انا مهاجر امريكا انشاء الله وكنت عاوز مركز لتعليم تركيب الاطباق

[يوسف المصرى200]

انا مهاجر امريكا انشاء الله وكنت عاوز مركز او معهد او اكاديمية بالاسكندرية متخصصة لتعليم تركيب الاطباق لان هشتغل بهذه المهنة بالولايات المتحدة لان صديق لى هيشغلنى بشركة هناك متخصصة بتركيب الاطباق الصناعية فممكن افادة من خبراتكم فى مراكز التعليم بالاسكندرية وعنوانها والتكلفة ومدة الدورة وكل شيىء

[يوسف المصرى200]

ياريت ياجماعة الرد

[محمد الشرقاوى]

انا مهاجر امريكا انشاء الله وكنت عاوز مركز او معهد او اكاديمية بالاسكندرية متخصصة لتعليم تركيب الاطباق لان هشتغل بهذه المهنة بالولايات المتحدة لان صديق لى هيشغلنى بشركة هناك متخصصة بتركيب الاطباق الصناعية فممكن افادة من خبراتكم فى مراكز التعليم بالاسكندرية وعنوانها والتكلفة ومدة الدورة وكل شيىء

والنبى خدنى معاك

[السيد الوحش]

شوف فى اقرب الناس الى بتركب فى بلدك او المحافظه واشرح له الامر

[حماد]

يا غالى يكفيك ان شاء الله مواضيع الاخوة الاعضاء الكرام.. فى مصراوى سات .. والله حتى لو هتسافر الهند.. ان شاء الله مواضيع الاخوة غاية فى الاتقان والجمال....


وبالتوفيق ان شاء الله

[hassanaboail]

كلام فوق الممتاز للاستاز حماده فعلان اي انسان ممكن ان يتعلم كل شيئ عن تركيبات الدش عن طريق العملاق مصراوي سات

[محمد سيد محمود]

يا غالى يكفيك ان شاء الله مواضيع الاخوة الاعضاء الكرام.. فى مصراوى سات .. والله حتى لو هتسافر الهند.. ان شاء الله مواضيع الاخوة غاية فى الاتقان والجمال....


وبالتوفيق ان شاء الله
حمد الله على سلامتك اخى حماد وحشتنا والله ومنور المنتدى برجوعك وانا بعزيك مرة اخرى فى والد حضرتك والبقاء لله وربنا يصبرك ويصبر اهلكم واحبابكم ويرحم امواتنا واموات المسلمين وحمد الله على سلامة حضرتك اخى الكريم حماد تقبل تحياتى
patch_lov-patch_lov-patch_lov-

[alamogy]

ممكن تروح اى محل تركيب دش فى الاسكندريه وتتفق مع واحد هناك يعلمك وتشوفه هياخد كام
وتروح معاه وهو بيركب الدش للناس وتشتغل معاه بنفسك وتكون المساعد بتاعه وتفتح مخك معاه لحد ما تتعلم pat::ch_lf

[رزق عمار]

نفسى كمان اهاجر

[الحاج شريف]

ممكن تروح اى محل تركيب دش فى الاسكندريه وتتفق مع واحد هناك يعلمك وتشوفه هياخد كام
وتروح معاه وهو بيركب الدش للناس وتشتغل معاه بنفسك وتكون المساعد بتاعه وتفتح مخك معاه لحد ما تتعلم

تمام كده أستاذ علاء لوأناقريت إسمك صح
الطريقه الوحيده للتعلم هى تبتدى صبى لأسطى بيفهم وبعدين تكمل معلوماتك النظرى من المنتدى أو من غيره ولا تستحى أن تسأل أى سؤال حتى لو بدا لك تافها وتصر علي معرفه الإجابه
من الأخر روح احد مكاتب او محلات تركيب الدش الشغاله واحكى لهم الموضوع ولو طلبوا فلوس لا مانع فى مقابل إنهم يعلموك حتى يمكنك القيام بالعمل تحت إشرافهم
أو إستدعى واحد أو أكتر بحجه ضبط الدش لديك وإعرض عليه الأمر
يعنى إنت مش حتغلب فى التصرف راجل عايز يهاجر لازم يجد لنفسه حلول مش يرمى الكره فى ملعب مصراوى ويقعد يستنى
ولو ينفع حد يعلمك من المنتدى كان عملها ولكن التواصل ضد قوانين المنتدى للأسف
إجابه نموذجيه أخ علاء شكرا لك
تمنياتنا بالتوفيق للأخ المهاجر

