قاعدة الطبق

[fiso]

لقد قمت بتثبيت قاعدة الطبق فى ارضية السطح ملزوق سراميك بتاع البيت لكن الراجل قاللى التثبيت اللى حصل بالافيز ده مش هينفع لوحده لازم تحط خرسانة اسمنت عليه
فدلوقتى ان شاء الله انا هاجيب 10 كيلو اسمنت ونص شوال كبير زلط على رمل وحاحطهم على القاعدة يكفوا ولا لا ارجو المساعدة
دى صورة القاعدة
http://www3.0zz0.com/2014/10/06/23/435183785.jpg

[حماد]

ده شكل السطح.. ياراجل انا فكرته ارضية شقة بتتشطب.. ههههههه

المشكلة القتى مش فى الاسمنت والرمل.. المشكلة هل فعلا الاسمنت هايمسك كويس على ارضية سيراميك ولا ايه....؟

[satytree]

استخدم نقر بالشاكوش للسيراميك لجعل الاسمنت يشبط فيه

[خالد الغمراوى]

لوتفدرتعمل مساعدين وتربطهم كمان بمسامير يبقى مش محتاج اسمنت

[عبدة مرسى]

ياراجل يامحترم لاينفع عندك الداير ركب علية

[الحاج شريف]

لقد قمت بتثبيت قاعدة الطبق فى ارضية السطح ملزوق سراميك بتاع البيت لكن الراجل قاللى التثبيت اللى حصل بالافيز ده مش هينفع لوحده لازم تحط خرسانة اسمنت عليه
فدلوقتى ان شاء الله انا هاجيب 10 كيلو اسمنت ونص شوال كبير زلط على رمل وحاحطهم على القاعدة يكفوا ولا لا ارجو المساعدة
دى صورة القاعدة
http://www3.0zz0.com/2014/10/06/23/435183785.jpg

زى ما أنا شايف إنت مثبت الصليبه بتاعت القاعده بمسامير هلتى والقاعده لزوم طبق متحرك اللى ع الأرض فى حدود 130 سم
يعنى إذا كان طبق ثابت فالنصيحه تثبته ع السور زى ماقالك الأخ عبده
أما إذا كان طبق متحرك فالمسامير اللى أنت رابطها يادوب مربطه القاعده بالبلاطه والإستاند معتمد علي كام بنطه لحام أى كلام يعنى زى ماقالك صاحب البيت لا تصلح .
لكن لو عايز تثبته صح لازم تقل كبير مش 10 كيلو اسمنت وربنا يعوض علي صاحب البيت اللى صرفه على تجميل السطح ولزق السيراميك .
وعلشان تثبت صح هناك طريقتان
الأولى نص شيكاره اسمنت مع نص شيكاره رمل مع شيكاره زلط ودى تعمل لها أكتر من 150 كيلو وزن تقريبا وكده يبقى الطبق مربوط بتقله للأرض مع شويه لزق مع السيراميك لكن التقل هنا هو الأهم .
خللى بالك نص شيكاره الرمل بتبقى قد نص شيكاره الأسمنت مرتين علشان الرمل بينفخ الشيكاره لكن نص شيكاره الأسمنت محسوبه على 25 كيلو.
والطريقه الثانيه زى الصوره حتخلع بلاطه واحده وتشيل الرمل والردش اللى تحتها لغايه مستوى الخرسانه وتخرم فى الخرسانه بالهليتى لغايه حوالى 8 سم فقط علشان ما تعملش مشكله مع صاحب البيت وتزرع 4 قشاير حديد سمك 14 مم وطول 40 سم فى إخرام الخرسانه باسمنت فقط وتحط فوقهم اسمنت من غير رمل قشره بسيطه علشان يعزل السطح وبعدين تثبت الإستاند علي القشاير وتحط حواليه خلطه خرسانه مكونه من 10 كيلو اسمنت وربع شيكاره رمل ونص شيكاره سن أو زلط صغير كمان تحط جوه الأستاند لغايه ارتفاع 30 سم علشان يغطى القشاير والصوره اللى معمول فيها الكلام ده لطبق امريكى 240 معمول من 10 سنين وزى مانت شايف كميه الخرسانه لا تقارن بثقل الطبق لكن الإعتماد هنا علي القشاير .
http://im54.gulfup.com/faXQWL.jpg

