شكرا بين سبورت

[عــادل محمد]

توضيح
احنا تعودنا على الشيرنج لهذا نحن نبحث عن المجانى
وبالرغم من عدم احترامى لباقة الجزيرة سياسيا
ولكنها باقة ناجحة جدا مهنيا على جميع المستويات لما تملكه من مقومات تساعدها على النجاح.
انا وغيرى نتمنى كسرها على الشيرنج قريبا
...........................................

[zarzora55]

فعلا شكرا بين سبورت حرمت المشجع العربي من اقل شئ مثل الدوري الالماني الذي كان يبث مفتوح وبطولات افريقيا واسيا دا غير كاس العالم

وتقولي ب 85 جنيه في الشهر ؟؟
معلش انت قادر تدفع 85 جنيه في الشهر
غيرك مش قادر

معلش ايام الاي ارتي افضل 1000 مره وكنا نشاهد كل البوطلات بالاضافه الي المصارعه ب10 جنيه بس لو تتذكر ايام الوصله

لاكن انا حبيت اوضح وانا ف مقدرتي اجيب بدل الجهاز اتنين

لاكن اشاهد بتعليق عربي دون الحاجه للاستغلال هيجي اخر الموسم ويقلك اشترك ع شان تكمل :(

[hoda_krakech]

اولا الكورة مش شئ اساسي في الحياة يعني لو هتصرف على اهلك و نفسك يبقى اولى
بس الموضوع يختلف من واحد ل واحد انا عملت حسبة كدة شوف انتا دخلك السنوي كام و شوف الاشتراك هيعمل كام في المية من الدخل دة
1-لو انتا مجنون كورة و عايز تتفرج على كل الماتشات لو النسبة ( 5 - 7 )% اشترك
2- لو انتا من النوع الي ممكن تتفرج على 3 او 4 ماتشات في الاسبوع لو النسبة (3- 5 )% اشترك .
3-لو انتا بتتفرج على الماتشات المهمة بس يعني 5 ماتشات في الشهر لو النسبة (.5 -1 )% اشترك .
غير كدة يبقى فاكس جدا و بلاش كلام قطر و كلام الي مش جايب همة دة

[modasab]

تجارياً أحترم إدارة الجزيرة لأنها بالفعل إدارة مهنية احترافية
على المستوى الرياضى الاشتراك بدون الجهاز ضئيل جداً على البطولات اللى محتكراها البين سبورت

و اللى واخد موقف من البين النهاردة يشوف لو الشبكة الاخرى اللى اندمجت مع مجموعة أبو ظبي لما ياخدوا دوريات مهمة السنوات القادمة هيكون اشتراكهم كام أو نوع تشفيرهم ايه او موقفهم ايه من القنوات التى تنقل من البين سبورت

بالفعل اتذكر مثال هنا امس عن ماهية البين سبورت و وصفها كانها مطعم للفقراء فى ثوب الأغنياء


انا مش مشترك و لن أشترك لان الرياضة ليست كل اليوم الرياضة ماتش او اتنين بالكتير فى الشهر لذلك البدائل كثيرة

الموضوع قابل للنقاش يا جماعة مش كل حاجة نقول سياسة و قاصدين يبهدلونا و يذلونا احنا شعب من ضمن مئات الشعوب العربية و الشرق اوسطية بلاش كل حاجة نقول اننا احنا المقصودين لأننا لسنا على الخريطة من الأساس و عايشين فى وهم كبير اسمه أم الدنيا

احنا صحيح بنحب بلدنا و نعشق ترابها لكن موهومين بحجمنا و ضحكو علينا كتير اوى فى التعليم و الاعلام عن مصر و مصر و مصر لكن صورتنا فى الخارج من اسوأ ما يكون المشكلة اننا مبنعترفش بكده لاننا سطحيين و مطبلاتية فى الفاضى

اقل الدول اتقدمت و اتنظمت إلا احنا العقول المميزة عندنا بتهرب و احنا مفيش اتنين فى البلد ممكن يجتمعو على رأي واحد

لنا الله و الله لا يغير ما بقوم حتى يغيرو ما بأنفسهم

صباحكم فل يا مصراويين

[خالدقدافى2]

قطراعظم دوله فى العالم على الاقل ربنا رزقهم مش بالحجم ولا بالعدد العدد فى اللمون المهم يكون فيه حريه وعداله اجتماعيه وكرامه انسانيه وحرية التدين فعلا شكرا بى ان سبورت مزيعين ومحللين ناس محترمه مش زى ال بيعدو للفجر يطبلو للظالمين ويستظرفو ويستخفو بعقول المصريين الغلابه وهما بياخدو ملايين حسبى الله ونعم الوكيل

[qassem]