[محمودبخيت]

انا مهاجر امريكا انشاء الله وكنت عاوز مركز او معهد او اكاديمية بالاسكندرية متخصصة لتعليم تركيب الاطباق لان هشتغل بهذه المهنة بالولايات المتحدة لان صديق لى هيشغلنى بشركة هناك متخصصة بتركيب الاطباق الصناعية فممكن افادة من خبراتكم فى مراكز التعليم بالاسكندرية وعنوانها والتكلفة ومدة الدورة وكل شيىء

بالتوفيق لك ياغالى
لكن نصيحة لاتقل او تكتب انشاء ولاكن قل واكتب ان شاء الله
جزاك ربى خيرا

[alamogy]

العفو استاذ اشرف
وبالتوفيق للاخ يوسف

[محمد الإسناوي]

كما قال الاستاذ حماد حضرتك لو اتبعت شروحات اساتذة مصراوي سات انت مش هتتعلم التركيب انت هتكون محترف

[عزيزموسى]

انت تشتغل فى امريكا يبقى عاوز نسخه من مصراوى سات امريكانى ياغالى

[الجزار6177]

بص يا غالى انا محدش علمنى انا علمت نفسى شوف الموضوعات الخاصة بالتركيب فى المنتدى وبعدين شوف العدة اللازمة وخد التلفزيون والرسيفر بتاعك واطلع على السطح وحاول تظبط الطبق بتاعك ومرة والتانية وان شاء اللة هتتعلم كويس وعلى فكرة فيى فالمنتدى فيديوهات بتشرح التركيب من الالف الى الياء ودى احسن طريقة تتعلم بيها لان مهما كان محدش دلوقتى بيدى مجهودة وخبرتة لحد بالطريقة الكافية وربنا معاك وبالتوفيق

[يوسف المصرى200]

انا بشكر جميع الاعضاء الغاليين على الردود ولكن ردا على استاذ اشرف انا مش برمى الكرة فى مصراوى وانتظر انا سألت وبحثت فى مواقع تعليم التركيبات للاقمار ولكن كنت انتظر رأى خبراء لهم تجارب عملية فعلية وبعد البحث وجدت اكاديمية سموحة لتعليم صيانة الدش والريسيفر وهناك بعد التعليم اكيد هتفق مع المستر على تعليمى التركيب بمقابل مادى ثم انا مش هسافر بكرة ولا بعد بكرة لسة سنتين على اجراءات السفر واستلام الفيزا فا ان شاء الله امامى وقت كافى ولكن انا بحب انجز لانى فى السفارة الامريكية هناخد كورسات مكثفة لتعليم الانجلش فا مش عاوز اضيع وقت وربنا المعين بإذن الله وشكرا ياغاليين

[alamogy]

طيب يا اخ يوسف متقول كده معلومه للغاليين
هل كسبت اللوترى ولا ايه؟
لو كسبتها شجع اخوانك الغاليين انهم يقدموا زيك يمكن ربنا يكرمهم

[الحاج شريف]