لكن لو حتثبته ع السور بتخرم السور علي قد الماسوره بالضبط ببنطه كوبايه وهلتى لمسافه من 15 الى 20 سم وتحط خلطه اسمنت وجبس بعد سقى السور بكميه كويسه من المياه ، كمان ماتنساش تخشن الخرم بمسمار نجارى شك 10 سم تدقه جنب الماسوره ، علشان الماسوره ماتلفش مطرحها زى الصوره دى

http://im64.gulfup.com/lC3Zp4.jpg

ملحوظه أخيره عن خلطه الخرسانه :
خلطه الخرسانه المثاليه زى الكتاب مابيقول
7 شكاير اسمنت ، 7 شكاير رمل ، 14 شيكاره زلط ده للمتر المكعب ودى تعمل وزن 2.5 طن
شيكاره اسمنت ،شيكاره رمل ، 2 شيكاره زلط ودى تعمل 350 كيلو وزن
نص شيكاره اسمنت ، نص شيكاره رمل ، شيكاره زلط ودى تعمل 175 كيلو وزن
10 كيلو اسمنت ، ربع شيكاره رمل ، نص شيكاره زلط ودى تعمل حوالى 60 كيلو
مع تكرار ملاحظه أن شيكاره الرمل أو الزلط حجمها قد شيكاره الإسمنت مرتين علشان شيكاره الرمل بتبقى منفوخه والإسمنت مبططه .
ويجب سقى مكان الصبه جيدا بالمياه حتى يتشبع قبل الصب عليه حتى لا تفصل الصبه من ع السطح لقله المياه .

[fiso]

لقد قمت بتثبيت قاعدة الطبق فى ارضية السطح ملزوق سراميك بتاع البيت لكن الراجل قاللى التثبيت اللى حصل بالافيز ده مش هينفع لوحده لازم تحط خرسانة اسمنت عليه
فدلوقتى ان شاء الله انا هاجيب 10 كيلو اسمنت ونص شوال كبير زلط على رمل وحاحطهم على القاعدة يكفوا ولا لا ارجو المساعدة
دى صورة القاعدة
http://www3.0zz0.com/2014/10/06/23/435183785.jpg

شكرا على الردود الجميلة من الاعضاء المحترمين لمصراوى سات
بس فى معلومة مهمة لازم تعرفوها ان الطبق اللى فى الصورة 180سم
فاذا دلوقتى عاوز اعرف محتاج كام كيلو اسمنت ورمل زلط عشان اعمل تقل على القاعدة بتاعت الطبق 180سم ارجو الرد

[ayaayatalaa]

يا غالى لو فيه فنى كويس ممكن يعملها على السور وانا سبق وركبت طبق 240 مش على سور لا على مبانى كامله بدون صبه ومت فى اليوم دا 100 مره لولا ستر ربنا والطبق شغال الى الان لكن دا فيه مخاطره كبيره لكن الافضل زى ما قال الاخ اشرف شيل بلاطه واحده واتبع الطريقه اللى شرحهالك على فكره انا حاسس ان الاخ اشرف مقاول كبير ههههههههه تقبل تحياتى

[الحاج شريف]

يا غالى لو فيه فنى كويس ممكن يعملها على السور وانا سبق وركبت طبق 240 مش على سور لا على مبانى كامله بدون صبه ومت فى اليوم دا 100 مره لولا ستر ربنا والطبق شغال الى الان لكن دا فيه مخاطره كبيره لكن الافضل زى ما قال الاخ اشرف شيل بلاطه واحده واتبع الطريقه اللى شرحهالك على فكره انا حاسس ان الاخ اشرف مقاول كبير ههههههههه تقبل تحياتى
إحساسك صادق أبو آيات ربنا يخليهم لك فعلا أنا كنت باعمل محطات لفودافون فتره من الزمن من أول الصبه اللى ممكن توصل ل 150متر خرسانه مسلحه لغايه البرج اللى بيوصل ل 60 متر بالإضافه لتركيب كابينه الأجهزه وتركيب الأنتنات والفيدر اللى هم بيسموهم أعمال مدنيه ، حتى تأجير الديزل ،كمان تركيب وصله الميكروويف اللى بتربط المحطه بالشبكه
وبصراحه يعجبنى الإخوه اللى زى حضرتك بيقروا المشاركات بتمعن فيطلعوا بمعلومات وكمان نتائج وباحب اتناقش معاهم

