مع انقطاع الكهرباء المتكرر أرجو الدخول

[liverpooly1]

السلام عليكم


طبعا الكهربا دلوقتى بتقطع اكتر ما بتشتغل اول ما تشتغل ما تقعدش ساعة او ساعتين وتقطع تانى يعنى بصراحة الواحد مبقاش عارف يعمل اية وهنفضل كدة لغاية امتى ؟؟

طبعا الدورى الانجليزى خلاص كلها يومين ويبدأ وطبعا مع الانقطاع المتكرر مستحيل اى حد هيكمل ماتش كامل ولو كمل مستحيل يلحق الماتش اللى بعدة
-- ده غير الحر وقرفه ربنا يرحمنا برحمته .

دلوقتى بعد بحث على النت لقيت افضل الحلول وارخصها لتشغيل الكهرباء اثناء الانقطاع هو المولدات ولكن مع طمع التجار الحاجة اللى ب500 بقت ب 2000 ويمكن اكتر

وانا بدور لقيت حاجة كويسة ورخيصة انفرتر 500 وات -- ودة يقدر يشغل تليفزيون وريسيفر ومروحة وكام لمبة موفرة او كمبيوتر ومروحة وكام لمبة موفرة .
بس عشان يشتغلو لازم بطارية عربية 12 فولت توصل ب الانفرتر
ودة فيديو لشكل الانفرتر وطريقة عمله

https://www.youtube.com/watch?v=ufpCCjyrHjU

انا لقيت الانفرتر بسعر 280 جنيه ؟ هل انا اتخميت فى السعر دة ؟
بطارية 12 فولت سعرها يكون فى حدود كام ممكن حد يقلى عشان متخمش فى سعرها .

اتمنى ان يستفيد الجميع من الموضوع .

[صقر الجبل]

شكرا ياغالي على الموضوع بالفعل الانفرتر افضل الحلول لانقطاع التيار الكهربائي والسعر مناسب نواع ما نحنا بسوريا منستعمله من زمان بسبب وضع الكهربا من الحرب أفضل شي تشتري بطارية جافه سعرها عنا حوالي 20000 ليرة سورية ما بعرف كم بعادل بالمصري بس البطارية بتدوم حوالي 5 ساعات تقريبا شي راااااااااااااااااااااااااائع وسعر الانفرتر عنا ال 1500 واط تقريبا 4000 يعني تقريبا 20$

[ahmedramadan123]

في انفرتر هندي سعره 1750 جنيه

[ميدووو باشا]

على رأيك والله
الواحد دلوقتى لو كمل ماتش من اوله لاخره يبقى عمل انجاز
يلا ربنا يصلح الحال

[hamdyafify2000]

شكرا ياغالي على الموضوع

[عصام عريان]

بص علشان تجيب انفرتر هاتجيب انفرتر من الغالى علشان يديك تيار ثابت يعنى حوالى من 1500 حتى 2500 حسب القدرة لكن لاانصح بالنوع الرخيص لاننى جربته ومكملش 6 شهور وباظ وصعب تصليحه لان محدش سمع عنه كتير وتجيب بطاري عربيه 150 امبير علشان تطول معاك يعنى تقريبا الحسبه هتدخلها فى 3000 او 4000

[ali_dev]

وكيف اقوم بشحن البطارية

هل الانقرتر يقوم بعمل شحن ايضا غير تحويل ال ١٢ فولت الي ٢٢٠

رجاء التوضيح

حسب معلوماتي انه يلزم تونجر لشحن البطارية

ما سعره وهل هو مهم في حالتنا

[محمد فتحى الطباخ]

http://www9.0zz0.com/2014/08/14/23/745280510.gif

[مصطفى جمال المغربى]

كلها حلول ولكن مشاكلها كثيرة وصعب تصليحها

[عماد رياض]

