تشغيل البوزشنر مع الريسيفر ا حماد و الخبراء

[modasab]

السلام عليكم و رحمة الله و بركاته

ا حماد اشتريت البوزشنر و ركبته و الماتور شغال تمام

حاولت كتير اضبط الريسيفر مع البوزشنر عشان يجيب الاقمار معرفتش

الطبق واقف علي النايل و رغم تحرك الطبق لكن القنوات برضه شغاله

هل ممكن اعدادت الريسفر لو سمحتو


ا حماد معلش معرفتش اكتب في الموضوع التاني لان الصور كبيرة اوي بتبوظ الصحفة
معلش لو ممكن تمسحها

البوزشنر بيجيب كتير العلامة دي E - 2

[حماد]

اولا : ياغالى ممنوع مناداة شخص باسمه .. حتى لا تعرض موضوعك للايقاف او الغلق..

بص يا غالى .. هل المدار عندك مضبوط اولا .. يعنى من الهيسبسات 30غرب الى ابيستار 74شرق..

لو مش مضبوط تفضل .. اضبط المدار بالطريقةة اللى تعجبك ..

اقوى الطرق لضبط المتحرك.. (http://www.masrawysat.com/vb/showthread.php?t=1431110)

وبعدين لما تضبط المدار تضبط الاقمار بالترددات دى..

اقوى الترددات لجميع الاقمار. (http://www.masrawysat.com/vb/showthread.php?t=1387249)

اخيرا .. الماتور له اربع اطرف .. طرفين سنسور وطرفين تحريك.. وايضا وحدة التحريك كذالك..

اولا: هاتوصل الــm1 m2 فى وحدة التحريك من الخلف .. ونفس السلكين فى الماتور.. ويفضل تجيب سلك كهربا 1ملى او 2 ملى..للماتور ..2طرف..

وتجيب اى سلك تليفون للسنسور.. وتوصلهم فى البوزشنر ايضا .. والماتور..

http://im51.gulfup.com/8ZO2ea.jpg


ولو رفعت صور للبوزشنر بتاعتك نشرح لك عليها افضل..

بالتوفيق ان شاء الله..

[modasab]

اوك ياغالي معلش تقدر حضرتك تعدل العنوان


اعتقد التوصيلات سليمة لان الطبق بيتحرك والماتور بيفرد عالاخر وبيلم

كمان الطبق متوجه اكيد صح لان هو في نفس العمارة راكب و قاعدته سليمة و ثابت جدا
فهو كان محتاج البوزشنر بس

للاسف مع اللعب الكتير الطبق رفع اوي لدرجة ان دراع الماتور طلع كله
و البوزشنر مش قادر يلمه

هحاول افك الماتور و أدخل دراعه و اركبه تاني

بس محتاج حضرتك تقول لي ازاي اعمل كده
و ايه هي اعدادت الريسيفر و الحفظ علي البوزشنر

الريسيفر ترومان 555

واكون شاكر لك جدا

[حماد]

نوع البوزشنر ايه لو سمحت..

[russia199]

أخى الكريم
أوعى تفك الماتور وتلفة وترجعه بأيدك
أحسن حاجة شوف أحد من زملائك
يطلع عند الطبق وأنت تحت بتحرك الطبق بواسطة وحدة التحريك
وصاحبك فوق عند الطبق بيساعد الطبق أنه يرجع لمكانه
بدون فك الماتور
يارب تكون الفكرة وصلت

[modasab]

صباح الخير ا حماد

البوزشنر نوعه سوبر جاك لونه سيلفر

به 4 ماخذ للسلوك

وصلت السلكين ذات الشعيرات الاكثر و الاسمك للموتور
والسلكين الاقل للسينسور

واشتغل الماتور و حرك الطبق بس حدثت المشكلة اللي عرضتها علي حضرتك فوق

[modasab]

حبيبي روسيا شكرا لتواجدك

حاولت اساعد الماتور في النزول بالطبق

بس مقدرتش جامد اوي

[modasab]

دي صور البوزشنر

http://www9.0zz0.com/2014/08/09/01/526741956.jpg

http://www9.0zz0.com/2014/08/09/01/327420350.jpg

[حماد]

صباح الخير ا حماد

البوزشنر نوعه سوبر جاك لونه سيلفر

به 4 ماخذ للسلوك

وصلت السلكين ذات الشعيرات الاكثر و الاسمك للموتور
والسلكين الاقل للسينسور

واشتغل الماتور و حرك الطبق بس حدثت المشكلة اللي عرضتها علي حضرتك فوق

حبيبي روسيا شكرا لتواجدك

حاولت اساعد الماتور في النزول بالطبق

بس مقدرتش جامد اوي

جامد ازايى ... لو تعرف تفك علبة الماتور هتلاقى مسمار تقريبا 12 ا 13 ماسك علبة الماتور بدراعى الحركة الخارجى.. فكه . هتلاقى صليبة بداخل الدراع الداخلى امسكها ولفها .. بايدك او كماشة او بنسة.. براحتك وهايرجع الماتور لاصله ان شاء الله..

