سؤال فني لخبراء التركيبات بالقسم

[see7a]

عندي سؤال وياريت جميع خبراء التركيبات بالمنتدى يشاركوا في الرد عليه ياترى ايه اكبر فرق في المدار يمكن وجوده في حال تركيب قمرين على طبق ثابت مع شرط جودة الاشارة على كلا القمرين؟؟؟؟؟ ولنفترض ان الطبق متر على سبيل المثال هل سيكون 20 درجة مدارية ؟؟؟؟ 25 درجة مدارية؟؟؟؟ ياريت الاخوة الخبراء يدلوا برأيهم في هذا الاستفسار والغرض في النهاية الافادة العامة لهواة او حتى محترفي التركيبات الاعضاء او حتى الزائرين ولو بالصدفة للمنتدى وشكرا

[عادل عامر]

التركيبة دى ممكن تفيدك فى الموضوع دة وهى للعملاق \احمد انور
http://im67.gulfup.com/cgYe4e.jpg (http://www.gulfup.com/?hZDHSU)

[shta123]

انت بتطرح سؤال عاوز تعرف فيه اكبر مدار بين قمرين ولا ايه القمرين اللى يركبو على طبق متر ويكون الفرق بينهم من 20 الى 25 درجه

[shta123]

بصراحه قدامك التركيبه واحثب الدرجات اللى انت عاوزه

تركيبه هايله

[see7a]

انت بتطرح سؤال عاوز تعرف فيه اكبر مدار بين قمرين ولا ايه القمرين اللى يركبو على طبق متر ويكون الفرق بينهم من 20 الى 25 درجه
لا يا غالي انا قصدي اكبر فرق ما بين قمرين من حيث المدار مع جودة استقبال القمرين ممكن يوصل لكام درجة

[see7a]

التركيبة دى ممكن تفيدك فى الموضوع دة وهى للعملاق \احمد انور
http://im67.gulfup.com/cgYe4e.jpg (http://www.gulfup.com/?hZDHSU)
يعني على كلام حضرتك يا استاذ عادل ممكن الفرق يوصل لقرب 50 درجة حسب الصورة ما مبينة ويمكن بعد ذلك انه-حسب الصورة- كمثال التلستار والهيلاس سات يشتغلوا مع بعض والاشارة تكون كويسة على القمر وبدون فقد لترددات على القمرين؟؟؟

[الحاج شريف]

يعني على كلام حضرتك يا استاذ عادل ممكن الفرق يوصل لقرب 50 درجة حسب الصورة ما مبينة ويمكن بعد ذلك انه-حسب الصورة- كمثال التلستار والهيلاس سات يشتغلوا مع بعض والاشارة تكون كويسة على القمر وبدون فقد لترددات على القمرين؟؟؟

بدون فقد ترددات علي القمرين لا أظن
لكن ممكن توصل الزاويه لكام بدون فقد كبير ده يتوقف علي قوه إشاره قمر المسطره
يعنى بالنسبه للنايلسات وعاموس والعربسات اللى هى أقمار المنطقه ممكن إستقبالها علي مسطره حتى لو كبرت الزاويه
لكن أقمار زى استرا و23 ، ثور ، هسبا واللى زيهم حتستقبل بعض الترددات علي مسطره
ولو حبيت تعرف بتتحسب إزاى أقول لحضرتك
أولا أول ما تستقبل قمر علي مسطره فإنت فقدت نص الطبق
يعنى لو طبق امتر تلاقيه أصبح 70 سم " مساحه الطبق 70 نص مساحه الطبق متر "
ثانيا إنت مش متوجه عمودى علي القمر فحسب الزاويه بين القمر السنتر والقمر علي المسطره
وهنا بتحسب مساحه الطبق مضروبه فى جيب تمام الزاويه فلو عرفت إن زاويه 45 جيب تمامها 0.7 وزاويه 30 جيب تمامها 0.86
يعنى الزوايا بين 0 ، 30 ممكن نتغاضى عن ميل الطبق علي قمر المسطره
لكن كلما زاد الميل الى 60 درجه مثلا فإنت بتفقد 50 % من إشاره المسطره
يعنى لو عندك طبق متر وقمر علي مسطره بزاويه 60 درجه فيعتبر القمر اللى ع المسطره كأنه علي طبق 50 سم فقط يعنى بيستقبل 25% من اللى بيستقبله الطبق متر لآنه زى ما انت عارف إحنا بنتعامل مع مساحات مش أقطار
بمعنى إنه لو القمر محتاج طبق متر لتستقبل كل تردداته وعايز تستقبله علي مسطره بزاويه 60 درجه فلازم يكون الطبق 4 متر ؟؟؟
لكن لو القمر محتاج طبق 70 سم وزاويه المسطره برضه 60 درجه فلازم يكون الطبق 2 متر
وهكذا
ولو تحب الحسابات فى جدول للفائده ممكن بشرط الإتفاق علي مبدأ الحساب زى ما شرحت
ولو حد عنده رأى آخر ياريت يتداخل ليثرى النقاش لأنه موضوع أعتقد أنه مهم للجميع
هذا ما عندى والله أعلم

[see7a]

يعني كمثال ممكن استقبال النايلسات والW2 مدار 16 شرقا مع استقبال اغلب ترددات القمرين مش كلها؟؟؟ يعني هل نقدر نقول نظريا على سبيل المثال ان اكبر بعد في المدار بين قمرين مع عمل اغلب ترددات القمرين يكون في حدود 20 حاجة وعشرين درجة مثلا؟؟؟؟؟؟

[hassanaboail]

متابعه ممتازه كل يوم نتعلم من منتدانا العملاق مصراوي سات مشكووووووووورين علي المجهودات الرائعه