تسجيل الدخول

مشاهدة النسخة كاملة : مساعدة اريال داخلي للتليفزيون لاستقبال القنوات الارضية

nananas
2014/10/27, 11:50 PM
اشتريت اريال داخلي بس الصورة زى الزفت حتى وانا مطلعه فى البلكونة . حد عندة اي حل ؟
عماد رياض
2014/10/28, 12:15 AM
يا اخى الفاضل ارفع الاريال فوق السطوح وبلاش يكون هناك اى عوائق فى محيط الاريال وعليك بلف الاريال شمال ويمين الى ان تحصل على اشارة عالية وثانيا يوجد تقريبا مقوما من اى محل الكترونيات ب 3 جنية بتركب مع الاريال للحصول على صورة جيدا
nananas
2014/10/28, 02:18 PM
للاسف مش حينفع اطلعة فوق السطوح :( انا حدور على المقاومة دى وربنا يسهل
ashraf4
2014/10/28, 02:52 PM
للاسف مش هيجبللك صوره حلوه حتي لو اشتريت المقاومه ليه
عشان لازم يترفع فوق السطح
محمد سيد محمود
2014/10/28, 04:04 PM
اشتريت اريال داخلي بس الصورة زى الزفت حتى وانا مطلعه فى البلكونة . حد عندة اي حل ؟

لو انت من محافظة القاهرة هات حوالى 4او5 متر سلك دش وتقشر طرفين حوالى 2سم من الطرفين وتخلى النحاس بيان منهم من الطرفين ودخل طرف فى مدخل rf اللى خلف التليفزيون ودخل طرف النحاس اللى قشرته والطرف الثانى تخرج السلك فى الهواء ويكون قشرت منه حتى والسلك النحاس باين منه وتعمل بحث على التلفيزيون وان شاء الله هتستقبل القنوات بصورة ممتازة بس افصل الرسيفر خالص عن التليفزيون والطريقة دى انا مجربها شخصيا وتعمل زى الفل
ولو انت من محافظة اخرى غير القاهرة ممكن تشترى اريالى خارجى وتركبه فوق السطوح وطبعا تلف الاريال يمين وشمال عشان تلقط صورة كويسة ودى صورة اريال خارجى

http://im59.gulfup.com/HVnFMs.jpg
بس جرب طريقة سلك الدش وان شاء الله تشتغل معاك اخى الكريم
بالتوفيق ان شاء الله
بيزوووووو
2014/10/28, 04:13 PM
بص يا غالى انا عامل حركة كدة عندى

وجايبة الارسال كويس جدا

هات حتة سلك صغيرة من بتاع الدش

وعرى طرف منة وركبة فى فتحة الاريال

جرب كدة شوف النتيجة بس هات حتة سلك كويسة

بالتوفيق
DmgRoxx
2014/10/28, 05:46 PM
خارج نطاق القاهره صعب تجيب صوره كويسه اوى بس لازم تطلعوا على السطح لان مهما كان البلكونه مفتووحه ففيه جزء الداخلى مش هيكون فيه اشاره اما فوق السطح فمفتوح من كل الاتجاهات
nananas
2014/10/31, 10:48 AM
اولا الف مليون شكر لاجدع ناس فى اجمد منتدى ربنا يكرمكم علي ردودكم الجميلة :)
انا جوا نطاق القاهرة و حجرب انشاءالله موضوع السلك :)
بيزوووووو
2014/10/31, 03:11 PM
اولا الف مليون شكر لاجدع ناس فى اجمد منتدى ربنا يكرمكم علي ردودكم الجميلة :)
انا جوا نطاق القاهرة و حجرب انشاءالله موضوع السلك :)

جرب ومستنى ردك ^^
محمد سيد محمود
2014/10/31, 03:59 PM
اولا الف مليون شكر لاجدع ناس فى اجمد منتدى ربنا يكرمكم علي ردودكم الجميلة :)
انا جوا نطاق القاهرة و حجرب انشاءالله موضوع السلك :)
جزاك الله كل خير اخى الكريم على كلامك الجميل واحنا هنا كلنا بنساعد بعض وان شاء الله طالما انت جوا القاهرة هتستقبل التليفزيون الارضى بدون مشكلة وبالتوفيق لك اخى الكريم