للتسليه فقط : كل واحد يقول هو منين والنور بيقطع عنده قداايه

[data2008]

للتسليه فقط : كل واحد يقول هو منين والنور بيقطع عنده قداايه
اهو نفك عن نفسنا شويه
هبدأ بنفسى
المكان / شبرا الخيمه قليوبيه
بيقطع بمعدل 3 مرات فى اليوم كل مره ساعه
مره حوالى 10 الصبه ومره 4 العصر ومره 9 بالليل
يعنى فطار وغداء وعشاء .............وربنا يستر علينا

[rocky2]

انا من زفتى محافظة الغربية النور بيقطع ست مرات كل مرة حوالى من ساعة ونصف الى ساعتين يرضى مين دة واللة حرام اللى بيحصل لينا دة بس نشكى لمين

[data2008]

انا من زفتى محافظة الغربية النور بيقطع ست مرات كل مرة حوالى من ساعة ونصف الى ساعتين يرضى مين دة واللة حرام اللى بيحصل لينا دة بس نشكى لمين

الشرقيه والغربيه الله معاكم اسمع انه بيقطع اكتر ما بيشتغل

[علاء 00]

من قرى محافظة الاقصر بيقع من 3 الى 4 مرات يوميا وكل مرة ساعة

[adamaya]

انا من المنوفية هو مش بيقطع هو بيجى 40 دقيقة ويقطع ساعتين

[hamdy]

ارياف طنطا بيقطع تقريبا 7 مرات فى اليوم وكل مره بيقطع من ساعه ونص الى ساعتين ولما بيرجع بالسلامه بيقعد حوالى ساعه او ساعه ونصف مش اكتر واخر مره بيقطع فيها الساعه 1 او 2 بالليل ويرجع تانى حوالى 3 ونص الفجر
حسبى الله ونعم الوكيل

[Omar Ismail]

انا الحمد لله مش بيقطع عندى ولا دقيقة واحنا منطقه واحدة بس فى الجمهورية كلها اللى كدا
هعهعهع والله مش بيقطع ولا دقيقة الحمد لله

[حسن عوض]

انا من الاسكندرية باكوس الرمل بيقطع اربع مرات ولازم الاولى تتعدى 2 ساعة ام المرات القادمة ساعة واحدة والراجل بتاع المحطة عنده ضمير شوية الساعة عنده 60 دقيقة بالتمام

[dahab sat]

انا من دهب مدينة سياحية --- الكهرباء شغالة 24 ساعة

[mmedia_masr]

الحمد لله النور لا يقطع عندنا فى البحيرة

[وليد حبى]

المنصورة بيقطع 3 او 4 مرات يوميا كل مرة ساعة بالتمام

[mido_funy99]

انا من كفرالشيخ النور بيقطع اربع مرات كل مره ساعه ونص فى اوقات زى الزفت وايام اكتر من 5 مرات

[rmdnamar]

ارياف الغربيه ساعه وساعه وعلى كده كل يوم

[KING-H]

من سوهاج

النور بسم الله ما شاء الله النهارده لحد دلوقتي قاطع 5 مرات كل مرة ساعة او ساعة ونص ... ولسه هيقطع 3 مرات تانى

حسبي الله ونعم الوكيل

[almazlom2020]

سوهاج بيقطع من 4 الى 5 موات يوميا المرة الواحدة ساعة

[الامبراطور محمد]

انا من سوهاج بيقطع مرة او مرتين فى اليوم ولمدة ساعة ويوم فى الاسبوع مبيقطعش

[mohsen ph]

3 مرات بحوالى 3 ساعات + برج ضغط عالى اتولع فيه اليوم
من الدقهليه

[ahmedv92]

انا من مطروح والحمد لله لا يقطع عندنا

[♥MR.IbRaHiM♥]

حسبي الله ونعم الوكيل

[hmada_611]

انا من الاسماعيلية مناطق مناطق بيقطع فيها النور فية كتير وفية قليل
يعنى انا شغلى فى السلطان حسين بيقطع مرة وحدوة بس فى اليوم و10 دقائق
وساكن فى مساكن عابدون بنفيشة بيقدع مرة ساعة ومرة ساعتين