المساعد الشخصي الرقمي

مشاهدة النسخة كاملة : أرجو من المهندسين المحترمين الخلاااااااااصة فى هذا الرسيفر lgx-2011 معالج ali علشان تعبت جداً .

PRO WAEL
2014/09/15, 08:12 AM
أرجوووووووووو من حضراتكم توضيح الوصلة المستخدمة فى تحديث هذا الرسيفر لانى تعبت ومفيش فايده مش بيقرا اى وصلة لا العدله ولا المعكوسع اعمل ايه ؟ ياريت شرح كمان للوصلة المستخدمة واكون شاكر لحضراتكم جدا
م / سمير محمد
2014/09/15, 08:35 AM
الجهاز بيشتغل بوصلة الترومان 250 وبتركب من الداخل مع تعديل الاطراف حسب الجهاز
PRO WAEL
2014/09/15, 08:53 AM
طيب ياباش مهندس وصلة الترومان دى معروفه فى باب اللوق بهذا الاسم فقط ولا نقول الترومان 250 الصينى ولا القديم ولا ....؟ ولو امكن سعرها وترتيت الارقام بتاعتها فى التوصيل بس ياريت بالبلدى كده من حضرتك وبلاش تحويلى لرابط لانى مفهمتش توصيلها حسيت ان فيها ترانزيستورات من الداخل وليس ارجل فقط ؟ وكمان مش فاهم طريقة تعديل السوكت من الداخل ؟اسف جدا على لاطاله ولكنى عاوز استفيد من خبرة حضرتك
عبدالفتاح جابر
2014/09/15, 10:39 AM
ياحبيبي اسمها وصله التورمان250
سعرها تقريبا30جنيه
ترتيب الاطراف حسب الريسفر نفسه
والترتيب سهل كما زكر استاذي الفاضل
مهندس سمير
حتبدل الطرفين الي في النص مكان بعض
يعني حتخلي رقم 3
في رقم 3
ورقم 3 في رقم 2
PRO WAEL
2014/09/15, 10:52 AM
هجرب يا حبيبى واقولك شكرا مهندس عبد الفتاح
عبدالفتاح جابر
2014/09/15, 11:50 AM
تحت امرك حبيبي
PRO WAEL
2014/09/16, 09:18 AM
أخى العزيز مهندس عبد الفتاح والمهندس المحترم سمير محمد بالامس أشتريت وصلة الترومان 250 من باب اللوق واستغربت شكلها كنت فاكرها كابل معزول زى الوصلة المعكوسة والوصلة المستقيمة العاديين ؟ لكن لقيتها يدويه الصنع بها 2 سوكت دكر ونتاية وشوية مقاومات وترانزيستورات ولمبة ليد والوصلة بدون كابل ؟ ومعاها 3 وصلات رفيعة بيضا زى الوصلة اللى بتربط سوكت التحديث بداخل الرسيفر بالبوردة واحدة منهم ثلاث اطراف وواحدة اربع اطراف صغيرة وواحدة اربع اطراف اكبر منها ؟ المهم على قد تجاربى وخبرتى المحدودة جبت وصلة تحديث عاديه ( المعكوسة ) بتاعة الكيوماكس والهيروشيما ( نتايه نتايه ) ووصلت طرف منها بالكمبيوتر والطرف الاخر بالسوكت الدكر اللى فى وصلة الترومان ... وجبت كابل من الكابلات الرفيعة البيضة ام سوكتين بلاستيك من الاطراف اللى تناسب الرسيفر بتاعى ووصلت طرف بوصلة الترومان (ليها مكان بالوصلة ) والطرف الاخر وصلتة ببوردة الرسيفر وليس بسوكت التحديث الداخلى للرسيفر بعد نزع الكابل الابيض الاصلى اللى كان رابط سوكت التحديث بالرسيفر بالبوردة .. بعد كده عملت خطوات التحديث مظبوطة ولمبة الوصلة بتاعة الترومان بتنور لكن اللودار لايشعر بالوصلة خالص ؟؟ بدلت الطرفين اللى فى النص للكابل الابيض الواصل بين البوردة ووصلة الترومان اللى جاى مع الوصلة لا فائدة نهائى فما العمل واسف على الاطاله حبيت اشرح لحضرتك علشان تفهم اللى حصل بالظبط
PRO WAEL
2014/09/16, 11:12 AM
ودى صور للوصلة والكابلات اللى جايه معاها وكمان صورة للرسيفر من الداخل والكابل الواصل بين سوكت التحديث والبوردة أرجو الحل ؟
م / سمير محمد
2014/09/16, 01:49 PM
بص ياغالى
اسفل سوكيت التحديث فى الربيبفر هتلاقى حروف انجليزى مكتوبة بجوار كل بنة
وبتكون زى كدة
3.3v
tx
rx
gnd
وعلى الوصلة نفسها نفس الكلام
عدل الوصلة على حسب اللى مكتوب على بوردة الريسيفر نفسة هتشتغل معاك
PRO WAEL
2014/09/16, 02:04 PM
هجرب يا هندسة واوافي حضرتك بالنتيجه وانتظر من حضرتك المتابعة معى وسعة صدرك حتى تحل المشكلة .
PRO WAEL
2014/09/16, 02:24 PM
بس يا باشمهندس انا استخدم مع وصلة الترومان للتوصيل بالرسيفر الوصلة العدله
2-2
3-3
5-5
ولا الوصلة المعكوسة
2-3
3-2
5-5
؟؟
AHMED AZZOUZ
2014/09/16, 06:18 PM
استخدم وصلة الاسترا ياغالي معي وصلة الترومان
PRO WAEL
2014/09/16, 10:20 PM
استخدمت وصلة الاسترا مع وصلة الترومان يا غالى ولمبة وصلة الترومان بتنور لكن اللودار لا يشعر بها نهائيا بالرغم من التجربه بعد تبدبل الاطراف الداخليه للرسيفر ذاته ،،، ياريت لو فيه اى صور يا جماعة