طبق 180 السعر ده مناسب ولا لاه

[mohsen ph]

طبعا كنت موعود من حد من بتوع الاطباق انه هجيبلى طبق 180 وكان قالى هيعدى 400 جنيه برفيكس وطبعا مش المونيا هيبقى صاج مجلفن لكن للاسف مجابوش فقولت انزل ادور على حد تانى لاقيت فى محل طبق 180 المونيا مستعمل سالته على سعره قالى
550 جنيه ؟؟

حسيت ان السعر غالى اوى ياجماعه يعنى طبق مستعمل ب550 + عربيه تنقله لحد البيت مش اقل من 120 جنيه هتاخد + فنى يجى يركبه هنقول هياخد 50 ولا 60 جنيه ابقى دخلت ف 700 جنيه من بدرى وانا عندى رسيفر الجزيره ومشترك بس الاشتراك هيخلص اخر الشهر ده وللاسف برضه اشتراك الجزيره ب1000 جنيه فى السنه معتش ال3 شهور
فمش عارف اعمل ايه اجدد الاشتراك وخلاص ولا اجيب الطبق بالسعر ده
تنصحونى بايييييه ؟؟

[mahmoud sabry]

الطبق غالي جداً .. هو هيجبهولك بوحدة التحريك و الموتور ولا من غير ؟

[mohsen ph]

مسالتش بس هو قالى حاجته معاه انا اصلا بلمت لما قالى 550 مفكرتش فى ماتور بصراحه

[محمد راضي 2]

الراجل ده نصاب 250 جنيه بس

[ابراهيم معاطى]

السعر غالى جدا
يبقى تكمل 300 ج
وتشترك افضل

[abo.ehab1410]

طبعا تشترك افضل

[kemo2005]

اخى ممكن تشترك وتوصل لجيرانك
وتدفعو الاشتراك مع بعض

[mohamed 1010]

لا يا غالي السعر ده مبالغ فيه جدا جدا

[seanest2010]

غالى يا غالى انا اشتريت طبق 240 برفكس المنيوم 400 ج من 17 يوم

[mohsen ph]

الف شكر يارجاله يبقي اشترك احسن ولو ظهر حاجه بعد ماشتراكي يخلص ابقه برضه اعرضها عليكم واحد برايكم وبرضه حتي الطبق لو جه جديد ومش المونيا وب٤٠٠ برضه غالي

[Mohalalala]

غالى جدااااااااااااا
حرام تشتريه
انا كنت شارى واحد مستعمل والمونيوم ب 100
من غير ماتور

[mohsen ph]

الجديد غالى والمستعمل غالى
البياعين عندنا فى المنصورة نااااااااااااااار

[temos6]

غالى جدا ده انا قدامى الطبق ده على 250 جندى ومستغليه والله

[م / فــــوزى الجمــــل]

الطبق غالى والفنى اللى حيركبه رخيص جداااا
ياغالى أقل فنى حيركبلك الطبق ده وشغل 10 / 10
مش أقل من 150 جنيه

[jok37]

انا جايبه ecc الومنيوم مستعمل ب 170 جنيه و بعدين فنى مين ده يا غالى الى حياخد 60 جنيه فى طبق 180 اقل حاجة خالص بالميت قوى 100 جنيه و تقبل تحياتى

[عبدة مرسى]

هههههههههههه تركيب المتحرك 150 وكل واحد على هواة بس اهم حاجة ياحبيبى الضبط الصحيح مش تركيب وخلاص

[نجم الليل]

وهل يوجد طبق 180 المونيوم جديد
ولاا معتش بينزل

[حمادة زيان]

ان عندى طبق برفكس للبيع ب 200 جنية بس وان فنى تركيب جيد

[عبدة مرسى]

ههههههههه انا جابية بالقطعة الفوجى القديمة 200 وطيق المنيوم حكاية

[هيثم سعيد عبد الفتاح]

انا محتار اكتر منك قدامى طبق 160 مطبق شوية وصاج مجلفن والقاعدة بتاعتة مصدية على الاخر ومن غير ماتور ولا دراعات ولا عدسة والناس مامنينى اشوف سعرة كام بما يرضى الله ومش عارف اقولهم اية سالت واحد تبعنا لية شوية فيهم قالى 30او 35 جنية بالكتير فاية راى حضراتكم ؟ طب واية اللى يخلينى اشترية اولا علشان الاسترا ثانيا امكانياتى متسمحش اجيب طبق سليم كبير .طب وبالحالة دى هتعرف تشغلة؟ باذن الرحمن اقدر اشغلة زى ما عملت مع طبق 125 متحرك بدون قاعدة ولا دراعات ولا اى حاجة خالص كان الطبق بسسس حولتة لثابت والحمد لله دلوقتى مشغل علية 4 اقمار بثبات اوروبى ونايل واسترا وسيريس