فكرة جديدة بمليار جنية مطلوب مناقشة الاعضاء و المشرفين و ذلك لكسر القنوات المشفرة *** - orbir - show time - art

[undertaker2040]

فكرة جديدة بمليار جنية و ذلك لكسر القنوات المشفرة *** - orbir - show time - art

احياء فكرة الدونجل و لكن بطريقة اخرى **** بث صوت وصورة بدل من ****** عن طريق الدونجل

المميزات .. البعد عن النت و فصولة البايخة اى **** و لكن عن طريق القمر الصناعى .. الدونجل ..

[KARKOR07]

شغال للخبراء واعطاء رايهم

[moamenmma]

الفكرة فاشلة
عشان لو بدنجل حيكون ده مصدر سهل يوصله المرتزقة الي مشغلينهم الاو اس ان وابوظبي والبي ان سبورتس
عن طريق الهاش كود خلاص كدة كل تعب سنة حيضيع في ثانية
الحل هو شيئ من الاتنين
يا هما يلاقو حل للهاش كود وهو ضبط كمبيوتر لكل قناة يشوش عالهاش كود لو ظهر في اي مكان عالشاشة وده حل صعب ومؤقت عشان في طرق كشف جديدة بتطور مش معتمدة عالهاش كود وطويلة شرحها وده مش موضوعنا
الحل التاني هو الشيرنج وده احسن طريقة لحل مشكلة الهاش كود ولازم نستنا لغاية ما يكسرو حماية كل الاجهزة ويلاقو طرق عشان يخلو الاجهزة متقفلش ويلاقو ثغرات مستحيل غلقها الا لما يغيرو النظام كامل وده محدش يعرف هما وصلو للمرحلة دي ولا لا
وكمان لازم نستنا اخر السنة عشان اول جهاز من الجيل الرابع ينزل وفي كلام انه يقدر يكسر كل باقات التزاوج بكل سهولة

[undertaker2040]

طيب ممكن اخذ مثال مثلا اخذ صورة و صوت من احدى القنوات *** كخارج ثم اشفرها بنظام تشفير اخر يمكن فكة و كسرة و ارسلة الى الريسيفر الاخر

[moamenmma]

انت كدة محلتش حاجة
زي ما في ناس حايجي تشترك في خدمتك او حيعرفو ازاي يكسرو التشفير حيبقا في جاسوس في النص ممكن يبقا زيي وزيك ويعرف الطريقة وبالهاش كود كل تعبك حيضيع
انا قلت الحل المؤقت هو التشويش على الهاش كود الي بيظهر وده عمليا ناجح بس صعبة شوية عشان لازم كمبيوتر يراقب كل قناة غير انه حيبقا في تاخر في الاشارة
انسا طريقتك دي تعمل حاجة... لولا انه سيرعرات اي بي تي في كتيرة مكنتش حتلاقي الاي بي تيفي شغال لغاية دلوقتي
الحل في الشيرنج واستنا الفرج من عند ربنا .... يمكن القنوات دي انها تفضل مقفولة احسن لينا كلنا ( لان قنوات او اس ان محتوياتها اغلبها غير مناسب لسن تحت 18 سنة وضد ديننا ومجتمعنا الا الكام قناة الي بالعربي بس )
هو لو البي ان بس تتكسر تاني خلاص كدة مش محتاجين حاجة
وكل حاجة عالاو اس ان بتنزل عالنت بجودات عالية كانك بتتفرج عليها .

[amer66]

طيب يا تري اجهزه الجيل الرابع هتعتمد علي سرعه النت والايبي تي في ولا ايه النظام

[undertaker2040]

طيب ممكن اخذ مثال مثلا اخذ صورة و صوت من احدى القنوات *** كخارج ثم اشفرها بنظام تشفير اخر يمكن فكة و كسرة و ارسلة الى الريسيفر الاخر


و كمان و الله الموضوع دة من فكرتى علشان خلاص الواحد اتخنق مش عارفين نتفرج على حاجة و ****** مش عاوز تتنكسر بأمارة ابو ظبى و الاوربت انا بصراحة جالى احباط من الموضوع دة و قاعدين نتفرج على اى حل .. و انتو فاكرين ان **** نظام حلو دة فااااااااااااااااااااشل مش كل واحد فى استطاعتة ادخال نت 2 ميجا لوحدة فى الريسيفر ... و المشكلة الاخرى ان مش كل واحد فينا خبير فى الدش دة احنا مش عارفين نركب النيل سات نروح نركب اقمار الاذرى و اقمار اول مرة حتى بتوع الدش يسمعوها