يا لهوى معقولة نبقا فى القرن 21 وبنفكر ازاى ننور الكهرباء بجد حاجة غريبة المفروض نفكر ازاى نخلى سرعة النت 24 ميجا ازاى ندخل الشقة نقول للنور نور ينور مش ازاى نشوف طريقة تنور بها بجد حاجة تحزن

[Emad29]

الف شكر على الموضوع المفيد والكهرباء عاملة مشكلة

[sayedtop77]

سيبك من قطع الكهرباء انتو متعرفوش انكو نور عنينا ولا ايييييييييييييييييههههههههههههه دا مصر هتبقى اقد الدنيا ههههههههههههه

[عمرو الحنش]

الكهرباء عاملة مشكلة

[علاوى البراوى]

ربنا يستر دى الايام الجاية
شكلها هتبقى ايام سودة

[عبدالموجودبك]

طايب مالواحد يجيب محطة كهرباء خاصة افضل من وجع الدماغ دى(مولد كهرباء 5ك.واط)

[الامبراطور محمد]

ربنا يستر دى الايام الجاية
شكلها هتبقى ايام سودة

هى لسه هتبقى !
مصر انتهت خلاص قولنا فى امل بعد تولى السيسى لكن الظاهر المشكلة مش فى الرئيس وكمان مرسى ومبارك ملهمش ذنب ولا عدلى منصور كمان الكارثة فى شعب فسدت أخلاقة بالكامل ونسيت أن الله موجود وفى أخرة وفى عقاب ونيسنا الدين ولا نعمل بكتاب الله وسنة رسوله للاسف أنا محبط جدا حاسس انى مفيش فايدة واننا دخلنا عصر لا يعرف الظالم من المظلوم و القوة للظلم والفساد والقوة وناس تموت بدون ذنب ولا نعرف لماذا تقتل والمساجد اصبحت خالية من المصلين الا فى يوم الجمعة والأسرة اصبحت مفككة ولايوجد تربية ولا تعليم
وأخيرا تبدأ الحرية حين ينتهي الجهل لأن منح الحرية لجاهل كمنح سلاح لمجنون .

[لوروا]

يا اخ عماد انت فى مصر لسه بدرى شويه على الكلام ده وممكن الصين تعملها سهله اما عن البطاريه والانفرتر هيا لها ميزه(بدون صوت) وعيب (سمعت انها لما بتبوظ تترمى )(الله اعلم)

[السويدى55]

راااااااااااااااااااااااااااائع اخى الكريم

[data2008]

احنا نجيب مولد كهرباء زى بتاع الافراح ونعمل منه وصلات للبيوت زى وصلات الدش
ونلم منهم الاشتراك ايه رايكو
ههههههههههههههههههههههههههه
الانفرتر مش عملى زى المولد

[liverpooly1]

هى لسه هتبقى !
مصر انتهت خلاص قولنا فى امل بعد تولى السيسى لكن الظاهر المشكلة مش فى الرئيس وكمان مرسى ومبارك ملهمش ذنب ولا عدلى منصور كمان الكارثة فى شعب فسدت أخلاقة بالكامل ونسيت أن الله موجود وفى أخرة وفى عقاب ونيسنا الدين ولا نعمل بكتاب الله وسنة رسوله للاسف أنا محبط جدا حاسس انى مفيش فايدة واننا دخلنا عصر لا يعرف الظالم من المظلوم و القوة للظلم والفساد والقوة وناس تموت بدون ذنب ولا نعرف لماذا تقتل والمساجد اصبحت خالية من المصلين الا فى يوم الجمعة والأسرة اصبحت مفككة ولايوجد تربية ولا تعليم
وأخيرا تبدأ الحرية حين ينتهي الجهل لأن منح الحرية لجاهل كمنح سلاح لمجنون .

كلامك مزبوط جدا
للاسف هيا دى الحقيقة اللى مش واضحة عند كل الناس .
لو كل واحد صلح علاقته بربنا مش هنحتاج اصلا لحد يحكمنا .