[russia199]

يا أخى الكريم بقولك أيه
واحده واحده مع الطبق وفى نفس ذات الوقت الذى بتحرك فيه
البوزشنر بيكون صاحبك بيرفع الطبق لحد ما يرجع لمكانه
بعد ما يرجع شويه أنت بتقدر تتحكم فى الطبق بواسطة
البوزشنر

[modasab]

جامد جدا يا غاليين

ابن اختي تحت بينزل من البوزشنر و انا فوق بشد جامد في الطبق لتحت
من دراع الماتور شوية و من حديد الطبق شوية
لكن منزلش

طب سؤال لو سمحتو هي طريقة انزال الماتور من البوزشنر ازاي
اضغط علي انهي سهم


استاذنكم لصلاة الفجر

[حماد]

نفس اللى عندى ايضا بس اللى عندى دخلت على 10 او 12 سنة..

http://im45.gulfup.com/u4AYW9.jpg

http://im45.gulfup.com/GMYJtE.jpg

بالتوفيق..

[حماد]

جامد جدا يا غاليين

ابن اختي تحت بينزل من البوزشنر و انا فوق بشد جامد في الطبق لتحت
من دراع الماتور شوية و من حديد الطبق شوية
لكن منزلش

طب سؤال لو سمحتو هي طريقة انزال الماتور من البوزشنر ازاي
اضغط علي انهي سهم


استاذنكم لصلاة الفجر

بص يا غالى حاول تبص على الليمتد لو مقفول حاول تفتحه...

طريقة فتح الليمتد.. وان كان ده احتمال بعيد..


اضغط هنـــــــا (https://www.youtube.com/watch?v=Nbsy1nNxprU&feature=youtu.be)

وطريقة ارجاع لماتور.. بيكون من خلال الاسهم الاربعة اللى موجودين اسفل الريموت.. اختار السهم لتحت او على المين لارجاعه مرة اخرى الى النايل ..

[modasab]

اوك ا حماد
يعني السهم يمين و السهم لتحت مسئولين عن الانزال يعني اقمار الغرب
والسهم لفوق و شمال مسئولين عن الرفع و اقمار الشرق

باذن الله هطلع ارجعه لاصله

باحدي الطرقتين و موضوع فتح المدي هشوفه لما انت تقول لي طريقة اعدادت الريسيفر

ازاي ابحث و ازاي اثبت الاقمار علي البوزشنر

تعبتك انا عارف بس انت عارف انا بتحدي بيكم الناس هنا ان انا هقدر اظبط الطبق عن طريق مصراوي سات بدون الحاجة لفني تركيب

ربنا يوفق

شكرا يا حضرة المشرف ربنا يزيدك من نعيمهـ

[حماد]

اوك ا حماد
يعني السهم يمين و السهم لتحت مسئولين عن الانزال يعني اقمار الغرب
والسهم لفوق و شمال مسئولين عن الرفع و اقمار الشرق

باذن الله هطلع ارجعه لاصله

باحدي الطرقتين و موضوع فتح المدي هشوفه لما انت تقول لي طريقة اعدادت الريسيفر

ازاي ابحث و ازاي اثبت الاقمار علي البوزشنر

تعبتك انا عارف بس انت عارف انا بتحدي بيكم الناس هنا ان انا هقدر اظبط الطبق عن طريق مصراوي سات بدون الحاجة لفني تركيب

ربنا يوفق

شكرا يا حضرة المشرف ربنا يزيدك من نعيمهـ

بص يا سيدى..

انت مثلا واقف على القمر نايل سات 7غرب .. هاتسجله ازايى..
عندك فى ريموت الوحدة زرار اسمه store اضغط عليه شوية وخليك ماسكة لغاية ما يعد العد التنازلى وبعدين يديك مؤشر ينور ويطفى . لما يعمل كده.. تضغط على اى رقم من الريموت وليكن رقم 1 وتضغط اوك .. وبكده تكون سجلت الناسل سات على الرقم 1.. وبعدين لو حبيت تطلع مثلا الى الاموس4غرب.ز يبقى تحرك الماتور برميوت الوحدة شمال ايديك ناحية الشرق.. ولما تلتقط الاشارة تقف وتعمل نفس الخطوات اللى عملتها فى النايل.. بس تكتب رقم تانى ييعنى مثل ا 2 ا 2 وهكذا ...

بالتوفيق..

[modasab]

السلام عليكم

بعد ما رجعت الماتور لحالته البوزشنر مش راضي يشتغل
اي ضغطه شمال او يمين بيجيب ايرور E2

حاولت كتير مع علبة الماتور ولا فايدة

فتحت علب مواتير تانية و قارنت التوصيلات و المسامير كله تمام

عملت ريسست و كل حاجة ممكنة غيرت الليميت و رجعته ولا فايدة

دا ايه بقا الماتور اتحرق ولا ايه

[حماد]

زيت دراع الحركة الداخلى يا غالى.. ثم تاكد من وصلاتك مرة اخرى..

تشحيم الماتور بشكل بسيط.. (http://www.masrawysat.com/vb/showthread.php?p=7260549#post7260549)

[tarekelsaka78]

السلام عليكم و رحمة الله و بركاته

ا حماد اشتريت البوزشنر و ركبته و الماتور شغال تمام

حاولت كتير اضبط الريسيفر مع البوزشنر عشان يجيب الاقمار معرفتش

الطبق واقف علي النايل و رغم تحرك الطبق لكن القنوات برضه شغاله

هل ممكن اعدادت الريسفر لو سمحتو


ا حماد معلش معرفتش اكتب في الموضوع التاني لان الصور كبيرة اوي بتبوظ الصحفة
معلش لو ممكن تمسحها

البوزشنر بيجيب كتير العلامة دي E - 2

عنوان الموضوع مخالف و ذلك لمناداه شخص بعينه
ارجو عدم تكرار مثل هذه العناوين
مغلق