انا بشكر جميع الاعضاء الغاليين على الردود ولكن ردا على استاذ اشرف انا مش برمى الكرة فى مصراوى وانتظر انا سألت وبحثت فى مواقع تعليم التركيبات للاقمار ولكن كنت انتظر رأى خبراء لهم تجارب عملية فعلية وبعد البحث وجدت اكاديمية سموحة لتعليم صيانة الدش والريسيفر وهناك بعد التعليم اكيد هتفق مع المستر على تعليمى التركيب بمقابل مادى ثم انا مش هسافر بكرة ولا بعد بكرة لسة سنتين على اجراءات السفر واستلام الفيزا فا ان شاء الله امامى وقت كافى ولكن انا بحب انجز لانى فى السفارة الامريكية هناخد كورسات مكثفة لتعليم الانجلش فا مش عاوز اضيع وقت وربنا المعين بإذن الله وشكرا ياغاليين
يا أخى الكريم أنا باتكلم لمصلحتك فلا مصلحه لى ولا لغيرى فى الموضوع
طريقه التفكير بالحصول علي دورات تدريبيه فى موضوع عملى ليست هى الطريقه المثلى ودائما أنصح الخريجين الجدد بعدم إضافه شهاده إلى شهاده التخرج ولكن بتعلم كارير جديد بطريقه عمليه فمثلا قياده السيارات لا يمكن تعلمها فى فصل دراسى وكذلك لا يمكن تعلم السباحه فى المنزل وأذكر أن مهندس شاب إبن صديق ظل يكرر دورات التدريب علي الشبكات فى سيسكو ولم يستفد شيئا لأنه لم يمارس تركيب الشبكات فعليا وصحيح حصل علي شهادات تدريب بتقدير ممتاز ولكن لا يعرف أن ينفذ ماتعلمه وهو الآن مواطن أمريكى يعض أصابع الندم علي ماضيعه من الوقت فى تحصيل الدورات وإهمال الممارسه العمليه كما نصحته ونصحتك .
كل نصيحتى لك بأن تمارس العمل وتكمل بعد ذلك الخلفيه الأكاديميه بالقراءه أو البحث فى النت
ولعلم حضرتك كان أشطر واحد فى تركيب الدش فى السعوديه أيام كنت فيها كان سمكرى سيارات ومحدود التعليم
وأشطر واحد فى بلدنا كان بكالوريوس تجاره وقد حضر تدريبا عمليا قصيرا علي يد مهندس نمساوى متخصص فى أوائل ظهور الدش مع بضعه مهندسين وفنيين إتصالات ولم يبرع فى الموضوع إلا هو وكان ملك الدش المتوج فى أيامه رحمه الله وكان لم يستعصى عليه فهم ظاهره فنيه كان يأتينى ويسألنى عن الخلفيه الأكاديميه للموضوع بصفتى دارس
ولا تذهب بعيدا فأساتذه الدش فى المنتدى ليس كلهم دارسىين معظمهم علم نفسه بنفسه ولم يحضر ساعه تدريب فى أى مكان
يا عزيزى يوسف أنا أنقد طريقتك لمصلحتك فإذا كنت مصرا عليها فهذا شأنك ونحن نتمنى لك التوفيق فى جميع الأحوال

[احمد العزالى]

المشكلة هنا ان المدار من هسبا سات30 غرب الى 75 شرق اواكتر قليل فى اميركا والدول المتقدمة المدارمختلف تماما يعن ممكن هسبا يكون منتصف القوس هههههههههههههههه

[waled2006]

المشكلة هنا ان المدار من هسبا سات30 غرب الى 75 شرق اواكتر قليل فى اميركا والدول المتقدمة المدارمختلف تماما يعن ممكن هسبا يكون منتصف القوس هههههههههههههههه

كلام الاستاذ صحيح واولا المشكلة التي تواجهك هي نوعية الاطباق التي هناك ليست بنوعية الاطباق الموجودة في مصر وطريقة تركيبها معقدة بالنسبة لمبتدئ وثانيا هناك يوجد الكابل وهي خاصية **** ولكن بسرعات عالية جدا وهذة بالنسبة للمدن والمناطق السكنية القريبة منها وثالثا لو حضرتك هتركب اطباق سوف تكون في المناطق النائية او لعربات النقل التليفزيوني
اتمنى ان اكون اوصلت اليك المعلومة