لا شكر لباقة حقيرة بنت كلب
لا شكرا للكذابين المحتكرين
لا شكرا لموزة وحمد اللي عاوزين يخربوا بلدنا
لا شكرا لباقة تركت كاس العالم علي القمر اليهودي ليدخل كل بيت
لا شكرا للسفهاء التافهين
لا شكرا لجزيرة الشيطان

[نجم الليل]

والله برضة عمرى مدفع جنية للجزيرة
انا عندى النت سريع جدا
وبشوف اى ماتش على المواقع اللى بتبث من الجزيرة
ولاا رمشة عين ولاا تقطيع وتعليق عربى كمان
وكل دة ببلاش يبقى لية ادفع ربع جنية
وتسلم اخى على قولك الجملة دى
شكرا لباقة تركت كاس العالم علي القمر اليهودي ليدخل كل بيت

[Mohamed A Hasan]

صاحب الموضوع فاهم كويس انه بيعمل دعاية والاعضاء فاهمين وطالما انك تبع الجزيرة اتمنى توصلهم ان ما افسدته السياسة لا يمكن ان تصلحه الرياضة حتى لو تقدمون الخدمة بالمجان ما بالك انك محتكر ومغلي الخدمة على الفقراء وانا عارف انه مش بايدك واالقنوات الرياضية مظلومة بس ما تفعله القيادة السياسية والا ما احتجت ان تعمل دعاية ولكن مثلا عملائكم اللي المفروض تحترموهم شايفين علاء صادق ضيفكم اللي بيسب الجيش والشرطة والبلد اكثر من مرة على bein sport news كيف ان تتوقع ان يدفع الناس فلوس لمن يسبهم يوميا حتى وان كانوا مقتدرين ما بالك الفقراء :) ارجو ان تكون اذكى من كده :)

[ali.ahmed1973]

شكرا بين سبورت
وفرتي كل بطولات العالم في معظم الالعاب الرياضية
ولا يوجد عندك باقة اساسية وفرعية والهبل بتاع الشيخ صالح كامل الله لا يرجع ايامة
15 قناة اتش دي بكل الغات
استديو تحليلي منظم وبه الافادة كلها مش زي شلبوكة يقعد للفجر عشان يقولك شلبلب وشلبوكة وشلبوب
85 جنية في الشهر سعر قليل على كل البطولات دي
انا كنت مشترك في المجحومة ايه ار تي جهاز زبالة ب450 جنية ايام مكان الجنية جنية ولما الاشتراك يخلص الجهاز حتتة صفيح


الان جهاز كوري ب 430 جنية شيل حتى الكارت والقنوات المفتوحة شغالة
ممكن حد يقلي السنة قبل الي فاتت كان اشتراك ابو ظبي الرياضية كام ومكنش معاهم غير الدوري الانجليزي فقط
وايام مكان مع الشوتايم كان الاشتراك كام
يا سادة الاشتراك في الشوتايم الان ب500 جنية في الشهر يعني 6000 في السنة وممعهمش بطولة او دوري محترم
تخيل لو ان الشو تايم معها الحقوق دي كانت خلت الاشتراك كام
يا سادة 85 جنية يعني 12 دولار تقريبا تخيل لو ان الدولار ب5 جنية زي زمان
يعني 60 جنية في الشهر
المشكلة اننا بنسمع كلام مطبلاتية الاعلام المصري الخنزيرة الاحتكار عزبة قطر
انت يا ابو 90 مليون مزعتش كاس العالم لية زي جزر القمر والدول الي افقر منها
عشان معندكش فلوس وتطلع تضحك على الشعب بالشعارات الهبلة بتاعة الحتكار والكلام الاهبل ده
مثال بسيط ميدو من اكتر الناس الي كانت مع 30 يونيو ومن اكتر الناس الي بتشتم في قطر ومع كل ده لما ساب الزمالك راح يحلل الدوري الانجليزي
ده شغل واكل عيش
من حق دولة زي قطر انها تصنع لنفسها حضارة وتاريخ ممكن حد يقلي امريكا قبل 300 سنة كانت اية ومصر ام 7000 سنة ايه دلوقتي
ليه لما العرب بيشترو مثلا اندية عريقة الجماهير مبتعترضش وتقول العرب المتخلفين يشترو انديتنا العريقة ده شغل وتجارة
انا الحمد لله اشتركت مع اني كنت بتفرج على الشيرنج من 2009
بس انا حسبتها حسبة تانية انا غير مدخن والحمد لله ولو حبيت اقعد على قهوة عشان اشوف ماتش مهم مش اقل من 10 جنية لو لوحدك
3 جنية في اليوم وقاعد في بيتي وسط عيالي مرتاح وبشتراك شرعي
في بدايل كتير زي دهوك والاوربي وغيرها وكل واحد على قد ظروفة
ومحدش ظريف يطلع يقلي احتكار عشان مقلوش هتلي قناة واحدة مفتوحة على اي قمر بتزيع الدوري الانجليزي مثلا على المفتوح وشرعي
يا جماعة الرياضة صناعة كبيرة وللاسف نحن في الاخر كالعادة دفنين نفسنا في الرمل بص حوليك دوري زي السعودي ب700 مليون جنية في السنة وانت بايع للتفزيون المصري الحرامي ب70 مليون
الكلام كتير ومش هيخلص واكيد في كتير هيوفقني او يعارضني