انا عندى اقتراح جميل تم رفضةمن قبل من قبل المنتدى و هو تعيين فنيين متخصصين فى التركيبات و السوفتات بجميع المحافظات و يكونون تحت اشراف المنتدى و ذلك لمساعدة الناس على القيام بأعمال التركيبات

اولا انا من اسكندرية اخرهم نايل سات وعرب سات و اوروبى و w3
حتى بتوع الملك حفنى عندى .. طيب انا اعمل اية دلوقتى

[moamenmma]

انا زيك من اسكندرية ومش لاقي حد بتاع دش متخصص كلو يقولي اجيبلك نايل واروبي بس اما لما قلت لواحد عايز الهولندي يقولي فين ده
وبالنسبة لاجهزة الجيل الرابع دي حتستخدم لكسر حماية الريسيفرات الي بتستخدمها الشركات الي هي او اس ان وبقية الشبكات
والموضوع لسا محدش يعرف عنه معلومات كتيرة والمعلومات الي موجودة لغاية دلوقتي مش مؤكدة
وبالنسبة للهاش كود ده مش حيختفي لما انت تنقل الصورة نفسها عشان انت بتاخد الثورة الي طالعة من الريسيفر بكل حاجة موجود فيها يعني لو صاحب البث اتك وجاب القايمة انت حتشوفها
الحل الاحسن في الشيرنج
ومتفقدش الامل ... اي نظام عمله انسان حيكسره انسان ومفيش نظام كامل والكمال لوجه الله وحده
والفترة الي عايشنها دي زي فترة خروج نظام ايرديتو لاول مرة والي متعرفهوش انه نظام NDS اول مرة خرج فيها قعد سبع سنبن عشان يتكسر
الصبر ثم الصبر

[محمد الوالي]

اخواني
undertaker2040 وmoamenmma أنا فني تركيب و من أسكندريه وبصراحه معاكوا حق بالنسبه لحكاية الفنين اللي مش بيعرفوا يجيبوا أكتر من النايل سات و الهوت بيرد لأن معظم الفنيين دول جداد في المهنه لكن في فنين قدام ممتازين و لكن لا يتعدوا 2في المائه وعاوز أقولكوا ان أنا فني بقالي 18 سنه و أقدر أظبط الطبق ال 180 سم من قمر الهيسباسات حتي قمر ليمي 75 بالأضافه الي تركيب أقمار السي باند اللي عليها باقات المالتي تشويس . و قمر ال nss12 بتاع دهوك ما بياخودش مني أكتر من دقيقتين بعد تركيب القاعده وتجميع الطبق طبعا . و دي مش دعايا طبعا بس أنا عاوز أقول أن زي ما في اللي مش فاهم في بردوا اللي فاهم . بس بيكون غالي شويه هههههههه

[سعيد عاشور]

المناقشه بينكم انتوا الاتنين روعه والله افادكم الله

[undertaker2040]

ممكن من الاخ محمد الوالى التواصل عن طريق فيس او موبايل او اى شيئ انا محتاج حضرتك جدا جدا

[moamenmma]

يا استاذ محمد الوالي كلامك صح بس صعب اوي الاقي ناس بتفهم زيك والحمد لله انا بعرف اظبط اي قمر لوحدي بس انت في اي منطقة في اسكندرية ؟
انا محرم بك .... وانت يا اخ undertaker من اي منطقة انت ؟

[محمد الوالي]

انا حاليا مقيم في العامريه . هاتلاقي رقم الموبايل في الصفحه الاولي في اعلان علي منتديات الوالي تحت اسم محمد بيسو. وعلي الفيس بوك Mohamed elwaly

[undertaker2040]

انا ساكن فى الفلكى السيوف .. انا هضيف حضرتك على الفيس و ممكن التواصل لتركيب الاقمار الغريبة دى .. اذرى هولندى عرب سات صغير تركى