تركيب ستاند طبق 160 رفيع !!

[sayed seko]

السلام عليكم روحمة الله وبركاتة

من فترة عملت صفقة مع واحد جارى واخدت منه طبق 160 بريفكس الومنيوم وماتور 24 بوصة مقابل طبق 100 بريفكس و100 ج :)

المهم .. معرفتش اخد الاستاند بتاع الطبق لانه كان متثبت جامد جداااا ومتكسر لة فى الارض .

اشتريت ستاند للطبق من باب اللوق ب45ج وركبتة قبل ما انقل الطبق بس اكتشفت ان الستاد اللى اشتريتة ارفع من الستاند اللى كان راكب وبعد محاولات الطبق ركب علية الحمد لله والمدار تمام .

بس كانت الصبة صغيرة او متوسطة على الستاند الرفيع ده ...

http://i.imgur.com/U3aM7Fo.jpg

فحبيت ازود الصبة وجبت نص شكارة اسمنت وتقريبا شكارتين رمل وطوب وزلط وعرق خرسانة كمان :))) وعملت الصبة دى ...

http://i.imgur.com/Vh7ZoMb.jpg

اية رأى خبراء التركيب ؟؟ كدا كويس ومش محتاج حاجة تانى ؟؟
خصوصا زى ما انتو شايفين المنطقة جبلية وفى الشتاء الهوا بيبقي جامد

[عادل عامر]

كويسة بس ربط البولار كويس

[م / محمود عبدالعال]

مصر هتفضل ولاده تسلم أخي

ومثل ما قال أخي الحبيب عادل عامر كويس جدا

[sayed seko]

مربوط على اخر عزم يا استاذ عادل

[sayed seko]

شكرا بشمهندس محمود

[حماد]

توكل على الله .. الخرسانة وصلت لنصف الاستاند.... يعنى ان شاء الله ما فى قلق....

[الحاج شريف]

السلام عليكم روحمة الله وبركاتة

بس كانت الصبة صغيرة او متوسطة على الستاند الرفيع ده ...

فحبيت ازود الصبة وجبت نص شكارة اسمنت وتقريبا شكارتين رمل وطوب وزلط وعرق خرسانة كمان :))) وعملت الصبة دى ...

اية رأى خبراء التركيب ؟؟ كدا كويس ومش محتاج حاجة تانى ؟؟
خصوصا زى ما انتو شايفين المنطقة جبلية وفى الشتاء الهوا بيبقي جامد
معلوماتى عنك أخى سيد أحسن من كده ، وكان لينا كلام ساعه مشكله السنسور
علشان كده مش حاجاملك واقولك كله تمام
حسب الصوره بتاعتك الماونت مايل علي الإستاند الرفيع ناحيه التقل اللى هو الطبق ، يعنى الماونت مش محبك ع الإستاند وحل الموضوع ده محتاج تخشينه علشان تبقى فى الأمان ومش كل شويه تطلع تظبط فى المدار ، ماسوره ومش لازم تكون حديد ممكن بى فى سى من بتاعه المجارى أو مانيجا صرف بقطر 4 بوصه بطول 20 سم وتشقها بالطول وتحطها بين الماونت والإستاند علشان تجيب الفرق فى القطر لأنه إنت عندك فرق ييجى بوصه
كمان بالنسبه لخرسانه القاعده هى المفروض انها تعمل حاجتين
تلزق الإستاند فى الأرض وتتقله علشان الطبق مايطيرش مع الريح الشديده
يعنى ماينفعش نحط فيها طوب وحاجات خفيفه لازم زلط والخلطه معروفه سبق وقلتها هنا فى المنتدى وماعجبتش البعض
الخلطه مع شيكاره الإسمنت شيكارتين رمل و4 شكاير زلط وتسقى خرسانه السطح قبل ماتحط عليه الخلطه ، والخلطه دى تعملها أكتر من 250 كيلو وزن وده كافى يثبت الطبق حتى لو الخلطه مالزقتش فى خرسانه السطح
ولو حتحط نص شيكاره اسمنت يبقى معاها شيكاره رمل وشيكارتين زلط
ده لو حتعمل خلطه بعد كده لكن لو إنت شايف إن الخلطه الحاليه تقيله كفايه ماشى الحال
كمان عندى سؤال للمعلوميه إنت ذكرت عرق خرسانه إيه هوه عرق الخرسانه لأنى ماسمعتش عنه
تحياتى لك أخى سيد


http://im79.gulfup.com/OCluJv.png

[sayed seko]

معلوماتى عنك أخى سيد أحسن من كده ، وكان لينا كلام ساعه مشكله السنسور
علشان كده مش حاجاملك واقولك كله تمام
حسب الصوره بتاعتك الماونت مايل علي الإستاند الرفيع ناحيه التقل اللى هو الطبق ، يعنى الماونت مش محبك ع الإستاند وحل الموضوع ده محتاج تخشينه علشان تبقى فى الأمان ومش كل شويه تطلع تظبط فى المدار ، ماسوره ومش لازم تكون حديد ممكن بى فى سى من بتاعه المجارى أو مانيجا صرف بقطر 4 بوصه بطول 20 سم وتشقها بالطول وتحطها بين الماونت والإستاند علشان تجيب الفرق فى القطر لأنه إنت عندك فرق ييجى بوصه
كمان بالنسبه لخرسانه القاعده هى المفروض انها تعمل حاجتين
تلزق الإستاند فى الأرض وتتقله علشان الطبق مايطيرش مع الريح الشديده
يعنى ماينفعش نحط فيها طوب وحاجات خفيفه لازم زلط والخلطه معروفه سبق وقلتها هنا فى المنتدى وماعجبتش البعض
الخلطه مع شيكاره الإسمنت شيكارتين رمل و4 شكاير زلط وتسقى خرسانه السطح قبل ماتحط عليه الخلطه ، والخلطه دى تعملها أكتر من 250 كيلو وزن وده كافى يثبت الطبق حتى لو الخلطه مالزقتش فى خرسانه السطح
ولو حتحط نص شيكاره اسمنت يبقى معاها شيكاره رمل وشيكارتين زلط
ده لو حتعمل خلطه بعد كده لكن لو إنت شايف إن الخلطه الحاليه تقيله كفايه ماشى الحال
كمان عندى سؤال للمعلوميه إنت ذكرت عرق خرسانه إيه هوه عرق الخرسانه لأنى ماسمعتش عنه
تحياتى لك أخى سيد


http://im79.gulfup.com/OCluJv.png

تسلم يا استاذ اشرف عالتوضيح ربنا يخليك

وبالفعل فى تخشينة بين المسامير والماونت بس للاسف برضة الميل موجود
ودا تقريبا راجع لوزن الطبق زى ما حضرتك قلت

الخلطة بتاعتى فيها ظلط فعلا بس مش كتير كدا

عرق الخرسانة دى اللى بيبقي متركب بالعرض فوق الشبابيك فى مبانى الطوب الاحمر

فى منه نوعين .. نوع خرسانة بس .. ونوع خرسانة وفيها سياخ حديد
النوع اللى انا صابب علية فية سياخ حديد وواضح من شكلة فى الصورة