كلام سليم وانا هشترك ان شاء الله فى اقرب فرصة

[احمد العمده 2010]

كلام تمام وانا الحمد لله مشترك شرعي

[dahab sat]

شكرا دولة قطر الحبيبة و الصديقة لكل الاحرار فى الوطن العربى

[محمد القن]

والله كلامك ممتاز وفعلا عندك حق بنعلق فشلنا علي نجاح غيرنا
وانا بحب بين سبورت لإنها باقه رياضيه ملهاش دعوه بالسياسه نهائي

[اليوفنتوس الكبير]

على فكرة انا معاك ان الاشتراك مش غالى لكن المشكلة انك لاتدفع 90 جنية شهريا كل شعر بشهرة لو كان كده كانت قولتك الاشتراك مش غالى لكن مطالب تدفع المبلغ على بعضها هو 1050 وده مبلغ كبير على ناس تطعها مرة واحدة لو عملو مثال زى اشتراك النت شهر بشهره ربما يشترك معهم ناس

[اليوفنتوس الكبير]

ام والكل يلوم على bein sport ان هناك بطولات كانت مفتوحة قبل ما تخذها bein sport ولاسف bein sport لاسف bein sport وشفرتها زى
1- كوبا لبيردووتادس- بطولات الاتحاد الاسيوى- الدورى الهولندى- الدورى البزريلى وتشفير اهم المباريات فيها ونفس الوضوع مع الدورى الارجنتى الدورى الفرنسى كان مفتوح قبل ما bein sport تحصل على حقوقها وطبعا فى بطولات كثيرة جدا لم تركها لكى تذاع مفتوحة رغم انها كانت مفتوحة واخير والكل يعارف الدورى الالمانى واغلبية هذه البطولات فى الحقيقة لاتجلب مشتركين فلماذ لايذيعون على المفتوح ارضاء لمشاهد العربى حتى بطولات التنس وبطولات العالم لفورملا الى كانت مفتوحة على ابوظبى اذا هم بيخذوا كم كبير لحصرية والتشفير واكثر هذه البطولات لاتسحق انت تدفع فيها فلوس

[هاني عامر2]

شكراااااااااا لكل من رد وشارك في الموضوع
على فكرة انا مبعملش دعاية للبين سبورت ولا انا مندوب تسويق زي بعض الاخوة مقال
وممكن ترجعو موضيعي وردودي وتتاكدو من كده
دي وجهة نظري في الموضوع وكل الاحترام لمن يخالفني قبل المؤيد

[اليوفنتوس الكبير]

شكراااااااااا لكل من رد وشارك في الموضوع
على فكرة انا مبعملش دعاية للبين سبورت ولا انا مندوب تسويق زي بعض الاخوة مقال
وممكن ترجعو موضيعي وردودي وتتاكدو من كده
دي وجهة نظري في الموضوع وكل الاحترام لمن يخالفني قبل المؤيد

لكن الناقش يسرى الحوار انت قولت وجهة نظرك ولا تريد الدخول فى نقاش مع اى حد معارض لوجهة نظرك ان تكفى بكلمة واحدة احترام وجهة النظر الاخرى احترامك لوجهة النظر الاخرى مش معناها عدم المناقشة لوجهة النظر الاخرى وانا برضوة احترام واجهة نظرك رغم اختلافى معها فى بعض الحاجات واتفقى فى حاجات ثانية وذكرت اختلافتى واتفاقى فى رود سابقة

[dr_ossa1984]

يسلم فمك والله

[احمد خميس شيحة]

ياجماعة العيب مش فى قطر ولا الجزيرة ولا التليفزيون بتاعنا العيب فى اللى خلا ال85 ج فى الشهر صعبة على المواطن المصرى حسب الله ونعم الوكيل

[سامح م]

http://www.samysoft.net/fmm/fimnew/icons1/1/big/546464564.jpg (http://www.samygames.com/)
http://www.samysoft.net/fmm/fimnew/icons1/1/esrwerwe.gif (http://www.samygames.com/)

[م / محمود عبدالعال]

انا شايف ان في ناس بتحب قطر وبدافع عنها كمان طيب اللي بيحبها يروح يعيش فيها

مــــــــــصـــــــــــر في قلبي مهما يحصل فيها من ظروف

وياريت الادارة تغلق الموضوع ده