فاذا دلوقتى عاوز اعرف محتاج كام كيلو اسمنت ورمل زلط عشان اعمل تقل على القاعدة بتاعت الطبق 180سم ارجو الرد
لو تعرف تنفذ طريقه القشاير يبقى أفضل
لكن أنا شايف إن معاك هلتى وركبت مسامير للقاعده
فممكن نعمل حل وسط وهو إننا نرفع بلاطه ونخلى مطرحها لغايه الخرسانه ونقص القاعده علشان تنزل مكان البلاطه وأظن البلاطه 50 أنا كنت فاكرها 40 علشان كده قلت الطبق 130 ، وبعدين تنزل صليبه القاعده فى الحفره ونثبتها بمسامير الهلتى وتصب عليها بشكل جمالى علي هيئه مربع علشان ماتشوهش شغل صاحب البيت وفى الحاله دى يكفيك 15 كيلو اسمنت مع تلت شكاره رمل وتلتين زلط وتسقى الحفره جيدا قبل ماتصب كمان ماتخليش الصبه تطرطش ع السطح الجميل .
لكن لو عايز تصب تقل والسلام ع الموجود دلوقت فيكفيك إن شاء الله نص شكاره اسمنت "25ك" بالرمل والزلط حسب الوصفه وبرضه ترش السيراميك بالميه
http://im77.gulfup.com/adJvia.jpg

[fiso]

الف شكر لكل الاعضاء اللى ساهمو فى الموضوع واخص بالذكر الاستاذ اشرف ودى صورة القاعدة مع التقل
http://www.masrawysat.com/vb/attachment.php?attachmentid=697200&stc=1&d=1487661701




[I]http://www6.0zz0.com/2014/10/10/20/156162469.jpg[/IMG]

[ayaayatalaa]

اشكرك اخى الكريم اشرف ودائما مت تقدم الى تقدم ووصى علينا شركة فودافون ياراجل معندناش شبكه خالص

[fiso]

متابعة

[على محمد نور]

دا انت شوهت السطح والسيراميك يامعلم وياسلاااااااااااام بقة لوالسطح ده بتاعى كنت هتشوف اتا هعمل فيك ايه ههههههههههه وعلى فكرة دى مداعبة

[الحاج شريف]

الف شكر لكل الاعضاء اللى ساهمو فى الموضوع واخص بالذكر الاستاذ اشرف ودى صورة القاعدة مع التقل
http://www.masrawysat.com/vb/attachment.php?attachmentid=697200&stc=1&d=1487661701


[I]http://www6.0zz0.com/2014/10/10/20/156162469.jpg[/IMG]
أهلا بيك أخى فيزو
لكن اللى أنا شايفه فى الصوره مش خرسانه شكله كوم طين يعنى إسمنت كتير ورمل قليل ومش باين زلط ، أمال إيه اللى حيعمل التقل ؟
دا إحنا زهقنا الناس من تكرار وصفه الخرسانه
تحياتى لك

[الحاج شريف]

اشكرك اخى الكريم اشرف ودائما مت تقدم الى تقدم ووصى علينا شركة فودافون ياراجل معندناش شبكه خالص
مرحبا بك أبو آيات
إنت عارف موضوع الشبكه والتغطيه ده موضوع إقتصادى بحت يعنى هم بيغطوا المناطق اللى متوقع تجيب إيراد زى الساحل الشمالى تجد فى القريه الواحده ممكن 5 محطات أو أكتر وتجد مركز كبير وله توابع ومافيهوش محطتين تلاته كمان مش سهل إنك تنشئ محطه دلوقت فيه سكان كتير داخل فى عقولهم إن المحمول بيقطع ال.. إحنا كنا بنلاقى الأمرين فى تركيب محطه محمول فى منطقه شعبيه كان إمام الجامع بيدعى "لنا" من علي المنبر ، زى مافى ناس فاهمه إن الطبق لما مايضبطش يبقى المحمول السبب مع إنى مركب لصديق فى ش مصر والسودان الأوروبى وغيره جنب محطه محمول لموبينيل علي نفس السطح وماعندوش مشاكل علي أى ريسيفر من الأربعه اللى عنده .

