مساعده عاجله فة توصيل رسيفر البى ان لشاشتين

[mohsen ph]

السلام عليكم
ارجو من الخبراء
توضيح
كيفية تشغيل رسيفر البى ان سبورت
على شاشتين
علما بانى عندى جهاز اسمه digi sender اللى هو بيحول الادويو والفديو الى rf
بس مش عارف النوع ده صورته هتبقه حلو ولا وحشه
المسافه للشاشه التانيه حوالى 20 متر

ياريت تقولولى افضل الحلول واقل التكاليف ولو حد عنده دى جى سندر ده يقولى ظروفه ايه وحلو ولا لاه

[hegazy]

بعد ما تحول الصوره لاراف حتركب امبلفير صينى للصوره وتاخد منه وصلات زى الدش المركزى لاكتر من شاشه ومسافات ابعد كمان وممكن تعمل كابل ايديو وفيديو 20 متر بسلك دش عادى لمسافه 50 متر بس يكون نوعيه السلك جيده

[mohsen ph]

بعد ما تحول الصوره لاراف حتركب امبلفير صينى للصوره وتاخد منه وصلات زى الدش المركزى لاكتر من شاشه ومسافات ابعد كمان وممكن تعمل كابل ايديو وفيديو 20 متر بسلك دش عادى لمسافه 50 متر بس يكون نوعيه السلك جيده

ايه الامبليفير ده انا مش عاوز املى المكان كله اجهزه

[mohsen ph]

حد يفدنا يارجاله

[ahmed_yehyea]

السلام عليكم
ارجو من الخبراء
توضيح
كيفية تشغيل رسيفر البى ان سبورت
على شاشتين
علما بانى عندى جهاز اسمه digi sender اللى هو بيحول الادويو والفديو الى rf
بس مش عارف النوع ده صورته هتبقه حلو ولا وحشه
المسافه للشاشه التانيه حوالى 20 متر

ياريت تقولولى افضل الحلول واقل التكاليف ولو حد عنده دى جى سندر ده يقولى ظروفه ايه وحلو ولا لاه

اخى العزيز
من حسن حظك انك معاك جهاز مدليتور " Digi-Sender " لإنه يعتبر أفضل الانواع المتاحه فى السوق و عن تجربه مع جهاز ال bein بيدينا صوره و صوت هايلين .. و بخصوص إستفسار حضرتك عن طريقه توزيع الصوره على شاشتين يجب عمل الاتى :
بدايه الشاشه الرئيسيه و اللى اكيد بيبقى الجهاز قريب منها فيتم التوصيل بيها عن طريق كابل HD و ده بيكون موجود مع الجهاز و ب كده تم توصيل اول شاشه
اما الشاشه التانيه فيتم استخدام وصله Audio Viedo عاديه و عن طريق استخدام المخرج الخاص بهما من الرسيفر يتم التوصيل ل جهاز ال Digi مخرج الصوره من الرسيفر فى مدخل الصوره ب الجهاز
مخرج الصوت من الرسيفر فى مدخل الصوت ب الجهاز
ملاحظه : سوف تجد مخرجين للصوت ب الرسيفر و دخول واحد فقط للصوت ب الجهاز ... مافيش اى مشكله ممكن تستخدم واحد بس منهم
بعد التوصيل ب الشكل ده و عن طريق كبل إشاره عادى ب كونكتور يتم توصيله بخرج الصوره من الجهاز و طبعا فى الطرف التانى من السلك اكيد هيبقى موجود وصله RF عاديه Male او دكر و دى اللى اكيد هتتوصل فى الشاشه التانيه و بعدها يتم البحث عادى جدا
و نظرا لقصر المسافه اللى حضرتك قلت انها 20 متر ف اكيد مش هنحتاج ل جهاز تقويه اشاره Amplifier

[mohsen ph]

الف شكر
هجرب بس للاسف الشاشه القريبه او اللى هتبقه قريبه من الرسيفر مش اتش دى هو تلفزيون عادى

[Hamomans]

أيون أنا فعلا عندي نفس المشكله دي عاوز أوصل الريسيفر بتلفزيونين .. حتي التليفزيون القريب للريسيفر أوديو فيديو مش إتش دي زي اللي عند حضرتك ... حتي سألت علي وصلت hdmi تكون 30 متر لقيت بس 10 متر .. فلو حضرتك الطريقه دي إشتغلت معك يا ريت تقولي إيه الاجهزة اللي هستخدمها و كام التكلفه

[mohsen ph]

انا برضه سالت علي وصلة اتش دي طويله بس ملقتش وفي نفس الوقت مكلفه

[ahmed_yehyea]

أيون أنا فعلا عندي نفس المشكله دي عاوز أوصل الريسيفر بتلفزيونين .. حتي التليفزيون القريب للريسيفر أوديو فيديو مش إتش دي زي اللي عند حضرتك ... حتي سألت علي وصلت hdmi تكون 30 متر لقيت بس 10 متر .. فلو حضرتك الطريقه دي إشتغلت معك يا ريت تقولي إيه الاجهزة اللي هستخدمها و كام التكلفه

الف شكر
هجرب بس للاسف الشاشه القريبه او اللى هتبقه قريبه من الرسيفر مش اتش دى هو تلفزيون عادى

