انا عندي زيك