[gerrard888]

طيب يا بشمهندس اشرف انا الفنى بتاعة ركبلى القاعدة على سيراميك على شخشيخة بمسامير بهلتى وبعد كده عمل الخرسانة وكنت جايبله ١٥ ك اسمنت ونص شيكارة رمل ونص شيكارة زلط تقريبا بس الرمل كان اكتر شوبة
هل كده كفاية
ولو مش كفاية ايه المخاطر اللى ممكن تحصل هل فقط ضعف الاشارة ولا ممكن الطبق يطير ولا ايه بالضبط وهل حيحصل مشاكل مع الشتا والرياح الكتير
انا والله خايف يسببلى كارثة
خصوصا ان الجيران قالولى انه تقيل على الشخشيخة وتحت الشخشيخة فيه ماكينة الاسانسير والبواب قالى ان الشخشيخة بتجيب مياه فى الشتا بس قالى بعد ما ركبت والسكان اشتكت تفتكر حتحصل كارثة

[الحاج شريف]

طيب يا بشمهندس اشرف انا الفنى بتاعة ركبلى القاعدة على سيراميك على شخشيخة بمسامير بهلتى وبعد كده عمل الخرسانة وكنت جايبله 15 ك اسمنت ونص شيكارة رمل ونص شيكارة زلط تقريبا بس الرمل كان اكتر شوبة
هل كده كفاية
ولو مش كفاية ايه المخاطر اللى ممكن تحصل هل فقط ضعف الاشارة ولا ممكن الطبق يطير ولا ايه بالضبط وهل حيحصل مشاكل مع الشتا والرياح الكتير
انا والله خايف يسببلى كارثة
خصوصا ان الجيران قالولى انه تقيل على الشخشيخة وتحت الشخشيخة فيه ماكينة الاسانسير والبواب قالى ان الشخشيخة بتجيب مياه فى الشتا بس قالى بعد ما ركبت والسكان اشتكت تفتكر حتحصل كارثة

سؤال وجيه جدا أخ جيرارد وباحييك عليه ودى فرصه لتصحيح بعض المفاهيم
أول حاجه الشخشيخه من أقوى الهياكل الخرسانيه فى أى عماره ولو حد عاصر زلزال 92 أو سمع عنه من الشباب كان فيه عماره مبنيه أى كلام وقعت كأنها كوم تراب ماعدا الشخشيخه وبقى المنظر كوم تراب فوقيه شخشيخه لم تمس .
ثانيا الخوف مش من تقل الطبق علي السطح الخوف إن إما الطبق ياخد السطح او جزء منه ويطير أو أن الطبق يطير لوحده لكن هندسيا لا يمكن الطبق مهما بلغ التقل علي قاعدته أن يحمل علي السطح لأنه فى حمل فى الإتجاه الآخر هو ضغط الريح علي مساحه الطبق واحد عايز يطير الطبق والتانى اللى هو التقل عايز يثبته مكانه .
ثالثا أنا باكرر كتير حكايه كميه الزلط لأن الزلط هو العامل الرئيس فى التقل مش الرمل ولا الإسمنت وللأسف زى مانت شفت صوره فيزو تكاد تكون إسمنت خالص علي إعتبار إن الأسمنت هو اللى حيلزق الإستاند فى السيراميك وده مفهوم خاطىء لوظيفه الإسمنت ، الإسمنت من إسمه هو لاصق واللاصق لوحده ليس له أى قيمه يعنى لو عملت تقل أو قاعده من الإسمنت الخالص علي أساس إنها تكون أفضل ما يمكن مش حتعمر
الإسمنت وظيفته إنه يلزق حبيبات الرمل مع بعضها والإسمنت والرمل والمياه وظيفتهم إنهم يلزقوا الزلط ببعضه ويجب الإلتزام بالنسب لأنها الوضع الأمثل كما أثبتت التجربه وملايين المبانى القائمه
أما الخلطه اللى إنت عملتها هى كويسه ماعدا كميه الزلط لازم كانت تزيد للضعف يعنى تبقى قد الرمل مرتين لو قدرت زود نص شكاره زلط مع ربع رمل مع 10ك إسمنت وتسقى الخرسانه الموجوده والسطح ميه حتى تتشبع قبل الصب
تحياتى لك وإن شاء الله مش حتحصل كارثه كن مطمئن وخد بالأسباب

[gerrard888]

الله يباركلك يا بشمهندس
والله طمنت قلبى بصراحه
وان شاء الله حبقى اعمل اللى حضرتك قلت عليه دى حاجات بسيطة وسهلة وطالما حتثبت القاعدة اكتر
اكرر شكرى وجعله الله فى ميزان حسناتك