طيب شوفوا بقى
بالنسبه ان الشاشه الرئيسيه او القريبه من الرسيفر مافيهاش اتش دى او حتى ماكانتش شاشه و هى تليفزيون عادى ف ياريت نعمل الاتى :
1- موجود فى السوق وصله كونفرت من الاتش دى لل اوديو فيديو و دى ممكن نستفيد بيها فى تشغيل الاجهزه سواء تليفزيون او شاشه مش فيها اتش دى على مخرج الاتش دى اللى فى الرسيفر ..
كمان لو عندك play satation 3 تقدر توصله من خلالها على اى تليفزيون عادى
و على فكره سعرها بسيط جدا
2- سيبك من الكلام ده كله و نرجع للشرح الرئيسى بس هنعدل فيه حاجه بسيطه اننا هنستغنى عن استخدام مخرج الاتش دى و هنتعامل بس مع مخرج الاوديو فيديو اللى فى الرسيفر .. و بعد طبعا توصيله ب جهاز ال digi و استخدام خارج الصوره منه نقف هنا و نعمل الاتى :
كنا قلنا هنروح ب خرج الصوره ده مباشره على التليفزيون التانى لكن علشان نقدر نشغل كمان الشاشه الاولى او التليفزيون اللى مافيهوش اتش دى بس اكيد هنلاقى فيه مدخل rf ف هنستخدم سبليتر 2 * 1 " ده طبعا بدل ما نعمل لحام بلدى يتعبنا فى الصوره و مستواها " المدخل هيبقى هو الخارج اللى اخدناه من ال digi و هيبقى عندنا 2 مخارج للصوره .. اكيد كل واحد هيغذى شاشتين او تليفزيونين
جربوا و مستنى لو حبيتوا اى مساعده

[مصطفي حماد]

فيه حل اسهل من ده كله وهو
ان حضرتك عندك 2 تلفزيون عادى
يبقى انت هتوصل جهاز البى ان سبورت على مدخل الفيديو بتاع التلفزيون الاول وبعد كده هتأخذ من نفس التلفزيون وصله من المخرج بتاع الفيديو للتلفزيون التانى
بواسطة وصلة الاوديو والفيديو اللى هى بتكون 20 متر ولو حضرتك مش لاقى الوصله دى بتعمل كابل دش عادى وبتوصل فيه الوصلات دى ..

[ahmed_yehyea]

فيه حل اسهل من ده كله وهو
ان حضرتك عندك 2 تلفزيون عادى
يبقى انت هتوصل جهاز البى ان سبورت على مدخل الفيديو بتاع التلفزيون الاول وبعد كده هتأخذ من نفس التلفزيون وصله من المخرج بتاع الفيديو للتلفزيون التانى
بواسطة وصلة الاوديو والفيديو اللى هى بتكون 20 متر ولو حضرتك مش لاقى الوصله دى بتعمل كابل دش عادى وبتوصل فيه الوصلات دى ..

حضرتك شايف ان ده أسهل ؟؟؟؟
طيب ممكن تقول حل ل اللى عنده شاشه و اتليفزيون فيها مخرج اوديو فيديو مش اكتر
اما وصله الاوديو فيديو ف احنا بنطولها من خلال كابل نت مش كابل دش
كابل الدش ده بنطول بيه فى حالات معينه زى مثلا كاميرات المراقبه اللى بتدينا صوره بس من غير صوت
كمان لو سمعت كلام حضرتك و طولتها ب كابل الدش هاتدينى يا صوت يا صوره الا بقى لو عملت كابلين دش شوف بقى حضرتك هيتوصلوا ازاى ؟؟؟؟؟؟؟؟؟

[مصطفي حماد]

حضرتك انا اقصد كده بتجيب الكابلين وتوصلهم كل كابل مع جاك يعنى كابل مع الجاك الاصفر وكابل مع الجاك الابيض وانا شغال بهم كده وجايبين الصوره والصوت 100/100 وعلى فكره كل التلفزيونات فيهم مدخل ومخرج للفيديو

[ahmed_yehyea]

حضرتك تفضلت و قلت ان ده الحل الاسهل و بغض النظر انك بتستخدم الكابلين و ده اللى حضرتك ما قلتهوش فى البدايه و ايضا بغض النظر انك قلت ان كل التليفزيونات و الشاشات فيها مخارج صوت و صوره و ده مش حقيقى ... لكن انا اعتراضى انك قلت ده الحل الاسهل و ده مش انا ولا حضرتك اللى نقدر نقرره لكن انا هاسيب السيد صاحب الموضوع يجرب و يقولنا
لكن سؤالى اللى احب اطرحه :
يا ترى لو عندى بقى تليفزيوت تالت او حتى هعمل توصيله ل جارى ف هل برضه نعمل وصله كابل الاشاره ولا نستخدم المدليتور " digi " ... ؟؟؟

[محمد بونجا 2]

بتحول الاوديو فيديو الى ارف بالجهاز اللى معاك وتاخد وصلة الارف وتعمل منها اتنين بالاسبليتر وممكن تستخدم مقوى اشارة وزائد جاكين دكر لكل سلك